Konfirmohet tragjedia, gjendet trupi i futbollistes shqiptare

Sport Ekspres — Tue, 02 Jul 2019 16:58:42 +0000

Pas tri ditësh kërkime trupi i futbollistes Florijana Ismaili është gjendur në thellësitë e liqenit të Komos. Tragjedia ndodhi ditën e shtunë kur mesfushorja e kombëtares së femrave të Zvicrës ishte nisur drejt liqenit të Komos bashkë me një mikeshë të saj, edhe ajo futbolliste. Shqiptarja nga Presheva kishte marrë një varke me qira.

Florijana është zhytur në ujërat e liqenit të famshëm, por nuk ka dalë më në sipërfaqe. Mikesha e tmerruar ka lajmëruar policinë, familjen dhe Federatën helvete, ndërsa ngjarja ka ndodhur rreth orës 16:30.

Një operacion i madh u krye për gjetjen e trupit të 24-vjeçares, madje është përdorur edhe një helikopter. Ismaili ishte pjesë e ekipit të femrave të Jang Bojs, ndërsa numëron 33 ndeshje me Zvicrën.

Zhduket shqiptarja e Zvicrës, mbytet në liqenin e Komos

Sport Ekspres — Sun, 30 Jun 2019 12:09:22 +0000

Florijana Ismaili do të mbushë 25 vjeç me datë 1 janar, përvjetor që ndoshta nuk do e festojë kurrë për fat të keq. Mesfushorja ofensive e kombëtares së femrave të Zvicrës ishte nisur drejt liqenit të Komos ditën e shtunë.

Bashkë me një mikeshë të saj, edhe ajo futbolliste, shqiptarja nga Presheva kishte marrë një varke me qira. Florijana është zhytur në ujërat e liqenit të famshëm, por nuk ka dalë më në sipërfaqe.

Mikesha e tmerruar ka lajmëruar policinë, familjen dhe Federatën helvete, ndërsa ngjarja ka ndodhur rreth orës 16:30 të ditës së shtunë. Një operacion i madh është kryer për gjetjen e vajzës, madje është përdorur edhe një helikopter.

Kërkimet nuk kanë dhënë rezultat dhe janë pezulluar me rënien e errësirës për të rinisur ditën e sotme. Mediat italiane kanë zbuluar identitetin e të zhdukurës. Ismaili është pjesë e ekipit të femrave të Jang Bojs, ndërsa numëron 33 ndeshje me Zvicrën.