KALIMI NGA “MMA” NË BOKS –“Vendosa të mos merresha me “MMA” për shkak të një operacioni që bëra në krah. Pas ndërhyrjes e kisha shumë të vështirë pjesën e kapjeve dhe të mundjes, nuk isha më si më parë. E dashuroj akoma atë sport, por s’mund kapja kundërshtarët si më parë”.

https://youtu.be/5AJCrRTljkw?t=951

TRANZICIONI – “E kam pasur të lehtë tranzicioni. Kam filluar të stërvitem që 12-vjeç si kikboksier dhe stili im ka qenë gjithmonë i fokusuar te pjesa e boksit. Do vazhdoj të luftoj në divizionin “welterweight” (66.7 kg). Jam pak i shkurtër për këtë divizion, por kjo më pëlqen pasi jam ndër ata boksierë që kërkoj të luftoj dhe jo të vrapoj nëpër ring”.

DUELI I FUNDIT – “Nuk ishte një duel i vështirë. Kundërshtari im vetëm po vraponte gjatë të gjithë raundeve. Gjithsesi jam i kënaqur me fitoren. Jam i ri në boksin profesionist, kam vetëm 9 muaj që kam filluar stërvitjen si boks. Kundërshtari po më nevrikoste me ngacmimet që po bënte, por e mbajta veten të qetë sepse e dija që do vinte momenti im”.

MBËSHTETJA NGA KOMUNITETI SHQIPTAR NË ANGLI  – “I jam shumë falënderues bashkëkombësve të mi. Pa ata kjo s’do ishte e mundur. Në debutimin tim në “York Hall” kishim rreth 1500 shqiptarë. Dueli im i radhës do të jetë në shtator. Mezi po e pres, pasi do të jetë sërish një duel në një platformë shumë të madhe”.

MENAXHERI STEVE GOODWIN – “Ai është menaxheri më i mirë në Angli për mendimin tim. Gjithçka po shkon mirë, s’mund të kërkoj më shumë. Ai po kujdeset për karrierën time, ndërsa po bëj timen duke dhënë maksimumin. Ai  e di që ne të dy do jemi shumë të suksesshëm së shpejti”.

“Ishte një duel shumë i çuditshëm. Më shumë duhet të stërvitesha për të vrapuar se për të bërë boks. S’po e kapja dot. E dija që në fillim. Kur ma prezantuan si kundërshtar e kuptova se do vinte për të vrapuar e jo për të luftuar me mua”.

“U mërzita shumë, pasi unë jam në këtë sport për të luftuar. Ai sapo provoi grushtet e mi të para filloi të zmbrapsej menjëherë. Gjithsesi gjithçka është në rregull e munda në raund të katërt. Faktikisht unë e dija që dueli do zgjaste 6 raunde, por kur erdhi raundi i katërt më than ky do jetë raundi i fundit, prandaj fillova të kërkoja nokautin. Po ta dija më përpara do bëhesha akoma më agresiv. Ky ishte dueli im i katërt”.

“Karriera ime ka filluar mirë. Dua të ndeshem me boksierë të mirë, s’dua të kem kundër boksierë të zakonshëm që vijnë vetëm për mbijetuar e për të marrë një çek me para. Tani nuk njihem nga publiku anglez, por në të ardhmen të gjithë do shikojnë se çfarë mund të bëj”.

“Në Shqipëri më njohin të gjithë. Kam pasur një karrierë me mbi 90 luftime në kikboks, por ndalova të merresha me atë sport për shkak të disa problemeve me duart e mia. Kam pasur dhe 7 duele në arteve marciale të kombinuara. U jam shumë mirënjohës mbështetësve të mi. Këtu në Londër të gjithë anglezët më përgëzojnë për faktin që kam shumë mbështetës këtu në Londër”.

A do ishte e drejtë të thosha që ju jeni Entoni Xhoshua i Shqipërisë për shkak të popullaritet tuaj?
“Jo aspak. Entoni Xhoshua është Entoni Xhoshua, unë jam Florian Marku (Qesh)“.

A ka ndonjë emër këtu në Angli që doni ta sfidoni ?
Dua të luftoj më të mirët. Kam dëgjuar disa emra, por kushdo që do të jetë do të ketë probleme të mëdha me mua. Do të jem më i miri në divizioni e peshës “welterweight” (67 kg). Më 20 shtator do ndeshem sërish, nuk kam kohë për pushime. Jam direkt për në palestër kam shumë për të punuar”.

https://twitter.com/dannyboyfrost/status/1150096522882801664?s=21

Marku ruan rekordin e pandërprerë të fitoreve me nokaut, ndërsa kjo ishte humbja e parë e Broadbent me nokaut.

Anglezi e filloi raundin e parë më mirë, por me fillomin e raundit e dytë Marku mori kontrollin e duelit dhe Broadbent filloi të zbraspsej. Gjatë duelit kishte momente ku boksierët më shumë po fyenin njëri-tjetrin, duke harruar grushtet.

Well-supported Albanian Florian Marku stopped Tommy Broadbent in round four of their Welterweight scrap. The former MMA star moves to 4-0 (4 KOs) ?? pic.twitter.com/BT1H7WD0UF

— Frank Warren (@FrankWarren) July 13, 2019

Vlen për t’u përmendur mbështetja e komunitetit shqiptar në Angli që krijoi një atmosferë elektrizuese gjatë duelit të 26-vjeçarit.

Ditën e shtunë 26-vjeçari do jetë pjesë e evenimentit të organizuar nga promotori më i njohur anglez, Frank Warren, në “O2 Arena”, Londër. Menaxheri i Markut, Steve Goodwin, ka folur për kundërshtarin e radhës të Markut dhe ka ndarë një premtim që atleti shqiptar i ka bërë për këtë duel.

“Florian Marku do të zhvillojë duelin e katërt të karrierës së tij si profesionist. Do të ndeshet me Tommy Broadbent, një boksier që ka një rekord pozitiv me 8 fitore e 4 humbje. Është një kundërshtar më i vështirë nga tre duelet e mëparshme”.

“Floriani më tha mua t’i gjeja një kundërshtar që do të vinte e ta luftonte dhe jo thjesht për të mbijetuar në ring. Ishte shumë i shqetësuar për këtë, donte një boksier të kalibrit pak më të lartë. Më tha pak ditë më parë, nëse kundërshtari do të vijë me të vërtetë për të fituar, do t’i japë maksimumi dy raunde”.

“Tommy është një boksier i mirë dhe do të jetë një test i vërtetë për Florian Markun. Tani ai kërkon të vihet kundër kundërshtarëve të mirë. Dëshiron që të tregojë se është një boksier cilësor. Më ka thënë se nëse nuk ia del të fitojë ndeshjet e radhës, do ta lërë fare boksin”.

Broadbent ka një rekord prej tetë fitoresh (2 me nokaut) dhe pesë humbjesh (asnjë me nokaut). Ky do të jetë dueli i katërt i Markut si boksier profesionist, në të tre duelet e mëparshme 26-vjeçari ka fituar me nokaut.

Fillimisht Marku ishte preforamuar të ndeshjen me anglezin Jake Best, por një javë më parë ky i fundit u tërhoq nga dueli pak javë më parë, çka detyroi promotorin e Markut, Steve Goodwin, të gjente një zëvendësues kur kanë mbetur vetëm shumë pak kohë nga dueli.

Marku është zhvendosur prej disa muajsh në Londër ku ka filluar karrierën si boksier profesionist. Dueli i shqiptarit është një ndër shumë dyluftimet e evenimentit të organizuar nga promotori më i madh në boksin anglez, Frank Warren. Dueli final i mbrëmjes do të jetë ai midis boksierëve të peshave të rënda Joy Joyce dhe Bryant Jennings.

E veçanta e këtij dueli është se zhvillohet në sallën gjigante “O2 Arena”, ku përballja e Markut do të jetë një ndër duelet që do i paraprijnë duelit të boksierëve të njohur anglezë, Nathan Gorman dhe Daniel Dubois.

Marku vendosi të fillonte karrierën si boksier profesionist në fund të vitit të kaluar. Prej gati një viti 26-vjeçari është vendosur me banim në Londër, dhe në tri duelet e tij të mëparshme ka regjistruar tri fitore, të gjitha me nokaut.

Mbështetja e komunitetit shqiptar në Angli ka qenë e admirueshme në dy duelet e zhvilluara në Londër.

Atleti shqiptar ka fituar ne nokaut tre duelet e tij të parë. Me një postim në “Instagram”, Marku ka njoftuar ndjekësit e tij se dueli i tij i radhës do të jetë në një ndër arenat më të mëdha në Londër: “O2 Arena”.

Marku stërvitet prej disa muajsh në Londër, ku ka kryer dy duele në “Bethnal Lane”, dhe në të dyja rastet mbështetja e komunitetit shqiptar në Angli ishte masive duke mos lënë asnjë biletë pa u shitur.

https://www.instagram.com/p/Bw2eW6rgC89/?utm_source=ig_web_copy_link

Bëhet fjalë për çekun Jan Marsalek, i cili ka një rekord prej tre fitoresh të gjitha me nokaut. Fillimisht ishte programuar që të ndeshej me britanik Robert Asagba, por ky i fundit njoftoi tërheqjen nga dueli për shkak të një dëmtimi të ndodhur disa ditë më parë.

I vetmi boksier që pranoi të ndeshej me Markun me vetëm një javë kohë ishte çeku Marsalek, i cili ka një “CV” shumë më të mirë se dy kundërshtarët e mëparshëm të Markut.

Me anë të një postimi në llogarinë  e tij në “Instagram”, Marku ka njoftuar të  gjithë fansat e tij mbi detajet e duelit dhe informacionin mbi biletat.

https://www.instagram.com/p/BwnWvWfgzl_/?utm_source=ig_web_copy_link

Vendndodhja e përballjes është në “York Hall”, Londër. Ky do të jetë dueli i tretë i Markut si boksier profesionist që prej debutimit të tij në këtë sport në dhjetor të vitit të kaluar.

Duhet përmendur se në ndryshim nga dy kundërshtarët e mëparshëm që Marku i mundi me nokaut në raundin e parë dhe të dytë, britaniku Asagba është i një niveli më të lartë dhe mund të thuhet se do të jetë një ndër test mëse i vërtetë për 26-vjeçarin shqiptar.

https://www.instagram.com/p/Bvtofw_gtsX/?utm_source=ig_web_copy_link

Kundërshtari duroi vetëm dy raunde në ring me Markun. Në raundin e parë boksieri sllovak u rrëzua dy herë në tokë , por ia doli të mbijetonte deri në raundin e dytë, ku bëri të njëjtën gjë çka detyroi gjyqtarin për t’i dhënë fund duelit duke i akorduar Markut një fitore me nokaut teknik.

After dropping Godor twice in round one & twice in round 2 the ref waves it off 1:01 of round 2. Marku is the winner #projectfear pic.twitter.com/7r2sfPmUjR

— Goodwin Boxing (@Goodwin_Boxing) March 23, 2019

Për t’u vlerësuar në këtë mbrëmje ishte dhe interesi i madh i treguar nga komuniteti shqiptar në Angli, që krijoi një atmosferë fantastike në mbështetje të boksierit, i cili që prej bokson në divizonin e peshës “welterweight” (deri në 66.6 kg). Ky ishte dueli i dytë i Markut si boksier profesionsit, pas ati të zhvilluar në maujin dhjetor, ku mundi me nokaut teknik që në raundin e parë serbin Nikola Janiçieviç.

https://www.instagram.com/p/BvXqFlHAoXF/?utm_source=ig_share_sheet&igshid=12m9kppgyt32n

Në përfundim të duelit, Marku falendori të pranishmit për mbështetjen dhe bëri të ditur se dueli i tij i radhës do të zhvillohet më datë 27 prill.

Tre muaj pas asaj përballje është bërë i ditur dhe kundërshtari i dytë i 26-vjeçarit. Bëhet fjalë për boksierin sllovak Ivan Godor. 39-vjeçari nuk pritet t’i hapë shumë probleme Markut, gjithsesi eksperienca e Godor nuk duhet nënvlerësuar.

Dueli do të zhvillohet të dielën më datë 23 mars në arenën “York Hall” në Londër dhe do të ketë gjithsej katër raunde.

Vrenozi bokson në peshën “super welterweight” dhe është shpallur disa herë kampion në rang kombëtar, ndërsa prej disa vitesh stërvitet në Itali.

Vrenozi takes it 59-56 and moves to 13-2 #boxing #daretodream pic.twitter.com/BLV9EyLcp9

— Goodwin Boxing (@Goodwin_Boxing) March 9, 2019

Ndër spektaktorët e këtij takimi ishte dhe Florian Marku, i cili para pak muajsh u dorëhoq nga artet marciale të kombinuara për të filluar një karrierë të re në boks.

Në përfundim të ndeshjes Marku deklaroi se objektivi i tij është të arrijë në “UFC”, atje ku është dhe maja e sportit të arteve marciale të kombinuara. Ndeshja u zhvillua në pallatin e sportit “Bill Clinton”, Ferizaj.

Pasi zhvilloi me datë 8 qershor ndeshjen e parë në Shqipëri në pallatin e sportit “Asllan Rusi” në Tiranë, ku fitoi përballë serbit Dragishiç, Florian Marku do të përballet për herë të parë dhe para fansave kosovarë.

“Luftëtari” shqiptar garon në kategorinë MMA (Artet Marciale të Kombinuara), ku numëron tre fitore në po kaq duele. Kundërshtari i tij numëron 19 ndeshje në kategorinë MMA, ku ka 8 fitore dhe 11 humbje.

Biletat do të dalin në shitje së shpejti, ndërsa pjesë e evenimentit do të jetë dhe këngëtari i njohur, Noizy, i cili do të përformojë para sfidës. Florian Marku ka dhënë lajmin në faqen e tij zyrtare në rrjetet sociale, ku shkruan për përballjen e radhës.

“5 Tetor, Ferizaj Kosovë!!! Pas tërheqjes së rusit, kundërshtari im do të jetë rumuni Vranceanu Ion. Ju pres të gjithëve të më përkrahni në një mbrëmje të madhe. Le ta kthejmë në festë. Biletat dalin së shpejti në shitje! Si gjithmonë prezent Noizy, i cili vazhdon të më përkrahë në hyrjet e mia në Kafaz!!! Po stërvitem fort e më fort çdo ditë të jap më të mirën time për të arritur aty ku dua!!!”, komenton boksieri 25-vjeçar.

Ndeshja do të transmetohet “live” në Digitalb, ndërsa çmimet e biletave do të jenë: 25 euro tribuna dhe 100 euro në sektorin VIP. Floriani po zhvillon fazën përgatitore në Suedi me “luftëtarë” të UFC si Ilir Latifi, Hektor Lombard, Aleks Themauler.