Florian Kamberi https://sportekspres.com Gazeta Sport Ekspres, gjithçka online Sun, 16 Jun 2019 15:52:50 +0000 en-US hourly 1 https://wordpress.org/?v=6.9 https://sportekspres.com/wp-content/uploads/2019/08/cropped-logo-32x32.png Florian Kamberi https://sportekspres.com 32 32 Osijeku në sulm për sulmuesin shqiptar, në Skoci duan 1 milionë paundë https://sportekspres.com/osijeku-ne-sulm-per-sulmuesin-shqiptar-ne-skoci-duan-1-milione-paunde/ https://sportekspres.com/osijeku-ne-sulm-per-sulmuesin-shqiptar-ne-skoci-duan-1-milione-paunde/#respond Sun, 16 Jun 2019 15:40:01 +0000 http://sportekspres.com/?p=274114 Sulmuesi shqiptar Florian Kamberi mbylli një sezon të kënaqshëm në Skoci. Futbollisti është pjesë e skuadrës së Hibernian prej dy sezonesh. Në edicioni që lamë pas të Premier Ligës skoceze, Kamberi shënoi tetë gola dhe regjistroi 5 asiste në 33 aktivizime.

Gjatë ditëve të fundit, mediet skoceze kanë folur gjithnjë e më shumë për një interes të kroatëve të Osijek për 24-vjeçarin. Në një prononcim për “The Scottish Sun”, traneri i Hibernian Pol Hekinbotom shpjegoi situatën e sulmuesit: “Çdo lojtar e ka një çmim, kjo dihet. Megjithatë, Floriani është pjesë e skuadrës sonë dhe ne s’jemi të detyruar të shesim lojtarë. Klubi ndodhet në një situatë të mirë financiare. Nuk kemi në plan të shesim ndokënd”.

Kontrata e Kamberit me Hibernian është e vlefshme për dy sezone të tjera. Sipas “The Scottish Sun”, drejtuesit e klubit skocez do të pranonin ta shisnin 24-vjeçarin nëse në zyrat e tyre vjen një çek që e kalon vlerën e 1 milionë paundëve.

]]> https://sportekspres.com/osijeku-ne-sulm-per-sulmuesin-shqiptar-ne-skoci-duan-1-milione-paunde/feed/ 0 Grezda pushim, një shqiptar “vret” kampionatin në Skoci https://sportekspres.com/grezda-pushim-nje-shqiptar-vret-kampionatin-ne-skoci/ https://sportekspres.com/grezda-pushim-nje-shqiptar-vret-kampionatin-ne-skoci/#respond Fri, 08 Mar 2019 22:27:44 +0000 http://sportekspres.com/?p=245402 Gllazgou Rejnxhërs nuk shkoi dot më shumë se një barazim 1 –  1 në transfertën ndaj Hibernian. Skuadra e drejtuar nga Stivën Xherard zhbllokoi e para takimin, ndërsa rezultati u barazua falë golit të sulmuesit me origjinë shqiptare të Hibernian, Florian Kamberi.

Goli i sotëm e çon Kamberin në kuotën e tetë golave në Premier Ligën skoceze, ndërsa duhet përmendur se sot ishte një ditë e veçantë për sulmuesin, pasi përveç golit festoi dhe  ditëlindjen e 24-të.

Humbja e sotme shuan edhe shpresën më të vogël që i kishte ngelur Rejxhërsit për titullin kampion, pasi tani rivalët e Selltik kanë shansin ideal për të çuar diferencën në 10 pikë në rast fitoreje në ndeshjen kundër Aberdenit të vendit të tretë.

Në këtë takim nuk ishe i pranishëm Eros Grezda. Sulmuesi i kombëtares shqiptare pësoi një dëmtim në këmbë gjatë fazës përgatitore dhe i duhen ende disa javë për ta marrë veten.

 

 

 

Standings provided by Sofascore LiveScore

]]> https://sportekspres.com/grezda-pushim-nje-shqiptar-vret-kampionatin-ne-skoci/feed/ 0 Ndodh gjithçka në derbin skocez: Goditet trajneri me monedhë, grushta portierit! https://sportekspres.com/ndodh-gjithcka-ne-derbin-skocez-goditet-trajneri-me-monedhe-grushta-portierit/ https://sportekspres.com/ndodh-gjithcka-ne-derbin-skocez-goditet-trajneri-me-monedhe-grushta-portierit/#respond Thu, 01 Nov 2018 16:50:49 +0000 http://sportekspres.com/?p=208661 Gjatë ditës së djeshme u zhvillua një nga derbet më të fortë të futbollit skocez. Ai Sëlltik-Rejnxhërs është një histori më vete, por dhe ai mes Hartsit dhe Hibernianit është një derbi emocionues.

Ndeshja përfundoi në barazim pa gola, por i kishte të gjitha. Gol i anuluar, karton i kuq (Hibernians), një lojtar i goditur me grushte dhe trajneri i goditur dhe gjakosur nga një… monedhë!

Trajneri Lenon i shtrirë në tokë

Gjithçka shpërtheu pas golit të anuluar për vendasit e Harts, të cilët kryesojnë kampionatin skocez me katër pikë dhe një ndeshje më shumë se Sëlltiku. Harts gjeti golin dhe stadiumi shpërtheu në festë, por anësori e anuloi për pozicion jashtë lojë. Ndërkohë që të gjithë po festonin te Hartsi dhe nuk e kishin kuptuar akoma që goli ishte i parregullt, trajneri i miqve, Neil Lenon shpërthen në festë dhe kthehet drejt tifozëve vendas, duke iu bërë me shenjë që goli ishte anuluar dhe po festonin kot.

Tifozët e Hartsiti nuk e pritën mirë një gjë të tillë dhe reagojnë në mënyrë të ekzagjeruar. Fishkëllima, ofendime dhe një goditje me monedhë, që godet Lenon, duke e rrëzuar në tokë. Trajneri i Hibernians qëndron i shtrirë dhe ndërhyrja e stafeve mjekësore ishte e domosdoshme.

Por, nuk mbyllet me kaq. Tifozët miq kërkojnë “hakmarrje” dhe një prej tyre vendos të bëjë drejtësi në stilin e tij, duke goditur me grusht portierin e Harts, Zdenek Zlamal. Nervozizëm dhe rrëmujë në stadium, ndërkohë që një gjë e tillë kalon dhe në fushën e blertë. Lojtari i Hibernians me origjinë shqiptare, Florian Kamberi nuk përmbahet dhe ndëshkohet me kartonin e dytë të verdhë, duke lënë ekipin me një lojtar më pak në 25 minutat e fundit të derbit.

]]> https://sportekspres.com/ndodh-gjithcka-ne-derbin-skocez-goditet-trajneri-me-monedhe-grushta-portierit/feed/ 0