Miqësoret e verës kanë qenë shumë negative. Edhe pse jo ndeshje zyrtare, mediet spanjolle hedhin “shashkën” e këtyre ditëve. Perez nuk e sheh aspak mirë skuadrën dhe menaxhimin që po bën Zidan. E gjithë kjo e turbullon mendjen e presidentit.

Rrugët e zgjidhjes së kësaj vorbulle në Madrid kalojnë nga Zhoze Murinjo. Portugezi është i papunë prej kohësh dhe po pret ofertë nga një prej gjigantëve të Evropës. Tekniku gëzon një marrëdhënie shumë të mirë me presidentin madrilen dhe rikthimi i tij në drejtim të Realit nuk është diçka abstrakte.

Rreth kësaj situate ka folur edhe Roman Kalderon për “Sky Sport”. Ish-presidenti i “Los Blancos” gjatë viteve 2006-2009 analizon momentin e Bejl dhe mendimet ndryshe të Zidan dhe presidentit Perez.

“Askush nuk e di se çdo të bëhet me të, por është e sigurt që trajneri dhe presidenti mendojnë ndryshe. Uellsiani ishte goditja më e mirë e Florentinos dhe ai nuk dëshiron ta pranojë se ka gabuar, duke menduar se Bejl do të bëhej lideri i Realit pas largimit të Ronaldos.

Zidan dëshironte qëndrimin e Ronaldos dhe shitjen e Bejl. Ky i fundit nuk ka patur fat me dëmtimet. Nuk mësoi as gjuhën spanjolle gjatë kësaj periudhe dhe diçka e tillë i hoqi mundësinë për t’u lidhur edhe më shumë me tifozët.”

“Marca” ka raportuar se drejtuesit madrilenë kanë vendosur të veprojnë njësoj si me çështjen Ronaldo, ku në rast se vjen një ofertë e kënaqshme do ta lenë mbrojtësin të largohet. Ndërkohë, “Cardena Ser” shkon edhe më tej, teksa zbulon një pjesë të debatit të Ramos me presidentin Perez.

El Madrid hará con Ramos lo mismo que con Cristiano: si trae una oferta, le dejará salir https://t.co/5mKHKrWsBC Una información de @jfelixdiaz

— MARCA (@marca) May 28, 2019

Gjithashtu edhe “El Larguero” e ka konfirmuar diçka të tillë, ku thuhet se presidenti Florentino Perez i është drejtuar Ramos me fjalët: “Si e mendon se do të ikësh me parametra zero? Nëse ti largohesh më duhet të blej një mbrojtës të kalibrit të lartë, që do të më kushtojë jo pak…”

?? Informa @ellarguero

Extracto de la charla entre Florentino y Ramos

– “¿Cómo te vas a ir gratis? Si te vas tengo que salir a fichar un central, y no será barato….”

– “También dijiste que ibas a fichar un recambio de Cristiano, no lo has fichado y nos la hemos pegado” pic.twitter.com/5UKZEJS1BZ

— El Larguero (@ellarguero) May 28, 2019

Nga ana tjetër, kapiteni i madrilenëve nuk është kursyer aspak dhe i është drejtuar presidentit: “Të njëjtën gjë the dhe për Ronaldon, që do të merrje një zëvendësues. Nuk e bërë diçka të tillë dhe e paguam rëndë çmimin…”

“Ka vite që e kërkojmë Hazard, shpresoj që ky të jetë i duhuri. Kam besim se do e transferojmë në Madrid. Eden është një nga futbollistët më të mirë që kanë mbetur.”

Kreu i Realit rikthehet të flasë për Kristiano Ronaldon. Perez zbulon shkakun e vërtetë të largimit të portugezit drejt Juves dhe e cilëson atë si blerjen më të mirë. Më pas Sergio Ramos.

Kapiteni ka një ofertë të parefuzueshme nga Kina dhe kërkon të lihet i lirë. Perez nuk pranon dhe e shpjegon në këtë mënyrë logjikën e tij.

“Ronaldo? Nuk u largua për shkak të problemeve me taksat. Ai dëshironte të ndryshonte dhe të provonte sfida të reja. Ronaldo ishte ekzemplar, padyshim blerja ime më e mirë që kam bërë ndonjëherë.

E takova Sergio Ramosin, ishte bashkë me agjentët e tij. Më kërkoi ta lija të lirë, pasi transferimet në Kinë janë shumë të komplikuara. Mund të bisedoj me të për këtë temë, por nuk mund ta lejoj të largohet falas. Reali nuk e shet falas kapitenin e vet, do të ishte një precedent i tmerrshëm”, përfundon Florentino Perez.

Një ofertë e parefuzueshme i ka ardhur nga futbolli aziatik dhe qendërmbrojtësi nuk ka ndërmend ta humbasë këtë rast.

Sipas raportimeve të programit “Jugones”, Ramos është treguar i drejtpërdrejtë me presidentin e Realit. Ai ka marrë pjesë në një takim me Florentino Perez, aty ku nuk mungonin edhe vëllai i tij, i cili është edhe agjenti i Sergios, dhe avokati.

“Më jep letrat”, i është drejtuar lideri i ekipit kreut të klubit, ndërsa ky i fundit ka mbetur i befasuar nga kjo kërkesë. “Nuk mund të largohesh, Reali nuk mund të humbasë kapitenin”, është përgjigjur Perez.

Raporti mes të dyve është krisur në mars, pasi Reali u eliminua nga Ajaksi në Champions. Perez shpërtheu në dhomat e zhveshjes. Kritikat pafund për lojtarët u shoqëruan me ngritje zëri dhe ofendime, ndërsa lojtari andaluzian i doli në mbrojtje ekipit dhe shokëve të tij.

Kontrata me Çelsin i përfundon në verën e vitit 2020. Rinovimi nuk ka shanse të ndodhë dhe drejtuesit e klubit anglez janë të detyruar që ta shesin “yllin” e tyre, për të mos e humbur me parametra zero.

Sipas raportimeve të “The Sun”, Çelsi do e lejë të lirë fantazistin për shumën e 100 milionë sterlinave (rreth 116 milionë euro). 28-vjeçarin e pret një kontratë faranike. Presidenti Perez është gati t’i ofrojë 400 mijë sterlina në javë, ose ndryshe 24 milionë sterlina në vit!

Pamjet janë mbresëlënëse, me kohëzgjatjen e punimeve që priten të jenë të paktën 3 vite e gjysmë. Për rikonstruksionin do të shpenzohen më shumë se 500 milionë euro. Përpara se të prezantonte videon, Perez mbajti dhe një fjalim, ku u shpreh:

? Bienvenidos a la nueva casa de todos los madridistas
? El Real Madrid presentó “el gran estadio digital del futuro” pic.twitter.com/04wvqFqa6Q

— AS (@diarioas) April 2, 2019

“Ky është vendi që është admiruar për 117 vite. Akoma ëndërrojmë ta bëjmë Realin një ndër klubet më të admiruara në Botë. Ky klub i përket të gjithë madrilenëve dhe nuk menaxhohet për të përfituar. Në bazë të këtyre parimeve dhe vlerave kemi punuar deri më sot pa u lodhur. Ky stadium do të jetë një ikonë për klubin dhe qytetin”, përfundoi Perez.

Klubi “Los Blancos”, vjen pas një sezoni krejtësisht të dështuar dhe rikthimi i Zidan në pankinë, ka rikthyer disi besimin për sezonin e ardhshëm. Florentino Perez pritet të zbrazë xhepat dhe të plotësojë dëshirat e trajnerit, ku janë disa emra që janë spekuluar si objektiva të Realit.
Një e dhënë tjetër vjen në lidhje me merkaton e madrilenëve, teksa prestigjiozja “L’Equipe”, ka në faqen e parë ditën e sotme, lajmin se klubi nga “Santiago Bernabeu”, do të shpenzojë të paktën 500 milionë euro për merkaton.
Eden Hazard, Kilian Mbape si dhe Pol Pogba janë emrat kryesorë që lidhen me galaktikët, por nuk mbeten pas edhe emra të tjerë si Ndombele apo dhe Eriksen. Vera me sa duket do të jetë e gjatë në Madrid…

Klubi spanjoll pritet të bëjë një merkato të madhe në verë: blerje dhe shitje. Presidenti Perez po përgatit planin e veprimit me trajnerin e tij për rindërtimin e një Reali cilësor, kompetitiv e mbi të gjitha fitues.

Objektivat kryesorë mbeten Eden Hazard i Çelsit dhe Kristian Eriksen i Totenhemit. Pol Pogba dhe Kilian Mbape janë ëndrrat e mëdha. Francezi i PSG-së ka dhënë sinjale pozitive kohët e fundit dhe në Madrid po fillojnë e besojnë se ai do të jetë goditja e madhe e Perezit.

Nëse nuk vjen, atëherë Herri Kejn vazhdon të mbetet alternativa e dytë për majën e sulmit. Në mbrojtje ka ardhur Eder Militao nga Porto, një mbrojtës potent e plot kualitet.

Kalojmë te largimet. Marselo është një hap larg transferimit te Juventusi, por rikthimi i Zidanit rrit shanset e qëndrimit të lojtarit në Madrid. Megjithatë, i riu Reguilon, lojtar i dalë nga akademia e klubit, vazhdon të qëndrojë përpara brazilianit në hierarkinë e ekipit.

Me valixhe në duar është edhe Isko. Trajneri e pëlqen shumë dhe e riktheu titullar kundër Seltës. Fantazisti reagoi mirë dhe shënoi, por vështirë që klubi do ia falë ngjarjet e ndodhura gjatë sezonit, kështu që edhe Isko mund të përfundojë te Juventusi.

Bejl nuk është më thelbësor për ekipin, është 30 vjeç dhe klubi mund të përfitojë ekonomikisht nga shitja e tij. Uellsiani pritet të rikthehet në Premier Ligë, mndërsa nuk përjashtohet as largimi i Kejlor Navas.

Portieri pëlqehet shumë nga Zidan, por ai vazhdon të mbetet rezerva e Tibo Kurtua. Reali po mendon edhe huazimin e Mariano Diaz. Ky i fundit u mendua se do të ishte zëvendësuesi i Ronaldos, por sulmuesi pësoi shumë dëmtime dhe ndalesa gjatë sezonit, çka ndikuan në performanca e tij. Të tjerë që priten të largohen janë dhe treshja: Lorente, Valverde dhe Kebajos.

Lajmi është bërë publikuar nga gazetari i medies spanjolle “La Sexta”, më konkretisht nga gazetari i njohur Hoze Pedrerol, i cili është dhe një mik i ngushtë i presidenti të “Los Blancos”, Florentino Perez.

Vendimi do të marrë formë zyrtare pas mbledhjes së kryesisë së Real Madrid ditën e sotme në orën 6 të pasdites.

#ÚLTIMAHORA | Exclusiva Jugones: Zinedine Zidane volverá a ser el entrenador del Real Madrid https://t.co/V6BkOKzUN6

— laSexta Noticias (@sextaNoticias) March 11, 2019

Raportet e trajnerit me disa nga lojtarët janë si mos më keq dhe nuk duket se mund të ketë përmirësim të situatës.

Sipas “The Sun”, së shpejti klubi i Real Madrid pritet të dalë me një komunikatë zyrtare ku të njoftojë shkarkimin  e trajnerit dhe zëvendësimin  e tij me Roberto Karlos.

Ish-legjenda e Real Madrid do të jetë një trajneri i përkohshëm dhe pritet të firmosë një kontratë deri në fund të sezonit. Braziliani shërbejë për të normalizuar ambientin e tensionuar që ekziston prej muajsh te Real Madrid.

Gjithsesi, pavarësisht karrierës së madhe si lojtar, duhet thënë se Karlos ka zhgënjyer si trajner, ku pasur dy eksperienca të shkurtra në Turqi dhe Indi.

Kreu i klubit spanjoll kërkon një dorë të hekurt në drejtim, i aftë për të vendosur rregull në ekip. Eliminimi kundër Ajaksit solli kritika të shumta, madje nuk mungoi dhe “përplasja” mes Perezit dhe Sergio Ramos. Ekipi është në anën e kapitenit dhe askush nuk e pret me entuziazëm idenë e rikthimit të Murinjos.

Portugezi nuk ka lënë raporte të mira me senatorët pas largimit të tij në vitin 2013, ndërsa dhe tifozët nuk janë shumë të bindur për një rikthim të tij. Kundër është dhe Hoze Angel Sançez, drejtori i përgjithshëm sportiv. Perezi insiston dhe dëshiron t’ia dhurojë portugezit drejtimin e ekipit, por ai është i vetmi që adhuron trajnerin e famshëm.

Humbja e thellë përballë “Harkëtarëve” ka sjellë debate të forta në dhomat e zhveshjes. Siç raporton “AS”, Florentino Perez ka qenë tepër i acaruar në fund të ndeshjes. Presidenti ka zbritur në dhomat e zhveshjes dhe ka qortuar lojtarët për ndeshjen e zhvilluar. Toni i zërit ka ardhur në ngritje dhe Perez ka akuzuar për mungesë përkushtimi, tejkalim të ditëve pushim dhe e ka cilësuar situatën si të turpshme.

I pranishëm ka qenë dhe Sergio Ramos, i cili u vetëpezullua për këtë ndeshje. Kapiteni ka dalë në mbrojtje të ekipit dhe ka sulmuar ashpër presidentin. Mbrojtësi ka akuzuar Perezin dhe bashkëpunëtorët e tij si fajtorë të sezonit katastrofik.

“Më paguaj dhe largohem”, është shprehur Ramos kundrejt presidentit të tij. Ky i fundit është larguar drejt zyrës së tij, aty ku ka qëndruar deri në orët e vona. Perez ka diskutuar me stafin e tij mundësinë e rikthimit të Zhoze Murinjos në stol, por nuk është nxituar, sepse një pjesë e lojtarëve (me Ramosin në krye) janë kundër rikthimit të trajnerit portugez.

“Los Blancos” shkatërruan gjithçka brenda pak ditëve. Tre humbje rresht në “Santiago Bernabeu”: 0-3 dhe 0-1 kundër Barcelonës mes Kupës së Mbretit dhe kampionatit dhe 1-4 kundër Ajaksit.

Një statistikë shumë negative për Realin e Madridit. Siç raportojnë mediat e vendit iberik, Florentino Perez ka bërë një telefonatë me Zinedin Zidan. Francezit i është kërkuar rikthimi në stol, madje që në ndeshjen e radhës në kampionat kundër Vajadolidit.

Zidan ka pranuar në parim rikthimin te Reali, por për sezonin e ri. Trajneri ka mohuar mundësinë e rikthimit të menjëhershëm. Tashmë pritet se çfarë do të ndodhë në verë, pasi në garë për stolin e Realit janë dhe emra si: Hoakim Lëv, Maks Alegri, Mauricio Poçetino dhe Zhoze Murinjo.

“Los Blancos” do të zhvillojnë nesër në mbrëmje sfidën e kthimit kundër Ajaksit. Ndeshja e parë e zhvilluar në Holandë është fituar me rezultatin 2-1 dhe djemtë e Solarit janë me një këmbë në çerekfinalet e Champions Ligës. Sipas raportimeve të spanjolles “AS”, tre janë kandidaturat kryesore për t’u ulur në stolin e Realit të Madridit: italiani Alegri, gjermani Lëv dhe argjentinasi Poçetino.

Trajneri i Juventusit mund të vendosë të provojë një aventurë jashtë Italisë në fund të sezonit dhe ku ka më bukur se të transferohesh në Madrid. Perez e vlerëson shumë si trajner dhe e cilëson si fitues, por i preferuari i tij mbetet trajneri i kombëtares gjermane.

Hoakim Lëv ka fituar kupën e Botës në vitin 2014 dhe është tipi i trajnerit që preferon presidenti i Realit. Elegant, i sukseshëm dhe i sofistikuar në medotën e punës dhe stilin e tij.

Nuk mbetet pas as Mauricio Poçetino, por problemi i tij i madh është fakti që Totenhemi nuk preferon të heqë dorë nga ai dhe kërkon shumë miliona për ta lënë të lirë .

Në krahun tjetër, Reali ishte mediokër në aspektin sulmues, duke mos konkretizuar rastet e krijuara dhe duke konfirmuar se largimi i Kristiano Ronaldos ishte një gabim i rëndë. Nuk është vetëm çështja Ronaldo, sepse gjithçka është bërë gabim këtë sezon dhe tashmë tifozët e kanë humbur durimin.

Në shënjestër është presidenti Florentino Perez, që ka shpenzuar miliona për të rinj që nuk dihet a do bëhen ndonjëherë yje të denjë për Realin, por nuk erdhi askush për të zëvendësuar Ronaldon. “Perez fuera” gjëmonte jashtë Bernabeut, por nuk mbaron me kaq, sepse tashmë tifozët i kanë bërë dalje edhe Geret Bejlit, objekt misterioz dhe kurrë pjesë e vërtetë e Realit.

Edhe trajneri Santiago Solari është tashmë një “ish” për tifozët, të tërbuar me trajtimin ndaj Iskos, ndërkohë që sa vijnë e shtohen zërat që duan rikthimin e Zhoze Murinjos në Madrid. Në një klub kaotik, vetëm një si ai mund të vendosë rregull.

“Nëse ka një gjë që më bën të çmendem, është kur lojtarët duan t’i bëjnë vetë të gjitha. Si në rastet kur një lojtar duhet ta pasojë medoemos topin dhe nuk e bën këtë gjë. E kam paguar shtrenjtë këtë bindje timen. Te Real Madrid, gjëja që nisi krisjet e para midis meje dhe Florentino Perezit ishte kur nxora nga fusha Gareth Bejlin në një ndeshje kundër Valencias (Reali humbi 2 –  1)”.

“Ai kishe një rast të shkëlqyer ku duhej ta pasonte topin te Benzema që ishte me portë bosh dhe pa mbrojtës. Nëse do t’ia jepte topin Benzema do shtynte topin dhe ne do shënonim. Bejl në vend që të bënte këtë gjuajti vit. Më pas unë e zëvendësova dhe ai moment ishte fillimi i fundit të qëndrimi tim te Reali”, tha Ançeloti.

Florentino Perez, duket gati të bëjë një çmenduri për të arritur te Dibala, teksa përveç kartonit të Iskos, thuhet të ofrojë në pjatë për drejtuesit e Juventusit edhe 60 milionë euro. Sipas asaj që raportohet nga “Don Ballon”, numri një i klubit madrilen, duket i vendosur për ta marrë “La Yoyan” në Madrid.

Ndërkohë, Isko është prej kohësh në radarët e ekipit torinez dhe kjo duket një mundësi mjaft e mirë për të siguruar shërbimet e 26-vjeçarit. Vlera e mesfushorit ka rënë shumë së fundi, ku kartoni i tij vlerësohet rreth 40 milionë euro. Në rast se një transferim i tillë ndodh, do të ishte padyshim një ndër lëvizjet më të bujshme në merkato.

Gjermani po drejton klubin kinez të Dalian Jifang, ndërsa është aktivizuar me “Los Blancos” gjatë sezoneve ‘88-‘90 dhe si trajner në sezonin 2007-2008. Shuster zbulon bisedën me presidentin e Realit për “Welt” dhe beson fort që trajneri i ri i Realit do të jetë Hoakim Lëv, trajneri i kombëtares gjermane.

“Kur i dhashë Florentino Perezit emrin e Hoakim Lëv, ai më vështroi në mënyrë të çuditshme. U duk sikur e kapa mat dhe ia zbulova sekretin dhe dëshirën. Kjo është arsyeja pse e shoh Lëvin në pankinën e Realit të Madridit në të ardhmen”, përfundon Bernhard Shuster.

Rreth kësaj çështje ka folur dhe Ramon Kalderon, ish-presidenti i Realit gjatë viteve 2006-2009. Kalderon zbulon të vërtetën e largimit të trajnerit francez, i cili dëshironte largimin e Garet Bejl dhe jo të Ronaldos.

“Zidan dëshironte të mbante Kristiano Ronaldon në ekip dhe shitjen e Garet Bejl, ndërsa Florentino Perez bëri të kundërtën. Presidenti nuk e dëgjoi trajnerin, i cili vendosi të largohej”, zbulon Ramon Kalderon.

Krahas ekipit të futbollit, sivjet kanë shkëlqyer dhe djemtë e basketbollit, të cilët u shpallën kampionë europe, duke fituar përballë Fenerbahçes me rezultatin 85-80 në finalen e “EuroLeague” dhe dërguar kupën në Madrid për herë të dhjetë.

Florentino Perez, presidenti i klubit ka bërë një urim për rastin e Krishtlindjes, ku nënvizon dhe rekordin historik të klubit të tij.

“Për herë të parë në 116 vite histori të klubit dhe për herë të parë absolute në historinë e sportit, Reali i Madridit është kampion Europe si në futboll, ashtu dhe në basketboll. Gëzuar Krishtlindjen dhe kalofshi festa të gëzuara. Hala Madrid”, komenton Perez në foton e postuar ku janë bashkë lojtarë të ekipit të futbollit dhe basketbollit.

 

View this post on Instagram

 

??? #HalaMadrid Merry Christmas! | ¡Feliz Navidad! – Florentino Pérez: “For the first time in our 116 years of history and for the first time in the history of sports, Real Madrid are European champions in football and basketball in the same season.” – Florentino Pérez: “Por primera vez en nuestros 116 años de historia y por primera vez en la historia del deporte, el Real Madrid ha sido campeón de Europa en fútbol y en baloncesto en una misma temporada.” – ? @RealMadrid ? @RealMadridBasket

A post shared by Real Madrid C.F. (@realmadrid) on Dec 24, 2018 at 6:01am PST

Florentino Perez ka mbetur i lidhur me Murinjon dhe tashmë e ka rrugën e lirë për të arritur akordin e dytë me të. Kreu i Realit nuk po arrin të gjejë një trajner të madh për klubin e tij, që për momentin drejtohet nga Santiago Solari.

Predrag Mijatoviç, ish-sulmuesi i Realit, ka folur për “Cadena Ser”, duke shpjeguar mundësitë e kalimit të Murinjos në kryeqytetin spanjoll. Malazezi ishte pjesë e komentatorëve të ndeshjes së Realit kundër Kashimës në Botërorin e klube, nga ku bëri deklaratën e fortë.

“Unë nuk e di në përqindje, por ka shumë mundësi të ndodhë kjo që po them. E di që Florentino Perez e adhuron Murinjon dhe mendoj se çdo herë që ndërron ndonjë trajner, i pari që i vjen në mendje për ta ulur në stol është portugezi. Ka shumë mundësi që Murinjo të rikthehet te Reali i Madridit”, përfundon Predrag Mijatoviç, i cili ishte heroi i Realit me golin e shënuar kundër Juventusit në finalen e Champions Ligës së vitit 1998.

“

Gjiganti suedez ka dhënë një përgjigje të shkurtër për “Fox Sports Asia” dhe diçka e tillë do të shkaktojë polemika. Sulmuesi i Los Anxhelos Galaksi ka bërë të qartë ndikimin e fortë të Realit të Madridit në çmimin prestigjioz.

“Tani e kemi të qartë që ka qenë Florentino Perez ai, i cili ka rivalizuar me Leo Mesin për ‘Topin e Artë’, jo Kristiano Ronaldo”, komenton Ibrahimoviç, i cili nuk nguron t’i qiajë si vendime “politike” dhe 5 “Topat e Artë” të fituar nga Kristiano Ronaldo, po aq sa ka dhe Leo Mesi.

Mes të dyve nuk ka patur kurrë simpati, por Ibra nuk ka as për Luka Modriç. As kroati dhe as portugezi i Juves nuk ishin pjesë e formacionit më të mirë të suedezit, i cili me shumë siguri mendon që “Topin e Artë” duhet t’ia jepnin vetëm dikujt: Zllatanit…

Ai dëshiron të rikthejë Zhoze Murinjon në Madrid dhe e sheh portugezin si njeriun e duhur për të rikthyer ekipin në “shinat” e duhura. Siç citon “OKDIARIO”, Murinjo mund të rikthehet te Reali si trajner i parë dhe ndihmësi i tij do të jetë Ksabi Alonso. “Për sezonin e ardhshëm, plani është rikthimi i Murinjos, me Ksabi Alonson si ndihmës të tij”, shkruan portali spanjoll.

Ish-mesfushori, i cili ka një lidhje të fortë me trajnerin e Junajtid, ka nisur karrierën si trajner, ndërsa Perez dëshiron ta shohë afër Murinjos. Pak a shumë si në rastin e Zinedin Zidan, i cili punoi si ndihmës i Ançelotit për të marrë pastaj drejtimin e Realit dhe për të shkruar historinë me fitimin e 3 Champions-ëve rresht.

Perez ka arritur marrëveshjen me kompaninë “Legends”, lider në industrinë e ndërtimit. Kjo kompani ka bashkëpunuar me Barcelonën për “Camp Nou”-n e ri, me Atletikon e Madridit për stadiumin “Metropolitano”, Totenhemin për ndërtimin e stadiumit të ri, ndërkohë që ka bashkëpunuar dhe për rikonstruktimin e disa stadiumeve në SHBA.

Drejtuesit e Realit janë të vetëdijshëm se një ndërhyrje në stadiumin e tyre do të rriste dhe shumëfishonte fitimet e klubit. Ata janë gati për ta shfrytëzuar një gjë të tillë. Vitin e kaluar stadiumi gjeneroi 173 milionë euro, ndërsa Reali mendon se mund të fitojë dhe 150 milionë të tjera në vit.

Kostoja totale e rinovimit të stadiumit kap shifrën e 400 milionë eurove dhe drejtuesit kanë nisur punën për të bindur bankat për të financuar projektin e tyre. Ata dëshirojnë të marrin një kredi prej 525 milionë eurosh për një afat 35-vjeçar. Projekti siguron mbulimin e plotë të stadiumit, ndryshimin e fasadës, ndërtimin e qendrave të reja tregtare, muzeut të ri dhe qendrës teknologjike.

Argjentinasi po bën mirë në stol, por Florentino Perez nuk është bindur akoma për cilësitë e tij dhe jetëgjatësinë në stolin e Kampionëve të Europës në fuqi. Poçetino dhe Martinez janë dy nga preferencat e presidentit të Realit, por ata janë të pamundur për momentin, pasi janë nën kontratë me Totenhemin dhe kombëtaren e Belgjikës.

Një gjë e tillë e ka shtyrë Perez të kontaktojë Zinedin Zidan. Siç citon “Euro United”, Perez ka kontaktuar menaxherin e trajnerit francez, Alain Miljaço, por përgjigja ka qenë negative. Zidan dha dorëheqjen nga Reali në majin e këtij viti, pas fitimit të 3 Champions-ave rresht.

Francezi ka refuzuar në mënyrë kategorike rikthimin në stolin e ekipit “merengues”, ndërsa Perez duhet të shohë për një alternativë tjetër, ose t’i japë besimin e duhur Santiago Solarit.

Florentino Perez a contacté Zinedine Zidane et Alain Migliaccio pour le faire revenir à la tête du Real Madrid, il y’a quelques semaines. Refus catégorique du ballon d’Or 98. pic.twitter.com/HLj9tEIPDh

— Euro United ????? (@EuroUnited6) November 9, 2018

Për mos arritjen e akordit me trajnerin italian ka folur ish-presidenti i Realit gjatë viteve 2006-2009, Roman Kalderon. Ky i fundit njihet për “armiqësinë” e tij me Florentino Perez, por kësaj radhe nuk e ka sulmuar kreun e klubit “merengues”.

Kalderon ka fajësuar Konten për kërkesat e tepruara, një gjë që nuk mund të pranohet nga Perez. Kalderon vazhdon të mendojë që kjo ishte një gjë e mirë, pasi ish-trajneri i Juventusit dhe Çelsit është shumë mbrojtës dhe kjo gjë nuk është në stilin e Realit të Madridit.

“Ka kërkuar një kontratë 3-vjeçare dhe donte të merrte stafin e tij, prej pesë personash, me vete. Konte ka kërkuar të ketë dorë të lirë në merkato dhe largimet e lojtarëve. Por, kjo është diçka e papranueshme për Florentino Perez. Nuk mendoj se Antonio Konte është trajneri i duhur për Realin. Ai i ngjan Murinjos, është trajner difensiv, i cili luan me tre qendërmbrojtës dhe përdor kundërsulmin. Në Bernabeu nuk duan të shohin diçka të tillë. Perez e provoi me Murinjon, por Champions-i nuk erdhi dhe portugezi e la klubin në një gjendje të keqe”, përfundon Roman Kalderon.

 Megjithatë, kreu i Realit nuk është akoma i bindur dhe kuotat e Kontes janë ulur siç citon një radio e vendit iberik. Palët nuk kanë gjetur akordin mes tyre dhe klubi “merengues” po sheh për alternativa të tjera. Tre janë emrat në listën e Perez: Zhoze Murinjo, Santiago Solari dhe Roberto Martinez. Ky i fundit është trajneri i Belgjikës dhe vjen nga një Botëror shumë i mirë, duke arritur të fitojë medaljen e bronztë.

 Ëndrra mbetet portugezi i Junajtid, ndërsa Solari, i cili drejton ekipin e Real Madrid B mbetet një alternativë e momentit. Si fillim pritet të vijë shkarkimi i Lopeteguit dhe më pas do të mësohet më mirë se kush do të jetë pasardhësi i tij. Solari, Martinez, Murinjo, ose… Konte.  

Mark Krosas një ish-lojtar i Barcelonës reagoi më një postim në rrjetin social “Twitter”, ku shkroi: “A je në vete Florentino (Perez). Në katër muaj shkatërrove Spanjën dhe Realin më të mirë në histori.

Si vas a morir en el Camp Nou, hazlo con el planteamiento de la 2a parte. Triste Lopetegui. Sólido y Letal Barça. Sin Messi, pero con Suárez y Alba colosales.
¿Tendrá conciencia Florentino? En 4 meses destrozó la selección española y al mejor Madrid de la historia.

— Marc Crosas (@marccrosas) October 28, 2018

Situata ka shkuar në një pikë kritike me Realin që renditet i 9-i në tabelën e La Ligas. Loja e skuadrës lë shumë për të dëshiruar dhe të paktë janë ata tifozë që besojnë se Reali mund ta kthejë situatën në gjysmën e dytë të sezonit siç ka bërë në vitet e shkuara.

Një gjë të tillë e ka bërë dhe Roman Kalderon, i cili mbajti postin e presidentit të Realit në vitet 2006-2009. 67-vjeçari ka sulmuar homologun e tij në një prononcim për mediat spanjolle, ndërsa nuk e kupton as vendimin e Kristiano Ronaldos për t’u larguar.

“Nuk e kuptoj se si mund ta çojë klubin përpara komplet i vetëm. Te Reali i Madridit nuk ka një drejtor sportiv, është vetëm Florentino, i cili është një inxhinier. Di të ndërtojë shumë mirë ura, tunele, rrugë, por jo ekipe futbolli. Nuk është e njëjta gjë. Kristiano Ronaldo? Mungesa e tij peshon shumë, por ka gabuar dhe lojtari që u largua. Nuk e di nëse klube të tjera mund t’i japin atë çfarë i ka dhënë Reali i Madridit”, përfundon Ramon Kalderon.

Pas humbjes së fundit në kampionat kundër Alaveshit, presidenti Florentino Perez ka diskutuar me drejtuesit e tjerë të klubit për të ardhmen e trajnerit. Lopetegui është konfirmuar për momentin, por tre ndeshjet e ardhshme janë deçizive për të ardhmen e tij në stolin e Kampionëve të Europës.

Levante në kampionat, Viktoria Pilzën në Champions dhe klasikja me Barcelonën. Nëse dy ndeshjet e para priten të kalohen lehtësisht nga ekipi “merengues”, përballja me Barcelonën do të zbardhë fatin e trajnerit 52-vjeçar siç citon spanjollja “AS”.

Drejtuesit nuk duan të jenë të papërgatitur dhe po vlerësojnë pistat e mundshme. Santiago Solari, trajneri i Real Madrid shihet si një nga kandidaturat e mundshme për të zëvendësuar Lopeteguin, por kandidati kryesor mbetet Antonio Konte. Italiani pëlqehet nga Perez dhe ishte një nga kandidaturat e verës për të pasuar Zinedin Zidan në stolin e Realit.

Ai është i papunë për momentin dhe nuk do të refuzonte një thirrje të Perez, por gjithçka do të sqarohet në vijim dhe Lopetegui ka dhe tre ndeshje për të shpëtuar stolin e tij.

Siç citon “El Mundo Deportivo”, presidenti Florentino Perez po mendon të kryejë një operacion të trefishtë, që do të bënte të mundur kalimin në Madrid të: Nejmar, Pol Pogba dhe Eden Hazard.

Diçka pothuajse e pabesueshme, por kreu i Real Madrid e ka treguar dhe më parë se është në gjendje të realizojë transferime të këtij kalibri. Çmimi i kalimit të kësaj treshe në “Santiago Bernabeu” kalon shifrën e 300 milionë eurove, por më parë duhen bindur klubet e PSG, Mançester Junajtid dhe Çelsi për të hequr dorë nga shërbimet e yjeve të tyre.

Gjithsesi është akoma herët, merkato nuk ka nisur, por Reali ka nevojë për përforcimin e repartit ofensiv, që po vuan nga largimi i Kristiano Ronaldos drejt Juventusit. Perez po mendohet dhe është gati për të nisur sulmin e tij të trefishtë.

Ronaldo shpenzoi tek Real plot 9 sezone, ku fitoi dhe 4 Champions. Pikërisht për çështjen e Ronaldo ka folur presidenti i Real, Florentino Perez. Numri një i madrilenëve ka dhënë dhe një deklaratë mjaft interesante, teksa ka thënë se Ronaldo mund të rikthehet një ditë ne Madrid përsëri.

“Kristiano ka ngelur në zemër të gjithë tifozëve madrilenë padyshim. Në qoftë se do ta shihja sot do t’i jepja një përqafim të madh. Një ditë ai do të rikthehet përsëri në Madrid”, përfundoi presidenti i Real.

“Kristiano është një pikë referimi. Është golashënuesi më i mirë në historinë e klubit dhe pasardhësi i denjë i Di Stefanos. Historia e tij do të tregohet me breza dhe ai është një shembull për të gjithë”, shprehet Perez për yllin portugez, ndërsa nuk ka munguar komenti dhe për ish-trajnerin francez.

“Zidan është një tjerr pikë referimi për ne. Si trajner i ekipit, ai është futur në histori si një gjigantët e Real Madrid. Është një nga mitet tonë dhe (e njëjta gjë për Ronaldon) kjo do të jetë gjithmonë shtëpia e tij”, përfundon Florentino Perez.

“Kristiano Ronaldo dhe Zidan zgjodhën të largoheshin, pasi ndanin mendime të ndryshme nga ne për të ardhmen e tyre. Ronaldon mund vetëm ta falenderojmë për atë çfarë ka bërë për klubin tonë. Ai do të jetë gjithmonë në shtëpinë e tij këtu në Madrid”

“Është e vërtetë që Ronaldo kishte një klauzolë largimi prej 1 miliardë eurosh, por te Reali klauzolat nuk vendosen për t’u paguar. Ato janë me çmime aq të larta për të larguar blerësit e mundshëm. Ronaldo ishte transferta më e shtrenjtë e vitit. Mendoj se ishte një marrëveshje e mirë për klubin tonë, pasi morëm atë që kërkuam dhe asgjë më pak, ndërkohë që duhet thënë se ofertat për të nuk ishin të shumta”, përfundoi Perez.

Për herë të katërt rresht dhe të pestën brenda gjashtë vitesh. Finalja e këtij sezoni luhet në Madrid në stadiumin “Ëanda Metropolitana”, që është stadiumi i rivalëve të Atletikos dhe ky është një stimul më shumë për Kampionët në fuqi të Europës.

Ky është objektivi i klubit dhe diçka të tillë e konfirmon Florentino Perez. Presidenti i “Los Blancos” ka folur për “El Confidencial”, ku zbulon dhe një dëshirë sa i përket kundërshtarëve.

“Prioriteti ynë është të fitojmë Champions-in në Wanda. Do të ishte perfekte të fitonim në finale përballë Barcelonës”, thekson kreu i Realit të Madridit.

“Florentino më fajëson gjithmonë për faktin që nuk ja shitëm Mbapenë Realit. Ne jemi dy klube mike, por Perez, sa herë që takohemi, më përsërit të njëjtën gjë: pse ja shitëm Mbapenë PSG-së dhe jo atij”, komenton rusi për “RMC Sport”.

Reali ishte një nga klubet e interesuara për 19-vjeçarin, por PSG veproi shpejt dhe pagoi 180 milionë euro dhe Mbape mori rrugën për në kryeqytet, atë francez dhe jo spanjoll. Diçka e tillë i ka mbetur peng kreut të Realit, i cili nuk ngurron t’ia përsërisë një fakt të tillë Vasilievit, sa herë që ata takohen.