“Ishte diçka shumë e veçantë. U emocionova shumë. Është shumë speciale të luaj për vendin tënd. U desh të prisnim pak, por më në fund tani jam pjesë e Kosovës dhe jam shumë i gëzuar për këtë”.

Çfarë të shtyu të lije Zvicrën për Kosovën?

“Të them të drejtën nuk ishte punë interesi ose diçka e tillë. Ishte thjesht punë ndjenje. S’më ka bërë presion as prindërit ose ndonjë shok. Kemi pasur biseda të mirë me trajnerin e presidentin. Nuk kishte fare të bënte fakti që Kosova kishte filluar të kishte rezultate të mira dhe unë vendosa t’i bashkohesha. Mendimi im ishte që të luaja për atë skuadër që e kisha në zemër dhe kisha një lidhja shpirtërore”.

Shanset për në Euro 2020 ?

“Mendimi im është që shanset janë shumë të mira. Kemi ekip të talentuar, jemi të gjithë djem të mirë. Kemi bërë lojëra pozitive. Të vazhdojmë kështu, më mirë s’mund të shkonte. Shpresoj që në tri ndeshjet e radhës të marrim rezultatet pozitive. Mentaliteti jonë është që të shkojmë në çdo ndeshje për të fituar. Ndeshjen e radhës e kemi vendimtare kundër Çekisë. S’do të jetë e lejhtë, por kemi talente dhe shpresë.

Eksperienca në Angli?

Nuk ka qenë e lehtë të përshtatem nga Zvicra në Gjermani dhe më pas nga Gjermania në Zvicër. Jeta është krejt ndryshe andej, nuk është e lehtë të përshtatesh. Jetoj në Lids, një qytet i madh afër Mançesterit. Në fillim kam pasur probleme me gjuhën. Në shkollë mëson një anglishte tjetër, ndërsa atje flasin me një mënyrë ndryshe dhe në fillim e kisha t’i vështirë t’i kuptoja

Keni lindur dhe jeni rritur në Zvicër por flisni shumë mirë shqip gjuhën shqipe ?

Për këtë më duhet të falënderoj prindërit e mi. Më kanë rritur me gjuhën shqipe në shtëpi, ndërsa gjithmonë kam ndjekur lajme dhe filma në gjuhën shqipe që më kanë ndihmuar.

Lidhja me Shaqirin?

Nuk na lidh vetëm futbolli me Xherdanin. Vëllai im është menaxheri jonë i përbashkët. E njoh prej kohësh që në Zvicër. Tani në Angli jemi afër njeri-tjetrit.

E ardhmja ?

Dua të vazhdoj të luaj në ligat më të mëdha të Europës. Javën tjetër do të rikthehem në Angli për të biseduar me drejtuesit mbi një transferim në një ekip tjetër.

“Më parë ka qenë ndryshe dhe nuk donim të bëheshim si San Marino e Malta. Tani kemi shumë kualitet, mos të keqkuptohen ata që ishin atëherë. Tani po luajmë në klube dhe po marrim rezultate edhe me Kosovën. Ndeshjet e ardhshme, edhe pse do jenë më të vështira, besoj se do të marrim rezultate”, tha Muriqi.

Më pas foli debutuesi Florent Hadërgjonaj: “Erdha me këmbë të mbarë. Ishte fitorja e parë në kualifikuese, diçka shumë e veçantë. Për qejf do e kisha veshur më parë këtë fanellë. Ndeshja dhe fitorja e parë është  e veçantë, kemi pasur shumë shikues. Ishte diçka shumë speciale”.

“Festa në dhoma? Ishte fantastike, u djeg. E merituam, besuam dhe përmbysnim. Mund të shënonim 5-6 gola më shumë. E merituam me gjithë këtë luftë. Anglia? Pak herët të flasim për Anglinë. Kemi ndeshje me Çekinë njëherë. Normalisht do ketë ndeshje më të vështira dhe do mund të matemi me lojtarët më të mirë në botë”, përfundoi Hadërgjonaj.

NJOFTIMI I FFK- Hadërgjonaj, pjesë e skuadrës së Ligës Premiere të Anglisë, Huddersfield Town, sot, është pajisur me pasaportë të Republikës së Kosovës. Në këtë ditë të veçantë për vetë futbollistin, por edhe për Kombëtaren e Kosovës, afër futbollistit ishte edhe presidenti i FFK-së, Agim Ademi, i cili e ka uruar Florentin për pajisjen me pasaportë të Kosovës dhe njëherësh e ka përgëzuar dhe falënderuar për vendimin e marrë që kontributin e tij tash e tutje ta japë në fanellën e Kombëtares së Kosovës, e cila është shndërruar në simbol suksesi.

Presidenti Ademi, po ashtu ka falënderuar edhe menaxherin e futbollistit, Erdin Shaqirin, që po ashtu kontribuoj në ardhjen e tij në Kombëtaren e Kosovës. Mbrojtësi 24-vjeçar tashmë është në dispozicion të përzgjedhësit Bernard Challandes dhe pa dyshim do të jetë një armë shumë e fortë në repartin e mbrojtjes për ndeshjet e ardhshme të ciklit kualifikues për Euro 2020.

Florenti deri tash ka luajtur me të gjitha ekipet e grupmoshave të Kombëtares së Zvicrës, por në fund vendosi me zemër që t’i bashkohet ekipit të Dardanëve, fanellë të cilën e ndjenë më shumë dhe aty ku emocionet janë të papërshkrueshme.

Florent Hadërgjonaj në këtë edicion të Ligës Premiere ka luajtur në 24 ndeshje me Huddersfieldin, 19 prej të cilave ka qenë titullar, derisa në fushën e gjelbër i ka kaluar 1840 minuta. Mirësevjen në folenë Dardane, Florent Hadërgjonaj! Vazhdojmë me Krenari dhe Përgjegjësi…

Sipas gazetarit të “Supersport Kosova”, Arlind Sadiku, edhe Florent Hadërgjonaj do të zgjedhë Kosovën. Mbrojtësi anësor aktivizohet në radhët e skuadrës së Hadërsfilldit në Premier Ligë dhe prej vitesh luan në nivele të larta.

Sipas gazetarit Sadiku, javën e ardhshme trajneri Shaland dhe presidenti i Federatës së Kosovës, Agim Ademi do të takohen me përfaqësues të lojtarit, i cili me 99% do të zgjedhë Kosovën, gjithmonë sipas gazetarit Sadiku.

Futbollisti 24-vjeçar, i cili aktivizohet me Hadërsfilld Toun në Premier Ligë, ka qenë pjesë e grumbullimeve të kombëtares zvicerane, por mbrojtësi i krahut të djathtë nuk është aktivizuar ende në një ndeshje zyrtare me përfaqësuesen “helvete”, çka e bën kalimin e tij te përfaqësuesja kosovare, thjesht një çështje procedurash.

“Ne kemi disa lojtarë që duhet të vendosin. Hadërgjonaj është njëri nga këta lojtarë. Konkurrenca te Zvicra në pozicionin e tij është shumë e madhe. Them se aty nuk do ta ketë të lehtë, kështu që shpresoj që ai të vijë të luaj për Kosovën”, tha Shaland.