Një nga çështjet më të nxehta në Vlorë është ajo e Elton Kale. Braziliani prej kohësh stërvitet me kuqezinjtë, por në FSHF rezulton një kontratë që e mban të lidhur ne Kukësin. Lotari pretendon se ka falsifikim, Kukësi në anën tjetër pret lojtarin të rikthehet. Situatë jo emirë, me Flamurtarin që në distancë pret që çështja të zgjidhet.

Në konferencën para ndeshjes me Skënderbeu trajneri Ilir Daja tha diçka që ka vend për interpretim. Tekniku u shpreh se dhe në këtë ndeshje Kale nuk do të jetë gati, duke lënë të nënkuptohet se çështja mund të zgjidhet dhe shumë shpejt mund të merret një vendim. Është në të mirë të të gjithëve që kjo situatë të marrë një zgjidhje, si për lojtarin që nuk luan, si për Flamurtarin që pret një lojtar që nuk dihet nëse është i lirë, ashtu dhe për Kukësin që kërkon të hedhë poshtë akuzat për falsifikim. Do të jenë këto 10 ditë vendimtare për fatin e Kales? Të presim dhe të shohim,

I vetmi i ndëshkuar me karton të verdhë nga Flamurtari në ndeshjen me Skënderbeun ishte Goran Siljanoviski. Maqedonasi mori kartonin e katërt të verdhë dhe është i detyruar që ta ndjekë nga tribuna ndeshjen e radhës me Partizanin. Lajm jo i mirë për Dajën, pasi 28-vjeçar është një prej lojtarëve më të rëndësishëm të vlonjatëve çka dëshmohet nga fakti se ka qenë në fushë në 13 ndeshje këtë edicion, duke mos humbur asnjë minutë.

Pjesa e parë në Vlorë solli dy gola, por në të dyja rastet kishte momente të diskutueshme. Si fillim marrim në shqyrtim realizimin e Danilo Alvesh. Vërtetë për t’u përgëzuar skema e kuqezinjve, por pasimi i Tomislav Bushiç për brazilianin është shumë i diskutueshëm. Nga përsëritja duket se autori i golit është më i avancuar se kroati. Pavarësisht protestave të durrsakëve goli u sinjalizua i rregullt.

Vetëm 8 minuta më vonë një tjetër rast i dyshimtë ishte ai i akordimit të faullit që solli dhe golin. Në të njëjtin vendim mund të veçohen dy momente. Nëse shihet me kujdes Latif nuk ndalet nga Veliu, por pavarësisht kësja gjyqtari ndërpret lojën. Siç shihet dhe në video, sulmuesi i Teutës simulon.

Edhe pse gjyqtari “u mashtrua” nga autori i katër golave, sërish ishte i pasaktë, pasi nëse do të ishte vërtetë faull, ishte brenda zone, ose e thënë ndryshe kishim të bënim me një 11-metërsh. Gabime të njëpasnjëshme në pak minuta.

Edhe në momentin e tensionit situata nuk u menaxhua siç duhet, pasi u pa që Batha nuk u kurseu goditjet për mbrojtësin e Teutës, edhe pse loja ishte ndalur, për të mos thënë më pas që situata degradoi në konfrontime të lojtarëve që nuk ishin pjesë e faullit.

Sa i përket çështjes së Kalesë, Idrizi ka theksuar se tani çështja po shkon në Prokurori, pasi ende nuk po vjen një përgjigje nga FIFA apo nga FSHF.

“Si ishte loja? Pjesërisht më shijoi, pjesa tjetër jo dhe aq. Loja ishte e barabartë. Pikët janë tonat dhe kaq”.

“A jemi aty ku duhet? Teorikisht po, praktikisht jo.“

“Çështja Kale? Do të shkojmë në Prokurori. Nuk ka një mirëkuptim. Ne po presim nga FSHF dhe nga FIFA. Do të shkojmë në prokurori dhe në gjykatat shqiptare”.