Mesfushori në të shkuarën ka qenë pjesë e Sarajevos në Bosnje Hercegovinë, ku ka luajtur edhe me ekipe si Sloboda Tuzla dhe Çelik. Flamurtari pritet të zyrtarizojë edhe lëvizje të tjera në merkato, ndërkohë që do të ketë edhe rinovime kontratash me lojtarë që ishin pjesë e vlonjatëve sezonin e shkuar.

NJOFTIMI – “Gerd Haxhiu zyrtarisht trajneri i ri i Flamurtari Football Club. Pas eksperiencës si lojtar, rikthehet me detyrën e trajnerit të parë. Stafit te teknikut vlonjat i bashkohet edhe një emër i njohur në futbollin shqiptar dhe atë vlonjat, Dritan Sadedini, me detyrën e ndihmës trajnerit”, shkruan klubi i Flamurtarit në sajtin zyrtar.

KARRIERA – Haxhiu ka eksperienca të ndryshme në futbollin shqiptar, teksa ka drejtuar skuadra si Apolonia, Bylisi, Skënderbeu, Partizani, Besa, Luftëtari dhe Korabi. Dibranët ishin ekipi i fundit që vlonjati drejtoi dhe tanimë i rikthehet trajningut dhe e bën këtë me ekipin “mëmë”.

Administratori Sinan Idrizi ka premtuar lojtarët do të marrin me këste pagat e sezonit të shkuar. Nga ana tjetër ai ka pasur edhe një takim me dy prej titullarëve të sezonit të shkuar.

Sulmuesi Xhevahir Sukaj ka postuar një foto me Idrizin dhe Andi Ribajn, duke krijuar idenë se të dy këta futbollistë do të mbeten pjesë e Flamurtarit edhe kampionatin e ardhshëm.

26-vjeçari ka qenë më parë pjesë e Prishtinës, Trepçës ‘89, Besës së Kavajës, Partizanit, Laçit, Tiranës, Vushtrrisë, Kamzës dhe Flamurtarit. Mustafa ka vendosur të rikthehet në Kosovë dhe sezonin e ardhshëm do të mbrojë ngjyrat e Drenicës.

Klubi nga Skenderaj ka publikuar në faqen zyrtare akordin me lojtarin, i cili do t’i bashkohet sot ekipit të ri në stërvitje, ndërsa prezantimi i tij do të ndodhë në ditët e ardhshme.

Sezoni i shkuar ishte sukses i madh në fushë, por të gjithë lojtarët u larguan, me përjashtim të disa të rinjve vlonjatë. Në Vlorë kanë mbetur lojtarë që i mban lidhur kontrata, apo që nuk kanë ende oferta, sepse do të kishin ikur edhe 18-vjeçarët.

E megjithatë, Sinan Idrizi nuk dorëzohet dhe Sport Ekspres mëson se në fundjavë në Vlorë pritet të prezantohet trajneri i ri. Do të jetë Julian Ahmataj, i cili e ka pranuar ofertën e Idrizit, edhe pse e ka të qartë se do të duhet të nisë gjithçka nga zero, me një buxhet të denjë për Burrelin apo Mamurrasin.
Ahmataj do të marrë me vete stafin e tij, ndërsa nuk dihen ende detajet financiare, që në fakt nuk kanë shumë rëndësi, sepse në Vlorë nuk është se po i merr njeri paratë.

Pas prezantimit, Ahmataj do të mbledhë gjithë të rinjtë vlonjatë, si dhe do të flasë me lojtarë që i njeh personalisht, për t’i afruar me paga simbolike, por me premtimin se një vit i mirë në Vlorë do t’u hapë rrugën për klube më të pasur.

Prej disa ditësh, në  medie të ndryshme, por dhe nga vetë punonjës klubesh është hedhur ideja që në rast përjashtimi të ekipeve të lartpërmendurave, vendi i tyre të plotësohet nga Dinamo dhe Besa e Kavajës, ekipe këto që u renditën në vendin e dytë në grupet respektive në edicionin e kaluar të Kategorisë së Parë.

Megjithatë, tani në lojë është futur dhe Kastrioti. Klubi krutan ka reaguar me anë të një komunikate në rrjetet sociale mbi çështjen në fjalë. Në komunikatë Kastrioti ka argumentuar se në rast përjashtimi të skuadrave të lartpërmendura, e drejta e qëndrimit në Superiore atyre si skuadra e nëntë në renditjen e Superiores. Klubi krutan përmend dhe një shembull konkret të ndodhru rishtazi në Itali me protagonistë klubet e Palermos dhe Venecias.

DEKLARATË E KLUBIT KASTRIOTI NË LIDHJE ME NDRYSHIMET E MUNDSHME NË SUPERIORE

Ditët e fundit ka nisur të qarkullojë lirisht ideja e përjashtimit nga kampionati të Skënderbeut (për shkak të dënimit nga UEFA) dhe të Luftëtarit (në kaos financiar). Përtej debatit se pse nuk është në një situatë me Luftëtarin edhe Flamurtari, apo a do ta presë FSHF Gjykatën Federale në Zvicër, ajo që bie në sy është se po flitet për dy klube të tjerë, Besa e Dinamo, që duhet të ngjiten në Superiore duke “fituar në tavolinë”. Ndërkaq, askush nuk e merr parasysh faktin që Superiorja kishte një renditje sezonin e fundit dhe në bazë të saj, nëse një klub përjashtohet, përfiton ai i rendituri poshtë saj, në rastin tonë Kastrioti. Askush nuk e di realisht se ku do bazohej kthimi i Dinamos dhe Besës në Superiore, por nëse shohim në gjithë botën, në raste të tilla përfitojnë ekipet e rëna nga kategoria. Një shembull? Para pak javësh Palermo falimentoi dhe u dënua me zbritje nga kategoria. Vendin e skuadrës siçiliane në Serinë B e mori Venezia, që ra nga Seria B pas humbjes në finale play-off kundër Salernitanas. A nuk është e njëjta situatë? Kastrioti është skuadra e vendit të nëntë dhe merr vendin e një prej ekipeve të dënuara, ndërsa më pas vendos FSHF për mënyrën si do përcaktohet ekipi që merr vendin e ekipit të dytë, sepse Kamza është dënuar me kohë. Edhe për kupat e Europës, kur doli Skënderbeu i dyti dhe kur u konfirmua që Flamurtari nuk shkonte dot në Europa League, skuadrat poshtë tyre në renditje përfitonin, jo Dinamo e Besa.

Artikulli i shkruar nga DiaroSport:

Barça, në fund të botës…

“Në futboll, në kohën para globalizimit, të udhëtoje në Shqipëri ishte një udhëtim drejt të panjohurës. Sezoni 1986-87, sezon kur Barcelona do të ndeshej kundër Flamurtarit së Vlorës, në raundin e parë të UEFA Cup.

“Nuk di asgjë për Flamurtarin”, tha asaj kohe futbollisti katalanas, Migueli. “Terri Venables mund të na informojë për ndonjë gjë”.

Pasi zbritën në Tiranë, futbollistëve të Barcelonës iu deshën plot katër orë që të arrinin në Vlorë, 140 kilometra larg. “Pamë shumë pak makina rrugës. Kishte një dominim të çiklistëve dhe njerëzve që ecnin në këmbë”, thoshte një gazetar i ‘DiaroSport’, i cili kishte udhëtuar së bashku me ekipin katalanas.

Barcelona mori me vete dy arka të mëdha me ushqime me vete, pasi nuk ishin aspak në dijeni se si mund të ishin kushtet në Shqipëri. Katalanasit nuk morën dot më shumë se një barazim 1-1 në Vlorë, për t’u kualifikuar më pas në Spanjë pas një barazimi 0-0.

 

View this post on Instagram

 

? En el fin del Mundo con #LasJoyasdeSPORT ?? En el fútbol previo a la globalización, viajar a Albania era una aventura hacia lo desconocido. ‘El Barça, en el fin del mundo’, titulaba en portada SPORT dos días antes del partido que enfrentaría a un desconocido equipo albanés, el Flamurtari de Vlora, con el Barça, en la primera ronda de la Copa de la UEFA de la temporada 1986-87. “No sé nada de este equipo”, confesaba Migueli, “ya nos comentará algo Terry [Venables]”. Tras aterrizar en Tirana, el Barça tardó cuatro horas en llegar a Vlora, a 140 kilómetros. “Vimos muy pocos vehículos, siendo los peatones y los ciclistas la nota predominante”, explicaban los enviados especiales de SPORT. El Barça, que se llevó su propio cocinero y dos enormes cajas de comida, solo pudo empatar a un gol en Albania. Y superó la eliminatoria de milagro gracias al 0-0 en el partido de vuelta. ?? ?? @javi.giraldo ? I. Paredes

A post shared by Diario SPORT (@diariosport) on Jul 24, 2019 at 1:46am PDT

Tashmë atij i është ofruar posti i drejtorit sportiv te Flamurtari, por ende e “josh” ideja për të luajtur. Edhe pse 37 vjeç, ofertat nuk i kanë munguar. Trim & Lum Struga, që do të luajë në elitën e futbollit maqedonas, i bëri një ofertë. Mes palëve nuk pati akord.

Së fundmi për Pollozhanin po diskutohet në një tjetër klub të Superiores dhe brenda kësaj jave edhe mund të ketë një vendim. Emri i mbrojtësit është në tavolinë dhe pritet të mësohet se çfarë do të ndodhë. Në këtë mënyrë edhe vazhdimësia e Pollozhanit, si drejtor sportiv,  te Flamurtari vihet në dyshim.

Flamurtari është një nga ato që rrezikon më së shumti, ndërkohë që në të njëjtat ujëra janë edhe Vllaznia, Tirana e Luftëtari. Të katër këto klube i kanë sytë nga qeveria, me shpresën se do të ketë ndonjë amnisti për borxhet që kanë në sigurime.

Bëhet fjalë për shifra të frikshme, që shkojnë deri në 1 miliard lekë. Refik Halili, presidenti i Tiranës, në njëfarë mënyrë ia kërkoi diçka të tillë kryeministrit Edi Rama në takimin e bërë rreth tre muaj më parë. Asokohe u premtua shumë, por nuk u bë asgjë.

Paketa e re fiskale është një shpëtim dhe FSHF i ka bërë sugjerimet e saj në Ministrinë e Financave dhe të Ekonomisë. Nuk ka optimizëm që qeveria do t’i plotësojë kërkesat e klubeve, që rrezikojnë shumë, madje katër klube elitare të përmendura më lart rrezikojnë pjesëmarrjen në Superiore sezonin e ardhshëm.

“Te nderuar qytetare te Vlores dhe veçanerisht tifoze te Flamurtarit. Me ane te ketij postimi me duhet tu njoftoj se nga 31 Maj nuk jam me trajner i Flamurtarit. Pavarsisht deshires per te vijuar bashkepunimin kam vleresuar se mungojne kushtet per nje gje te tille.

Ne kete moment nuk me mbetet gje tjeter pervecse te falenderoj te gjithe bashkepunetoret e mi, drejtuesit, ne menyre te vecante te gjithe futbollistet, stafin teknik, tifozet e mrekullueshem dhe ish-futbollistet vlonjat per kete aventure shume speciale qe do te mbetet e paharruar per mua.

Deshiroj gjithashtu te inkurajoj personat pergjegjes, institucionet per te gjetur sa me shpejt nje zgjidhje per statusin, te tashmen dhe te ardhmen e Flamurtarit, sepse Vlora si qytet dhe te gjithe qytetaret e saj meritojne nje klub ne lartesine e vlerave historike te saj ne futbollin Shqipetar.

Ju falenderoj te gjitheve per mbeshtetjen e madhe morale dhe shpresoj te takohemi serish. FALEMINDERIT FLAMURTAR!”, shkroi Daja.

Andi Ribaj është lojtar i lirë, pasi i ka përfunduar kontrata me Flamurtarin. Sulmuesi vijon të përgatitet individualisht dhe pret të vendosë së shpejti për të ardhmen. Ofertat nuk i mungojnë dhe në atë që ai deklaron për SportEkspres.com, Kosova dhe Superiorja janë opsionet për të.

Pista Apolonia, që ka qarkulluar ditët e fundit, hidhet poshtë prej sulmuesit. “Me Flamurtarin më përfundoi kontrata dhe isha i detyruar të largohesha. Më duhet që të ruaj gjendjen time fizike dhe po stërvitem individualisht, pasi jam në pritje të skuadrës së re.

Kam një ofertë nga Kategoria Superiore dhe një nga IPKO Superliga e Kosovës. Kurse me Apoloninë nuk kam patur asnjë kontakt. Fillimi i muajit korrik do jetë vendimtar për të ardhmen time”, theksoi Ribaj në deklaratën e tij.

Në karrierën e tij 11-vjeçare në elitë, sulmuesi Andi Ribaj ka luajtur me pesë skuadra të Superiores: Apoloninë, Skënderbeun, Teutën, Vllazninë dhe Flamurtarin. Në sezonin 2015-2016 është aktivizuar në Izrael me Makabi Kiryat Gat. Nëse do realizohet që të kalojë në Kosovë, kjo do të jetë hera e dytë që luan jashtë Shqipërisë. Dëshira e tij është të mbetet në Superiore.

AGRON KAJA

Në kushte të tilla dhe me një situatë ende pa zgjidhje, Daja ka shtrënguar duart me administratorin Sinan Idrizi. E pret Skënderbeu, ndërkohë që në Vlorë do të duhet të gjejnë një tjetër trajner. Menjëherë ka dalë edhe kandidati kryesor.

Julian Ahmataj, sipas asaj që raporton Supersport, është alternativa kryesore për të marrë drejtimin e Flamurtarit. Tekniku nga Elbasani është aktivizuar në të shkuarën me kuqezinjtë dhe tanimë mund të ketë mundësinë ta drejtojë nga stoli.

Sezonin e fundit ai e ka mbyllur në krye të Luftëtarit, që e shpëtoi prej rënies nga Superiorja. Gjithsesi në fund pati probleme dhe u pezullua për dy javë, ndërkohë që mbetet për t’u parë se si do të zgjidhet kontrata që Ahmataj ka me bluzinjtë.

Pollozhani gjatë kësaj periudhe po mendon edhe për vazhdimësinë e karrierës së tij. Edhe pse para pak ditësh ka mbushur 37 vjeç, mbrojtësi qendror mendon të mos e mbyllë me futbollin e luajtur dhe në Maqedoninë e Veriut ka një propozim për të.

Trim&Lum Struga është skuadra që kërkon shërbimet e Pollozhanit, i cili mendohet se me eksperiencën e tij do i bënte punë skuadrës strugane në debutimin e saj në elitën e futbollit maqedonas. Një rikthim te Flamurtari shikohet i vështirë për Pollozhanin, që tashmë duhet të vendosë në lidhje me të ardhmen e  tij.

Edhe pse ka firmosur dhe është prezantuar prej disa ditësh, Batha ende nuk kishte reaguar në rrjetet sociale. Ditën e sotme, mesfushori bardheblu ka postuar për herë të parë me fanellën e Tiranës, ku edhe ka shkruar se mezi pret që të nisë aventurën e tij të re.

 

Voir cette publication sur Instagram

 

Miqt e mi, gjej rastin t’ju informoj të gjithëve që këtë vit do të jem pjesë e ekipit të tiranës , 1 aventurë qe mezi pres qe ta filloj ? por dua të falenderoj cdo njeri në qytetin e vlorës, sepse pavarsisht problemeve qe kalova aty, kurrë skam për tu penduar që zgjodha vlorën, sepse njoha shokë te mrekullueshëm dhe kush më njeh e di që për mua shokët janë më të rëndësishëm se paratë , faleminderit tifozëve vlonjat që më mbështetën me zemer , faleminderit drejtusëve te klubit , faleminderit të gjithëve.. pooor sfida ime më e madhe fillon tani , me zotin para kam besim tek vetja dhe tek klubi që zgjodha për të shkuar në majën e futbollit shqiptar . Respekte te gjithëve. I.B ???

Une publication partagée par I.B10 ?? (@idi_batha10) le 24 Juin 2019 à 4 :21 PDT

Miqtë e mi, gjej rastin t’ju informoj të gjithëve që këtë vit do të jem pjesë e ekipit të Tiranës , 1 aventurë qe mezi pres qe ta filloj ? por dua të falenderoj cdo njeri në qytetin e Vlorës, sepse pavarsisht problemeve qe kalova aty, kurrë skam për t’u penduar që zgjodha Vlorën, sepse njoha shokë te mrekullueshëm dhe kush më njeh e di që për mua shokët janë më të rëndësishëm se paratë , faleminderit tifozëve vlonjat që më mbështetën me zemer , faleminderit drejtuesve te klubit , faleminderit të gjithëve.. pooor sfida ime më e madhe fillon tani , me zotin para kam besim tek vetja dhe tek klubi që zgjodha për të shkuar në majën e futbollit shqiptar . Respekte te gjithëve. I.B

Njëri prej tyre është kapiteni Franc Veliu. Qendërmbrojtësi është tentuar fillimisht nga Gjilani, që drejtohet nga trajneri Gentian Mezani. Veç gjilanasve, në garë për të është edhe një klub tjetër. SportEkspres.com mëson se bëhet fjalë për Llapin.

Klubi nga Podujeva i ka bërë një ofertë të mirë dhe me shumë mundësi vlonjati do ta pranojë. Gjithsesi duhet pritur që të konkretizohet gjithçka. Veliu në Shqipëri është aktivizuar edhe me Kukësin e Partizanin, ndërkohë që në të shkuarën ka provuar të luajë edhe me kombëtaren.

Mesazhi i Emiljano Mustës: Përshëndetje miqtë e mi! Duke filluar nga sot, zyrtarisht nuk jam më pjesë e FC FLAMURTARI, dua të falënderoj presidentin Sinan Idrizi, trajnerët që kam punuar, shokët e ekipit, sportdashësit vlonjatë, ultrasit “FLOTA KUQ E ZI” për këto dy vite të mrekullueshme që kalova në Vlorë.

Ndihem krenar që kam përfaqësuar një ekip me traditë si FLAMURTARI dhe shpresoj të mbetem sadopak në memorien dhe zemrën tuaj për ç’ka kam dhënë në fushën e lojës, sikurse ju do të mbeteni gjithmonë në timen.

FALEMINDERIT FLAMURTAR!! Sot e në vazhdim kam vendosur të vazhdoj karrierën time futbollistike me ekipin e K.F KUKESI.. Falënderoj presidentin Safet Gjici, stafin drejtues dhe stafin teknik për këtë mundësi dhe që besojnë në aftesitë e mia, do jap gjthçka nga vetja ime për të arritur të gjitha objektivat e klubit dhe shpresoj që të gjithë sëbashku t’ia dalim. FORCA KUKESI!!

Deri më tani, po përflitet për tre skuadra që janë të interesuara për shërbimet e tij. Teuta, Tirana dhe Kukësi do të rivalizojnë për të siguruar kartonin e futbollistit, raporton “Ora News“. Batha ka luajtur 30 ndeshje në kampionat sezonin që sapo u mbyll, duke shënuar 4 gola.

Mbetet për t’u parë se me kë skuadër do të nënshkruajë mesfushori 27-vjeçar. Përveç Bathës, nga Flamurtari duket se do të largohet dhe braziliani Elton Kale, tjetër futbollist për të cilin Teuta ka shfaqur interes.

Ofertat për një pjesë të futbollistëve nuk mungojnë dhe do të ndryshojnë ambient, ndërkohë që nuk dihet se çfarë do të bëjë trajneri Ilir Daja. Tekniku kryeqytetas fillimisht do të takojë administratorin Sinan Idrizi dhe të kuptojë më mirë planet e tij në klubin vlonjat.

Nëse situata ndryshon, atëherë edhe Daja do të vijojë të mbetet në krye të Flamurtarit. Ai e ka shprehur më parë se është ndjerë mirë në qytetin bregdetar. Tifozët e duan dhe e vler3ësojnë maksimalisht punën e bërë me Flamurtarin këtë sezon.

Në lidhje me të ardhmen, i kontaktuar nga SportEkspres.com, Daja shkurtimisht ka deklaruar:  “Jam ende nën kontratë me Flamurtarin. Nuk kam ndonjë gjë për të thënë nëse do vazhdoj apo do qëndroj në Vlorë. Javën tjetër do takohem me presidentin Idrizi dhe do të vendoset gjithçka”.

Daja është padyshim një nga trajnerët më të mirë në vend dhe për të ofertat nuk mungojnë, ndaj në Vlorë duhet të mendohen mirë para se ta lënë të lirë të shkojë. Gjithçka është në duart e drejtuesve, që duhet ta kthejnë klubin Flamurtari në normalitet dhe të mos flitet vetëm për paga të që nuk janë dhënë.

AGRON KAJA

KATEGORIA SUPERIORE – JAVA 36
E enjte, më 30 maj 2019, ora 16:00

TIRANA-FLAMURTARI
Tirana: Lika, Kërçiku, Goxha, Imami, Hoxhallari, Cake, Hasani, Doka, Kobina, Greca, Ngo. Trajner: Ardian Mema
Flamurtari: Koliçi, Deliaj, Pollozhani, Kotobelli, Musta, Ymeraj, Mustafa, Rrapaj, Ribaj, Kale, Haruni. Trajner: Ilir Daja

TEUTA-LAÇI
TEUTA: Hidi, Frashëri, Shkalla, Arapi, F. Beqja, Sidibe, Gashi, Avdyli, Vajushi, Progni, Bushiç. Trajner: Bledi Shkëmbi
LAÇI: Selmani, Fangaj, Gjoni, Domgjoni, Sefgjini, Jonuzi, Lushkja, Deliu, Xhixha, Okpotu, Prengaj. Trajner: Sulejman Starova

Kastrioti luan ndaj Kukësit, ekip që do me çdo kusht vendin e dytë në klasifikim. Krutanët në njëfarë mënyre janë të dorëzuar për çështjen mbijetesë. Në Durrës Teuta pret Laçin dhe i duhet vetëm një pikë për të mbajtur Skënderbeun poshtë vetes dhe për të siguruar Europën.

Kurbinasit kanë ende shpresa për Europën, por gjithashtu do ishin të kënaqur me një pikë. Në Gjirokastër vendasit e mbyllin kampionatin me kampionët e Partizanit. Të kuqtë do tentojnë ta mbyllin me fitore dhe më pas të mendojnë për ndeshjet në Champions League.

Skënderbeu e ka mbyllur kampionatin, pasi java e fundit i rezervonte si kundërshtar Kamzën. Korçarët marrin tre pikët në tavolinë dhe presin që Kukësi të fitojë Kupën, për të shpresuar më pas nëse CAS do t’ua hedhë poshtë dënimin e UEFA-s. FSHF ndërkohë ka vendosur që ndeshjet e sotme të luhen prej orës 16:00, 30 minuta më herët se orari i zakonshëm i javëve të fundit.

KATEGORIA SUPERIORE – JAVA 36
E enjte, më 30 maj 2019, ora 16:00

Luftëtari-Partizani
Kukësi-Kastrioti
Tirana-Flamurtari
Teuta-Laçi

Në kushte të tilla çdo lojtar aty mendon ta vijojë karrierën diku tjetër. Nuk bën përjashtim as Musta, i cili madje është kthyer në objektiv për disa klube. Janë disa arsyet, duke nisur nga fakti që ai është në gjendje të luajë në të majtë të mbrojtjes dhe mesfushës, si qendërmesfushor, por ka provuar të luajë edhe në linjën e djathtë.

Mosha e Mustës është ideale. 27 vjeç, i pjekur dhe gati për të provuar një eksperiencë të rëndësishme dhe për të luftuar për trofe. Me atë synim në fakt kishte ikur edhe në Vlorë, por me gjithë ato probleme që nuk kishin të bënin me aspektin sportiv, ishte shumë e vështirë.

E ARDHMJA –  Musta ende nuk e ka vendosur përfundimisht se ku do të luajë, edhe pse përmes menaxherit të tij kanë nisur kontaktet e para. Veç skuadrave të Superiores, edhe nga Kosova ka interes për shërbimet e tij. Lakohen Feronikeli e Prishtina që do të marrin pjesë në kupat e Europës.

Në Superiore gjithashtu janë disa ekipet që e duan dhe bëhet fjalë për ato që pretendojnë titullin sezonin e ardhshëm. Shitja e Trashit mund të fusë në garë edhe Partizanin, ndërkohë që edhe Skënderbeu në rast se triumfon në CAS ndaj UEFA-s do të ishte i interesuar. Musta synon të jetë i rëndësishëm në ekipin ku do të shkojë dhe do të mendohet mirë para se të hedhë të zezën mbi të bardhë.

NDESHJA ME TIRANËN – “Sigurisht që është ndeshja e fundit e kampionatit dhe çdo ekip mendon që ta mbylli në mënyrën më të mirë. Ne e kemi mendjen edhe shpresën të luajmë në Europë dhe luajmë një ndeshje për të marrë maksimumin. Luajmë ndaj një ekipi që është relativisht i fortë dhe ka shumë nevojë për pikë.”

PAUZA E NDESHJES ME KAMZËN – “Të gjithë futbollistët janë pak të lodhur dhe mendoj se kjo pauzë na ka bërë mirë për ndeshjen e radhës.”

KUPAT E EUROPËS – “Gjithmonë kemi shpresuar që të jemi në Kupat e Europës, pavarësisht lajmeve që qarkullojnë, që nuk e di sa të vërteta janë. Nuk jemi në brendësi të Federatës që të dimë si mund të jetë realisht situata.”

PAGAT – “Kjo është një çështje që ka zgjatur goxha dhe opinioni e di situatën tonë. Ne kemi bërë më të mirën dhe këta çuna dhe stafi janë për t’u falenderuar, sepse nuk e kanë ulur asnjëherë ritmin. Ne na është premtuar dhe jemi në pritje.”

E ARDHMJA – “Interes ka nga ekipe të tjera, ndërsa nga Flamurtari ende jo. Është pak shpejt për të folur, por besoj në ditët në vazhdim do të mësohet diçka më shumë në lidhje me këtë.”

Pas Franc Veliut për mediat ka folur edhe mesfushori brazilian Elton Kale, i cili u shpreh se në Tiranë, Flamurtari vjen vetëm për fitore. Gjithashtu, mesfushori sqaroi edhe situatën aktuale si dhe foli për të ardhmen e tij.

TIRANA – “Ne shkojmë për fitore, për tre pikët. Luajmë për Europën dhe të gjithë lojtarët do të mundohen për tri pikët.”

SITUATA E FLAMURTARIT DHE E ARDHMJA – “Shpresoj që të rregullohet kjo situatë. Kjo është ajo që dua. Fillimisht do të shkoj për pushime me familjen, më pas do të shohim. Ndoshta qëndroj, ndoshta jo.”

EKSPERIENCA NË VLORË – “Në Vlorë eksperiencë e bukur, është një qytet i bukur. Erdha për titullin kampion, por gjërat ndryshuan. Kishim ekip të mirë, por gjithsesi e uroj Partizanin për titullin. Edhe ne kishim ekip të mirë, duhet thënë, kishim Bushiç, Danilo Alvesh, Torrasa, Siljanovski.”

ARSYEJA E LARGIMIT TË LOJTARËVE – “Shumë lojtarë u larguan, sepse pritën për presidentin dhe situata nuk u zgjidh. Nëse do të zgjidhej, lojtarët do të qëndronin.”

Sulmuesi vlonjat, i cili u largua nga Skënderbeu në muajin shkurt, momentalisht ndodhet në vendlindje dhe ka postuar në llogarinë e tij në “Facebook” një foto me fanellën e Flamurtarit. Komentet kanë qenë të shumta, me Ditmar Bicajn që ngacmon. Lojës së komenteve i është bashkuar edhe Emiljano Musta dhe batutat nuk mungojnë.

Batha më pas dëgjoi propozime të tjera dhe zgjodhi t’i bashkohej Flamurtarit. Një sezon i mirë në aspektin personal, teksa ka rritur të shënojë katër gola. Mesfushori e ka mbyllur sezonin me Flamurtarin, pasi me Laçin mori kartonin e 12-të të verdhë (rekord për Bathën) dhe nuk mund të luajë kundër Tiranës.

Batha tani mendon për të ardhmen. Fillimisht duhet të marrë atë që i takon nga Flamurtari. Janë miliona lekë paga të prapambetura, që shpresohet të merren pa dashur të shkohet në gjyq. Nga ana tjetër mesfushori pret të vendosë edhe të ardhmen.

Vazhdimi i bashkëpunimit me Flamurtarin duket i pamundur, ndërkohë që janë disa ekipet që kanë shprehur interesim për Bathën. Tirana është një nga klubet e lakuara, por duhet pritur përfundimi i sezonit për të parë se ku do të transferohet gjirokastriti.

TITULLI I PARTIZANIT DHE LARGIMI – “Nuk është se kam ndonjë pendesë. Futbolli është i tillë. Sikur do të më kishte pëlqyer të dilja kampion kur isha pjesë e Partizanit, por nuk kam pishman asnjë gjë. Partizani e meritoi dhe unë i uroj të gjithë atyre që janë pjesë e klubit të Partizanit, sidomos tifozëve, pasi ata e kanë merituar më shumë, ata kanë vuajtur më shumë me Partizanin në këto vite. Ishte një punë e gjatë, që nuk do vononte edhe kaq shkoi shumë. Partizani i kishte ngritur themelet dhe titullin e meritoi”.

TIRANA – “Unë mendoj që duhet të luhej me tifozë. Akoma më bukur kur ndeshje është me presion, nëse nuk ka presion ndeshje brenda është e kotë që e luan. Diferencat janë shumë të vogla, të gjitha ekipet janë aty aty. Përderisa Tirana është në atë pozicion, tregon se diçka nuk ka funksionuar dhe e meriton atë vend. Unë mendoj se grupin e kanë. Aty brenda ka shumë lojtarë që mund të bëjnë diferencën. Thjesht mendoj se aty duhet të çohet dikush, dy ose tre lojtarë ata që e ndjejnë më shumë, që ta shkundin ekipin, pasi është një gjendje që nuk e meriton një ekip si Tirana. Pa ja ulur vlerat Kastriotit që ka treguar se është një nga ekipet më të mira të momentit, Tirana mbetet Tirana dhe duhet ta fitonte këtë ndeshje me çdo mënyrë”.

FITORJA NDAJ LAÇIT DHE GOLI – “Nuk më bie shumë rasti që të kërcej në zonë e të bëj golat në kokë, por dyluftimet ajrore në mesfushë i kam një ndër pikat e mia të forta. Ç’është e vërteta prisja një ndeshje shumë të vështirë me Laçin, me atë që pamë në fushën e lojës, nuk ishte një ndeshje e vështirësisë shumë të lartë. Laçi mbetet një ekip shumë i vështirë për t’u mundur, kanë një trajner si Starova që është shumë i vështirë për t’u thyer”, përfundoi Batha.

“Të rinjtë? Ata janë një element pozitiv. Krahas peshës kryesore që mbajtën ata me eksperiencë, ata që janë futur nuk e kanë prishur lojën. Kanë ta ardhme, por duhet të punojmë shumë dhe të jenë me këmbë në tokë. Flamurtari ka fanellë të rëndë, Vlora do rezultate dhe lojë të bukur”.

“E ardhmja? Kemi bërë një punë të gjithë bashkë, me lojtarët dhe nga gjithë klubi. Kemi përballuar problemet që të gjithë i dimë. Zgjedhja e parë është Flamurtari, nëse do kemi ndryshim të situatës. Do pres. Kam kaluar mirë. Nëse gjërat ndryshojnë parësore do jetë të vazhdoj me Flamurtarin”.

“Është një punë e bërë nga të gjithë, nuk i mbaj të gjitha meritat. Lojtarët me përkushtimin e tyre të motivonin. Ka qenë një sezon i suksesshëm me gjitha ato situata që kemi pasur”.

Gjithsesi, goli i Danilos në minutën e 37-të që vuri baraspeshën e përkohshme, u bë i pavlefshëm në pjesën e dytë, pasi në minutën e 74-të, ishte Xhon që i dha fitoren miqve të Kaisar.

Pas 11 javësh të luajtura ekipi i Okzhetpes renditet në vendin e tetë me 14 pikë, ndërsa Danilo Alvesh numëron dy gola në aventurën e tij aktuale në Kazakistanin e largët.

Kohët e fundit vlonjatët i kanë shqetësuar mungesat. Me kontingjentin jo të plotë, çdo lojtar që nuk mund të luajë i penalizon shumë: “Duke pasur parasysh grupin e lojtarëve, një mungesë konsiderohet e madhe. Nesër mungojnë Franci e Sukaj, shpresoj që ata që i zëvendësojnë të japin më të mirën dhe të ndihmojnë ekipin për të arritur objektivin”.

MOTIVIMI – “Kur je futbollist e ndjen vetë motivimin. Nuk përshkruhet dot, kur del në fushë nuk të shkon mendja je paguar apo jo. Mundohesh për më të mirën, futbolli nuk mbaron pas një jave, apo nesër që është ndeshja e fundit para tifozëve tanë. Çdokush mendon për një të ardhme më të mirë. Ky është shkaku kryesor që të gjithë japin maksimumin. Ata e duan futbollin dhe japin maksimumin”.

PAGAT DHE E ARDHMJA – “Nuk kemi çfarë themi për pagat. Është folur shumë për premtime e garanci. Nuk e di a ka garanci më të madhe se kontrata, e zeza mbi të bardhë? Ajo është garancia më e madhe në klub. Detyrimet janë dypalëshe.  E ardhmja? Çdo lojtar do bisedoje me drejtuesit. Ato janë punë të klubit. Ata bëjnë analizën e tyre dhe flasin me lojtarët. Secili do dëgjojë ofertën dhe do japë kushtet. Nëse do ketë dakordësi, pse jo”.

“Normalisht është ndeshje e vështirë. Laçi gjithë këto vitet e fundit ka treguar që është një ekip me vlera dhe që ka ditur ta kapë zonën e Europës. Edhe ne e kemi treguar këtë sezon që dimë të fitojmë dhe të zhvillojmë ndeshje të mira. Normalisht është e vështirë, e kam shprehur edhe më parë që nuk ka ekipe të lehta këtë sezon. Me pak përqendrim mund ta kalojmë me sukses këtë ndeshje” u shpreh Batha.

Në lidhje me objektivin Europë, mesfushori i Flamurtarit shton: “Në rast se fitoreje me Laçin jemi ne më të favorizuar të shkojmë më tej. Kemi edhe një trepikësh në tavolinë me Kamzën. Na e bëhet edhe më e lehtë për ta kaluar Laçin”.

Batha në fund u ngacmua edhe në lidhje me fjalët që e çojnë atë te Tirana, “armiku” i përbetuar Partizanit. “Nuk është se kam pasur ofertë nga Tirana. Ç’është e vërteta më kanë ardhur fjalë nga shumë ekipe të Superiores, por që asgjë konkrete. Për momentin jam i përqendruar të mbyll kampionatin  në mënyrën më të mirë të mundshme”, u shpreh Batha.

Kur kanë kaluar dy javë, ende nuk ka një qëndrim të Disiplinës. Ky Komision është mbledhur dy herë të tjera dhe nuk ka informacion në lidhje me hetimin e nisur. Ndoshta klubet dhe lojtarët janë njoftuar për pushimin e çështjes, por zyrtarisht gjithçka është në ajër sa kohë askush nuk bën një njoftim.

Mund të ndodhë që para një ndeshjeve vendimtare Batha dhe Radas të pezullohen dhe normalisht planet e Shehit dhe të Dajës të hidhen në erë me dënimin e dy titullarëve të rëndësishëm. Normalisht Disiplina duhet të kishte sqaruar gjithçka dhe situata të qartësohej për të gjithë.

Nuk do habitej askush sikur të jetë harruar që është hapur një hetim, Disiplina është kujdesur shpesh të na dhurojë çudi nga më të ndryshmet. Me afatet dihet që ata nuk i kanë marrëdhëniet e mira dhe me këto ritme ndoshta një ditë të bukur vere do të na dalë edhe ndonjë vendim për Bathën dhe Radasin. Ne këtu jemi, presim…

Problemi është se mungojnë alternativat në prapavijë. Në këto kushte ndoshta sërish Kotobelli, rikthehet nga pezullimi, mund të vendoset të luajë sërish në qendër dhe Musta të luajë në të majtë të mbrojtjes. Një zgjidhje tjetër është kalimi i Deliajt krah Pollozhanit dhe në të djathtë të luajë Arbër Beqaj.

Daja nga ana tjetër sytë i ka nga infermieria. Elton Kale dhe Enea Koliçi nuk u aktivizuan në ndeshjen e fundit me Kastriotin për shkak të problemeve që kishin. Shpresohet që ata të rikuperohen dhe të jenë gati për sfidën me Laçin. Mungesë e sigurt është edhe Xhevahir Sukaj, i dëmtuar në ndeshjen me Partizanin.

“Gjërat duhen marrë në vazhdimësi, pasi kishin dy muaj e ca pa pësuar asnjë humbje. Grupi i lojtarëve që kishim sot në dispozicion ishte i limituar. E keni parë edhe vetë, gjatë gjithë ndërrimeve të bëra ishin lojtarë të rinj. Ata kanë një perspektivë, por mungesa e eksperiencës për të përballuar ndeshje të tilla ku duhen patjetër tre pikët, ishte ajo që na solli edhe humbjen”, u shpreh Daja për mediat pas ndeshjes me Kastriotin.

Sa i takon Europës, ai beson ende se Flamurtari mund t’ia dalë edhe pse ka zbritur në vendin e pestë në klasifikim. Për këtë duhet fituar ndeshja e radhës me Laçin dhe Daja ka besim se mund t’ia dalin, pasi pritet të ketë edhe rikthime.

“Përderisa mund të rikuperojmë pikë, duke nisur nga ndeshja e radhës me Laçin, besoj se do të luftojmë deri në fund. Do kemi edhe rikthime”, u shpreh Daja në mbyllje. Kotobelli është rikthim i sigurt për Flamurtarin, pasi e shleu pezullimin prej kartonëve. Nën vëzhgim do të jetë Kale dhe Koliçi, që kanë pasur probleme dëmtimesh.

Porta këtë herë i është besuar Pujës, kurse mesfusha është e zakonshmja me Herald Markun që rikthehet titullar. Taulant Marku është risia tjetër. Pukjani ka zënë vendin e Kalasë. Flamurtari nga ana tjetër ka shumë mungesa. Qirko, Ymeraj, Beqja dhe Ziaj janë zgjidhjet e Dajës.

Në Gjirokastër trajneri Ahmataj ka ulur në stol Kukajn dhe në qendër të mbrojtjes është pozicionuar Demo. Vendin e tij në të djathtë e ka marrë Neziri. Këto janë lëvizjet e bluzinjve, kurse te Kukësi trajneri Gjoka ka ndryshuar qendrën e mesfushës. Dzaria dhe Limaj e nisin titullarë, ndërkohë që nga minuta e parë e nis edhe Ccyrbja. Uillian e nis nga e majta.

Kategoria Superiore – Java 32
E shtunë, më 4 maj 2019, ora 16:30

KASTRIOTI–FLAMURTARI
Kastrioti: Puja, Neziri, Bojom, Çela, Ndreca, Shehu, Ymeraj, H. Marku, Bardhi, T. Marku, Roxher. Trajner: Bledar Devolli
Flamurtari: Qirko, Deliaj, Pollozhani, Veliu, Musta, Ymeraj, Batha, Mustafa, Beqja, Ribaj, Zijaj. Trajner: Ilir Daja.

LUFTËTARI-KUKËSI
Luftëtari: Ruçi, Neziri, Demo, Koconis, Xhekson, Aleksi, Rapo, Hyseni, Hanti, Fili, Dunga. Trajner: Julian Ahmataj
KUKËSI: Frashëri, Ethemi, Teqja, Cuculi, Rrumbullaku, Çyrbja, Dzaria, Limaj, Uilliam, Rexhinaldo, Shkurtaj.

“Gardiani” i Flamurtarit vazhdon të mbetet një ndër portierët më të mirë në qarkullim në Kategorinë Superiore dhe këtë e tregoi më së miri në muajin prill, ku ishte protagonist i disa takimeve me skuadrën vlonjate.

Ndaj Kukësit ai ishte protagonisti kryesor, duke ndalur shumë gjuajtje të rivalëve drejt portës së tij. Është e sigurt që dhe sezonin tjetër interesi i klubeve shqiptare për portierin pogradecar do të jetë  i lartë, pasi 33-vjeçari nuk po tregon aspak shenja plakjeje.

“Do të jetë një ndeshje e vështirë, pasi kundërshtarit i duhen tre pikët në luftën për mbijetesë. Shpresojmë të bëjmë ndeshjen tonë, edhe ne kemi objektiva. Duam Europën dhe të shikojmë çfarë do prodhojë ndeshja. Edhe një pikë na kënaq, për vetë pozicionin që jemi”, tha Deliaj, i cili më pas flet edhe për vështirësinë e ndeshjeve në Fushë-Krujë.

“Më çfarë ka treguar Kastrioti ndeshjet e fundit, është shumë e vështirë. Nuk mbaj mend kundërshtarin e tyre që ka fituar atje, kështu që është shumë e vështirë”, u shpreh “xholi” i Flamurtarit, i cili folu dhe në lidhje me mungesat. Gjithsesi nuk është se zbulon diçka, teksa thotë: “Nuk e dimë kush është 100%. Do mundohemi t’i zëvendësojmë lojtarët që mungojnë, besoj me djemtë e akademisë”.

QIRKO – Portieri ka luajtur edhe më parë ndaj krutanëve dhe uron që të fitojë Flamurtari:  “Shpresoj të kem fat. Synimi është të fitojmë, Kastrioti është ekip i fortë brenda dhe e ka treguar këtë. Shpresoj të fitojmë dhe të arrijmë kupat e Europës”. I riu, veç mungesës së eksperiencës në fushë, edhe në deklarata nuk është se pritet të jetë i matur.

“Uroj që ne të fitojmë për vete. Është ndeshje e rëndësishme për ne dhe për ata. Kastrioti është ekip i fortë, edhe ne po ashtu jemi Flamurtari. Shpresoj të fitojmë. Si gjithmonë Flamurtari është fitimtar mbi çdo ekip kundërshtar”.

Xhevahir Sukaj me gjasa e ka mbyllur sezonin dhe ndaj krutanëve me siguri nuk do të jetë në fushë. Gjithashtu edhe portieri Enea Koliçi është me probleme. Trajneri Daja duhet të gjejë një zgjidhje me gjithë këto mungesa, që shpresohet shumë të mos jenë më të shumta.

Kjo pasi lojtarë si Elton Kale e Idriz Batha kanë shfaqur probleme, por shpresohet që deri të dielën të jenë të gatshëm për lojë. Sikurse kuptohet, Flamurtari në ndeshjen me Kastriotin do ta ketë goxha të vështirë, kjo pasi edhe alternativat për stafin teknik janë të pakta.

Tanimë nuk i përmend më, por vetëm tregon dita-ditës se mezi pret fundin e muajit. Përfundimi i kontratës me vlonjatët e liron atë dhe më pas pritet të kthehet në atdhe, ndoshta për të mos u kthyer sërish në Shqipëri.

Në fakt me cilësitë e tij ai mund të luajë në skuadra të rëndësishme në Superiore dhe të bëjë mirë. Në Vlorë ai është përpjekur shumë, por në një situatë të tillë ku lojtarët nuk paguhen prej muajsh, është e vështirë të kuptosh se sa është kapaciteti i lojtarëve.

Komisioni i Disiplinës është mbledhur dhe nuk ka dalë me një vendim në lidhje me Marko Radas dhe Idriz Bathën. Për ta është hapur një proces hetimor nga Disiplina dhe nuk dihet nëse ata do dënohen pas përplasjes në ndeshjen Skënderbeu-Flamurtari.

Këtë fundjavë ata mund të luajnë dhe Shehi buzëqesh, pasi për arsye kartonësh nuk mund të luajë Kaba Sambou dhe rikthimi i Radas është një lajm i mirë për të. Së bashku me Jorgo Pëllumbin do plotësojnë dyshen e qendrës së prapavijës. Gëzon edhe trajneri Daja i Flamurtarit, i cili pa Bathën do të ishte edhe më shumë i kushtëzuar në zgjedhjet e tij.

“Barazimet e kundërshtarëve na qetësojnë pak, në thonjëza. Gjithsesi duhet shohim mundësitë tona për fitore. Çdo javë po vështirësohet, por ne luftojmë fort deri në fund e të bëjmë atë që kemi bërë deri më sot”.

“Hapësirat për kundërshtarin? Strategjia në fillim na shkoi mirë. Natyrshëm, me problemet tona në aspektin teknik, pak mundësi ke të gjesh brenda lojës ndonjë modul. Lojtarët që hyjnë janë pa eksperiencë, edhe pse kanë të ardhme. Mund të bëhej më mirë. Në situatat një kundër një më shqetësoi fakti që merrnin topa pas shpine. Vonoheshim dhe kundërshtari merrte topin në kontroll”, përfundoi Daja.

Sulmuesi nga Shkupi shënoi në minutën e 27’ të takimit, ku pas dy tentativave drejt portës, mposhti më në fund portierin Koliçi, që e ndali në gjuajtjen e parë. Gjithsesi, goditja e dytë nga numri 10 ishte e pakapshme dhe Partizani gjeti avantazhin. Në fillimin e pjesës së dytë, është sulmuesi Mensah që shënon një supergol, duke dyfishuar shifrat dhe duke siguruar fitoren për ekipin e tij. Ndeshja do të shkonte edhe më mirë për “Demat”, që shënuan sërish në sekondat e fundit, me anë të Çinarit.

Në takimin tjetër mes Teutës dhe Luftëtarit, i luajtur në Durrës, rezultati ka qenë i bardhë 0-0, me të dy skuadrat që ndanë pikët. Ky rezultat i shkon më shumë për shtat Luftëtarit, ndërsa Teuta lë kështu dy pikë të rëndësishme në shtëpi.

Kategoria Superiore – Java 32
E shtunë, më 4 maj 2019, ora 15:00

TEUTA-LUFTËTARI  0-0

Teuta: Hidi, Progni, Osmani, Arapi, Hakaj, Sidibe, Kallaku, Traore (Avdyli 38′), Vajushi, Latif, Bushiç. Trajner: Bledi Shkëmbi

Luftëtari: Ruçi, Demo, Kukaj, Koconis, Xhekson, Aleksi, Rapo, Hyseni, Ymeraj (Fili 4′), Neziri, Dunga. Trajner: Julian Ahmataj

FLAMURTARI-PARTIZANI  0-3
Asani 27′, Mensah 52′, Çinari 89′

Flamurtari: Koliçi, Deliaj, Pollozhani, Veliu, Kotobelli, Batha, Musta, Rrapaj (Kreshpa 79′), Ribaj, Kale (Haruni 84′), Sukaj (Mustafa 39′). Trajner: Ilir Daja.

Partizani: Hoxha, Ibrahimi, Atanda, Kalari, Trashi, Hila, Jaiteh (Kote 46′), Duka, Mala (Çinari 78′), Asani (Kardozo 78′), Mensah. Trajner: Dritan Mehmeti

Kartonë të verdhë: Kotobelli 45’, Musta 57′ / Mensah 21’, Asani 72′, Ibrahimi 84′

EPISODET –

90+’ – Mbyllen takimet në Vlorë dhe në Durrës. Fitore për Partizanin, nuk ka fitues mes Teutës dhe Luftëtarit

89’ – Goool Partizani, Çinari gjen rrjetën. Një kundërsulm model i “Demave” konkretizohet me gol nga mëngjarashi shkodran, i cili shënon dhe golin e tretë për kryesuesit.

52’ – Goool Partizani, shënon Mensah. Sulmuesi i “Demave” merr një pasim të shkëlqyer nga Dilaver Duka dhe në hyrje të zonës, godet fort me të djathtën, duke mposhtur portierin Koliçi dhe duke shënuar një supergol.

45’ Mbyllen pjesët e para në Vlorë dhe në Durrës. Partizani është në avantazh përballë Flamurtarit, ndërsa te Teuta-Luftëtari nuk ka gola

39’ – Xhevahir Sukaj dëmtohet dhe largohet me barelë nga fusha e lojës. Në vend të tij, aktivizohet Argjend Mustafa.

27′ –Goool Partizani. Jasir Asani në dy tentativa arrin të shënojë dhe të mposhtë portierin Koliçi, për t’i dhënë avantazhin “Demave të Kuq”. Numri 10 i të kuqve gjuan fillimisht me të majtën, por Koliçi e ndal. Gjithsesi, në tentativën e dytë, Asani gjen rrjetën me një gjuajtje me të djathtën

24’ – Flamurtari qarkullon topin, Partizani tenton kundërsulmet. Ende asnjë rast i pastër nga të dyja skuadrat

7’ – Ribaj bën shumë mirë nga krahu i djathtë, driblon Kalarin dhe kroson në qendër, aty ku Sukaj u shfaq rrezikshëm, por Atanda mbyll gjithçka. Këndore për skuadrën vlonjate