Fjuri

Wilder apo Fury? Promotori i Joshua zgjedh kundërshtarin e radhës

Sport Ekspres — Mon, 10 Dec 2018 11:08:27 +0000

Stadiumi “Wembley” do të presë një duel fantastik boksi më datë 13 prill. Anthony Joshua mbajtësi i katër brezave kampion bote (WBA, WBO, IFB, IBO) do të futet në ring për përpara një publiku prej 90000 personash. Por, emri i kundërshtarit të anglezit ende nuk dihet.

Promotori i Joshua-s Eddie Hearn, ka sqaruar situatën për medien angleze “Mirror”: “Duam që të ndeshemi me njërin prej Wilder ose Fury. Wilder është prioriteti jonë, pasi është mbajtësi i titullit WBC. Në të shkuarën negociatat për kontratën nuk kanë shkuar siç duhet, shpresojmë që kësaj here të gjejmë gjuhën e përbashkët”, tha promotori.

Ndërkaq, ekziston dhe një opsion tjetër që Joshua të vihet përballë bashkëkombësit të tij Dillian Whyte, një kundërshtar ky që Joshua e ka mundur më parë, por që në vitet e fundit është rikthyer në skenë me disa fitore të bujshme.

Transformimi i jashtëzakonshëm i Tajson Fjurit, gjithçka brenda një viti

Sport Ekspres — Fri, 09 Nov 2018 15:17:31 +0000

Boksieri anglez Tajson Fjuri po përgatitet për të luftuar më datë një dhjetor ndaj kundërshtarit amerikan Deontej Uajlldër, në një duel ku vihen përballë njëri-tjetrit dy boksier që ende nuk kanë pësuar humbje në karrierën e tij.

Tri vite më parë Fjuri ishte në majën e sportit të boksit, pasi mundi Vladimir Kliçkon, duke marrë në pronësi pesë titujt kampion që mbante kroati, por një analizat e dopingut zbuluan se 30-vjeçari kishte konsumuar kokainë. Titujt iu hoqën menjëherë dhe u pezullua me dy vite nga sporti i boksit profesionist.

Anglezi nuk e përjetoi aspak mirë këtë dhe la menjëherë stërvitjen e më pas filluan problemet me alkoolin e depresionin. Brenda një viti Fjuri shtoi 55 kilogramë dhe shumë vetë menduan se për të nuk kishte kthim mbrapa. Por, në këtë moment të vështirë, boksieri dhe shoku i tij i ngushtë, Billi Xho Saunders , i erdhi në ndihmë.

https://www.instagram.com/p/Bp77DxbHLo5/?utm_source=ig_web_copy_link

Saundërs e bindi Fjurin që të fillonte stërvitjen me trajnerin e tij Ben Dejvison. Ky i fundit kreu një punë të shkëlqyer duke e vënë në një regjim të hekurt kampionin e boksit si dhe duke i ndryshuar rrënjësisht dietën. Brenda një viti Fjuri ka rënë 40 kile dhe është rikthyer në gjendje optimale për t’u ndeshur me një ndër boksierët më të mirë të momentit si Deontej Uajlldër.

50 kile mbipeshë dhe alkool pa limit, Fjuri: Gruaja më shpëtoi

Sport Ekspres — Wed, 31 Oct 2018 11:56:23 +0000

Tajson Fjuri ishte në majën e botës më 28 nëntor të 2015-ës. Boksieri anglez mundi Vladimir Klitçkon dhe mori thuajse të gjithë tituj që ekzistojnë në sportin e boksit. Por, pas pak muajsh gjithçka mori tatëpjetën. Një test dopingu provoi se Fjuri kishte konsumuar kokainë dhe boksieri u pezullua për dy vite nga sporti

Në një intervistë të dhënë disa ditë më parë, Fjuri e pranoi se abuzimi me alkoolin (pinte rreth 40 litra në javë) dhe kokainën e çuan në depresion dhe mendoi me shumë se njëherë vetëvrasjen. Anglezi e mblodhi veten dhe vendosi t’i kthehej ringut, por gruaja e tij i tha se s’do ia dilte nëse nuk do të mposhte varësinë ndaj alkoolit.

“Në gjendjen time më të keqe deri shkova 180 kilogramë, tani jam 120 kilogramë dhe ndihem më në formë se kurrë”, tha Fjuri i cili më datë 1 dhjetor do të ndeshet ndaj amerikanit Deontej Uajlldër.

Rikthehet spektakli në ring, “Fjuri vs Uajlldër” 99% e kryer

Sport Ekspres — Tue, 31 Jul 2018 15:45:47 +0000

Bota e boksit të peshave të rënda ka rënë në një përgjumje totale që prej duelit midis Antoni Xhoshuas dhe Vladimir Kliçkos në prillin e 2017-ës. Por, fatmirësisht për fansat e boksit së shpejti mund të konkretizohet një duel fantastik midis dy gjigantëve të peshave të rënda, Deontei Uajlldër dhe britanikut Tajson Fjuri.

Sipas “BBC” dueli mund të zhvillohet në muajin nëntor ose dhjetor. Amerikani Uajlldër zotëron prej disa vitesh brezin e “WBC”, i vetmi brez që nuk zotërohet nga bashkëkombësi i Fjurit, Antoni Xhoshua. Fjurit do i duhet të mposht fillimisht boksierin italian Pianeta më datë 18 gusht, objektiv ky që mund të cilësohet si një lojë fëmijësh për të, të paktën në letër.

Dueli ndaj Uajllderit do t’i japë Fjurit mundësinë për t’u rikthyer në pronësi të një brezi kampioni, tri vite nga pezullimi i tij nga bota e boksit për shkak të evidentimit të përdorimit të kokainës nga 29-vjeçari . Mbas përfundimit të duelit, fituesit do t’i hapet rruga për përballjen me mbajtësin e tri brezave kampion dhe boksierin më të mirë të momentit, Antoni Xhoshua.