firpo

Goditja e radhës, Barcelona zyrtarizon mbrojtësin dominikan

Sport Ekspres — Sun, 04 Aug 2019 12:35:53 +0000

Barcelona ka zyrtarizuar blerjen e mbrojtësit Hektor Zhunior Firpo. Lojtari vjen nga Real Betis dhe për kartonin e tij janë shpenzuar 18 milionë euro. Mëngjarashi është i aftë të luajë si mbrojtës ose mesfushor i majtë.

Largimi i Lukas Dinj një vit më parë la Barcelonën pa një mbrojtës rezervë në rast dëmtimi të Zhordi Albës, i cili sezonin e kaluar u detyrua të luante një numër rekord prej 54 ndeshjesh në të gjitha kompeticionet. Me ardhjen e Firpos kjo problematikë ka marrë një zgjidhje përfundimtare.

? All the details about @@JuniorFirpo03, new Barça player
?? #ReadyToColor

— FC Barcelona (@FCBarcelona) August 4, 2019

Firpo ka lindur në Republikën Dominikane, por familja e tij emigroi në Spanjë vite më parë. 22-vjeçari është aktivizuar rregullisht me grupmoshat e kombëtareve spanjolle dhe ishte një ndër lojtarët kyç të suksesit të Spanjës në Europianin e 21-vjeçarëve.

Deri në moshën 21-vjeçare, Firpo u aktivizua me ekipin B të Real Betis, por një shans i dhëna nga trajneri Kike Setien u shfrytëzua më së miri nga futbollisti i ri. Një ndër golat e pakët të karrierës së tij është pikërisht ndaj Barcelonës. Firpo shënoi golin e parë në fitoren shokuese 4 – 3 të Real Betis në “Camp Nou”.

Valverde: Merkato s’është mbyllur, kemi rezervuar një surprizë

Sport Ekspres — Sat, 27 Jul 2019 20:23:59 +0000

Trajneri i Barcelonës, Ernesto Valverde, ka folur për “Marca” sot, ku është ndalur më shumë te merkatoja e katalanasve. Deri më tani, Barcelona ka ofruar Frenki De Jong, Mark Kukurela, Antuan Grizman, portierin Neto dhe talentin brazilian, Emerson.

Edhe pse ekipi duket i kompletuar, Valverde ka piketuar një pozicion në formacionin e tij që ka probleme dhe është pikërisht krahu i majtë i mbrojtjes. I vetmi që e mbulon këtë rol është Zhordi Alba dhe duhet me patjetër një afrim i ri.

“Merkato nuk është mbyllur, është e mundur që të sjellim ndonjë emër surprizë. Të gjithë e dimë se kemi pasur probleme në krahun e majtë të mbrojtjes, po shqyrtojmë alternativën më të mirë”, tha shkurtimisht Valverde. David Alaba dhe Junior Firpo janë emrat që janë lidhur me një kalim te Barcelona këtë verë.

Në 2012-ën e quajti bir k****, tani është shok skuadre me Mesin

Sport Ekspres — Sat, 27 Jul 2019 17:12:41 +0000

Junior Firpo është një nga lojtarët që po kërkohet me ngulm nga Barcelona. Mbrojtësi i talentuar bëri një sezon të shkëlqyer me Real Betisin dhe konsiderohet si një nga spanjollët më premtues. Barcelona e sheh si pasuesin ideal te Zhordi Alba, që është në perëndim të karrierës.

Por, në vitin 2012, kur Firpo ishte vetëm 15-vjeç, ka thënë disa gjëra aspak të mira për Lionel Mesin, që me shumë gjasa do e ketë shok skuadre. Mëngjarashi shkroi asaj kohe në rrjetet e tij sociale: “Bir k****. Po të isha në një fushë me ty, do të t’i thyeja këmbët!”

Sot, mbrojtësi i Betis ka shfrytëzuar “Mundo Deportivo” për të pastruar imazhin e tij: “Kam qenë thjesht një fëmijë. Po tallesha me një shokun tim që është fans i madh i Mesit. Nuk kam asnjë dyshim që Leo është lojtari më i mirë në botë”, tha mes të tjerash Firpo.

Junajtid me ide të qarta, shumë pranë akordit me talentin e Betis

Sport Ekspres — Sat, 25 May 2019 20:20:01 +0000

Merkato e kësaj vere pritet të jetë shumë e zënë për Mançester Junajtid. Trajneri i “Djajve të Kuq”, Ole Gunar Solskjaer premtoi pak ditë më parë se ai dhe drejtuesit e klubit po punonin për të sjellë emra të mëdhenj. Megjithatë, krahas blerjeve “big”, Junajtid ka menduar të investojë dhe për talente me një kosto relativisht mesatare. Një i tillë është mbrojtësi i Real Betis, Zhunior Firpo.

Futbollisti 22-vjeçar luan si mbrojtësi i majtë dhe veçohet për aftësitë e tij në fazën sulmuese. Gjatë sezonit që sapo lamë pas, Firpo regjistroi 3 gola dhe 4 asiste. Lojtari me origjinë nga Republika Dominikane pritet të sjellë konkurrencë në krahun e majtë të mbrojtjes, pozicion ku Luk Shou është për momentin një titullar i padiskutueshëm. Kosto e këtij operacioni pritet të shkojë dike te 25 milionë euro.

Junior Firpo duke festuar perballe Barcelones