Raportimet e mëvonshme tregojnë se ishte vetëm një moment trullosje dhe Salah është parë më vonë të ecë normalisht dhe të largohet bashkë me ekipin. Ziad Mansur, gazetar i “Bein Sport” tregon nëpërmjet një postimi në Twitter se e ka parë yllin e Liverpul të ecë pa probleme pas daljes nga dhoma e mjekëve.

“Shikova yllin tonë Mohamed Salah duke ecur normalisht jashtë dhomës mjekësore në stadiumin ‘St. James Park’”, shkruan gazetari egjiptian në postim. Megjithatë do të na duhet të presim konfirmimin zyrtar të klubit, nëse Salah do të arrijë të luajë ndaj Barcelonës të martën. Dëmtimet në kokë kërkojnë një kujdes shumë të lartë.

Problem tjetër për “The Reds”, mbetet dhe Roberto Firminjo, i cili sipas gjasave nuk do të jetë i gatshëm për ndeshjen e mesjavës kundër Barcelonës. Në fillim u duk një dëmtim i lehtë dhe u mendua se do të luante në ndeshjen e parë ndaj katalanasve, por asgjë nuk ishte ashtu si dukej. Braziliani nuk u grumbullua as në ndeshjen e djeshme ndaj Njukasëll.

Trajneri Jyrgen Klop jep vendimin përfundimtar të stafit mjekësor në lidhje me gjëndjen e lojtarit dhe mundësinë nëse do të arrijë të luajë ndaj Barcelonës në aktin e dytë dhe përgjigja është jo. Sulmuesi ka mundësi të mos luajë as në ndeshjen e fundit në kampionat. “Ai nuk do të jetë gati të martën kundër Barcelonës. Për më pas do të shohim”, u shpreh trajneri Klop.

Braziliani është lojtar kyç në sulmin e The Reds, ndaj mungesa e tij edhe në stol ngriti shumë pikëpyetje. Më pas u zbulua se bëhej fjalë për një dëmtim në stërvitje dhe natyrisht nisi gara për të gjetur sa kohë do mungojë braziliani.

Në mediat angleze u raportua për mungesë të mundshme në mesjavën e ardhshme, në sfidën kundër Barcelonës në Champions League, ndërsa kishte edhe nga ata që shkonin deri aty sa të siguronin se Firmino e ka mbyllur sezonin.

Gjithsesi, pas ndeshjes së djeshme për dëmtimin e yllit të sulmit foli trajneri Jurgen Klop: “Bobi pësoi një tërheqje të lehtë në stërvitje dhe e lamë pushim. Mos u merrni me rrjetet sociale, Firmino nuk e ka mbyllur sezonin. Ai është një makinë, i pandalshëm, ndaj duke e njohur besoj se do të jetë në fushë kundër Barcelonës”.

Sulmuesi kryesor i të kuqve nuk është grumbulluar nga Klop për shkak dëmtimi. Sa i takon gjendjes së numrit 9, tekniku gjerman tha: “Në stërvitje, shfaqi një problem muskulor.

Nuk donim të rrezikonim sot me gjendjen e tij, por nuk është ndonjë gjë e madhe. Kundër Barcelonës, besoj se do të jetë gati”, u shpreh Klop. Për Liverpulin në këtë takim, do të jetë në stol Çambërlejn, i cili është riaftësuar pas dëmtimit 2-vjeçar dhe është gati për të luajtur.

Megjithatë, për Jyrgen Klop kanë filluar dhimbjet e kokës. Vetëm një ditë para ndeshjes, sulmuesi brazilian Roberto Firmino ka pësuar një të ftohur dhe nuk ka marrë pjesë në stërvitjen e ditë së sotme.

Te Bajerni mungon Arjen Roben dhe Korentin Toliso, ndërsa Kingsli Koman ia ka hedhur paq, pasi analizat mjekësore kanë zbuluar se francezi nuk pësoi dëmtim në takimin ndaj Augsburgut në fundjavë, ku la fushën duke çaluar.

Liverpuli mund të zhbllokonte i pari sfidën, por pak ndihmesë nga fati dhe një spastrim në vijë fatale nga Xhon Stons bën që Sita ta mbante rrjetën e paprekur. Përsëritja e “VAR” tregoi se topi ishte vetëm një milimetër pa kaluar vijë fatale.

Në minutën e 40-të, Aguero i dha avantazhin Sitit dhe vazhdon ecurinë fenomanale ndaj Liverpulit, të cilëve i ka shënuar në çdo ndeshje të Premier League, që është zhvilluar në fortesën e Sitit, “Etihad Stadium”.

Liverpuli barazoi në minutën 64-të. Një krosim perfekt i Arnold gjeti mëngjarashin Robertson, i cili shërbeu për Firminon, që iu desh vetëm të shtynte topin, pak metra larg portës së Sitit.  Pas gjashtë minutash, Siti rigjeti përsëri avantazhin me anë të Sanes, i cili mposhti Alison me një të majtë perfekte.

Nuk vonoi reagimi i Liverpulit, që pas dy minutash barazoi rezultatin me anë të Firminos, i cili i ndihmuar nga një devijim i topit me trupin e Mustafit, i ngeli vetëm të shtynte topin në portën e boshatisur.

Sulmuesi brazilian shënoi golin e dopietës në 16-tën. Kësaj radhe nuk i la gjë në dorë fatit, duke dribluar në mënyrë fantastike Mustafin dhe Sokratis dhe i vetëm përballë Lenos nuk kishte si të gabonte, duke realizuar një ndër golat më të bukur të karrierës së tij.

“Roberto Firmino është një lojtar që vendos ndeshje i vetëm. Ai lëviz midis linjave të mbrojtjes e mesfushës, ndërkohë që i liron shumë hapësira kolegëve të tij”, tha sulmuesi i Napolit në daljen për shtyp para takimit të nesërm.

Hapi fals në Beograd, ku Napoli barazoi ndaj Cërvena Zvezdës, bën që ndeshja e nesërme ndaj Liverpulit të ketë një rëndësi akoma më të madhe për skuadrën e drejtuar nga Karlo Ançeloti. Një humbje nesër ndaj anglezëve do të ishte shkatërrimtare për shpresat e napolitanëve për kalimin në fazën me eliminim direkt të Champions-it.

Pas ndeshjes, braziliani nuk mund të largohej pa folur për mediat. Në zonën “miks”, gjatë kohës që sulmuesi po i përgjigje pyetjeve të gazetarëve, është afruar dhe bashkëkombësi i tij, Nejamr, për ta përgëzuar për suksesin e arritur dhe për golin e tij, që ishte dhe më vendimtari.

“Urime, bëre një ndeshje të mirë”, u shpreh lojtari i PSG-së, diçka që u regjistrua dhe nga kamerat që ishin aty. Një veprim për t’u përshëndetur ky, pasi edhe pse kishte humbur në fund i shtrëngoi dorën fituesit, ashtu siç duhet të ndodhë në çdo ndeshje. Gjithsesi, Nejmar ishte dukshëm i zhgënjyer.

https://twitter.com/FCLNJROFICIAL/status/1042184387616493569?ref_src=twsrc%5Etfw%7Ctwcamp%5Etweetembed%7Ctwterm%5E1042184387616493569&ref_url=http%3A%2F%2Fwww.sportbible.com%2Ffootball%2Fnews-neymar-embraced-roberto-firmino-after-his-late-winner-against-psg-20180919

Në sfidën e fundit, ku Liverpul triumfoi ndaj Totenhem 1-2 në fushën e këtyre të fundit, sulmuesi brazilian, Roberto Firmino pësoi një dëmtim të frikshëm në pjesën e syrit. Braziliani ishte në dyshim për përballjen e sotme, por me sa duket në kampin e kuq ka lajme të mira.

26-vjeçari, duket se e ka lënë pas dëmtimin në sy dhe mund të jetë i gatshëm për sfidën e rëndësishme sipas mediave angleze. Një lajm që qetëson jo pak ambientin në kampin e skuadrës së Jurgen Klop.

Roberto Firmino pësoi një dëmtim jo pak të frikshëm në duelin me belgun e Totenhem, Jan Vertongen. Ishte minuta e 71-të kur braziliani u dëmtua në syrin e majtë dhe i trembi jo pak të gjithë ambientin e kuq.

Gjithsesi ka qenë vetë lojtari, ai i cili ka qetësuar të gjithë tifozët e Liverpul me një postim në llogarinë e tij në “Instagram”, ku ka thënë se çdo gjë është në rregull dhe se ai do të kthehet shumë shpejt.

“Ishte vetëm një trembje, syri im është në rregull, ashtu si unë. Ju falënderoj për çdo mesazh dhe shihemi së shpejti”, ishin fjalët e sulmuesit brazilian të Liverpul.

https://www.instagram.com/p/BnwU3EiHx1Z/?utm_source=ig_web_copy_link

Një histori e tillë është ajo e disa vite më vonë erdhi ngjitja në Bundesligë dhe tashmë skuadra e drejtuar nga një “fëmijë” si 30-vjeçari Julian Nagelsman luan në fazën play-off në Chamapions League.

E pabesueshme është edhe që një ndër lojtarët më të mëdhenj në historinë e Hofenhajmit u zbulua me anë të një videoloje (“Football Manager”) dhe tani luan te Liverpuli, rivali i Hofenhajmit në Champions League sot.

Bëhet fjalë për brazilianin Roberto Firmino, 25-vjeçari i cili ka një histori për film. Tani anëtar i kombëtares së Brazilit, Firmino e nisi karrierën me Clube de Regatas Brasil, ndërsa më pas nuk e pëlqyen te Sao Paulo, ndaj shkoi te Figueirense. Gjithçka normale, por karriera dhe jeta e tij ndryshuan pikërisht nga një videolojë e famshme, ‘Football Manager’, që në databazën e saj ka mbi 1.300 lojtarë nga 51 vende dhe ua përditëson statistikat çdo sezon.

Në krye të ekipit të zbuluesve të talenteve të Hofenhajmit është Luc Fanenshtil. E mbani mend? Me siguri vetëm shkodranët ia mbajnë mend emrin gjermanit, i cili në sezonin 2006-07 luajti pak muaj titullar në Shkodër. Ka luajtur në mbi 20 klube dhe ka një rekord botëror pa precedent: Fanenshtil është i vetmi futbollist në histori i cili ka luajtur në të gjitha kontinentet!

Tani Fanenshtil kujton si zbuloi Firminon: “Ia dinim emrin nga videoloja dhe një nga vëzhguesit tanë vuri re se Firmino po përmirësohej ndjeshëm te loja. Si për shaka, vendosëm ta vëzhgonim në Brazil, pamë nga afër atë që pretendonte videoloja dhe u bindëm që Firmino vlente si lojtar”.

Në vitin 2009 Firmino nuk kishte luajtur fare, ndërsa në vitin 2010 shënoi 8 gola në 36 ndeshje për Figueirense-n në Serinë B braziliane.

Fanenshtili guxoi: “Ishte një bast i rrezikshëm. Nëse paguan 4 milionë euro për një djalosh 17-18 vjeç, që luante në kategorinë e dytë, njerëzit mendojnë që duhet të luajë menjëherë në formacion, sepse duhet të jetë vërtet i mirë. Na kritikuan shumë, na thanë që paguam një shifër shumë të madhe për një futbollist që nuk ka bërë ende asgjë në karrierë”.

Basti rezultoi fitues: Firmino shpërtheu menjëherë dhe në sezonin 2013/14 u zgjodh zbulimi i sezonit në Bundesligë. Tek Hofenhajmi Firmino ka luajtur 140 ndeshje, i katëri në listën e lojtarëve me më shumë ndeshje në Bundesligë tek Hofenhajmi, ndërsa shënoi 38 gola e dha 29 asiste, pas emrave si Salihoviç e Ibisheviç.

Aty ku Firmino nuk ka rival është çmimi i shitjes, 42 milionë euro te Liverpuli, rekord për klubin gjerman. “E shitëm në vitin 2015 për 42 milionë plus bonuse, ndaj mendoj se bëmë mirë. Pa dyshim, ishte një zbulim i mirë”, thotë Fanenshtil.