Megjithatë, sulmuesi dhe shokët e tij kanë një shans për të mos e mbyllur sezonin pa trofe. Të dielën luhet finalja e Kupës së Shqipërisë. Përballë janë bardheblutë e Tiranës. Ndeshja do të zhvillohet në Elbasan Arena.

 

View this post on Instagram

 

Terminou o campeonato na Albânia. Terminamos como segundo classificado, que dá acesso a liga #Europa não era esse o objetivo do Clube, era de sermos campeões. Há que dar os parabéns ao Partizan pelo título de campeão. Agora temos uma final da taça por ganharmos no Domingo. Continuar focado e terminar a época desportiva em grande. Queria muito vencer o campeonato como também o Clube queria, mas temos aqui mais uma oportunidade para erguermos um troféu nesta época. Eu acredito. ???

A post shared by Reginaldofaite (@reginaldofaitemocambicano) on May 30, 2019 at 3:13pm PDT

Rexhinaldo luajti finalen e këtij kompeticioni edhe sezonin e kaluar në këtë stadium. Nuk ia doli të ngrinte në qiell trofeun me Laçin, por ka besim se do triumfojë me verilindorët.

“Mbaroi kampionati në Shqipëri. E mbyllëm të dytët, që do të thotë kualifikim për në Europa League. Nuk ishte ky objektivi i klubit, sepse ishte titulli kampion. Duhet të urojmë Partizanin për titullin. Tani kemi një finale kupe te dielën dhe duhet ta fitojmë. Duhet të japim maksimumin për ta mbyllur sezonin bukur. Do doja shumë ta fitoja titullin, por tani kemi mundësi ta mbyllim me një trofe”, shkruan bomberi afrikan.

Në lidhje me finalen ka reaguar edhe klubi kuksian në faqen zyrtare. Presidenti Gjici i ka dhënë një dorë tifozëve, duke siguruar transport falas për ta. Kreu i klubit verilindor dëshiron që ekipit të mos i mungojë mbështetja. Autobusë pa limit do të nisen nga Kukësi, ndërsa do të ketë edhe 4 të tillë në Kamzë dhe 1 në Durrës.

Ditën e sotme “FSHF” ka zbuluar çmimet e biletave për këtë takim. Biletat e tribunave C, D, E, F, G  kanë një çmim të arsyeshëm prej 200 lekësh (të reja), ndërsa një vend në tribunat A dhe B do t’u kushtojë 1000 lekë.

Çmimi më i lartë është ai i tribunave “VIP”, bileta e të cilave ka një kosto prej 2000 lekësh. Të gjithë të interesuarit mund të blejnë biletat në: 1.Biletarinë pranë stadiumit Selman Stërmasi 2.Dyqani zyrtar i FSHF-së te rruga e Elbasanin 3.Biletaria  e stadiumit “Elbasan Arena”.

Hera e 13-të që Bazeli fiton këtë trofe. Taulant Xhaka u aktivizua gjatë gjithë ndeshjes në rolin e mbrojtësit të djathtë, ndërsa Edon Zhegrova shijoi suksesin nga pankina.

Ndeshja u zhbllokua në mesin e pjesës së parë. Albian Ajeti, sulmuesi që mbron ngjyrat e përfaqësueses zvicerane, kaloi ekipin e tij në avantazh. 22-vjeçari goditi bukur me kokë pas krosimit të Valentin Stoker dhe gjeti rrugën e rrjetës.

Dyfishimi erdhi në minutën e 77-të. Një aksion i bukur i Bazelit u konkretizua nga Fabian Frei, i cili u tregua i saktë nga brenda zonës. Tuni nuk u dorëzua dhe gjeti golin pas katër minutash.

Një goditje këndi u devijua nga Kablan dhe topi përfundoi te Sorgiç, i cili nuk e pati të vështirë për të shkurtuar rezultatin. Pavarësisht përpjekjeve të Tunit, ndeshja nuk dhuroi më gola dhe Xhaka me shokë festuan fitimin e trofeut të dytë më të rëndësishëm.