Festë e kuqe dhe zhgënjim i madh për tifozët e Spurs, ndërsa një episod i veçantë ndodhi në minutat e para të duelit anglez. Një bionde gjysmë e zhveshur u fut në fushën e blertë, duke rritur entuziazmin në shkallë dhe befasuar lojtarët e të dy ekipeve.

Personeli i sigurisë reagoi shpejt, e nxori jashtë dhe ndeshja rifilloi. Ajo quhet Kinsej Volanski, është 23 vjeçe dhe bën rolin e modeles. Së bashku me burrin e saj, Vitali Zdorovetski, zotërojnë një faqe për të rritur në internet, që quhet Vitaly Uncensored.

Reklamimi i saj ka qenë qëllimi kryesor dhe Kinsej ia ka dalë për mrekulli. Fansat e saj ishin ndalur në shifrën 300 mijë para finales, ndërsa pas “pushtimit” të fushës numri ka shkuar në 2.2 milionë!

“Jeta është bërë për gjëra të çmendura”, është një prej shprehjeve të preferuara të amerikanes dhe çmenduria e saj ka dhënë menjëherë efektin e duhur. Megjithatë, çifti nuk e kishte llogaritur saktë një gjë.

Faqja e tyre është bllokuar nga klikimet e shumta dhe ka dalë jashtë përdorimi. Më mirë të themi një bllokim me dashje nga autoritetet, pasi veprimi i Kinsejt mund të krijojë një precedent të rrezikshëm. Gjetja e saj vlen, por është kundër rregullave.

Vajza të tjera mund të ndjekin rrugën e saj për të rritur numrin e fansave, kështu që autoritet e rrjeteve sociale kanë bllokuar gjithçka, pavarësisht se pati një “boom” të madh që kaloi shifrën e dy milionë njerëzve në faqen e modeles bionde.

?? Il risultato dell’invasione hot di #TottenhamLiverpool? Un boom da 300mila followers a oltre 2 milioni, ma anche la chiusura del profilo

?La parabola di #KinseyWolanski, meteora di Instagram e del #WandaMetropolitano ?https://t.co/grWad4tD9x

— Gianluca Di Marzio (@DiMarzio) June 2, 2019

Madridi është i blinduar nga forca policore dhe sigurie, por sherret nuk janë evituar dot. Disa përplasje janë regjistruar mes tifozëve të dy ekipeve. Një polic është plagosur dhe pesë tifozë anglezë janë arrestuar, ndërsa ka patur edhe tifozë

Rreth 5 mijë policë janë angazhuar për mbarëvajtjen e finales së madhe, ndërsa po përdoret edhe sistemi anti-dron rreth zonës së stadiumit “Wanda Metropolitana”.

Dueli anglez po pritet me padurim që të ndiqet nga të gjithë. Ronaldo Fenomeni ka vendosur të rrisë adrenalinën e tifozëve të… Liverpulit. Braziliani i famshëm ka bërë një parashikim për finalen e madhe, madje ka guxuar të gjejë rezultatin në kokë!

3-1 për ekipin e Klopit mendon Ronaldo se përfundon ndeshja. Postimi i tij në faqen zyrtare të UEFA-s ka sjellë reagime të shumta. The Reds urojnë që ish-sulmuesi legjendar të qëllojë në kokë, ndërsa tifozët e Spurs shpresojnë të kundërtën.

??? @Ronaldo is backing @liverpoolfc ?

Agree? ???#UCLfinal pic.twitter.com/4jGZA6DRiz

— UEFA Champions League (@ChampionsLeague) May 30, 2019

Ekipi i Klop do tentojë të fitojë për herë të gjashtë në histori trofeun më të rëndësishëm për klube, ndërsa Spurs për herë të parë. Trajneri gjerman ka folur për faqen e UEFA-s.

Dy finalet e para i ka humbur dhe kjo është e treta. Në të parën dështoi përballë Bajernit kur ishte në stolin e Dortmundit, ndërsa vjet e mposhti Reali në Kiev. Tani është momenti i së vërtetës, por Klop nuk e nënvlerëson aspak ekipin e Poçetinos, përkundrazi.

“Liverpuli dhe Totenhemi e njohin shumë mirë njëri-tjetrin. Përveç kësaj, është një finale dhe duhet të përgatitemi duke studiuar pikat e forta dhe të dobëta të kundërshtarit. Në këtë aspekt nuk ka asnjë ndryshim me finalet e tjera. Nëse jemi në formë, është e vështirë për t’u përballur me ne, por e njëjta gjë vlen edhe për Totenhemin.

Një fjalë e urtë gjermane thotë: ‘E treta, e vërteta’. Kur isha te Mainci dështova dy herë për të ngjitur ekipin në Bundesligë. Herën e tretë ia dola. Shpresoj që kështu të ndodhë edhe në finalen e Champions Ligës”, përfundon Jurgen Klop.

Diçka e tillë ka shqetësuar klubin spanjoll, që ka reaguar me anë të një deklarate të shkruar. Reali vë në pah marrëveshjen me UEFA-n dhe Atletikon e Madridit, në stadiumin e së cilës do të zhvillohet finalja e Champions Ligës me datë 1 maj.

Ata dhe Atletiko kanë vënë në shërbim qendrat e tyre stërvitore për dy klubet angleze, por deri tani nuk ka ardhur asnjë kërkesë për përdorim më të shumtë.

“Jemi të befasuar nga deklarata e trajnerit të Totenhemit. Reali dëshiron të bëjë të qartë se kërkesa e bërë nga Totenhemi është plotësisht e rreme. Kemi treguar gjithmonë gatishmërinë për të përmbushur gjithë kërkesat e UEFA-s, Atletikos, Liverpulit dhe Totenhemit. Liverpuli ka planifikuar të stërvitet mëngjesin e 1 qershorit në qendrën tonë, ndërsa Totenhemi do e bëjë të enjten e 30 majit dhe të premten e 31 majit.

Real Madrid gjithashtu dëshiron të theksojë se akomodimi i skuadrave finaliste të Champions League është caktuar nga UEFA sipas kritereve të organizimit dhe sigurisë. Dhe se në asnjë kohë nuk është kërkuar klubi ynë që këto skuadra të mund të vendosen në objektet e qendrës stërvitore të Real Madridit“, përfundon reagimi i Real Madrid.

? OFICIAL | El @realmadrid desmiente que los @SpursOfficial pidieran alojarse en Valdebebas, tal y como dijo Mauricio Pochettino en el @partidazocope

? Remarca que han atendido a las peticiones, que los 2 equipos entrenarán en Valdebebas y que los alojamientos los asigna UEFA pic.twitter.com/64KmcGX5fS

— El Partidazo de COPE (@partidazocope) May 24, 2019