Filipe Luis

Ka karrierë të ndritur, ama ëndrra e Filipe Luis nuk paska qenë plotësuar

Sport Ekspres — Tue, 23 Jul 2019 19:29:28 +0000

Shumë shpesh themi se njeriu jeton për të plotësuar ëndrrat. Megjithatë, “egërsia” e jetës dhe pragmatizmi i përditshmërisë bën që gjërat që duam më shumë t’i “strukim” në një cep e të zgjedhim të përballojmë ashpërsinë e të jetuarit në këtë botë.
Kështu i ka ndodhur edhe Filipe Luis. Mbrojtësi ka bërë një karrierë të ndritur në Evropë, duke luajtur me klube si Ajaks, Çelsi apo Atletiko. Përtej kësaj, dëshira e 33-vjeçarit nuk paska qenë arritur ende.

Ai është lojtari më i ri i Flamengos dhe me transferimin te gjgantët brazilianë, më në fund ai ka plotësuar ëndrrën e fëmijërisë së tij. Mbrojtësi e pohoi këtë nëprmjet një postimi në rrjetet sociale, ku tregon një foto me bluzën kuqezi të veshur.

Sentimento que passa de pai para filho, de vô para neto. O coração balança. Chegou o grande dia, o dia de realizar meu sonho de criança. O dia em que posso dizer que sou jogador do meu Mengão. pic.twitter.com/8fXq0xzhKG

— Filipe Luis (@filipeluis) July 23, 2019

Filipe Luis i jep fund pritjes, konfirmon skuadrën e re

Sport Ekspres — Tue, 23 Jul 2019 07:03:41 +0000

Filipe Luis vendosi t’i japë fund 14 vite qëndrim në Europë. Negociatat për rinovim me Atletikon nuk rezultuan të frytshme, ndërsa Barcelona u tërhoq në momentin e fundit, duke e shtyrë 33-vjeçarin që këto vite të fundit të karrierës së tij t’i kalojë në Brazil.

Flamengo përflitej si ekipi i ri i mëngjarashit, por së fundmi është konfirmuar nga vetë mbrojtësi që me anë të një fotoje në Instagram shihet teksa ka veshur bluzën e Flamengos së bashku me dy yjet e tjerë brazilian Paketa dhe Dani Alvesh.

“Gjiganti” nga shteti federal i Sao Paolos është ekipi më i pasur në Brazil gjatë viteve të fundit. Krahas Filipe Luis, Flamengo ka siguruar shërbimet e lojtarëve si ish-mbrojtësi i Bajernit Rafinja dhe ish-sulmuesi i CSKA-së së Moskës, Vitinjo.

Tjetër largim nga Atletiko, mbrojtësi rikthehet në shtëpi

Sport Ekspres — Sun, 21 Jul 2019 12:23:24 +0000

Filipe Luis është larguar nga Atletiko Madrid. Brazilianit i përfundoi kontrata në verë dhe palët vendosën të mos vazhdonin bashkëpunimin.

33-vjeçari është rikthyer në vendlindje dhe ka firmosur një kontratë 2-vjeçare me Flamengon. Mbrojtësi i majtë ishte pjesë e “colchoneros” prej vitit 2014. Një sezon u transferua tek ekipi i Çelsit përpara se të rikthehej sërish në Madrid.

Së fundi ai fitoi Kupën e Amerikës me kombëtaren e tij, me të cilët ka shënuar dy gola në 44 ndeshje të zhvilluara. Lajmi është zyrtarizuar edhe nga Atletiko Madrid. Filipe Luis e mbylli aventurën me spanjollët me 333 ndeshje të zhvilluara dhe 8 trofe të fituar.

OFFICIAL: Atlético Madrid have confirmed that Filipe Luis will leave this summer after making 333 appearances and winning eight trophies with the club. pic.twitter.com/FkQgB7sGtv

— Squawka News (@SquawkaNews) July 21, 2019

Lojtarët pa kontratë, 4 emra “big” ende në pritje të ofertave

Sport Ekspres — Thu, 18 Jul 2019 14:11:11 +0000

Klubet në të gjithë botën janë fokusuar te përforcimi i ekipit me elemente cilësorë. Në elitën e futbollit po shpenzohen me qindra miliona euro për kartonët e futbollistëve të ndryshëm, por ka dhe ata lojtarë që jane ende pa ekip dhe mund të afrohen me kosto 0.

Filipe Luis nuk do të jetë më pjesë e Atletiko Madrid. Pasi negociatat me Barcelonën u mbyllën pa sukses, mbrojtësi brazilian po mendon për një rikthim në vendlindje ku klubi më i pasur në Brazil , Flamengo, i ka bërë një ofertë tunduese.

Fernando Jorente është lojtar i lirë në treg. Totenhem nuk preferoi të rinovonte me sulmuesin bask dhe tani 34-vjeçari po pret ofertat për të firmosur atë që mund të jetë ekipi i fundit në karrierë. Ndoshta fundi perfekt do ishte te ish-klubi i Atletik Bilbaos.

Frenk Riberi në ndryshim nga kolegu i tij Arjen Roben nuk ka ndërmend të japë dorëheqjen nga futbollit. Francezi është në bisedime me një ekip australian, por marrëveshja midis palëve duket larg.

Tomas Vermaelen i ka dhënë fund qëndrimit 5-vjeçar te Barcelona. Mbrojtësi belg nuk është më lojtari i dikurshëm, por mbetet një opsion interesant për ato klube që duan të kenë në stol një futbollit që jep garanci në raste emergjencash.

Mosha tremb Barcelonën, mbyllen bisedimet me brazilianin

Sport Ekspres — Thu, 11 Jul 2019 12:08:33 +0000

Pozicioni i mbrojtësit të majtë është kthyer në një problematikë te Barcelona. Zhordi Alba është ndër më të mirët në planet në rolin e tij, por “plani B” në rast dëmtimi ose lodhje të spanjollit nuk ekziston që prej largimit të francezit Lukas Dinj.

Një ndër futbollistët me të cilët po negocionin drejtuesit katalanasit ishte braziliani Filipe Luis. 33-vjeçari, tanimë një lojtar i lirë, ishte i interesuar t’i bashkohej kampionëve të Spanjës në një kontratë 2-vjeçare. Megjithatë nuk ka qenë e shkruar që marrëveshje të konkretizohej.

E përditshmja katalanase “Mundo Deportivo”, raporton brazilianit i është bërë e ditur se interesi i Barcelonës për shërbimet e tij nuk ekziston më. Shkak për këtë vendim është bërë mosha e madhe e mbrojtësit që pak javë më vonë do të mbushë 34 vjeç.

Barcelona pritet të investojë te një lojtar i ri në moshë që do të jetë një konkurrent i denjë për Zhordi Albën.

Atletiko pa mbrojtje, pas Godin largohen dy yjet e tjerë

Sport Ekspres — Wed, 15 May 2019 07:00:10 +0000

Atletikos së Madridit do i duhet shumë para dhe punë gjatë meratos së ardhshme. Pas Diego Godin janë dy mbrojtës të tjerë që largohen nga “Wanda Metropolitano”. Filipe Luis dhe Huanfran nuk kanë pranuar rinovimet njëvjeçarë të ofruar nga klubi dhe kanë vendosur të largohen me kosto zero. Dy lojtarët e krahut, bashkë me Godin përbënin bazën e repartit difenziv të ekipit të Simeones. I vetmi “i mbijetuar” është uruguajani Himenez.

Atletikos do i duhet të ndërhyjë shpejt për të plotësuar mbrojtjen. Objektivat për të zëvendësuar dyshen e krahut vijnë nga Portugalia. Felipe dhe Aleks Tejes të Portos do të synohen në merkato. Blerja e tyre pritet t’i kushtojë Atletikos rreth 50 milionë euro.

Tejes në të majtë, Felipe në të djathtë

Dy mbrojtësit do e pëlqenin një transferim në Madrid, duke parë që nuk do ta kenë shumë të vështirë të zënë vendin e titullarit. Të dy lojtarët janë brazilianë. Felipe është 29 vjeç dhe Tejes mban 26 vite mbi supe.

Simeone humbet shtyllën e mesfushës, Filipe Luis: Atletiko të mbajë fjalën e dhënë!

Sport Ekspres — Tue, 22 Jan 2019 13:51:15 +0000

Filipe Luis ishte pranë largimit nga Atletiko e Madridit në verë, por trajneri Simeone dhe drejtuesit e klubit e bindën të vazhdonte me ekipin “colchoneros”.

33-vjeçari është rikthyer të flasë për të ardhmen e tij për “globoesporte”, duke treguar dëshirën e tij të madhe për të mbyllur karrierën në kryeqytetin spanjoll.

“Kontrata ime me Atletikon përfundon në verë, Kur u ktheva nga Çelsi mendoja ta mbyllja karrierën këtu. Jam gati të rinovoj për 2-3 vite të tjera dhe më pas do të më pëlqente të vazhdoja të punoja për këtë klub. Kjo ishte ideja ime, por gjërat ndryshojnë ndonjëherë. Drejtuesit më kanë premtuar përpara ekipit se në fund të merkatos do të sakrifikonin për të më ofruar një kontratë të mirë. Shpresoj të më ofrojnë 2-3 vite rinovim për të mbyllur karrierën si futbollist tek Atletiko”, përfundon mbrojtësi brazilian.

Koke

Diego Simeone ka marrë një lajm të keq nga infermieria. Mesfushori Koke është dëmtuar dhe mund të qëndrojë disa kohë pushim. 27-vjeçari ka patur probleme në ndeshjen kundër Hueskës (shënoi një dygolësh) dhe me shumë mundësi do të humbasë sfidën e parë kundër Juventusit në Champions Ligë (20 shkurt).

Koke ka pësuar një tërheqje muskulore të shkallës së parë në anën e përparme të kofshës së djathtë, ndërsa trajneri shpreson ta ketë të gatshëm shtyllën e mesfushës në duelin e fortë kundër bardhezinjve të Alegrit.

Filipe Luis sulmon FIFA-n: Çmim i pavlerë, si mund të injorosh Mesin

Sport Ekspres — Wed, 05 Sep 2018 18:47:58 +0000

Lionel Mesi nuk ishte pjesë e kandidatëve për lojtarin më të mirë të vitit nga FIFA pas plot 12 vitesh. Lista pa yllin argjentinas shkaktoi shumë polemika dhe shumë gazetarë, futbollistë dhe figura të sportit ngritën zërit ndaj këtij vendimi të çuditshëm.

Lojtari më i fundit që ka dalë kundër vendimit të FIFA-s është mbrojtësi brazilian Filipe Luis, i cili e cilësoi çmimin që jepet nga FIFA si të pavlerë.

“Nuk mund ta kuptoj atë çmim. Për mendimin tim Mesi është lojtari më i mirë në planet, të paktën në këto tri vitet e fundit, dhe ai nuk e ka fituar këtë çmim në këto tri vite. Salah dhe Ronaldo e meritojnë të jenë në treshen finale, por të bësh atë që Mesi bën çdo ndeshje është e paimagjinueshme. S’kam as më të voglin dyshim se ai është më i miri në botë”, the Filipie Luis në konferencën për shtyp

Aksi Bajern-Atletiko-PSG, ja lëvizjet që priten të ndodhin

Sport Ekspres — Wed, 22 Aug 2018 14:07:34 +0000

Teksa kanë mbetur dhe nëntë ditë kohë nga mbyllja e merkatos në Spanjë, Francë dhe Gjermani, klubet po bëhen gati për të kompletuar kontingjentin për sezonin e gjatë që kanë përpara. Një prej reparteve me pak lëvizje ka qenë ai i mbrojtësve të majtë. Por, kjo gjë pritet të ndryshojë me dy transferime të bujshme.

Bëhet fjalë për Filipe Luisin dhe Huan Bernatin. Për mbrojtësin brazilian interesohet PSG-ja, akordi për pagën e lojtarit është arritur, por mungon mirëkuptimi me klubin e Atletikos. Bernat hyn në lojë, si zëvendësuesi i Luisit tek Atletiko.

Bajerni nuk e konsideron të pashitshëm spanjollin, kontrata e të cilit mbaron në fund të këtij sezoni. Sipas medieve spanjolle Bernat mund të vishet “rojiblanco” për 15 milionë euro, ndërsa Luis mund të kalojë në Francë për të njëjtën shumë.

Filipe Luis drejt Parisit, Simeone mundohet t’i ndryshojë mendim

Sport Ekspres — Mon, 20 Aug 2018 22:25:33 +0000

Mbrojtësi brazilian i Atletikos së Madridit, Filipe Luis, është shumë pranë transferimit nga Atletiko e Madridit te PSG, duke pasur edhe një marrëveshje verbale me klubin francez.

Mbrojtësi 33-vjeçar ka luajtur për 7 sezone me Atletikon, duke pasur vetëm një ndërprerje në sezonin 2014/15, kur shkoi te Çelsi dhe luajti fare pak.

Një idhull në Madrid, Filipe Luis pësoi një dëmtim që për pak i dogji pjesëmarrjen në Kupën e Botës, por ia doli mbanë të riaftësohej dhe luajti në Rusi, duke treguar se është në formë perfekte fizikisht.

Në Superkupë Filipe Luis ishte në stol dhe kjo ishte një arsye më shumë për të kërkuar largimin, që në një farë mënyre e zyrtarizoi portieri Oblak pas barazimit 1-1 në Valencia: “Është e trishtueshme, por kështu funksionon. Filipe ka një mundësi të mirë dhe duhet respektuar vendimi i lojtarit. Të shohim”.

Megjithatë, trajneri Diego Simeone nuk e mendon ashtu: “Mendoj se do qëndrojë. Ai është një lojtar që e di sa shumë e duam dhe sa i rëndësishëm është për ne”. Fjalë sa për sy e faqe, apo Simeone do ta bindë brazilianin të ndryshojë mendim?