Filip Kutinjo

Kutinjo do një zgjidhje finale, refuzon anglezët

Sport Ekspres — Mon, 05 Aug 2019 17:50:26 +0000

Marrëdhëniet e mira mes klubeve të Arsenalit dhe Barcelonës, por edhe mungesa e hapësirave në formacion për Kutinjon, e lidhin brazilianin me një huazim 1-vjeçar te klubi londinez. Ai nuk po arrin të përshtatet dhe Dembele e ka treguar në miqësore se është në formë dhe ndikon mjaft në lojën e katalanasve.
Mos harrojmë ardhjen e Grizman. Kështu, Kutonjo rezulton si zgjedhje e tretë në silm te katalanasit. Megjithatë, sipas medieve spanjolle braziliani nuk pranon të largohet në formën e huazimit. Ai ja ka bërë të qartë klubit se do një vendim përfundimtar rreth të ardhmes së tij.

Për momentin në Barcelonë nuk ka asnjë ofertë. E vetmja mundësi për të është një kalim te PSG si pjesë e operacionit për të sjellë Nejmar në Barcelonë. Por edhe kjo pistë mund të bjerë, pasi drejtuesit e dy klubeve po tentojnë një huazim 1-vjeçar me të drejtën e blerjes në fund të sezonit të ardhshëm për sulmuesin e kampionëve të Francës.

Kutinjo: Rikthim te Liverpuli? Nuk e di nëse kanë nevojë

Sport Ekspres — Mon, 15 Jul 2019 20:30:18 +0000

Filip Kutinjo nuk ka përjetuar aspak një periudhë të mirë në Barcelonë. Braziliani nuk ka arritur të jetë vetvetja në “Camp Nou”. Largimi nga katalanasit një alternativë mjaft e mundshme. Në lidhje me këtë temë ka folur agjenti i Kutinjos, Jorabkian.

Mançester Junajdit e ka ndjekur prej kohësh brazilianin dhe mund të ndërhyjnë me një ofertë. Megjithatë, agjenti i tij shprehet se transferimi te ata është gati i pamundur. Kutinjo nuk dëshiron të shkojë atje për shkak të konkurencës që “Djajtë” kanë me Liverpulin. I pyetur për një rikthim në “Anfield”, Jorabkian e lë “topin” nga ana e kampionëve të Evropës.

“Mançester Junajtid janë një klub i madh. Kam lojtarë në menaxhim atje dhe ka një respekt të madh për stafin. Megjithatë, është gati e pamundur që Kutinjo të transferohet në ‘Old Trafford’. Është shumë e vështirë që ai të luajë për ndonjë rival të Liverpulit. Ai ka një lidhje të madhe me atë klub. Koha atje ishte e mrekullueshme për të.”

“Rikthim? Liverpul kanë ndërtuar një skuadër të frikshme. Trajneri ka krijuar një balancë shumë të mirë. Janë një nga klubet më të kompletuar. Pra, me ndërtimin që i kanë bërë ekipti, nënshkrimi i Kutinjos do të bëhej vetëm nëse ata ndiejnë se kanë një boshllëk, të cilin do e mbulonte ai. Në këtë moment është shuëm e vështirë që Liverpul dhe Kutinjo të ribashkohen”, u shpreh agjenti.

Klop e do akoma, Liverpuli tenton rikthimin e bujshëm

Sport Ekspres — Sat, 22 Jun 2019 13:24:17 +0000

Liverpul e shiti Kutinjon në këmbim të 142 milionë eurove në Barcelonë, por dëshiron kthimin e tij. Fantazisti nuk ka arritur të përshtatet me stilin e katalanasve dhe me shumë mundësi do të largohet këtë verë. Klubet e interesuara për të janë Liverpul, PSG dhe Mançester Junajtid.
Sipas medieve angleze, Kutinjo i ka refuzuar “Djajtë e Kuq” për respekt të ish-klubit të tij. Dy ekipet gëzojnë një rivalitet shumë të madh me njëri-tjetrin. Kështu në garë ka mbetur vetëm Liverpul dhe PSG. Klop e dëshiron me patjetër rikthimin e brazilianit dhe pritet të niset me një ofertë zyrtare.

Barcelona akoma nuk e ka vendosur se ç’do bëjë me mesfushorin, ndërkohë që mediet spanjolle e përfshijnë me një kalim te PSG si pjesë e marrëveshjes për të sjellë Nejmar në “Camp Nou”. Gjithsesi, duhet me patjetër të dëgjohet dëshira e Kutinjos, që me deklaratat e tij lë çdo gjë të paqartë.

Ndërhyrje urgjente në merkaton e Barçës, zbulohen 4 lëvizje

Sport Ekspres — Thu, 09 May 2019 19:22:37 +0000

Barcelona e shkërmoqur psikologjikisht nga dështimi i radhës në Champions League, pritet të ndërhyjë për të ndryshuar situatën. Përmirësimi i skuadrës me lojtarë të mëdhenj dhe largimi i fajtorëve është ilaçi i vetëm që ka në dorë presidenti Bartomeu.

Pista e Antuan Grizman është hapur sërish dhe francezi pritet të jetë objektivi i Barçës në verë. Kohët e fundit në mediat spanjolle ka qarkulluar lajmi se Grizman, ndryshe nga viti i kaluar, dëshiron të transferohet në “Camp Nou”. Dështimi Kutinjo dhe dëmtimet e shpeshta të Dembele e bëjne Barcelonën të mendojë seriozisht për të investuar për marrjen e francezit. 120 milionë euro do t’i kushtoje katalanasve një afrimi mundshëm i 28-vjeçarit.

De Ligt është operacioni aktual që Barça shpreson ta mbyllë sa më shpejt të jetë e mundur. “Sport.es” shprehet se transferimi është pranë përfundimit dhe se për mbrojtësin do të paguhen rreth 75 milionë euro. Paga e tij pritet të jetë e përafërt me atë të De Jong.

Me ardhjen e këtij të fundit një nga mesfushorët pritet të sakrifikohet. Ivan Rakitiç është në dyshim për të ardhmen e tij të Barça. Kroati është lidhur me një kalim të mundshëm te Interi. 31-vjeçari konsiderohet si një lojtar kyç në “Camp Nou”, megjithatë mosha e tij nuk premton shumë dhe blaugranët e mendojnë seriozisht një largim të tij, për të përfituar edhe financiarisht. Katalanasit pritet të arketojnë rreth 50 milionë euro.

Kutinjo është gati i larguar. Braziliani nuk i ka justifikuar kurrë 140 milionët e shpenzuar nga Barcelona. Klubi kërkon ta shesë sa më shumë të jetë e mundur për të ulur sa më shumë humbjet e këtij operacioni.

Kutinjo dhe klauzola e veçantë mes Barcelonës dhe Liverpulit!

Sport Ekspres — Wed, 21 Nov 2018 15:21:00 +0000

Filip Kutinjo u transferua në janar nga Liverpuli te Barcelona për shumën e 160 milionë eurove. 120 milionë të paguara direkt dhe 40 të tjera në forma të ndryshme, në varësi të paraqitjes dhe arritjeve të lojtarit me klubin katalanas.

5 milionë euro nëse Kutinjo luan 25 ndeshje me Barcelonën; 20 milionë euro kur Kutinjo të arrijë 100 ndeshje me Barçën; 10 milionë euro për dy kualifikimet e radhës të Barcelonës në Ligën e Kampioneve; 5 milionë euro nëse Barcelona fiton Ligën e kampioneve deri në mbylljen e kontratës së Kutinjos me këtë klub.

Por, siç citon “Cadena Ser”, në marrëveshjen e klubeve për transferimin e 26-vjeçarit ekziston dhe një klauzolë e veçantë: Barcelona nuk mund të blejë lojtarë të Liverpulit për 3 vitet e ardhshme.

Një gjë e tillë është kërkuar me ngulm nga Liverpuli. Braziliani firmosi me datë 6 janar me Barcelonën deri në vitin 2023, përfiton një rrogë prej 14 milionë eurosh në sezon, ndërsa klauzola e shitjes së tij është 400 milionë euro.

Siguria e ish-zyrtarit të Barcelonës: Zëvendësuesi i Iniestës gjendet në ekip!

Sport Ekspres — Sun, 26 Aug 2018 14:15:55 +0000

Robert Fernandez, ish-sekretari teknik i Barcelonës, tashmë është pjesë e kanalit “Bein Sport Laliga”, ku po bën rolin e komentatorit. Klubi nuk i rinovoi kontratën dhe në vendin e tij u zgjodh Erik Abidal.

Fernandez ka folur rreth largimit të Iniestës dhe tregon zëvendësuesin e tij, i cili është pjesë e Barcelonës. Andres Iniesta u largua mbas një jete me Barçën dhe tashme ka nisur aventurën në futbollin japonez me ekipin e Visel Kobe.

“Iniesta ka shkruar epokën e futbollit botëror, por gjithmonë kam menduar që Kutinjo është zëvendësuesi ideal i tij. Duhet të mendonim për të gjetur një lojtar të gatshëm për të mbuluar boshllëkun e lënë nga Iniesta dhe vendimi për të afruar Kutinjon në ekip, ishte ai i duhuri”, përfundon ish-zyrtari i Barcelonës.