Një “gardian” si Enea Koliçi jep garanci absoluten në portë. Veliu dhe Turtulli janë një dyshe interesante për qendrën e mbrojtjes, ndërsa Gocaj dhe Kotobelli në krah janë lojtarë të sprovuar prej vitesh në ato role.

Mesfusha treshe me Jonuzin, Hilën dhe Behar Ramadanin është një trinom i kompletuar. Në krahë të sulmit Ngo dhe Fili garantojnë asiste të shumtë për shkodranin Sukaj, i cili tregoi te Flamurtari se në Superiore është i aftë të bëjë diferencën.

“Erdha nga Skënderbeu pas gjashtë muajsh jo shumë të mira, pasi nuk luajta shumë. Jam i kënaqur që erdha këtu dhe gjeta minuta, shënova, asistova. Gjithsesi, ndjej që nuk kam dhënë ende maksimumin e plotë, por them që kam bërë mirë”.

“Faza e dytë, për mendimin tim, mendoj se ishte e suksesshme, pasi gjendja në të cilën e gjeta ekipin ishte e keqe. Dy ndër lojtarët më të mirë ishin larguar, Rroca dhe Shkurtaj, u largua dhe trajneri. Por ne treguam forcë, besim dhe të gjithë bashkë, realizuam objektivin që kishim”.

“Tani sapo kemi mbaruar sezonin, është koha të bëjmë pushime. Më vonë, do të mblidhemi me presidentin dhe agjentin të diskutojmë. Unë personalisht, dua të qëndroj këtu, pasi ndihem mirë. Besoj që dhe me presidentin do të gjejmë gjuhën e përbashkët, pasi këtu më kanë pritur shumë mirë”, u shpreh Fili.

Në një intervistë për “Supersport”, Fili analizon sezonin me bluzinjtë dhe flet për të shkuarën dhe të ardhmen e tij.

“Ky gjysmë sezoni ka qenë mjaft pozitiv. Nuk ka pasur shumë pritshmëri, por i kemi tejkaluar. Jam i kënaqur në aspektin personal. Gjithsesi besoj se kam edhe më shumë potencial, por shpresoj që nxjerr më vonë”.

“Kur erdha mbijetesa ishte objektivi i vetëm. Duke parë që mund të bënim diçka në Kupë, shpresat ishin të mira. Sidomos pas ndeshjes së parë që doli 0-0. Në ndeshjen e dytë u prish gjithçka. Do ishte kënaqësi e madhe të luajë  një finale, por nuk ishte e thënë. Ndoshta do e provojmë sërish vitin tjetër”.

LUHATJET NË KARRIERË DHE E ADHMJA “Kjo për mua është një sfidë.  Ishte e vështirë të ruaja ritmet e fillimit. Shpresoj të rikthehem aty ku isha dhe të bëj sa më mirë me paraqitjet e mia. Për momentin jam i përqendruar te ndeshjet e fundit të këtij sezoni, pastaj për të ardhmen do të kemi diçka më të mirë sigurisht”, përfundoi Fili.

Në daljen për shtyp që i paraprin transfertës së nesërme ndaj Flamurtarit, Ahmataj vuri theksin te situata e dëmtimeve, diçka për të cilën ai theksoi se do të marrë masa duke menaxhuar siç duhet grupin e lojtarëve që ka në dispozicion.

“E sigurt është do të japim maksimumin në ndeshjet tona. Askush nuk hyn në një ndeshje për të mundur ose për të mos rezultatin pozitiv. Nuk do t’i mendoj kurrë pikët para ndeshjes, por vetëm pas ndeshjes. Atë që jep në fushë atë merr, kjo është ajo që duhet t’i ngulis në kokë futbollistëve, që ata të hyjnë në ndeshje më mentalitet fitues”.

“Duhet të menaxhojmë lojtarët pasi në këtë fazë finale është shumë e rëndësishme që të mos kemi shumë dëmtime, pasi më pas mund të penalizohemi në cilësinë e skuadrës siç na ka ndodhur me kapitenin Ramadani që është i dëmtuar”.

Sulmuesi anësor Realdo Fili u shpreh se dëshiron tw ndihmojw duke shënuar. Goli i fundit i fierakut në Kategorinë Superiore daton thuajse tre muaj më parë në takimin e 27 janarit kundër Kastriotit: “Shpresoj që unë të ndihmoj ekipin jo vetëm me lojë të mirë, por edhe me gola dhe asiste, pasi janë të rëndësishme. Kryesorja është që ekipi të marrë rezultat pozitiv dhe të arrijmë objektivin”, përfundoi Fili.

“Kjo është një ndeshje kampionati dhe është ndryshe nga Kupa, por ne do të shkojmë për të marrë tri pikë, për të marrë një rezultat pozitiv. Unë do të ndihmoj ekipin tim, për Partizanin kam shumë respekt.

Pas ndeshjes, i uroj shumë suksese. Rezultatet e mira kanë bërë që morali të rritet brenda grupit. Trajneri ka besim, ne kemi besim se do të arrijmë të objektivat dhe ta mbyllim sezonin me sukses”, u shpreh Fili.

“Skënderbeu është një ekip i fortë, pavarësisht se kanë pasur disa probleme në rezultate. Ne i vlerësojmë të gjitha skuadrat dhe kundër Skënderbeut presim një rezultat pozitiv. Objektivat e Luftëtarit janë sa më gjatë në kupë, të arrijmë finalen, por dhe mbijetesa është diçka shumë e rëndësishme”.

Edhe kapiteni i Luftëtarit, Behar Ramadani foli për objektivat e klubit bluzi: “Objektivi primar është qëndrimi në Superligë, pastaj duke parë dhe duke bërë edhe në Kupë. Jemi shumë afër dhe Kupa është diçka që mund ta arrijmë”, tha Ramadani.

E njëjta vlen edhe për Realdo Filin, i cili në tre ndeshje të muajit dhjetor ka luajtur në fillim. Fieraku i krahut të sulmit u mor me vonesë dhe iu desh kohë të fitonte formën sportive, por nuk është i kënaqur me minutat e marra.

Nga ajo që mëson “SportEkspres.com”, Fili po mendon largimin nga Skënderbeu. Ai është nën kontratë me korçarët dhe për këtë do të duhet të gjejë një marrëveshje me drejtuesit e klubit, të cilët me shumë mundësi edhe nuk do ta pengojnë.

Fili dëshiron të rikthehet protagonist dhe këtë e ka bërë më së shumti me Apoloninë në fillimet e karrierës. Më pas kaloi te Partizani, ku nuk është se pati shumë hapësira. Vjet në janar iu bashkua Kamzës, që i besoi më shumë. Kur u mendua se Fili do rikthehej, lëvizja për te Skënderbeu duhet se nuk rezultoi e duhura dhe tanimë po sheh për një ekip tjetër ku t’i besohet dhe të ketë mundësinë të tregojë vlerat e tij.

Drejtori i përgjithshëm nuk shqetësohet për humbjen në Vlorë: “Kemi pësuar një humbje në Vlorë si rezultat i një 11-metërshi të akorduar në minutën e fundit të kohës shtesë. Mendoj se në përballjen e luajtur ndaj Flamurtarit ekipi ka zbatuar mjaft mirë detyrat taktike të dhëna nga trajneri. Në këtë fazë ku jemi për ne është mjaft e rëndësishme që skuadra të bëjë paraqitje të tilla, për më tepër që ndaj Flamurtarit nuk kishim në dispozicion disa prej lojtarëve të afruar gjatë merkatos së janarit. Merkaton mund ta konsideroj të përfunduar, jemi mjaft të kënaqur me elementët që kemi afruar në ekip. Kemi rritur cilësitë teknike e fizike të skuadrës dhe mendoj se kemi goditur aty ku ishte e nevojshme përforcimi i skuadrës”.

Çështja Fili

“Fili është lojtar i Partizanit. Ne prej disa kohësh kemi diskutuar edhe me menaxherin e tij mbi mundësitë që lojtari të ketë për të luajtur, pasi ka nevojë që të aktivizohet, duhet të fitojë besimin në aftësitë e tij. Ne e kemi konsideruar pjesë të Partizanit dhe prandaj kemi sugjeruar edhe një formë huazimi, që të kishim mundësi të shikonim edhe potenticialin e lojtarit. Fili nuk është i larguar kemi akoma për të biseduar. Çështja është që tek Partizani duhet të qëndrojnë vetëm lojtarët që kanë dëshirë të japin për skuadrën maksimumin e tyre. Besoj që fanela e Partizanit është e nderuar dhe e respektuar dhe e meriton që ti kthehet në këtë mënyrë respekti. Ne kemi afruar lojtarë përgjatë merkatos, normal që një lojtar si Fili ndihet disi në trysni , por është zgjedhja teknike e trainerit se cilët lojtar do të aktivizojë në fushë”.

Starova dhe e ardhmja

“I lexova edhe unë lajmet për trajner austriak në gazeta, por nuk ka asgjë të vërtetë”.

FAJI I FILIT? – Fili nuk e priste që të merrte goditjen e madhe pas mbarimit të seancës stërvitore. Sulmuesit 21-vjeçar iu komunikua nga Drejtori Sportiv, Antonelo Preiti, se ishte jashtë planeve të Partizanit. Italiani e thirri veçmas pas seancës stërvitore dhe i bëri me dije vendimin e fundit të klubit të kuq, drejtuesve dhe stafit teknik. Ky ishte një vendim i papritur për Filin, i cili e nisi rifillimin e kampionatit si titullar. Ai luajti nga minuta e parë në ndeshjen ndaj Flamurtarit dhe pak ditë para mbylljes së merkatos, nuk e priste të dilte në rrugë të madhe. Nervozizmi i tij ishte i tepruar dhe duhej ta kontrollonte veten, por a mund t’i vihet vetëm atij faji, duke qenë se ka dy vite që trajtohet si talent, por që ka luajtur vetëm 13 ndeshje në Superiore nga minuta e parë, në një kohë që klubi nuk ka pranuar as ta shesë apo ta huazojë. Dhe është vetëm 21 vjeç, ka pasur edhe oferta sidomos në verën e vitit 2016, kur Partizani shkëlqeu në Europë!

FAJI I PARTIZANIT? – Vendimi i klubit nuk i ka pëlqyer Realdo Filit, i cili ka drejtuar direkt “shigjetat” te trajneri Sulejman Starova. Fieraku ka akuzuar drejtpërdrejt 62-vjeçarin se e ka larguar nga skuadra. Ofendime e sharje, edhe prekje me duar, deri te vënie duarsh në fyt sipas dëshmitarëve të pranishëm, dhe këtu Fili ka gabuar rëndë. Megjithatë, nga ana tjetër nuk mund të thuhen dy fjalë për Partizanin. Përzuri 3 titullarë pa asnjë paralajmërim në fillim të muajit, kur ata po bënin gati valixhet në Turqi. Do të ishte shumë më e ndershme nëse pas ndeshjes së fundit të vitit 2017 t’u thuhej: “Djema, kaq ishte. Nuk jeni më në planet tona, shihni e gjeni ndonjë ekip të ri, ose vazhdoni te Partizani B”. Sikur të mos mjaftonte kjo dhe gjithë kritikat që pasuan, Partizani tani i bën dalje Filit, pak ditë para mbylljes së merkatos, duke e hedhur në fushë nga fillimi në Vlorë. Tani që erdhi Abdurahimi, duket si ajo historia “kalova lumin”, por ndërkohë klubi pranon një dështim, sepse Filin e mori si një investim madhor për të ardhmen. Drejtori Olsi Rama tha se në të ardhmen Partizani do të punojë shumë me të rinjtë, për t’i rritur e shitur: Po Fili, nuk plotësonte kriteret?

Tani plas bomba e radhës: sulmuesi Realdo Fili është zënë keq me Starovën, duke shkuar deri te kontakti fizik, ka zbuluar Sport Ekspres.

Gjithçka ndodhi dje, pas stërvitjes, kur drejtori Antonelo Preiti i komunikoi Filit se nuk ishte me ne planet e klubit. Asnjë paralajmërim, nga titullar në Vlorë në të panevojshëm, pak ditë para mbylljes së merkatos!

I tërbuar, Fili shkoi te Starova duke i thënë se ishte plani i tij për ta larguar, me gjithë ata lojtarë të afruar në rolin e Filit, ndërsa pati shkëmbime ofendimeve, deri te kontakti fizik dhe thuhet se Fili ka shkuar deri aty sa e ka kapur për fyti trajnerin (detajet në gazetën e sotme).

Situatë skandaloze, Fili e ka mbyllur shumë keq me Partizanin dhe Starova kalon një tjetër situatë mjaft të rëndë. Ndodh vetëm të Partizani, këto kohëra!

Tani, pas largimit të ganezit, nigerianit dhe argjentinasit shanset e tij janë më të mëdha dhe “demat” nuk e kanë luksin të humbin edhe një tjetër emër në repartin ofensiv. Përfaqësuesit e Filit kanë folur me drejtuesit e klubit dhe kanë gjetur gjuhën e përbashkët. 21-vjeçari që luajti për 18 ndeshje në edicionin që lamë pas do të ketë mundësinë për të konkurruar sërish për një vend në formacionin titullar.