Stadiumet janë në rrezen e 33 kilometrave nga Doha dhe me pak sforcim mund të shihen edhe 2 ndeshje në ditë në stadium.

[Best_Wordpress_Gallery id=”178″ gal_title=”Katar”]

Si rezultat i këtyre “efekteve anësore”, “FIFA” pritet t’i zbusë këto rregulla strikte dhe të lejojë të investojnë klubet që dëshirojnë. Këtë e ka pohuar vetë Xhani Infantino, presidenti i qeverisë së futbollit botëror, i cili shton se do të mundësohet edhe fitimi pas investimit.

“Ne duhet të ndihmojmë ata që duan të investojnë në futboll, në të gjitha nivelet. Në Serie A, por jo vetëm ne duhet të vendosim disa rregulla. Kur unë isha në UEFA, e futëm ndershmërinë financiare sepse futbolli po humbiste 1.7 miliardë çdo vit dhe duhej një mekanizëm që ta ndalonte këtë. Ne vendosëm këto rregulla dhe patëm sukses sepse tani futbolli nuk gjeneron humbje. Por ka ardhur koha që të shohim përpara. Ne si FIFA do të japim kontributin tonë. Duam t’u japim mundësi klubeve të rriten, në Evropë dhe në gjithë botën. Do të vendosim disa rregulla, ku do lejojmë investitorët të hedhin para, por edhe të fitojnë”, u shpreh Infantino.

https://twitter.com/Footy_Headlines/status/1151107086237032448

Shkak për këtë është bërë një marrëveshje që drejtuesit e Juventusit kanë firmosur me kompaninë japoneze “KONAMI”, e cila tani ka ekskluzivitetin e përdorimit të emrit në video-lojën e saj “PES 2020”.

Megjithatë, një lajm i mirë është se emrat dhe paraqitja fizike e lojtarëve nuk do të preket, pra në video-lojë do të mungojë vetëm emri dhe stema e klubit.

OFFICIAL: Juventus will be known as Piemonte Calcio in FIFA 20 after signing a deal with PES ?

How the tables have turned… pic.twitter.com/lVkW1Wmuqq

— FourFourTwo (@FourFourTwo) July 16, 2019

FIFA ka vendosur të marrë masa dhe të tregohet më e ashpër kundër këtij fenomeni. Dënimi për incidentet raciste do të dyfishohet nga 5 në 10 ndeshje pezullim për çdo lojtar apo zyrtar.

Gjithashtu do t’iu kërkohet lojtarëve që bien pre e këtij fenomeni që të flasin publikisht dhe ata do të nxiten që të deklarojnë me gojë ose me shkrim për episodet që do t’u ndodhin.

Më parë ka ndodhur që lojtarë të ndryshëm janë tërhequr dhe nuk i kanë shkuar deri në fund. FIFA kërkon ta ndryshojë këtë mentalitet dhe i fton të gjithë që të denoncojnë rastet e racizmit. Gjoba minimale për një shprehje raciste do të jetë 20 mijë euro.

“Dua të theksoj se është thelbësore që të bëhet progres në këtë aspekt. Këto hapa duhet t’i bëjmë bashkërisht”, thuhet në letrën që kreu i FIFA-s i ka dërguar presidentit të federatës iraniane të futbollit, Mehdi Taj.

Deri më tani autoritet iraniane kanë lejuar praninë e femrave në stadium vetëm për ndeshje të veçanta. Irani ka kohë deri në shtator për t’i dhënë fund kësaj politike diskriminuese, në të kundërt FIFA do të zbatojë rregulloren që për të tilla raste parashikon dënime në gjoba dhe më pas në përjashtim nga garat e zhvilluar nga FIFA, siç është Botërori.

Megjithatë, avokatët e agjentit italo-holandez gjetën shpejt një zgjidhje të shpejtë për këtë problematikë. Përfaqësuesit ligjor të Raiolës çuan në Gjykatën Sportive të Lozanës (CAS) dënimin e dhënë nga FIFA.

Institucioni më i lartë i drejtësisë sportive vendosi që të shfuqizojë përkohësisht vendimin e FIFA-s deri në shqyrtimin e plotë të kësaj çështje. Vendimi final nga “CAS” pritet të dalë në ditët  e para të korrikut, çka do të thotë që Raiola ka të paktën tre javë kohë të kryejë transferimet e lojtarëve të tij.

59-vjeçari i lindur në Madagaskar do të hetohet për korrupsion dhe ndaj tij rëndojnë akuzat që kanë të bëjnë me mandatin e tij si president i CAF. FIFA ka reaguar me një deklaratë të thatë, duke mos shprehur ndonjë koment të veçantë.

“Nuk jemi në dijeni të detajeve që lidhen me këtë hetim, prandaj nuk mund të shprehim ndonjë koment. Jemi të angazhuar për zhdukje e çdo forme të veprave penale”, përfundon reagimi i FIFA-s.

VONESAT E LOJËS – Një ndër ndryshimet më interesante ka të bëjë me vonesat e lojës. Nuk do të shohim më lojtarë që shkojnë në cepat e fushës me qëllim që të vonojnë sa më shumë kohë gjatë zëvendësimit. Çdo lojtar që duhet të dalë nga fusha për shkak zëvendësimi duhet ta bëjë këtë gjë duke kaluar vijat anësore më të afërta”.

KARTONËT PËR TRAJNERËT  – “Deri më tani trajnerët ose anëtarët e tjerë të stafit teknik vetëm mund të paralajmërohen para se të merrej vendimi për t’i nxjerrë përfundimisht nga fusha. Duke filluar nga viti i ardhshëm arbitrat do t’u tregojnë trajnerëve e stafit teknik kartonë të verdhë për shkelje të rregullave”.

Gazeta e njohur angleze “The Times”, raporton se më datë 5 qershor, Infantino do të njoftojë se formula e turneut më prestigjioz të futbollit ndërkombëtar do të qëndrojë e pandryshuar për Botërorin e radhës, ndërsa formati me 48 ekipe do të futet në përdorim për Botërorin “Kanada-SHBA-Meksikë 2026”.

Shkak për këtë vendim janë bërë vështirësitë e mëdha logjistike. Numri i stadiumeve në Katar nuk është i mjaftueshëm për një turne me 48 skuadra. Në plane e FIFA-s ishte zhvillimi ndeshjeve në disa shtete të tjera të Lindjes së Mesme, por mesa duket dhe kjo ide është hedhur në kosh.

Dy lojtarët më të rrezikuar nga ky dënim janë Pol Pogba dhe Matis De Ligt. Mesfushori i Mançester Junajtid dhe mbrojtësi i Ajaksit përfliten se do të jenë dy ndër transferimet më të shtrenjta të merkatos së verës që po vlen.

Në listë janë dhe emra të tjerë të njohur si Blez Matuidi, Kostas Manoas, Xhanluixhi Donaruma etj. Në deklaratën e vetme të bërë deri më tani nga Raiola, ai u shpreh: Do kundërshtoj në rrugë ligjore këtë vendim, është një dënim i nxitur nga motive politike që nuk bazohet në ligjet ekzistuese”.

Gjatë Botërorit të fundit që u zhvillua verën e kaluar në Rusi, plot 27 minuta u harxhuan me ndërprerjen e ndeshjeve. Për t’i shfrytëzuar më mirë në aspektin televiziv pauza të tillë, drejt FIFA-s dhe UEFA-s kanë vërshuar oferta tunduese për reklama nga kompani të mëdha gjatë kohës që arbitrat rishikojnë pamjet, sipas raportimeve të “Financial Times”.

Dy qeveritë e futbollit pretendojnë se i kanë refuzuar këto propozime, ndërsa gazeta britanike e cilëson këtë rast si mundësinë më të madhe që është krijuar ndonjëherë në futboll.

Një zë i brendshëm i Ligës spanjolle zbulon se kjo pistë është e qëndrueshme. Komercializimi i VAR-it mund të gjenerojë të ardhura nga 58-116 milionë euro. Një minutë publicitet gjatë ndeshjeve me eliminim direkt në Kupën e Botës Rusi 2018 do të kishte gjeneruar rreth 700 mijë euro fitime.

Të shumta janë idetë, ndërsa presidenti i Olimpikut të Marsejës ka befasuar me atë që thotë. Sipas Zhak-Henri Eiraud duhet aplikuar edhe në futbollin real ndryshimi që është bërë në lojën FIFA, madje diçka e tillë do e bënte futbollin më të bukur e më ofensiv.

EA Sports është një ndarje e arteve elektronike, që zhvillon dhe publikon video lojëra sportive. Në formatin e fundit të lojës FIFA është futur një rregull i ri. Kush shënon nga jashtë zonës, goli vlen dyfish! Pak a shumë si shpikja shqiptare: ‘goli me finte, vlen dyfish’!

Diçka e tillë e tundon kreun e klubit francez. “Në video lojën FIFA ka një rregull. Nëse shënon nga jashtë zone, goli yt vlen dyfish. Pse EA-së i ka shkuar në mendje diçka e tillë?Pse të mos e aplikojmë këtë ndryshim edhe në futbollin real”, lëshon sfidën presidenti i Marsejës.

Dy pozicione të përmirësuara, ndryshe nga Islanda që ka rënë me dy shkallë dhe renditet direkt pas skuadrës së Senol Gunesh, vendin e 50-të. Moldavia ka humbur një pozicion dhe mban vendin e 171-të në botë. Franca, sikurse dihet, renditet në vendin e dytë pas Belgjikës.

Kosova vijon me rritjen në renditje, teksa tanimë është në vendin e 127-të. Tre pozicione më lart Dardanët, që barazuan me Danimarkën dhe Bullgarinë në muajin mars.

Tre vendet e para të renditjes në FIFA nuk ndryshojnë, teksa podiumi plotësohet nga Brazili i renditur i treti. Ka shkëmbin vendesh me Kroacisë dhe Anglisë, si dhe mes Portugalisë dhe Uruguait. Rritjet për Gjermaninë, që nga vendi i 16-të ka kapërcyer në të 13-in.

Aktualisht Shqipëria renditet në vendin e 61-të, ndërkohë që tashmë do të pozicionohet e 62-ta. Ndryshe nga ne, Kosova do të ngjitë dy shkallë. Dardanët do të vijojnë ngjitjen, teksa lënë vendin e 130-të dhe tashmë do të jenë të 128-t në renditjen e FIFA.

Skuadra e drejtuar nga Bernard Shaland luajti në mars dy ndeshje. Ata barazuan në Prishtinë me Danimarkën në një ndeshje miqësore, ndërkohë që më pas në takimin me Bullgarinë morën një pikë. 1-1 u mbyll ajo përballje, e vlefshme për kualifikueset e EURO 2020.

Mirëpo, përvoja në Superligën turke nuk ka rezultuar ashtu siç ata e prisnin. Të dy lojtarët nuk paguhen prej muajsh dhe përfaqësuesit ligjor i janë drejtuar dhomës së zgjidhjeve të konflikteve pranë FIFA-s për ta zgjidhur këtë ngërç.

Raporti midis lojtarëve e klubit tanimë është inekzistent dhe futbollistët po stërviten veçmas. Lojtarëve u ishte premtuar se çështja e pagave do të zgjidhej gjatë muajit janar, por më pas janë informuar se klubi kryeqytetas e ka të pamundur për të respektuar detyrimet financiare të kontratave përkatëse.

Ideja e kreut të FIFA-s është kundërshtuar nga shumë klube europiane. Shtatë vota kundër, kryesisht nga UEFA, pati gjatë votimit të ditë së djeshme. Infantino ka besim se ky konflikt do të zgjidhet, nis e sqaron formatin e ri dhe fitimet e shumta dhe beson fort te suksesi i kompeticionit të ri.

Infantino komenton dhe idenë e rritjes së ekipeve në Botërorin Katar 2022, nga 32 në 48 ekipe kombëtare pjesëmarrëse. Shtimi i numrit mund të bëjë që disa ndeshje të zhvillohen në ndonjë shtet tjetër të Lindjes së Mesme, por kjo gjë është në dorën e Katarit, vendit organizator.

RISIA – “Jam shumë i lumtur për miratimin e zgjerimit të Kupës së Botës për Klube me 24 ekipe, duke filluar nga viti 2021. Kjo do të ketë një impakt të madh në futboll, pasi kompeticioni i ri do të jetë prestigjioz dhe emocionues. UEFA na ka kundërshtuar, por sapo të miratohet turneu i ri, do të arrijmë një akord me Ceferin (presidenti i UEFA-s) dhe klubet europiane në ditët e ardhshme.”

VENDI – “Kupa e Botës për Klube do të zhvillohet me 24 ekipe çdo katër vjet, në datat e Kupës së Konfederatave. Edicioni i parë nuk do të zhvillohet në Katar, pasi qershori dhe korriku janë shumë të nxehtë. Nuk e dimë akoma se ku do ta zhvillojmë edicionin e parë, por dimë që do të jetë një kompeticion spektakolar. Do ketë një format prej 8 grupesh me nga 3 ekipe. Do të marrin pjesë skuadrat më të mira europiane. Spanja ka konfirmuar Realin dhe Atletikon e Madridit. Presim edhe Barcelonën.

UEFA po heziton, por Ceferin e di që klubet më të mira duhet të marrin pjesë në kompeticionin më të mirë. Po flasim për një kompeticion që do të zhvillohet në 18 ditë çdo katër vjet. Mbaj mend se kur u krijua Champions Liga, romantikët flisnin për fundin e magjisë së kupave europiane. Sot është vërtetuar se e kishin gabim. Jam i sigurt që UEFA, ECA dhe FIFAPro do t’i bashkohen këtij kompeticioni, që do të gjenerojë fitime të mëdha ekonomike për klubet.”

BOTËRORI – “Ka mundësi që ta zgjerojmë Kupën e Botës Katar 2022 nga 32 në 48 kombëtare. Në fillim duhet të bisedojmë me Katarin. Unë mendoj se disa ndeshje mund të zhvillohen në ndonjë shtet tjetër të Lindjes së Mesme, por këtë gjë duhet ta miratojë Katari. Ata po e marrin parasysh diçka të tillë. Meqë qëndrimi është pozitiv, atëherë, le ta provojmë.

Mendoj se mund të organizojmë një Botëror me 48 ekipe në vitin 2022. Do ta bëj një propozim konkret në qershor, në Asamblenë që do të mbahet në Paris. E di që situata në Lindjen e Mesme nuk është ideale, por futbolli mund të japë një ndihmë të madhe. Botërori 2022 nuk është i rëndësishëm vetëm për organizatorët, por për të gjithë zonën. Formati me 48 ekipe do të jetë më spektakolar.”

Projekti pilot i Botërorit të ri të klubeve do të luhet në qershor të 2021. Numri i ekipeve pjesëmarrëse do të jetë 24 skuadrat do të ndahen më 8 grupe me nga tre skuadra, ku vetëm fituesit do të sigurojnë një vend për në fazën çerekfinale.

Megjithatë, ky plan i Infantinos ka sjellë kundërshtinë e shumë skuadrave Europiane. Në votimin e bërë sot pati 7 votë kundër, kryesisht nga anëtarë të UEFA-s. Mbetet për t’u parë se si do të zgjidhet ky konflikt i institucionit me drejtuesit e klubeve “BIG”.

Mirëpo, kjo ka sjellë kundërshtinë e klubeve europiane, krerët e të cilave kanë firmosur një dokument, ku kanë bërë të ditur se në rast se Infantino do të vënë në jetë këtë projekt, ata nuk do të kenë rrugë tjetër përveç se bojkotit.

Me planin e ri, Botërori i klubeve do të organizohet në muajin qershor dhe numri i ekipeve do të rritet në 24, turneu pritet të fillojë në vitin 2021.

Me anë të një letre të dërguar drejt UEFA-s dhe FIFA-s nga kreu i Shoqatës e Europiane të Klubeve (ECA), Andrea Anjeli, i cili është dhe presidenti i klubit të Juventusit, është shprehur qartazi qëndrimi kundër i pjesës më të madhe të klubeve elitare në Europë.

Sipas një dokumenti  prej 17 faqesh të zbuluar nga “Associated Press”, FIFA ka ndërmend ta zhvendosë në muajin qershor Botërorin e klubeve duke filluar nga viti 2021.

Gjithashtu do të rritet numri i ekipeve. Tanimë nuk do shkojnë më kampionët e secilës konfederatë, por disa ekipe nga çdo kontinent që në total do të plotësojnë numrin e 24 skuadrave pjesëmarrëse.

Numrin më të madh do ta ketë Europa me tetë të skuadra, ndërsa 16 vendet e mbetura do të plotësohen nga gjashtë skuadra të Amerikës së Jugut, dhe tre skuadra nga kontinentet e Amerikës së Veriut, Azisë dhe Afrikës. Përfaqësues do të ketë dhe rajoni i Oqeanisë me vetëm një skuadër.

Drejtuesit e klubi blu, kanë apeluar vendimin e dhënë nga FIFA, ndërsa së fundmi kanë vendosur që të dërgojnë një letër, për të kërkuar që të dënimi të mos aktivizohet deri në dhënien e një vendimi përfundimtar nga apeli.

Gjithsesi, lajmet kanë qenë përsëri negative, pasi FIFA ka refuzuar diçka të tillë. Tashmë, klubi i Çelsi pritet të tentojë dhe shpresën e fundit, që mbetet gjykata e arbitrazhit, ku do të kërkojnë që t’u lejohet që të paktën të jenë aktiv në merkaton e verës.

Roli i Vengerit në FIFA është shumë i rëndësishëm dhe shumë trajnerë të rinj, por dhe ata që kanë disa vite eksperiencë, do të dëgjojnë këshillat e teknikut francez, që ka drejtuar për më shumë se 22 vite një nga klubet më të mëdha në Angli, Arsenalin.

MURI  NË GODITJET STANDARDE –Ndryshimi më i rëndësishëm është ai vendosjes së murit gjatë goditjeve të dënimit. Duke filluar nga sezoni i ardhshëm nuk do të lejohet që lojtarët e skuadrave kundërshtare të rrinë ngjitur me muret e lojtarëve .

KONTAKTI ARBITËR-TOP – Një tjetër ndryshim i rëndësishëm prek arbitrat. Deri më tani “xhaketat e zeza” janë konsideruar të barazvlefshëm me shtyllat, pasi kur topi prek ata loja vazhdon rregullisht, por në të ardhmen do të jetë ndryshe. Nga sezoni i ardhshëm nëse topi ka kontakt me arbitrin, ai do t’i kthehet skuadrës që sapo e kishte në kontroll. Nëse topi përfundon gol pas kontaktit me arbitrin,  sipas rregullave të reja goli do të anulohet dhe topi do t’i jepet portierit.

PENALLTITË – Penalltitë do të ndryshojnë gjithashtu, pasi portierëve s’do tu kërkohet t’i mbajnë më të dyja këmbët në linjën e bardhë, por të paktën vetëm një. Një tjetër ndryshim te penalltitë është fakti që tani e tutje çdo top i prekur me dorë do të jepet 11-metërsh, përjashtim bëjnë rastet e topave që kapin kontakt me dorën pas një kontakti me një pjesë tjetër të trupit ose topat që kontaktojnë me dorën e ngjitur.

Çelsi është dënuar të mos blejë asnjë futbollist në dy dritaret e ardhshme të merkatos, si dhe është gjobitur me 400.000 sterlina, ndërsa Federata Angleze është gjobitur me 391.000 sterlina.

Muajin e shkuar The Guardian publikoi lajmin se FIFA po hetonte për më shumë se 100 futbollistë minorenë të transferuar në mënyrë të paligjshme te Çelsi dhe tashmë FIFA ka marrë vendimin, duke i bllokuar merkaton klubit londinez deri në verën e vitit 2020.

The FIFA Disciplinary Committee has sanctioned the English club Chelsea FC and The Football Association for breaches relating to the international transfer and registration of players under the age of 18. Read more on @FIFAcom ?? https://t.co/iTpcozM7Mz

— FIFA Media (@fifamedia) February 22, 2019

Në njoftimin e saj, FIFA saktëson se Çelsi ka shkelur rregulloren në 29 raste, ndaj është marrë vendimi drastik, ndërkohë që Çelsi ka kohë tre muaj për të apeluar në FIFA, para se të kalohet në CAS, aty ku gjithsesi Çelsi ka shumë pak shanse, sepse në të shkuarën asnjë klub i dënuar nuk ka fituar. Shpresa e madhe e Çelsit është që gjithçka të zvarritet sa më gjatë, duke bërë të mundur që të operojë në merkaton verore.

Nëse dënimi konfirmohet në çdo shkallë, Çelsi nuk blen dot as Gonzalo Higuain, por gjithsesi argjentinasi mund të qëndrojë në huazim në Londër edhe për sezonin e ardhshëm, pasi kjo parashikohet në kontratën e firmosur në janar dhe duket se është bërë enkas, duke parashikuar dënimin nga FIFA. Nga ana tjetër, shitja e mundshme e Eden Hazard me shumë gjasa do të bllokohet, për faktin se Çelsi nuk ka më mundësi ta zëvendësojë belgun, edhe pse ka blerë Pulisic nga Dortmundi, transferimi i të cilit nuk do të bllokohet.

Francezët kanë marrë fillimisht një këst prej 6 milionë eurosh dhe tani ka një “betejë” për pjesën tjetër të pagesës. Momentalisht Kardifi refuzon të paguajë, por mund t;i presë një dënim i rëndë nëse e bëjnë diccka të tillë.

“The Times” raporton se FIFA është fati t’i bllokojë merkaton klubit uellsian. Afati për të shlyer pagesën prej 11 milionë është 10 ditë. Nëse shkelet afati, atëherë pritet që Kardifi të dënohet nga qeveria e futbollit botëror.

Shqipëria e Panuçit ka humbur një vend dhe tashmë renditet në vendin e 61-të. Një pozicion më lart është ngjitur dhe Kosova, që tashmë renditet në vendin e 130-të.

Katari ia doli të fitonte Kupën e Azisë dhe tashmë renditet në vendin e 55-të. Plot 23 pozicione më lart është ngjitur kombëtarja arabe pas triumfit të madh. Rritje të madhe në renditje kanë bërë dhe dy ekipet aziatike: Japonia (+23 vende) dhe Koreja e Jugut (+15 vende). Jashtë dhjetëshes së parë mbeten Gjermania dhe Italia, që renditen konkretisht në vendin e 16-të dhe 18-të.

Gjatë prononcimit të tij, Ceferin konfirmon faktin që nuk do të krijohet një Superligë europiane. (16 klube, 11 prej të cilëve me ftesë të garantuar për 20 vite). Ai shpjegon se pse është kundër, flet për Botërorin me 48 klube dhe e mbyll me futbollin e femrave.

SUPERLIGA – “Është larguar përfundimisht rreziku i krijimit të Superligës europiane. UEFA ka diskutuar me klubet në mënyrë direkte dhe të ndershme. Klubet ishin gati të shkëputeshin nga UEFA në vitin 2016, por tashmë jemi bashkuar përsëri. Kemi diskutuar, e kemi dëgjuar me njëri-tjetrin dhe jemi marrë vesh.”

“Sa të jem unë president i UEFA-s dhe Andrea Anjeli president i ECA (Shoqata europiane e klubeve), nuk do të krijohet asnjë Superligë. Nuk po e premtoj një gjë të tillë, ky është fakt. Klubet e mëdha do të humbitnin madhështinë e tyre, nëse do të krijohej Superliga. Atyre do u mbetej vetëm e kaluara. Në futboll duhet respektuar më shumë rezultati që ofron fusha, piramida e futbollit, ngjitje-zbritjet nga kategoria. Të gjitha këto kanë më shumë rëndësi se llogaritë financiare.”

BOTËRORI ME 48 EKIPE – “Kemi kundërshtuar FIFA-n për Nations League globale dhe Botërorin e klubeve me 48 ekipe. Ne e respektojmë FIFA-n, e dashurojmë futbollin dhe duam të mbrojmë atë. Shpresojmë që dhe FIFA të ketë respekt për ne dhe ta dëgjojë pikëpamjen tonë.”

FEMRAT – “Futbolli i femrave është i rëndësishëm dhe duhet zhvilluar, jo për modë. Shumë shpejt do t’i kushtojmë futbollit të femrave një pjesë të rëndësishme të buxhetit tonë, pasi është futbolli i së tashmes dhe jo i së ardhmes.”

Ky debat vjen si pasojë e ankesave të përvitshme të trajnerëve në lidhje me këtë rregull. Çdo vit trajnerë  të klubeve më elitare kanë kërkuar shfuqizimin e këtij rregulli, që i bën golat e shënuar në fushë kundërshtare të vlejnë sa një gol e gjysmë (1.5).

Një tjetër propozim është që rregulli i golave në fushë kundërshtare të jetë i vlefshëm vetëm në periudhën prej 90 minutash, ndërsa më pas të shfuqizohet në rast se takimi shkon në kohën shtesë dhe rezultati të zerohet për 30 minutat e mbetura të lojës.

Largimi i Blaterit nuk ka ndryshuar asgjë për mirë dhe ky fakt e acaron në kulm Diegon. Ai kishte besuar se do të ndodhte ndonjë ndryshim për mirë, por asgjë. Maradona kërcënon se do të zbuloje fakte të rënda dhe ka një ftesë origjinale për kroatin. Raundi i parë u mbyll me debate të forta, ndërsa i dyti duhet të zhvillohet në një… ring boksi!

FIFA – “I kam thënë Xhani Infantinos se nuk do të jem kapiteni i ekipit të legjendave, sepse që kur janë larguar Blater dhe Grondona, asgjë nuk ka ndryshuar në FIFA. Kanë mbajtur lojtarë si Marko Van Basten, Rud Gulit dhe mua në një dhomë si qentë. Ishte një mungesë e plotë respekti. Tani do të filloj të tregoj gjërat që di për FIFA-n e re.”

BOBAN – “Dua t’i them Bobanit, i cili është pjesë e FIFA-s dhe i pranon këto gjëra, që e ftoj për një ndeshje në ring, nëse dëshiron të dalë kryelartë. Është e padobishme të zemërohesh. Unë nuk jam një djalosh 20-vjeçar, kam 58 vite mbi supe. Këto gjëra më bëjnë keq, sepse u kam besuar njerëzve, por tashmë nuk u besoj më.”

Në njoftimin e bërë në llogarinë zyrtare në “Facebook”, ballshiotët pretendojnë se lojtari po gënjen dhe ndaj tij ka pasur korrektësi në pagesa, diçka për të cilën disponojnë dhe dokumentet përkatëse.

Reagim i plotë i Bylisit

“Klubi i Bylisit ka reaguar për akuzat e sulmuesit ganez Gideon Ofei, i cili pretendonte se ka tre muaj që nuk është paguar dhe ankohet për kushtet në Ballsh. Sipas ballshiotëve, lojtari hedh akuza të pavërteta. Në një reagim për mediat, klubi i Bylisit ndër të tjera ka theksuar: “Jemi njohur me akuzat e lojtarit Gideon Ofei. Në radhë të parë Ofei ka një kontratë deri në 31 maj dhe duhet që ta respektojë atë. Askush nuk e ka larguar, ka ikur vjedhurazi, pa njoftuar askënd dhe duhet që të ishte paraqitur në stërvitje dhe për këtë do të ketë masa. Në radhë të parë, Ofei ka një kontratë deri në 31 maj dhe duhet që ta respektojë atë. Ai lojtar nuk është sjellë si profesionist në qoftë se e quan veten të atillë. Sa i përket thënieve që ai pretendon se e kanë lënë në këmbë, akuzat e tij janë qesharake. Mbase Ofei do avion apo taksi private, apo t’i blejmë edhe çadër. Klubi nuk i ka marrë përsipër që ta çojë me makinë apo me autobus çdo ditë në stërvitje apo t’i blejmë çadër mos ta lagë shiu. Ai ka për detyrë që të paraqitet në stërvitje në orar sipas programit që bën stafi. Ka ardhur ditët e fundit të merkatos dhe në dy ndeshje është aktivizuar ndonëse ka bërë paraqitje të dobët dhe s’e ka bindur stafin! Ng ky moment stafi nuk e ka aktivizuar, e madje nuk e ka grumbulluar as në 18-she dhe nga ky moment sjellja e Ofeit ndaj klubit ka ndryshuar totalisht! Theksojmë se në vijim, gjithë kohës që ka qenë në Ballsh, ka qenë problematik dhe jo korrekt disa herë, madje duke mos u impenjuar sa duhet në stërvitje, apo ka sjellë probleme nga më të ndryshmet duke u ftohur edhe marrëdhëniet me këtë lojtar. Lojtari nuk tregon të vërtetën, sepse klubi nuk ka asnjë detyrim financiar ndaj tij për sa është dakordësuar në kontratë dhe për këtë disponojmë dokumentacionin e plotë për pagesat e kryera. Klubi ka bërë edhe ankesë në FIFA duke e vënë menjëherë në dijeni për të marrë masat përkatëse. Klubi ka 25 lojtarë me kombësi të ndryshme dhe kanë marrë edhe muajin e fundit të pagesës”

E sigurt është se penalltitë nuk do të jenë si më parë. Në planet e ligjvënëse të sportit është menduar që të hiqet njëherë e përgjithmonë fjale “prekje e pavullnetshme”, pra rastet ku arbitri nuk jep penallti pas prekjeve të pavullnetshme do të jenë diçka e së shkuarës. Ky rregull i ri do të bëjë që të  mbrojtësit të jenë shumë më të kujdesshëm më vendosjen e duarve brenda zonës së penalltisë. Megjithatë, duhet sqaruar se në rastet kur topi ka kontakt me dorën e ngjitur pas trupin loja do të vazhdojë normalisht.

Një rregull i dytë që është propozuar është ai i konsiderimit të penalltive si një goditje me vetëm një kontakt. E shpjeguar më qartë: Në rast se një portier pret një penallti, atëherë ai fiton menjëherë nje rivënie fundore, pra nëse ekzekutuesi i penalltisë nuk e dërgon topin në rrjetë pas kontaktit me shtyllën, traversën ose trupin e portierit, skuadra kundërshtare fiton një rivënie fundore.

Djemtë e Tieri Henri do të zbresin përsëri në fushë gjatë ditës së mërkurë, por Fabregas nuk mund ta bëjë një gjë të tillë. Përballë Monakos do të jetë Nica, ndeshje që ishte programuar të zhvillohej me datë 7 dhjetor.

31-vjeçari ishte pjesë e Çelsit në pjesën e parë të sezonit dhe nuk mund të zbresë nesër në fushë kundër Nicës. Rregulli i FIFA-s është i qartë: “në rast se një ndeshje përsëritet ose shtyhet, lejohen të luajnë vetëm lojtarët që ishin pjesë e ekipit në atë periudhë.”

Përveç gjyqtarëve kryesorë, janë dhe plot 8 asistentë që janë pajisur me këtë stemë, ku katër prej tyre janë pajisur për herë të parë. Kreshnik Hakrama ka marrë stemën e FIFA-s për ndeshjet e Futsalës.

Shefi i Sektorit të Arbitrimit në Federatën Shqiptare të Futbollit, Sokol Jareci, ka folur pas pajisjes së gjyqtarëve me stemat përkatëse, ku është shprehur: “Ky ishte seminari i radhës i organizuar nga Sektori Arbitrimit në bashkëpunim me FIFA-n, ku pas pushimeve dimërore arbitrat i nënshtrohet testeve teorike dhe fizike, rifreskohen njohuritë e tyre për rregullat e lojës në mënyrë që të jenë të gatshëm për pjesën e dytë të sezonit.

Në javën e ardhshme do të fillojmë një tjetër seminar trajnues dhe do të kryejmë testime me arbitrat e kategorive inferiore, ku brenda muajit janar e gjitha klasa arbitrale do të testohet për të qenë gati për pjesën e mbetur të sezonit futbollistik.

Testimet fizike dhe ato teorike bëhen mbi bazën e rregullave të lojës ku duhet ti përgjigjen 20 pyetjeve dhe standarti për të kaluar testimin teorik është dhënia e 17 përgjigjeve të sakta. Testet fizike mund të quhen rutinë sepse arbitrat i kryejnë katër herë në vit, por siç e theksoi edhe instruktori i FIFA-s që ishte në këtë seminar e veçanta ishte përgatitja shumë e mirë gjatë kësaj periudhe dimërore, gjë e cila tregohet edhe me kalimin e testeve nga të gjithë arbitrat”.

Stemat – “U rikonfirmuan 3 arbitrat kryesorë të FIFA-s, gjithashtu u rikonfirmuan katër nga asistentët dhe dy asistentë ishin të rinj dhe morën për herë të parë stemën e FIFA-s.

Lista

Arbitrat:
1.Enea Jorgji
2.Eldorjan Hamiti
3.Juxhin Xhaja
4.Emanuela Rusta(për herë të parë)
Asistentët:
1.Denis Rexha
2.Rejdi Avdo
3.Ridiger Cokaj
4.Ilir Tartari
5.Nertil Bregasi(hera e parë)
6.Dojando Myftari(hera e parë)
7.Fatjona Borova (hera e parë)
8.Erinda Kume (hera e parë)
Futsal:
Kreshnik Hakrama

Në lidhje me këtë çështje, ka folur, zëvendës sekretari i përgjithshëm i FIFA-s, i cili duket se ka drejtuar dhe një mesazh të fortë karshi organit qeverisës të futbollit evropian. Pikërisht, Zvonimir Boban, i cili në të shkuarën ka luajtur dhe për shumë vite me fanellën e Milanit, ka folur për rregullat e “fair-playt” duke u shprehur hapur, kundër këtyre rregullave, që për kroatin janë absurde.

“Në qoftë se nuk ka rishikim në rregullat e Fair Playt Financiar, atëherë Interi dhe Milani do ta kenë të vështirë të rikthehen në majat e futbollit. Kjo është e vërteta, si për ata, si për të gjithë klubet që kanë ambicie dhe duan të shkojnë sa më lart.

Rregullat për të pasur një buxhet sa më të balancuar, nuk mund të pengojnë sipërmarrësit që të bëjnë investime të reja në futboll.  Klube si Interi dhe Milani në rast se ringrihen sjellin vetëm efekte pozitive, por në rast se rregullat do të vazhdojnë të njëjta do të pengojnë jo vetëm dy klubet e Milanos, por çdo klub për t’u ringritur”.

Emanuele Mbella, ish-sulmuesi anësor i ballshiotëve, e kishte dërguar Bylisin në FIFA për pagat e prapambetura dhe kishte fituar. Komisioni i Disiplinës kishte sjellë në FSHF dhe në klubin ballshiot ultimatumin për shlyerjen e borxhit ndaj kamerunasit me pasaportë franceze.

Për t’u paguar ishin plot 18.500 dollarë, ndërkohë që afati i fundit ishte 28 dhjetori. Nëse pagesa nuk bëhej, atëherë Bylisi rrezikonte t’i hiqeshin tre pikë nga tabela e klasifikimit. Ky rrezik nuk ekziston më, pasi Mbella është paguar.

“SportEkspres.com” ka pasur një kontakt me vetë lojtarin, i cili e ka konfirmuar diçka të tillë. “Po, Bylisi më ka paguar”, është shprehur shkurtimisht Mbella. Sulmuesi anësor mund t;i festojë gëzuar festat e fundvitit, ashtu si edhe Bylisi që mendjen e ka te arritja e objektivit final: rikthimi në Superiore.

VLADIMIR PRENGA

Madrilenët e nisën mjaft vrullshëm takimin dhe në minutën e 14-të ishte Luka Modriç, i cili shënoi një gol të bukur për të dërguar të tijtë në avantazh.  Pavarësisht rasteve nga të dyja ekipet, fraksioni i parë i takimit u mbyll me avantazhin minimal të “Los Blancos”.

Në pjesën e dytë ekipi i Solarit e shtoi akoma më shumë presionin dhe shënoi tre herë të tjera. Fillimisht ishte mesfushori i talentuar, Markos Lorente, i cili shënoi golin e dytë, ndërsa në minutën e 79-të ishte Sergio Ramos, i cili shënoi me kokë në zhvillimet e një goditje nga këndi. Në fundin e takimit, në të 85-tën kishte vend dhe për një gol të japonezit Shiotani, i cili shënoi golin e nderit për Al Ain. Më pas, në minutat shtesë arabët shënuan një autogol me Nader për të mbyllur gjithçka në 4-1.

Argjentina, Gjermania dhe Italia janë jashtë 10 kombëtareve më të mira, referuar renditjes së FIFA-s, pasi e kanë mbyllur vitin respektivisht në vendet 11, 16 dhe 18-të. Shqipëria nuk ka bërë asnjë hap para apo prapa dhe viti 2019 do ta gjejë në pozitën e 60-të në klasifikimin e e FIFA-s.

Nuk ka ndryshim as për Kosovën. Dardanët janë në vendin e 131-të dhe janë ekipi përfaqësues që kanë bërë ngjitjen më të madhe në vitin 2018 në renditjen e FIFA-s. Ata kanë ngjitur plot 46 pozicione referuar renditjes së një viti më parë.

Deri më tani, futbollistët e shlyejnë pezullimin sipas rregullores së federatave përkatëse. Për shembull në Spanjë, një karton i kuq i marrë në kupë vlen vetëm për ndeshjet e këtij kompeticioni e njëjta gjë vlen edhe për kampionatin dhe kompeticionet e Champions League dhe Europa League, në të ardhmen kjo do të ndryshojë.

Çdo karton i kuq i marrë do ta pezullojë lojtarin nga ndeshja pasardhëse, qoftë kjo ndeshje kampionati, kupe, apo Champions ose Europa League. Ende ka paqartësi nëse pezullimi pas kartonit të kuq do të vlejë nga ndeshjet e kombëtares në ato të klubeve dhe anasjelltas.

Edhe këtë vit nuk ka munguar një risi në rregulloren e lojës. Një ndër ndryshimet ka të bëjë me ekzekutimin e rivënies fundore. “FIFA” planifikon të heqë rregullin që ndalon lojtarët të prekin topin breza zonës së rreptësisë, pasi portieri rifillon lojën.

Në të ardhmen lojtarëve kundërshtarë të vendosur jashtë zonës së rreptësisë, do t’u lejohet të vrapojnë drejt portës, sapo portieri kundërshtari të nisë vrapin për të shkelmuar topin. Falë këtij rregulli do të reduktohen vonesat e lojës që shpesh bëhen nga portierët në të gjithë botën.

Një tjetër ndryshim në rregullore, që do të reduktojë ndjeshëm vonesat e lojës ka të bëjë me zëvendësimet. Lojtarët që do të thërriten për të dalë jashtë nga fusha, nuk do të shkojnë më drejt stolit, por do të lënë fushën e lojës në pikën më të afërt. Pra, nuk do të shohim më lojtarë që ikin në cepat e fushës për të harxhuar sa më shumë minuta.

Këto rregulla fillimisht do të duhen të aprovohen nga komiteti i FIFA-s në muajin mars, e më pas do t’i jepet “drita jeshile” përdorimit të tyre në çdo vend të botës.

“Ka qenë një vit fantastik për ne, si një shtet i ri që jemi. Nuk e kishim menduar kurrë se do të mbyllnim një vit pa humbje. Liga e Kombeve ka qenë një…. Ne dëshironim ta fitonim grupin tonë dhe rezultati i ndeshjes së fundit ishte fantastik për vendin tonë.

Zgjedhja e Kosovës? – “Realisht nuk e dija se çfarë dëshiroja në ato momente. Më pas e ndjeva që aktivizimi për Kosovën ishte vendimi më i drejtë. Zgjodha me zemër dhe asgjë deri më tani nuk më ka bërë që të mendoj se kam bërë zgjedhjen e gabuar”.

Kualifikueset e “Euro 2020” –  “E dimë që kemi mundësi për t’u kualifikuar nga “Nations League’, por kjo s’do të thotë që s’do tregojmë interes për kualifikueset e Europianit, përse mos ta marrin biletën për në Europian në atë lloj mënyre. Nuk e imagjinoj të luajmë pa dhënë gjithçka në fushë, s’kemi çfarë humbim. Nëse nuk na ecën do të përpiqemi të shfrytëzojmë ndeshjet e fazës finale të “Nations League”. Do të jetë një vit shumë interesant për ne”.

FITORJA E PARË ZYRTARE NDAJ ISHUJVE FAROE –  “Ishte një moment shumë special për ne, pas presidenti i federatës, Fadil Vokrri ishte ndarë nga jeta një muaj më parë. Ai ishte njeriu që bëri gjithçka të mundur. Do t’i jemi përjetë mirënjohës”.

https://www.instagram.com/p/Bqb1Ipuntma/?utm_source=ig_web_copy_link

Klubi katalanas është tërhequr nga kjo ide, ndërsa zbulohet se Barcelonës i është bërë presion nga FIFA dhe UEFA. Qeveria botërore e futbollit ka paralajmëruar lojtarët e dy klubeve, se do t’i pengojë të luajnë me kombëtaret e tyre, ndërsa UEFA ka kërcënuar Barcelonën me përjashtim 2-vjeçar nga Champions Liga!

Kundër idesë së Ligës spanjolle të futbollit ka dalë dhe Federata e futbollit të vendit iberik. “Liga ngatërron kompetencat e saj organizative me fuqinë rregullatore, që është ekskluzivitet i RFEF (Federata Spanjolle e Futbollit)”, shprehet për mediat spanjolle një burim i Federatës.