fier

Përforcohen Korabi dhe Apolonia, firmosin tre beratas

Sport Ekspres — Sat, 27 Jul 2019 15:25:32 +0000

Klubet e kategorisë së parë po bëhen gati sezonin e ri. Ditën e sotme klubi i Korabit ka zyrtarizuar dy përforcime për sezonin e ardhshëm. Bëhet fjalë për dy futbollistët beratas Ervis Çaço dhe Ariel Dobra, të cilët janë kanë kontrata me kohëzgjatje 2-vjeçare me klubin dibran.

Një tjetër futbollist beratas që është prezantuar në një klub të ri është Gelando Sharavolli. Mesfushori 24-vjeçar i është bashkuar Apolonisë së Fierit, duke mbyllur kështu bashkëpunimin me klubin e Tomorit pas gjashtë vitesh.

Vjen zyrtarizimi, Miliç trajneri i ri i Apolonisë

Sport Ekspres — Fri, 25 Jan 2019 19:32:21 +0000

Klubi i Apolonisë ka zyrtarizuar emërimin e trajnerit serb Rade Miliç në krye të bankinës së skuadrës fierake. Tekniku 33-vjeçar ndodhej prej disa javësh në Fier, ku punoi me ekipin në kuadër të një prove.

Fitorja në Kupë ndaj Kukësit me rezultatin 2 – 1, duket se ka vulosur njëherë e mirë të ardhmen e Miliç në krye të stolit të Apolonisë. Përkrah Miliç do të jetë dhe asistenti i tij Stefan Careviç.

LAJMI I FUNDIT | Një tjetër trajner i jep fund aventurës në Kategorinë e Parë

Sport Ekspres — Sun, 16 Dec 2018 20:36:54 +0000

Klubi i Apolonisë ka njoftuar mbylljen e marrëveshjes me trajnerin Mariol Miho. Në postimin e klubit në faqen zyrtare në “Facebook” bëhet e ditur se palët kanë zgjidhur kontratën me konsensus.

Miho mori drejtimin e klubit në qershor të këtij viti. Humbja në “Loni Papuçiu” ndaj Elbasanit të vendit të fundit solli largimin e teknikut fierak. Me 35-vjeçarin në krye, Apolonia mblodhi 16 pikë pas 13 ndeshjes, duke regjistruar 4 fitore, 4 barazime dhe pesë humbje.