FFP (fair-play financiar)

Një muaj kohë për 50 milionë euro, UEFA i jep ultimatum klubit francez

Sport Ekspres — Wed, 19 Jun 2019 18:41:31 +0000

Ndershmëria financiare po shndërrohet në një problem të madh jo vetëm për klubet, që bëjnë shpenzime marramendëse në merkato, por edhe për ata që mundohen të tregohen të kujdesshëm. Olimpiku i Marsejës është në fije të perit. Francezët kanë probleme në bilancet dhe i pret një dënim shembullor.
Ditët e fundit klubi është në negociata me UEFA-n për të shtyrë sa në shumë kohën e deklarimit të hyrje-daljeve. Kjo ndodh që të kenë kohë të shesin lojtarë për të evituar një dënim të mundshëm nga qeveria e futbollit evropian.

Ata kanë një marrëveshje më UEFA-n për të ulur sa më shumë defiçitin. Saktësisht Marseje duhet të ketë një defiçit financiar prej 30 milionë eurosh në tre vitet e fundit për të shmangur dënimin. Ky vit është i errët në këtë aspekt sepse ata janë plot 78.5 milionë humbje.

E vetmja zgjidhje për këtë situatë është grumbullimi i një shume prej 50 milionë eurosh nga shitjet e lojtarëve. Kjo duhet të arrihet brenda këtij muaji. Kështu, drejtuesve të klubit francez do i duhet të heqin dorë nga dy apo tre lojtarë kryesorë të ekipit. Në këtë listë bëjnë pjesë emra si Baloteli, Tovin apo Sanson.

Aromë krize, klubi anglez del me humbje financiare

Sport Ekspres — Tue, 11 Jun 2019 18:52:47 +0000

Situata te klubi i Arsenalit, nuk duket aspak e mirë. “Topçinjtë” janë një nga klubet më të mëdha në Angli dhe gjithmonë janë renditur në vendet e para, por në 3-4 vitet e fundit, kanë pasur një rënie të dukshme.

Përveç problemeve brenda fushës së lojës, tashmë londinezët duhet të shqetësohen dhe për humbjet financiare. Për herë në 17 vitet e fundit, Arsenali e ka mbyllur vitin me humbje. Fakti që nuk arritë të kualifikohen në Champions League për të dytin vit radhazi, ka bërë që “Topçinjtë” t’i kenë llogaritë me minus, duke u përfshirë dhe në rrëzikun e një dënimi të mundshëm nga UEFA.

Pagat e lojtarëve të Arsenalit janë problemi më i madh, me lojtarë si Ozil, i cili përfiton 350 mijë sterlina në javë, dhe Obamejang e Mikitarian, që përfitojnë nga 200 mijë. Paratë e shpenzuara për blerje lojtarësh dhe për rrogat e lojtarëve, janë më të mëdha se paratë që Arsenali ka përfituar nga FA, Addidas, Emirates dhe Europa League. Me shumë gjasa, UEFA do të hapë një çështje për klubin anglez.

Siti rrezikon përjashtimin nga Champions? Reagon Guardiola!

Sport Ekspres — Wed, 05 Dec 2018 12:44:01 +0000

Gjatë ditës së djeshme, “Football Leaks” nxori lajmin që Mançester Siti rrezikonte përjashtimin nga Champions, duke filluar nga sezoni i ardhshëm. Qeveria e futbollit europian është në hapat e fundit të një hetimi, ndërsa klubi anglez ka kryer parregullsi për të qenë korrekt me fair-play financiar.

Mediat angleze janë të sigurta se klubi nga Mançesteri do të përjashtohet nga UEFA. Pep Guardiola ka folur pas fitores kundër Uotfordit në transfertë. Dikush e ka pyetur për hetimin e UEFA-s ndaj Sitit dhe trajneri është përgjigjur në këtë mënyrë.

“Nëse UEFA do të vendosë diçka, klubi ynë do të bëjë një deklaratë. Do të më pëlqente të ishte kështu, pasi do të dinim saktësisht se për çfarë bëhet fjalë dhe të gjithë këto zëra do të merrnin fund. Do ta marrim vesh nëse kemi kryer parregullsi, në të kundërt, njerëzit duhet të heshtin”, përfundon trajneri spanjoll i “qytetarëve”.