Ferronikeli

Flamurtari ndal Feronikelin, Prishtina tre pikë larg kreut

Sport Ekspres — Sun, 31 Mar 2019 19:11:05 +0000

Skuadra kryesuese e IPKO Superliga e Kosovës, Feronikeli, është ndalur në një barazim pa gola ndaj Flamurtarit të Prishtinës.

Kjo “ndalesë” e skuadrës nga Drenasi bën që diferenca me ndjekësit e Prishtinës të shkojë në tre pikë, kur kanë mbetur dhe edhe nëntë javë kampionat. Në garë mbetet dhe Llapi i vendit i tretë që ndodhet pesë pikë larg kreut.

Trajneri i Ferronikelit, Zekirija Ramadani, nuk u shpreh i zhgënjyer nga rezultati gjatë intervistës në fund të takimit.

“Flamurtari ka merita që ne nuk arritëm të fitojmë. Por, ne duhet t’i gëzohemi barazimit dhe jo Flamurtari, pasi mbetemi sërish në vendin e parë tri pikë më shumë se vendi i dytë. Edhe po të kishim fituar sot nuk do të kishte mbaruar kampionati.”, deklaroi Ramadani për “Supersport”.

Feronikeli ndal Prishtinën në kryeqytet, vendos një karton i kuq

Sport Ekspres — Wed, 06 Mar 2019 18:18:49 +0000

Prishtina pati një ecuri shumë të mirë në kampionatin kosovar të futbollit dhe shtoi ndjeshëm presionin te kryesuesit e Feronikelit, por në sfidën e sotme përballë kryesuesve të kampionatit, nuk ia dolën të fitonin.

Edhe pse luanin në shtëpi dhe ishin në avantazh falë golit të Bekteshit në minutën e 17’, Prishtina nuk ia doli të marrë pikët e plota. Boshnjaku u ndëshkua me karton të kuq në minutën e 57’ dhe Feronikeli mori frenat e lojës.

Miqtë arritën të barazonin në minutën e 65’ falë golit të Hotit, gol që vendosi dhe rezultatin final të sfidës, 1-1. Pas kësaj ndeshjeje, Ferronikeli ruan distancën prej 5 pikësh në krye, në kuotën e 49 pikëve, ndërsa Prishtina me 44 vazhdon ndjekjen.

IPKO Superliga, java 21

Prishtina – Feronikeli 1-1
Shënues: Bekteshi 17’ / Hoti 65’

Mjafton një gol, Ferronikeli kalon në gjysmëfinale

Sport Ekspres — Sat, 09 Feb 2019 14:35:41 +0000

Feronikeli ka kaluar në fazën gjysmëfinale të Digitalb Kupa e Kosovës. Skuadra e drejtuar nga Zekerija Ramadani ka mposhtur me rezultatin minimal 1-0 Ferizajin. Autori i golit të vetëm të kësaj ndeshjeje ishte sulmuesi Kastriot Rexha.

Shtatlarti a shfrytëzuar një hutim të mbrojtjes kundërshtare dhe e ka dërguar topin në rrjetë. Që nga minuta e 21-të Feronikeli e pa veten në avantazh. Mbrojtësi Lladrovci ka qenë ai që ka tentuar më pas sërish golin, por pa sukses. Në fundin e pjesës së parë ka pasur protesta nga vendasit, që kërkuan penallti.

Në fraksionin e dytë të lojës Feronikeli tentoi të shënonte edhe golin e qetësisë, por s’e gjeti dot. Gjithsesi me fitoren 0-1 siguroi kalimin në gjysmëfinale. Përballjet e tjera të fazës çerekfinale do të jenë: Prishtina-Trepça 89’, Vëllaznimi-Drita dhe Kika-Ballkani. Të tre këto përballje do zhvillohen ditën e nesërme.

Digitalb Kupa e Kosovës – Faza çerekfinale
E shtunë, më 9 shkurt, ora 13:00

Ferizaj-Feronikeli 0-1
Shënues: Rexha 21’

Ferizaj: Blakçori, M. Idrizi, Kuka, Mone, Dautaj, E. Shabani, Du. Gashi, Dr. Gashi, Hamiti. Trajner: Bylbyl Sokoli.

Feronikeli: Smakiqi, Islami, Prekazi, Lladrovci, Hoxha, Dabiqaj, Hoti, Ahmeti, Silva, Fazliu, Rexha. Trajner: Zekirija Ramadani

Gjyqtarë: G. Nuza, E. Zeqiri, F. Sekiraqa dhe B. Kasumi

Llapi dhe Gjilani gjejnë fitoren, Starova njeh vetëm barazime

Sport Ekspres — Sat, 25 Aug 2018 17:09:24 +0000

Sot u luajtën tri takime e javës së dytë në Superligën e Kosovës. Llapi u rikthye të fitorja pas humbjes befasuese në takimin e javës së parë ndaj Drenicës. Llapjanët fituan me rezultatin 0-3 në transfertën ndaj Ballkanit. Golat për skuadrën e Llapit u shënuan nga Mentor Zhdrella dhe nga afrimi i merkatos së verës Ahmed Januzi, i cili gjeti dy herë rrugën e rrjetës.

Fitore në transfertë arriti dhe Gjilani. Skuadra e drejtuar nga Sadat Pajaziti fitoi 2-3 në transfertën ndaj KEK-ut. Ish-lojtari i Lushnjës, Brunild Pepa zhbllokoi takimin,ndërsa dy golat e tjerë për Gjilanin erdhën nga Cezar dhe Perez.

Ndeshja tjetër midis Drenicës dhe Ferronikelit u mbyll në barazim 0-0. Rezultat ky që nuk po i ndahet skuadrës së drejtuar nga Sulejman Starovës, qëkur ky i fundit morë në kontroll “frerët” e klubit nga Drenasi.

Starton kampionati edhe në Kosovë, hapet me përballjen “Starova-Magani”

Sport Ekspres — Sat, 18 Aug 2018 10:27:39 +0000

Ditën e sotme starton dhe kampionati në Kosovë. Ndeshja hapëse e sezonit është ajo midis Ferronikelit dhe Trepça 89, që do zhvillohet në Drenas. Në krye të dy ekipeve janë dy trajnerë me eksperiencë të gjatë në superiore si Sulejman Starova dhe Gugash Magani.

Të dy teknikët iu bashkuan skuadrave në mes të sezonit të kaluar, por asnjëri prej tyre nuk arriti të kapte objektivat që i kishte vendosur klubi. Gjatë kësaj merkatoje të dy klubet kanë afruar shumë lojtarë dhe mbetet për t’u parë se çfarë do të tregojë fusha e lojës.

Konkurrenca në kampionatin kosovar mbetet më e fortë se kurrë. Mbi pesë ekipe pretendojnë për titullin kampion, shpenzimet në merkato tregojnë qartë që në Kosovë do zhvillohet një kampionat mjaft i luftuar.