Në lidhje me këtë çështje ka folur bashkëshortja e 25-vjeçarit, e cila ka deklaruar se ende nuk ka asgjë konkrete dhe se Karrasko nuk ka firmosur asgjë. Gjithashtu, ajo ka pranuar se rikthimi në Europë është opsioni më i mundshëm, pasi jetesa në Kinë i lë shumë larg miqve dhe familjeve.

“Janik ka marrë shumë oferta, nga Spanja, Italia, Gjermania dhe Anglia, por nuk ka asgjë konkrete dhe nuk është firmosur asgjë. Ne na pëlqen shumë Kina, por është një kulturë e ndryshme dhe jemi shumë larg familjeve dhe miqve tanë. Do të shohim të gjitha mundësitë, por probabiliteti më i madh është që të rikthehemi në Europë”, ka përfunduar bashkëshortja e Karraskos.

Mesfushori i avancuar belg, aktivizohet me ekipin e Dailan Jifang dhe aventura e tij në Kinë duket drejt fundit. Milani po provon që ta marrë 25-vjeçarin me formulën e huazimit me të drejtë blerje, por problemi i vetëm që qëndron në mes, është paga faranike që Karrasko merr te Dailan.

Aktualisht, mesfushori përfiton plot 11 milionë euro në sezon, një pagë mjaft e lartë për xhepat e Milanit. Kuqezinjtë do të bisedojnë me lojtarin për gjetjen e një marrëveshje, që nga pamja e parë duket mjaft e vështirë. Gjithsesi, dëshira e belgut për të luajtur përsëri në Europë, mund të ndikojë për të bërë një sakrificë financiare.