Portugalia është një prej finalisteve dhe ditën e sotme, kombëtarja luzitane ka publikuar listën e të grumbulluarve. Surprizat nuk janë të shumta, teksa ajo që vlen për t’u përmendur është rikthimi i Kristiano Ronaldos, i cili më parë nuk ka luajtur asnjë ndeshje në Ligën e Kombeve.
Andre Silva nuk është përfshirë në listë. Më poshtë keni të gjithë emrat e lojtarëve të grumbulluar nga trajneri Fernando Santos.

PORTIERË: Beto, Rui Patrisio, Sa

MBROJTËS: Rafael Guerrero, Mario Rui, Nelson Semedo, Zhoao Kanselo, Ruben Dias, Pepe, Hoze Fonte

MESFUSHORË: Bruno Fernandes, Danilo Pereira, Uilliam Karvajo, Pici, Ruben Nevesh, Zhoao Mutinjo

SULMUES: Bernardo Silva, Kristiano Ronaldo, Diogo Jota, Diego Sousa, Zhoao Feliks, Gonçalo Guedesh, Rafa Silva

SITUATA NË GRUP – “Vëmendja jonë është e gjitha te Italia, nuk po mendojmë për ndeshjen tjetër ndaj Polonisë. Çdo gjë që kemi bërë është fokusuar në sfidën ndaj Italisë. Në këto dy muaj kanë ndryshuar shumë stilin e tyre të lojës dhe janë një skuadër tjetër nga ajo që ishte në Lisbonë”.

PËRGATITJA E NDESHJES – “Po mendojmë për atë që duhet të bëjmë, gjithsesi kemi shumë respekt për të gjithë, sidomos për Italinë, që është një nga kombëtaren më me shumë histori. Është një sfidë e nivelit të lartë, por i kemi të gjitha mundësitë të bëjmë mirë dhe të fitojmë”.

SFIDA – “Nuk kemi ardhur këtu për të luajtur në kundërsulm. Ata e mbajnë shumë topin dhe janë shumë të organizuar dhe ne do të përpiqemi që të sulmojmë më shumë. Gjithashtu duam ta mbajmë topin shumë dhe të mundohemi të ç’organizojmë kundërshtarin. Duam të eleminojmë hapësirat dhe t’i krijojmë probleme Italisë”.

OBJEKTIVI – “Ne luajmë një futboll shumë të ngjashëm. Italia ka kualitet dhe është një ekip i fortë, por ne futemi në fushë gjithmonë për të fituar, kundër çdo ekipi dhe këtë gjë do të bëjmë dhe nesër. E dimë se çfarë duhet të bëjmë”.

KRISTIANO RONALDO – “Nuk ka ekip që mund të thotë që Kristiano Ronaldo nuk duhet. Ai është lojtari më i mirë në Botë. Ajo që ka rëndësi është që ta tregojë përsëri këtë gjë dhe të fitojë “Topin e Artë”. Do të shohim në rast se do të rikthehet në mars. Për momentin ne do të fokusohemi në të tashmen dhe duam të fitojmë”.

Përballja – “Është një ndeshje e vështirë, edhe pse Italia nuk mori pjesë në Botërorin e fundit. Ata ndryshojnë nga Kroacia. Kundër tyre ishte miqësore, ndërsa tani jemi në një kompeticion. Shpresoj që skuadra të jetë në nivelin e saj më të mirë, mbas pesë-gjashtë seancave stërvitore që kemi zhvilluar. Lojtarët kanë besim dhe kualitet. Italia vuajti në pjesën e parë me Poloninë, por ata kanë një dëshirë të madhe për të treguar vlerat e tyre mbas mungesës në Botëror. Tifozët na kanë ndihmuar gjithmonë dhe shpresoj të mbushin stadiumin, siç kanë bërë në ndeshjet e fundit.”

Kundërshtari – “Kundërsulmi është një karakteristikë e futbollit italian. Kundër Polonisë, ata luajtën vertikalisht. Në pjesën e dytë ndryshuan stil dhe u bazuan te qarkullimi i topit, duke mos i lejuar hapësira Polonisë. Kanë një lojtar si Zhorzhinjo, i cili ka karakteristika të veçanta. Mendoj që do të jetë një ndeshje e madhe, mes dy ekipeve që luajnë futbollin e tyre.”

Portugalia – “Jam i interesuar për 11-të lojtarët e mi dhe jo vetëm për mesfushën. Zhvilluam një ndeshje të mirë kundër Kroacisë dhe nuk do të bëj ndryshime të mëdha në skuadër.”

Kieza&Insinje – “Unë shikoj grupin e një skuadre, por dalja e Balotelit dhe futja e Kiezës ndryshoi mënyrën e lojës së Italisë. Duhet të jemi të kujdesshëm kundrejt këtij fakti. Kieza është një lojtar që luan vertikalisht, ndërsa Insinje është fantastik. Duhet të shohim mënyrën e lojës së kundërshtarit, si luan dhe si ka luajtur. Mendoj që jemi pak më favoritë për shkak të publikut.”

Kristiano Ronaldo – “Prisni dhe pak dhe do e shikoni se sa gola do të shënojë.”