Corriere dello Sport raporton se i preferuari është Fernando Lorente, të cilit i përfundoi kontrata me Totenhemin. 34-vjeçari është një lojtar i lirë, por akordi me të duhet arritur sa më shpejt pasi për të po interesohet edhe Fiorentina.

Për sulmuesin spanjoll mund të bëhet fjalë për një rikthim në Serie A, sepse Lorente u aktivizua me Juventusin gjatë viteve 2013-2015.

“Ka shumë lajme të rreme rreth emrave që mund të vinë. Jorente? Ai është një lojtar i fortë, por nuk do të them nëse ai është i duhur për projektin tonë apo jo. De Rosi në fund ndjeu se nuk mund të luante për një tjetër klub italian. Komiso ka sjellë një atmosferë të mirë në klub. Të dërguarit e tij po bëjnë një punë shumë të mirë për të ndërutar një ekip cilësor. Jemi të lumtur që jemi në Nju Jork dhe shpresoj të bëjmë tre ndeshje të mira”, u shpreh Montela.

Antonio Konte nuk dëshiron të mbetet i papërgatitur dhe ju ka dhënë një emër tjetër drejtuesve. Plani B quhet Fernando Lorente. 34-vjeçarit i përfundoi kontrata me Totenhemin dhe është një lojtar i lirë.

Konte e njeh mirë, pasi ka punuar me spanjollin tek ekipi i Juventusit. Pavarësisht moshës së madhe, Lorente është një sulmues me eksperiencë të madhe dhe operacioni për transferimin e tij në “San Siro” është ekonomik.

Pep Guardiola ishte i pari nga klubi i eliminuar që ngriti dyshime mbi atë vendim të arbitrit Çakir dhe sistemit “VAR”. Ndërkohë, në Angli ka filuar një debat në lidhje me rastin në fjalë.

Pamjet e kamerës së vendosur mbrapa portës tregojnë qartë që topi u devijua nga bërryli i Jorentes dhe më pas ra në pjesën e këmbëve të spanjollit. Megjithatë, ky kënd nuk ishte pjesë e pamjeve që arbitri Çakir pa në ekranin e sistemit “VAR”. Veprimet e turkut në përfundim të analizës tregojnë qartë që ai është i mendimit që nuk ka pasur kontakt midis topit dhe dorës së lojtarit, diçka kjo e pavërtetë.

Ish-futbollisti Ouen Hargrivs e cilësoi si të rregullt golin, duke thënë se kontakti është shumë i butë dhe Jorente ndodhet në një pozicion natyral: “Jorente është në një pozicion natyral. Do të ishte me të vërtetë shumë e ashpër nëse ai gol do të anulohej. Me pamjet filmike që kemi parë arbitri Çakir nuk e ka parë këtë pamje. Ndoshta do të ndryshonte vendimin e tij, por për mendimin tim është kemi të bëjmë me një detaj shumë të vogël”.

34-vjeçari, i cili festoi dje ditëlindjen, bëri që Totenhemi të mos e ndjente mungesën e Herri Kejnit. Spanjoll ka folur për “Radio Marca”, duke komentuar zërat e një rikthimi të tij tek Atletik Bilbao. Lorente është një bask puro dhe si i tillë i takon ta mbyllë karrierën aty ku e nisi.

Sulmuesi komenton dhe garën në Champions. Ai shënoi golin e tretë në fitoren 3-0 kundër Dortmundit në Angli dhe Totenhemi i tij është me një këmbë në çerekfinale. Gara është e fortë, ndërsa duhet patur shumë kujdes nga Reali i Madridit.

Në fund një koment për Kepan, portierin e Çelsit dhe Alvaro Moratën e Atletikos së Madridit. Të parin e vlerëson për veprimin e bërë, ndërsa për të dytin ka një vlerësim të madh dhe i vjen keq që iu anulua padrejtësisht goli kundër Juventusit.

BILBAO – “Është folur shumë për një rikthim timin për ta mbyllur karrierën tek Atletik Bilbao, por e dija që do të ishte e komplikuar, duke parë dhe dëmtimet e shumta që pësuan ‘Spurs’ gjatë muajit janar. Nuk i kam bërë asnjë kërkesë Totenhemit, por do të ishte diçka shumë e bukur që të rikthehesha te Bilbao dhe ta mbyllja karrierën atje.”

CHAMPIONS – “Ka shumë ndeshje dhe faktorë që përcaktojnë rrugëtimin në Champions. Në çdo ndeshje mund të ndodhë gjithçka. Të gjitha ekipet janë paksa favorite, por në vitet e fundit Reali i Madridit ka qenë ekipi më i mirë. Nuk ka asnjë dyshim për këtë. Kur vijnë ndeshjet e vërteta, ata arrijnë të nxjerrin në pah më të mirën e tyre.”

KEPA – “Ndodhi diçka që nuk rastis të ndodhë shpesh në futboll. Kepa tregoi shumë personalitet. Në pankinë menduan se ai kishte probleme fizike, por portieri insistoi se ishte mirë dhe e tregoi një gjë të tillë.”

MORATA – “Alvaro është një sulmues mbresëlënës dhe më ka ardhur shumë keq për dy golat që i janë anuluar kundër Realit dhe Juventusit. Aksioni i golit kundër Juves është diçka normale në futboll. Ajo nuk është kurrë faull.”

Klubi londinez nuk bëri fare merkato në verë: zero afrime dhe po aq largime. Por, një sulmues është pranë largimit nga ekipi i Poçetinos. Flasim për Fernando Lorenten, i cili nuk po gjen hapësira në ekip. “Daily Star” raporton se 33-vjeçari spanjoll ka arritur akord me ekipin e Gallatasarajit.

Kontrata e Lorentes me Totenhemin përfundon në verën e ardhshme, por turqit duan ta marrin që në janar. Gallatasaraj po kalon një moment krize financiare dhe nuk ka ndërmend të paguajë për kartonin e spanjollit, duke ia lënë në dorë lojtarit zgjidhjen e kontratës me ekipin anglez.