Ferhan Hasani

Ferhan Hasani dëshira e madhe, nisin bisedimet

Sport Ekspres — Thu, 13 Jun 2019 14:52:19 +0000

Grupet e Champions League ose Europa League janë kthyer në një fiksim te Shkëndija e Tetovës. Klubi shqiptar, që fitoi titullin kampion në Maqedoninë e Veriut, është fokusuar në merkato dhe po tenton të afrojë lojtarë cilësorë, veç atyre që i ka aktualisht në skuadër.

Sikurse raportohet në mediat e vendit fqinj, Juan Felipe është një prej afrimeve që pritet të zyrtarizohet. Mesfushori me tipare sulmuese e ka mbyllur bashkëpunimin me Vardarin dhe tanimë është lojtar i lirë.

Thuhet se Shkëndija e Tetovës ka një akord me brazilianin, i cili sezonin e fundit shënoi edhe 4 gola. Në të shkuarën ai është aktivizuar edhe me Kairat Almati dhe CSKA Sofie. Juan Felipe nuk është dëshira e vetme e merkatos, pasi po tentohet edhe një rikthim i madh.

Ferhan Hasani, i cili në verë u largua drejt Arabisë, është lojtari që grupi Ecolog dhe familja Destani po bëjnë çmos ta rikthejnë në shtëpi. Sulmuesi 28-vjeçar ka shënuar vetëm dy gola sezonin e fundit me Al Raed, ndërkohë që me Shkëndijën kishte realizuar 22 herë brenda një sezoni.

VIDEO | Skuadra e Hasit shokon kryesuesit, Hasani jep asistin

Sport Ekspres — Fri, 11 Jan 2019 22:29:24 +0000

Besnik Hasi ka marrë një pikë të artë me skuadrën e Al Raed në kampionatin e Arabisë Saudite. Ekipi i trajnerit shqiptar e ka mbyllur me rezultatin 1 – 1 transfertën ndaj kryesuesve të Al Hilal. Të dy golat u shënuan në minutat e fundit të takimit.

Vendasit e Al Hilal shënuan të parët në minutën e 92-të dhe kujtuan se fitorja ishte e tyre, por në minutën e 94-të, ekipi i Hasit shokoi vendasit duke barazuar rezultatin pas një goditje këndi të ekzekutuar nga Ferhan Hasani. Topi i harkuar nga ish-sulmuesi i Shkëndijës u shfrytëzua mjaft mirë nga sulmuesi Abu Sharahah.

Me këtë barazim, skuadra e Hasit shkon në kuotën e 22 pive, shtatë pikë larg zonës së ftohtë. Teksa ka kaluar më shumë se gjysma e kampionatit, ekipi Hasit ka arritur të regjistrojë 6 fitore, 4 barazime dhe 6 humbje.

VIDEO | Hasani i magjishëm, dopietë dhe asist në fitoren e Al Raed

Sport Ekspres — Sat, 01 Dec 2018 17:19:58 +0000

Ferhan Hasanit i është dashur të presë, por më në fund ia ka dalë të zhbllokohet në kampionatin e Arabisë Saudite. Ish-sulmuesi i Shkëndijës duke gjetur dy herë rrugën e portës në fitoren 3 – 1 të Al Raed ndaj Al Batin. Hasani ka pasur rol kyç dhe në golin e tretë, duke shërbyer kolegun e tij me një asist.

Sulmuesi 29-vjeçar zhbllokoi takimin në minutën e 9-të me anë të një goditje standarde, ndërsa 17 minuta më vonë, lojtari i përfaqësueses së Maqedonisë do të përfitonte nga një gabim i mbrojtësit të Al Batin për të çuar shifrat në 2 – 0.

Me fitoren e sotme skuadra e trajnerit Besnik Hasi shkon në kuotën e 11 pikëve i largohet përkohësisht zonës së ftohtë.

Hasi debuton me barazim, Hasani e nis si titullar

Sport Ekspres — Thu, 30 Aug 2018 18:21:23 +0000

Besnik Hasi e ka nisur me një barazim aventurën e tij te skuadra e Al Raedit. Ekip i trajnerit 46-vjeçar barazoi 1-1 në transfertën e vështirë ndaj Al Itifak, klub ky që sezonin e shkuar u rendit në vendin e katër në kampionatin e Arabisë Saudite.

Trajneri shqiptar i besoi një vend titullari dhe afrimit më të fundit, Ferhan Hasanit. Sulmuesi i ardhur nga Shkëndija luajti për 60 minuta dhe më pas u zëvendësua. Ekipi vendas gjeti avantazhin i pari, por Al Raed barazoi në fund të takimit duke marrë një pikë shumë të vlefshme.

??? ??????? ????? #?????? / pic.twitter.com/vnZCTKRkyx

— ????? ?????? ? 90% (@ALRAEDFC) August 30, 2018

Ekskluzive: Gjici nuk përmbahet, tenton goditjen e madhe

Sport Ekspres — Mon, 13 Aug 2018 11:29:25 +0000

Kukësi po “gatuan” goditjen e madhe në merkato. Një sulmues, i cili garanton gola. Presidenti Safet Gjici e di formulën dhe nuk ka ndërmend të kursehet kur vjen puna te titulli kampion. Ka provuar ta ngrejë një herë atë trofe, kurse tani dëshiron ta fitojë sa më shpejt, ndaj edhe po tenton të ndërtojë një ekip dukshëm superior nga rivalët.

Njeriu që do bëjë diferencën pritet të jetë Ferhan Hasani. I njohur si “Buba” te Shkëndija e Tetovës, Kukësi është hedhur në sulm për ta afruar 28-vjeçarin bëjnë me dije burime të sigurta të “SportEkspres.com”. Për këtë po mundohet të shfrytëzojë të gjitha kartat që ka në dorë.

Një, marrëdhënia e Hasanit me Cuculin. Ky i fundit u prezantua sot dhe vendimi i tij për të luajtur me Kukësin mund të bindë edhe ish-sulmuesin e Shkëndijës të provojë për herë të parë Kategorinë Superiore. Do të vijë për të fituar trofe dhe “Këpucën e Artë”. Në Maqedoni vjet realizoi 22 gola.

Dy, situata aktuale. Merkato po shkon drejt fundit dhe për “Bubën” ka pasur shumë oferta gjatë kësaj vere. Në Turqi është përfolur Rizespori, ndërkohë që edhe nga Azerbajxhani ka pasur disa opsione. Alternativa më e mirë ishte kalimi në Shtetet e Bashkuara të Amerikës.

Kjo lëvizje për pak u realizua po të mos kishte qenë për disa çështje procedurale që ngadalësuan gjithçka. Në këto kishte Kukësi kërkon të përfitojë. Normalisht oferta financiare do të jetë e duhura që ta vendosë Ferhan Hasanin nën urdhrat e Armando Cungut.