Festa e çmendur: “Je mirë?”, ish-lojtarit të Totenhem gati sa nuk i pushon zemra!

Sport Ekspres — Thu, 09 May 2019 07:33:56 +0000

Kalimi i Totenhemit në finale u festua nga të gjithë tifozët e “gjelave”, por edhe tifozët anglezë, të cilët do të shijojnë një finale të gjithën ishullore, me Liverpulin që do të jetë rivali i londinezëve.

Një ndër festat më të çmendura ishte ajo në studion e “BT Sport”, ku ishin të pranishëm Geri Lineker, Rio Ferdinand dhe Glen Hodëll. Goli i tretë i Lukas Mourës, i cili i dha dhe kualifikimin Totenhemin çmendi në festë treshen, ku pamjet flasin qartë.

Ndërkohë, një moment Ferdinand dhe Lineker pyesin Hodëll a ndihet mirë, pasi dukej sikur po i pushonte zemra nga gëzimi. Kujtojmë, Glen Hodëll është një ish-lojtar i njohur i Totenhemit, teksa ka luajtur në Londër për plot 12 vite.

Glenn, Are you ok…are you ok ?? #Spurs #UCL #NoFilterUCL pic.twitter.com/28ue4xkECY

— Rio Ferdinand (@rioferdy5) May 9, 2019

Legjenda e Man Utd dorëzohet: Respekt, nuk kam fjalë për këtë Liverpul!

Sport Ekspres — Tue, 07 May 2019 21:25:31 +0000

Ish-mbrojtësi legjendar i Mançester Junajtid, Rio Ferdinand, tha për BT Sport pas përmbysjes së çmendur të Liverpulit kundër Barcelonës: “Kam luajtur për rivalin e madh të The Reds, por nuk mund të mos e them: në këtë moment kam respekt maksimal për këtë klub dhe për këta tifozë. E mrekullueshme, erdhëm për të parë Mesin në finale dhe po shohim një çmenduri.

“Liverpuli ua mori finalen nga duart, me një shpirt gare dhe një shpirt luftarak të pabesueshëm. Ajo që bëri Liverpuli të lë pa frymë. Është fantastike, gjithçka, skenat në stadium, lotët, emocionet, është mahnitëse. Vetëm futbolli ta bën këtë”.

Ndërkaq, ish-sulmuesi i famshëm i Liverpulit, Majkëll Ouen tha: ” Është një nga ato netë që mbeten në histori si më magjiket, në mos nata më e mirë në historinë europiane të Liverpulit. Në Anfield nuk fiton dot askush!”.