Felipe Luis

Felipe Luis rikthehet titullar dhe qartëson zërat e largimit

Sport Ekspres — Sun, 02 Sep 2018 12:31:16 +0000

Felipe Luis ishte pranë transferimit te PSG, por klubi i Atletikos dhe trajneri Simeone insistuan fort për ta mbajtur në ekip dhe ia dolën. Mbrojtësi i majtë brazilian u aktivizua gjatë gjithë ndeshjes së mbrëmshme, që Atletiko humbi përballë Selta Vigos.

33-vjeçari ka folur mbas humbjes për “BeIn Sports”, ku i rikthehet dhe njëherë situatës së tij. “Kjo situatë lindi tre javë më parë, por ia qartësova menjëherë klubit që nuk dëshiroja të largohesha. Nuk kam insistuar kurrë për t’u larguar dhe janë thënë e shkruar shumë gënjeshtra për mua”, thekson futbollisiti i Atletikos së Madridit.

Felipe Luis vazhdon konkurrencën e fortë me francezin Hernandez, por më i lumtur nga të gjithë është Diego Simeone, i cili ka blinduar krahun e majtë të mbrojtjes me dyshen Felipe Luis dhe Luka Hernandez.

Felipe Luis në udhëkryq, Atletiko-PSG një histori e vjetër përplasjesh!

Sport Ekspres — Thu, 23 Aug 2018 12:55:50 +0000

Felipe Luis kërkon të largohet drejt PSG, por klubi spanjoll nuk dëshiron të privohet nga shërbimet e brazilianit. Presidenti Gil Marin ka patur një takim më skuadrën ku u ka bërë të qartë futbollistëve që: “nuk ka titullarë të padiskutueshëm në ekip dhe të gjithë mund të luajnë”.

PSG afron 5 milionë euro për kartonin e Felipe Luis, por Atletiko e lëshon lojtarin vetëm për 30 milionë euro dhe kjo është e qartë për klubin francez dhe agjentët e lojtarit.

Një situatë e ngjashme, por në krahun e kundërt, ndodhte para tri sezonesh. Tiago Mota dëshironte largimin nga PSG dhe Atletiko i afroi një vend në ekip. Palët ishin drejt akordit, por presidenti Al Khelafi bllokoi transferimin. Ai nuk dëshironte që mesfushori të largohej dhe nuk ngurroi të kërcënonte presidentin e Atletikos. “Nëse tenton të marrësh një nga lojtarët e mi, atëherë do të blej gjithë klubin tënd”, shprehej sheiku i ekipit francez.

Të Atletiko nuk e harrojnë një fakt të tillë dhe po bëjnë të pamundurën për të mos lejuar kalimin e mbrojtësit të majtë në Paris, por gjithçka do të vendoset në ditët e fundit të merkatos.

Felipe Luis i pakënaqur, Simeone “driblon”: Mendoj për Valencian

Sport Ekspres — Sun, 19 Aug 2018 14:25:06 +0000

Atletiko e Madridit e nis kampionatin spanjoll në transfertë përballë Valencias. Në konferencën për shtyp para sfidës së nesërme, Diego Simeone flet për Felipe Luis. Mbrojtësi brazilian është i pakënaqur, sepse kërkon të jetë një titullar. Francezi Hernandez i ka zënë vendin dhe braziliani kërkon largimin drejt PSG.

“Ajo që mund t’iu them për Luis dihet. Ai është një lojtar që e duam shumë, është shumë i rëndësishëm për ne, për skuadrën dhe për grupin, por unë jam i përqendruar tek ndeshja e nesërme.

Dëshiroj gjithmonë më të mirën për lojtarët që kanë dhënë shumë për ne. Do ta lë të largohet? Për momentin po mendojmë të gjithë për ndeshjen me Valencian. Grupi vjen përpara individit”, përfundon trajneri argjentinas i Atletikos.

Braziliani kërkon largimin nga Atletiko, PSG pret në sfond

Sport Ekspres — Sat, 18 Aug 2018 18:00:59 +0000

Atletiko Madrid mund të humbasë një nga lojtarët e saj. Klubi spanjoll shpalli mbylljen e merkatos, por siç citon “Cadena Ser”, Felipe Luis ka kërkuar largimin dhe destinacioni i tij i ardhshëm mund të jetë PSG.

Braziliani është i pakënaqur, sepse ka humbur vendin e titullarit. Simeone preferon Lukas Hernandez si zgjedhje të parë dhe diçka e tillë ka bërë që Felipe Luis të kërkojë largimin për në kampionatin francez. 33 vjeçari e ka kuptuar që për të nuk do të ketë shumë minuta gjatë sezonit dhe ka informuar zyrtarisht klubin, duke iu kërkuar që të largohet.

Mbrojtësi i majtë kërkohej nga Juventus, por bardhezinjtë vendosën të mos shisnin Aleks Sandron dhe negociatat ngecën. Siç raporton “El mundo”, PSG ka bërë një ofertë zyrtare për brazilianin dhe Felipe Luis mund të bashkohet në kryeqytetin spanjoll me Nejmarin dhe Dani Alvesh.