Anderson shërbehet në zonë dhe bën një marrje fantastike të topit dhe më pas befason portierin duke e dërguar topin në rrjetë. Një realizim mjaft i bukur i brazilianit të Uest Hemit.

Just @F_Andersoon, making it look easy… ? pic.twitter.com/Fq7Za5aNpQ

— West Ham United (@WestHam) July 4, 2019

Drejtuesit e “Los Blancos” po mendojnë për një tjetër alternativë. Siç raporton katalanasja ”Sport”, Reali pëlqen edhe Felipe Anderson. Braziliani la Lacion në fillim të këtij sezoni për të kaluar tek Uest Hemi në ishull.

25-vjeçari po bën shumë mirë me “Çekiçët”, aty ku ka shënuar 11 gola dhe ka dhuruar 4 asiste. Uest Hemi pagoi 40 milionë euro te bardhekaltrit e Igli Tares, ndërsa mund ta lënë të mirë brazilianin e talentuar për shifrën që është ofruar për Hazard.

Felipe Anderson po zhvillon një sezon shumë të mirë, ka luajtur të gjitha ndeshjet me Uest Hemin dhe ka arritur të gjejë vazhdimësinë e munguar prej tij. Zidan e pëlqen dhe Reali mund të vendosë të investojë te ky lojtar në fund të sezonit.

Talenti i 25-vjeçarit nuk është vënë kurrë në dyshim, ndërsa karriera e tij ka pësuar ulje-ngritje. Si shumica e lojtarëve brazilianë, Felipe Anderson nuk ka patur një fëmijëri të bukur, përkundrazi.

Vuajtje të mëdha, vështirësi për të mbyllur muajin dhe shpeshherë tryeza bosh. Lojtari ofensiv ka dhënë një prononcim emocional për “BBC”, aty ku zbulon dhe Nejmarin. Me sulmuesin e PSG e lidh një miqësi e ngushtë që nga koha kur luanin së bashku tek ekipi i Santosit.

VUAJTJET – “Ka patur momente kur në shtëpi nuk kishim ushqim për të ngrënë. Kur vinte fundi i muajit, dalloja trishtimin e prindërve të mi, sepse nuk arrinin të na dhuronin më të mirën. Kishin shumë borxhe dhe ndonjëherë nisnin debatet e forta për situatën e krijuar. Kishte raste kur i merrja borxh miqve çizme për të veshur. Tani marr forcë nga e kaluara ime. Vuajtjet më kanë ndihmuar të qëndroj me këmbë në tokë, të jem i përulur dhe t’i ndihmoj të tjerët, sepse e di që ka akoma shumë njerëz në pozita të vështira. Saktësisht ashtu siç ka ndodhur dhe me mua.”

NEJMAR – “Nejmar është një person i këndshëm dhe tepër zbavitës. Ai është një ‘Joker’, është shumë shakaxhi dhe gjithmonë i bën njerëzit për të qeshur. Ai adhuron muzikën e tij, kështu ka qenë gjithmonë dhe nuk do të ndryshojë kurrë. Nëse jemi diku dhe atmosfera nuk ekziston humori i duhur, ai do të ngjitet në majë të tavolinës për t’i inkurajuar të gjithë. Mund të të ftojë për të luajtur ping pong me një top futbolli, ose gjëra të tjera të ngjashme. Adhuron të qeshë dhe të bëjë shaka.”

Paraqitjet e tij fantastike me Lacion në Serie A bënë që Uest Hemi të thyejë bankën dhe të paguajë plot 38 milionë euro për shërbimet e tij, duke e bërë transferimin më të shtrenjtë në historinë e klubit. Sezoni i Anderson deri më tani në Premier Ligë? I shkëlqyer!

Përveçse ka qenë lojtari më i mirë për “The Hammer”, Anderson ka treguar dhe një klas të jashtëzakonshëm, duke dribluar dhe “turpëruar” emra shumë të njohur të kampionatit anglez. Faqja zyrtare e Premier League në platformën “Facebook” i ka kushtuar një video yllit brazilian, me këtë të fundit që i bën “tunele” disa nga lojtarëve më të mirë në Premier Ligë.

Gjatë kësaj verë, bardhekaltrit e shitën në Angli dhe Uest Hemi pagoi 42 milionë euro për kartonin e tij. Në një prononcim për “Daily Mail”, lojtari ofensiv tregon se ndihet shumë mirë me ekipin e ri, po zbavitet, gëzon besimin e të gjithëve, nuk e ndjen presionin, ndërsa “thumbon” Lacion.

“Isha lodhur te Lacio dhe kërkoja realisht një projekt dhe një skuadër që besonte tek unë 100%. Kur mësova për interesimin e Uest Hemit, ishte e thjeshtë të zgjidhja dhe të largohesha. Këtu e gjeta këtë gjë, trajneri dhe klubi po më mbështesin. Dua të bëj diçka të madhe për këtë skuadër, ndihem gati për t’u përballur me të gjitha ndeshjet, sepse nuk më kanë vënë në presion. Kur dikush paguan 42 milionë euro për ty, është e qarte se të gjithë presin diçka ndryshe nga lojtarët e tjerë“, përfundon Felipe Anderson.