Mediet raportojnë se pas shëtitjes Kieza ka ndaluar për të biseduar me krerët e klubit, Xho Baron, Xhankarlo Antonjoni dhe drejtorin e ri teknik Dario Daineli. Pas bisedës ai është dukur i mërzitur dhe duket se do e ketë shumë të vështirë të kalojë në Torino këtë verë.

Nedved dhe Paratiçi kanë zgjedhur të bisedojnë me vetë lojtarin dhe ta bindin se ardhja në “Allianz Stadium” është zgjedhja e duhur. Sipas “Tuttosport”, edhe djaloshi e do një tranferim në Torino, ku do të bënte kapërcimin e madh të karrierës.

Këmbëngulja e vazhdueshme e tij pritet të çojë në rrugën e duhur operacionin e Juves dhe Kieza të vihet nën urdhërat e trajnerit Sarri. Në shumë raste është parë se dëshira e lojtarit është ajo që vendos dhe Fiorentina nuk ka sesi ta mbajë me pahir yllin e saj. Brenda një harku kohor prej 20 ditësh, Kieza pritet të bëhet shok skuadre me Kristiano Ronaldon.

Drejtori sportiv i ka ofruar Fiorentinës 50 milionë euro + kartonin e Rikardo Orsolinit. 22-vjeçari i huazuar te Bolonja vlerësohet rreth 20 milionë euro, aktivizohet në të dy krahët e sulmit dhe sivjet ka shënuar 8 gola me ekipin e Mihajloviç.

Oferta në total shkon në 70 milionë euro, ndërsa Kiezën e pret një kontratë 5-vjeçare me një rrogë prej 5 milionë eurosh në sezon. Tani pritet përgjigja e klubit vjollcë, ndërsa Juventusi shpreson të arrijë sa më shpejt akordin dhe të fitojë garën për lojtarin, i cili ndiqet nga shumë klube të mëdha europiane.

Aprovimin për italianin e kanë dhënë edhe tifozët, të cilët e duartrokitën Kiezën në momentin që u zëvendësua në sfidën mes Juventusit dhe Fiorentinës. 21-vjeçari edhe pasditen e djeshme u paraqit mirë, teksa dhuroi asistin e golit për Milenkoviç dhe vetëm shtylla e traversa ia mohuan golin.

Kujtojmë, diçka e tillë ndodhi edhe me Kristiano Ronaldon një sezon më parë, ku në sfidën mes Juventusit dhe Realit, të fituar nga madrilenët, tifozët bardhezi duartrokitën portugezin pas golit të shënuar me roveshatë. Ndoshta përsëritet historia dhe Kieza vishet juventin sezonin e ardhshëm.

KIEZA – “Sot nuk është një ditë për të folur për të ardhmen, kemi kohë për të folur për të. Kieza? Është lojtar i mirë dhe një objektiv, por nuk kisha nevojë ta shihje atë sot pasi i dimë cilësitë e tij.”

DIBALA – “Është një lojtar i Juventusit dhe do të mbetet i tillë.”

Gjatë javëve të fundit bavarezët janë përfolur se kanë shfaqur interes për sulmuesin e Çelsit Kalum Hudson-Odoi dhe Nikolas Pepen e Lilës. Megjithatë, media italiane “La Repubblica” ka zbuluar se drejtuesit e kampionëve të Gjermanisë kanë shfaqur interes për një sulmues anësor që aktivizohet në Serie A.

Bëhet fjalë për talentin e Fiorentinës Federika Kieza. Talenti 21-vjeçar është prej tri sezonesh pjesë e rregullt e formacionit titullar dhe duket e afërt dita që ai të ndërmarrë hapin tjetër të karrierës.

Kalimi të Bajerni i Mynihut do të ishte një ëndërr e bërë realitet, por në të njëjtën kohë një sfidë shumë e madhe, pasi kemi të  bëjmë me një klub “gjigant” me një kontingjent të frikshëm lojtarësh. Bisedimet mes zyrtarëve të dy klubeve kanë filluar dhe në javët në vazhdim pritet që të kemi shumë të reja.

Spanjolli po përjeton një periudhë të vështirë me Realin dhe shkaku kryesor është Santiago Solari. Trajneri argjentinas nuk e konsideron të rëndësishëm lojtarin për skemat e tij dhe Isko ka luajtur me pikatore.

Disa minuta në kampionat kundër Vajadolidit dhe Eibarit, 17 minuta kundër Plzen në Champions dhe në ndeshjen kundër Romës, 26-vjeçari përfundoi në tribunat e stadiumit “Olimpico”.

Ai nuk e duron më një situatë të tillë dhe ka vendosur të largohet. Juventus është gati ta ofrojë në ekip për t’i plotësuar një dëshirë të hershme Alegrit. Isko është një “fiksim” i trajnerit që nga koha kur drejtonte Milanin, por duhet fituar konkurrenca pasi dhe Mançester Junajtid interesohet për të.

Një tjetër emër që preferohet nga Juventus është Federiko Kieza. Ylli i Fiorentinës do të monitorohet nga afër në ndeshjen e radhës, Fiorentina-Juventus dhe drejtuesit e “Zonjës së Vjetër” do të përfitojnë për të marrë më shumë informacion mbi situatën e tij dhe dëshirën e 21-vjeçarit.

“Që në stërvitjen e tij të parë, vura re mënyrën e veçantë me të cilën e prekte topin. Që atëherë ishte i përqendruar dhe i kujdesshëm. Nuk ka humbur kurrë një stërvitje, që kur ishte fëmijë. Nuk ka futbollist më të mirë se ai në Itali. Kieza duhet të qëndrojë i përulur dhe i qeshur, siç ka qenë gjithmonë. Nëse e bën, asgjë nuk do ta ndalojë të arrijë sa më lart”, përfundon Edi Baxho për “Corriere Fiorentino”.

Për lojtarin e talentuar interesohen shumë klube italiane dhe europiane, por ai refuzoi të gjitha kontratat në verë dhe vazhdon të shijojë aventurën e tij me Fiorentinën.

Kjo ka qenë dëshira e tij më e madhe që kur zbriti në fushën e blertë: “Isha gjashtë vjeç kur shkela për herë të parë në këto fusha. Mendimi im i vetëm ka qenë të shkel në fushë dhe të argëtohem”.

Nuk e fsheh se ka dashur të luajë në Serinë A, ashtu si babai i tij Enriko. Deri më tani po ia del mirë: “Duke para babanë tim duke luajtur, nuk e fsheh se edhe unë shpresoja të arrija të luajë në këtë nivel futbolli”.

Federiko vlerësohet me shumën e 60 milionë eurove, por i riu thekson se është paksa e ekzagjeruar. “Unë mendoj vetëm për të dëshmuar cilësitë e mia, edhe pse kjo shifër më duket e ekzagjeruar. Prioriteti im është të tregoj të diel pas të diele se kush është Federiko Kieza. Tani e gjithë vëmendja ime është te ndeshja e radhës me Kaljarin.  E ardhmja? Jam i lumtur te Fiorentina tani. E përsëris, mendoj vetëm për ndeshjen e radhës”.

“Kë do të blija për 60 milionë euro? Më jepni edhe më shumë, pasi për një ‘top-player’ duhen 200 milionë euro. Unë do të merrja Kilian Mbape”, shprehet Kieza, duke treguar në këtë mënyrë edhe lojtarin e tij të preferuar.

KAPITENI ASTORI – Sulmuesi flet edhe Astorin, ish-kapitenin e Fiorentinës që u nda nga jeta rreth gjashtë muaj më parë. Kieza tregon rolin e tij në skuadër dhe se si i trajtonte të rinjtë kur vinin në skuadër. Ai rikthen në skenë edhe për pritjen që i ishte bërë kur ishte bashkuar me ekipin e parë të Fiorentinës.

“Davide Astori ishte një kapiten për të gjithë ne, ai jepte 110 për qind në fushë dhe jashtë saj. Ai bëri të mundur bashkimin e të gjithëve në dhomat e zhveshjes. Kur Vitor Hugo mbërriti te ne nuk dinte asnjë fjalë italisht. Astori ishte ai që bëri që ai të kuptonte, përmes gjesteve, atë çfarë donte trajneri. E njëjta gjë edhe me lojtarët francezë.

Sa herë që vinte një lojtar i ri dhe shtohej në grupin tonë në WhatsApp, mesazhi i tij ishte i pari: ‘Përshëndetje, mirëserdhe’. Kur shkova për të herë të parë në stërvitje me ekipin e parë, më kujtohet se aty ishin Davide dhe Bernardeski. Ai ishte i pari që më përshëndeti. Në tryezë gjithmonë rrija pranë tij, ai më bëri të ulem aty. Hapësira mbetet, Davide është gjithmonë me ne”, thotë Kieza.

KOMBËTARJA – Tanimë sulmuesi i Fiorentinës është bërë edhe pjesë e Italisë dhe elozhet nuk kanë qenë të pakta për të. “Kjo është një Itali e re dhe është ende shumë rrugë për t’u bërë. Prioriteti im është që të jem gati për trajnerin e kombëtares. Unë nuk ndihem si titullar apo si shtyllë e ekipit, thjesht dua të tregoj se e meritoj fanellën e kombëtares. Do punoj që të siguroj një ftesë për ndeshjen e radhës. Mançini po nis një projekt të ri. Ai gjithmonë na kërkon ne të luajmë të qetë dhe të lirshëm, pa presion”, përfundon Kieza intervistën e tij për “Corriere dello Sport”.

Ganezi i zikaltërve ka folur për ndeshjen e fituar dhe nuk ngurron të thumbojë Kiezën për faktin që shtrihej shpeshherë në tokë, pa asnjë shkak, edhe pse e vlerëson shumë si futbollist.

“Jam i lumtur me atë që po bëj unë dhe skuadra. Jam i kënaqur me faktin që kemi gjetur rrugën e duhur për të fituar ndeshjet. Kampionati nuk është i lehtë, por po rritemi dhe përmirësohemi. Ndodh që pësojmë gol, por nuk dorëzohemi deri në minutën e fundit dhe ky është mentaliteti i nevojshëm për të fituar ndeshjet.”

“Kam luajtur shumë herë kundër Kiezës, është një lojtar i fortë, ka një këmbë të mirë, është inteligjent dhe një lojtar interesant. Pati një moment kur nuk durova dot më, sepse binte në tokë pa i bërë asgjë. Publiku ishte fantastik dhe na shtyu deri në fund në kërkim të fitores. Në ndeshjen e radhës duhet të tregojmë të njëjtin shpirt skuadre si kundër Fiorentinës”, përfundon Kuado Asamoah.

Mauricio Sarri e pëlqen shumë anësorin ofensiv dhe i ka kërkuar klubit të nisë tratativat për kalimin e tij në Londër siç citon “Daily Express”. Blutë ndodhen në “pole position” dhe do të nisin sulmin për Kiezën në merkaton e janarit, duke i ofruar lojtarit një rrogë të majme.

Lojtari tregoi para disa ditësh që në drejtim të tij kishte ardhur një ofertë prej 63 milionë eurosh, por ai dhe klubi i Fiorentinës vendosën për ta refuzuar ofertën. Sarri është i fiksuar pas cilësive të Kiezës dhe drejtuesit e “Bluve të Londrës” po punojnë për të arritur marrëveshjen në hapjen e merkatos së janarit.

Juventus e ndjek prej kohësh, por Fiorentina ka refuzuar gjithmonë interesin e bardhezinjve. Gjatë marrëveshjes së huazimit të Marko Pjacës në Firence, Marota tentoi të merrte një gjysmë premtimi nga presidenca e Fiorentinës, por asgjë. Megjithatë, bardhezinjtë nuk dorëzohen dhe janë gati për të tentuar Kiezën në seksionet e tjera të merkatos.

Anësori ofensiv pëlqehet dhe nga dy klubet milanezë, me Milanin, që ka parakaluar Interin në garën për shërbimet e tij. Familja e lojtarit beson shumë te projekti dhe e ardhmja e kuqezinjve dhe Milani është një opsion shumë i mirë për të ardhmen e lojtarit.

Lojtari ndiqet nga i ati, Enriko Kieza, i cili nuk dëshiron të nxitohet për të ardhmen e të birit. Federiko është i ri dhe e pret një karrierë e madhe, por Fiorentina është e tashmja. Palët janë drejt rinovimit të kontratës me një vit dhe Kieza do të përfitojë një rrogë prej 2.5 milionë eurosh.

Lojtari duhet të vazhdojë të bëjë mirë në fushë, të shënojë gola, ndërsa Juventus, Milan dhe Inter vazhdojnë garën për të dhe presin momentin e duhur për të nisur sulmin për shërbimet e tij.

Bardhezinjtë kanë një raport të mirë me vjollcat, pasi kanë arritur t’u blejnë Bernardeksin, kurse këtë verë u dhanë Pjacën, ndaj edhe dyert e tyre janë të hapura për të biseduar. Gjithsesi Kieza nuk kushton pak, por plot 70 milionë euro.

Nga ana tjetër Interi po ndjek një tjetër strategji. Trajner Luçiano Spaleti është futur drejtpërsëdrejti në bisedime me Enriko Kiezën, të atin e Federikos që bën edhe menaxherin e lojtarit të Fiorentinës. Objektivi është që të bindet sulmuesi dhe më pas Interi të bëjë ofertën e duhur në klubin vjollcë.

Klubi nuk e diskuton largimin e tij dhe ka refuzuar një ofertë prej 70 milionë eurosh. Djaloshi është me këmbë në tokë dhe nuk i bën përshtypje kjo gjë. Ndihet i vlerësuar, por ai dëshiron të punojë dhe të rritet si lojtar.

“Flasin sikur jam një lojtar i madh, por duhet të tregohen të kujdesshëm me fjalët që thonë. Jam i kënaqur më çka kam bërë deri tani, por e di që mund të përmirësohem akoma. Fiorentina ka refuzuar 70 milionë euro për mua? Kam kaluar një verë të qetë. Aspak ankth në lidhje me merkaton, sepse kisha një marrëveshje me klubin dhe e kisha vendosur që të qëndroja në Firence. Kjo ka qenë zgjedhja më e mirë për mua. Fakti që vlej kaq shumë nuk ma trazon gjumin që bëj dhe nuk ndikon në jetën time. Çmimet e merkatos në vitet e fundit kanë kapur qiellin, por unë nuk përpiqem të mendoj për këtë gjë.”

Fiorentina ka krijuar një treshe interesante në sulm me Kiezën, Simeonen dhe Pjacën, duke bërë tifozët të ëndërrojnë. Diçka e tillë e intrigon 20-vjeçarin, i cili lëshon komente pozitive për kroatin Pjaca.

“Kjo treshe na intrigon edhe neve dhe po punojmë shumë. Pjaca ka pak që ka ardhur. Ai është një anësor sulmi klasik, i cili driblon dhe kërkon portën. Jam i lumtur që është bashkuar me ne”, përfundon Federiko Kieza për “Corriere dello Sport”.