Klubi nga Firence nuk heq dorë nga kërkesa prej 70 milionë eurosh. Akoma nuk dihet nëse këto negociata do të udhëhiqen nga familja Dela Vale apo presidenti i ri, Roko Komiso. Megjithatë, zikaltrit shpresojnë që të përfshijnë ndonjë lojtar në tratativë, me qëllim uljen e çmimit të Kiezës.

Edhe Juventusi është në garë prej kohësh për “yllin” italian, por Interi synon të mbyllë sa më shpejt akordin dhe të transferojë lojtarin ofensiv në Milanon zikaltër.

Juventusi, Interi dhe Roma janë klubet që duan shërbimet e sulmuesit, por interesimi është i madh edhe nga klube te tjera. Së fundmi “Repubblica” shkruan se Liverpuli është një nga klubet që po e vëzhgon Kiezën.  Ai shikohet si një lojtar që mund t’i bëjë punë skuadrës angleze dhe Klop u ka kërkuar drejtuesve që të interesohen.

Tjetër klub që lakohet është Bajerni i Mynihut. Gjermanët janë gati që këtë verë të shpenzojnë dhe në aspektin financiar edhe mund të futen në garë më klubet e tjera. Atyre u intereson një sulmues anësor dhe Kieza është një opsion.

Adoleshenti nuk e lëshoi më postin e titullarit dhe historia e Xhixhit të vogël dihet nga të gjithë se si shkoi. Gardiani i portës ka dhënë një prononcim interesant për “Eurosport”, duke u ndalur te përballja me djemtë e shokëve të tij si Enriko Kieza dhe Lilian Turam.

Bufon ka luajtur dhe fituar me të dy te Parma, ndërsa me francezin vazhdoi të luante me Juventusin. Italiani tregon emocionet e provuara kur u përball me Federiko Kiezën, yllin e Fiorentinës, aty ku mendoi realisht t’i jepte fund karrierës së tij.

“Kam luajtur kundër Federiko Kiezës dhe djemve të Turamit: Markus dhe Kefren. Ata janë fëmijët e djemve dhe shokëve, të cilët i kam dashur shumë dhe vazhdoj të jem i lidhur me ta. Përballja me ta ishte një dhuratë e jetës, por më duhet ta pranoj se kur u përballa për herë të parë mbeta i hutuar. Nuk kisha luajtur kurrë më parë me ndonjë fëmijë të shokëve të mi, derisa luajta kundër Federikos. Ndodhi përpara dy vitesh dhe në atë moment mendova se ndoshta duhej të tërhiqesha”, tregon Xhixhi Bufon.