Sa i përket mungesave nuk kanë qenë me grupin Bernardeski dhe Kielini. Të dy kanë shfaqur probleme fizike. Si sulmuesi dhe mbrojtësi vështirë se do të jenë në fushë në ndeshjen e radhës, kjo për faktin se Alegri ka mjaftueshëm alternativa, por mbi të gjitha vëmendjen më të madhe e ka në ndeshjen e mesjavës së ardhshme, ku do të përballen me Mançester Junajtid, ku dhe do të kërkojnë kalimin e grupit, pasi me një fitore matematikisht do të ishin në raundin tjetër.

Juventusi këtë edicion ka synim triumfin në Champions, pasi në Seria A gjithçka po shkon mirë dhe ka nisur shkëputja. me Ronaldon në skuadër, bardhezinjtë konsiderohen si një prej skuadrave favorite për të triumfuar dhe në Ligën e kampioneve.

“Ne nuk jemi Fiorentina”, i ka ulëritur trajneri 24-vjeçarit, i cili më parë është aktivizuar me ekipin nga Firence. Bernardeski po kalon një moment shumë të mirë fizik, është përshtatur mirë me ekipin bardhezi dhe ka shënuar dhe dy gola në kampionat, por kjo nuk mjafton për trajnerin nga Livorno.

Alegri i vlerëson shumë cilësitë e lojtarit ofensiv, por kërkon ta mbajë me këmbë në tokë dhe hekuri rrihet sa është i nxehtë. Një gjë të tillë trajneri e ka bërë dhe në fundin e ndeshjes me deklaratën e tij. “Bernardeski zhvilloi një ndeshje të mirë, edhe pse i tërhoqa veshin, sepse duhet të pasonte më shpejt topin në disa situata të caktuara”.

 

View this post on Instagram

 

#juventus#j#juve#young#boys#sport#calcio#football#italy#torino#blackandwhite#finoallafine#biancoenero#instagram#instagood @mrallegriofficial

A post shared by @ robertocasanova1973 on Oct 3, 2018 at 12:09am PDT

Paraqitja pozitive e anësorit ofensiv ka shtuar vëmendjen e Mançester Junajtid, që e ndjek prej kohësh Bernardeskin. Siç citon “Calciomercato.it”, klubi anglez do të jetë gati të nisë sulmin për shërbimet e tij, për t’i dhuruar Murinjos një përforcim cilësor.

Një gjë e tillë do të jetë e vështirë, sepse Juventus nuk dëshiron të privohet nga shërbimet e ish-lojtarit të Fiorentinës dhe po përgatit rinovimin e kontratës së tij, që skadon në qershor të vitit 2022.

Italia – “Roberto Mançini është njeriu i duhur për kombëtaren. Ai ka luajtur vetë futboll dhe e di se çfarë është futbolli. Ka qenë një lojtar i madh dhe është një trajner i madh. Duhet t’i japim besim dhe të jemi të duruar me punën e tij. Nëse dëshiron të arrish diçka menjëherë, në fund prishet e gjitha.

Nëse pritet një Itali që fiton pesë ndeshjet e para miqësore me rezultatin 4-0, do të thotë që diçka nuk shkon. Kur preket fundi, duhet të kapemi për dore të gjithë bashkë dhe të ngrihemi. Të gjithë duhet të ndjekim të njëjtën rrugë: shtypi, lojtarët dhe ata që punojnë për kombëtaren, sepse është një çështje mentaliteti.

Kemi nevojë për një mentalitet që do të na rikthejë, aty ku Italia e meriton të jetë. Duhen rritur lojtarët e rinj dhe të përforcohen raportet mes trajnerit dhe drejtuesve. Nevojitet një bërthamë që punon për një objektiv të vetëm: rilindjen e futbollit italian. Kemi një grup lojtarësh, të cilët kanë vlera. Të rinjtë nuk mund të bëhen veteranë dhe nevojitet më shumë kohë. Nuk është njësoj një lojtar, i cili ka zhvilluar 3 ndeshje me kombëtaren me një tjetër, i cili ka zhvilluar 80 ndeshje.

Gabojmë kur kritikojmë lojtarët e rinj për faktin që nuk janë gati. Duhet t’u japim kohën e nevojshme për t’u rritur. Futbollisti rritet, piqet dhe eksperienca është shumë e vlefshme në futboll. Mos të harrojmë që dhe lojtarë si: Maldini, Toti dhe Del Piero kanë kaluar në këtë lloj proçesi.”

Juventus – “Në fillim kam vuajtur fizikisht dhe jo psikologjikisht, sidomos në dy muajt e parë me Juven. Shokët janë treguar të mirë, duke më ndihmuar të përshtatem dhe ky është një aspekt që të bën të rritesh. Nëse je një djalë inteligjent dhe i mëson gjërat, atëherë, kupton më shumë gjëra sesa në skuadra të tjera. Është e rëndësishme të shohësh dhe mësosh gjëra, kur ndryshon skuadër dhe ambient.”

Kristiano Ronaldo – “Kristiano është integruar shumë shpejt me grupin. Ai është një profesionist ekzemplar dhe jashtë fushës së futbollit dhe një shok skuadre i shkëlqyer. Ronaldo është një kampion i madh, ndër më të mëdhenjtë e historisë. Mendoj që duhet të jemi të aftë ta kuptojmë dhe të përfitojmë nga ai, ku veçoj: mentalitetin e tij dhe dëshirën për të punuar.”

Ata duan të nderojnë ish-kapitenin e tyre, Davide Astori, i cili humbi jetën në muajin mars dhe janë gati për të paguar gjobat, ndërsa kapiteni Pezela as që ka ndërmend të mbajë në krahun e tij një shirit tjetër nga ai aktual.

Në mbështetje të ekipit të Fiorentinës ka dalë dhe Federiko Bernardeski. 24-vjeçari i Juventusit ka luajtur më parë me ekipin “Vjollcë” dhe Astori ka qenë një ndër miqtë e tij më të mirë. Bernardeski ka folur mbas miqësores me Poloninë, duke mbështetur ekipin e Fiorentinës.

“Unë jam me djemtë e Fiorentinës, sepse mendoj që ai nuk është një shirit kapiteni, por një monument”, komenton shkurt lojtari ofensiv i Juventusit dhe kombëtares italiane.

“Trajneri jonë ka të drejtë, duhet të besojmë më shumë të lojtarët e rinj dhe ata italianë. Duhet të kthehemi pas në kohë, kur kishte shumë lojtarë të tillë në fushën e blertë, sepse nëse nuk do të ndodhte kështu, nuk do të dilnin lojtarë si: Toti, Del Piero dhe Maldini. Duhet të përveshim mëngët të gjithë për të rikthyer Italinë aty ku e meriton dhe kemi shumë talente.”

24-vjeçari u transferim vitin e kaluar nga Fiorentina te Juventus dhe mbas një sezoni të parë të vështirë, tani është ambientuar me bardhezinjtë dhe po luan e shënon më shumë.

“Nuk e di nëse ka përfunduar sezoni i vlerësimit për mua, por di që nuk duhet të dorëzohesh kurrë dhe gjithmonë duhet të stërvitesh, ndoshta për të luajtur dhe një minutë të vetme. Nëse nuk përgatitesh për të fituar, nuk ja del kurrë. Të jesh pjesë e Juventusit është një privilegj i madh. Jam pjekur shumë dhe ndihem shumë mirë. Mund të duket paradoks, por kur arrin në një skuadër të madhe duhet të stërvitesh dyfish më shumë.”

Bernardeski e mbyll me një koment për shokun e ri të skuadrës, Kristiano Ronaldon. “Kristiano është një profesionist ekzemplar dhe një djalë i shkëlqyer. Ai ka nevojë për t’u ambientuar, sepse ka ndryshuar skuadër dhe shtet. Mos të harrojmë që ai është human si të gjithë ne, por kur të fillojë të shënojë, ai nuk do të ndalet më kurrë. Për titullin do të jetë një betejë e fortë, sepse Inter, Milan, Napoli dhe Roma janë përforcuar shumë, por ne do të japim gjithçka për të fituar”, përfundon Federiko Bernardeski.