Drejtuesit e klubit nga Firence do të takohen para miqësores së 3 gushtit kundër Livornos me Enriko Kiezën, babanë dhe agjentin e Federikos.

Gazzetta dello Sport raporton se Fiorentina do t’i propozojë yllit të saj rinovimin deri në vitin 2023 (kontrata aktuale përfundon në vitin 2022) dhe një rrogë prej 3.5 milionë eurosh (dyfishi i asaj që përfiton për momentin).

Roko Komiso sapo ka marrë detyrën e presidentit dhe manjati italo-amerikan e di mirë që shitja e Kiezës do sillte acarimin dhe revoltën e tifozëve. Aq më tepër te “armiqtë” e urryer të Juventusit.r

Roko Komiso sapo ka marrë drejtimin e presidencës së Fiorentinës dhe ai e di mirë se shitja e “yllit” do e armiqësonte me tifozët e rinj. “Kieza do të qëndrojë me ne, të paktën edhe një vit. Më kanë siguruar se presidenca e kaluar nuk kishte asnjë lloj akordi për shitjen e tij, kështu që nuk besoj se mund të ketë diçka që se di. I pres në Amerikë, Kiezën, Pezelën dhe Milinkoviç”, thekson padroni vjollcë.

Nga ana tjetër, Fiorentina është hedhur në kërkim të një sulmuesi. Emri i preferuar është Çiçarito Hernandez. 31-vjeçari meksikan ka edhe një vit kontratë me Uest Hemin. Ai tundohet nga ideja për të provuar një eksperiencë në Serie A, ndërsa Fiorentina po përgatit ofertën zyrtare.

Roko Komiso ka mbetur i mahnitur nga loja e tij kundër Spanjës dhe e cilëson Kiezen si krenarinë e Fiorentinës. Presidenti i ri nuk ka nevojë për para, do refuzonte menjëherë edhe 100 milionë euro për kartonin e anësorit ofensiv dhe dëshiron ta mbajë lojtarin e talentuar në Firence. Të paktën edhe një vit…

“Nuk e shes as për 100 milionë euro. E kam parë në aksion dhe ka bërë gjëra të shkëlqyera. Federiko është krenaria jonë. Nuk kemi nevojë për para dhe nuk ekziston asnjë lloj klauzole në kontratën e tij. Dua ta mbaj djalin në Firence, të paktën edhe një vit. Dua ta mbaj edhe më shumë, por të shohim.

Nuk kam biseduar akoma me të. Do ulemi së shpejti, tani i duhet të jetë vetëm i përqendruar. Unë e mbaj fjalën kur jap një premtim. Si mund të nis aventurën time, duke shitur lojtarin që prezanton Fiorentinën në kombëtare?”, përfundon Roko Komiso.

21-vjeçari ka oferta të shumta në merkato, kryesisht nga Juventusi dhe Interi. Komiso dëshiron ta mbajë në ekip, të paktën edhe një sezon. Ai pritet të takojë sonte ose të dielën babanë e lojtarit, të mirënjohurin Enriko Kieza.

Presidenti do t’i ofrojë Kiezës një rritje rroge (deri në 4 milionë euro në sezon) dhe shiritin e kapitenit. Kontrata e lojtarit ofensiv me klubin nga Firence përfundon në vitin 2022 dhe palët do të përcaktojnë edhe një klauzolë largimi.

Shifra normale dhe aspak të ekzagjeruara, që do lehtësonin largimin e lojtarit në të ardhmen, por që do mbushnin edhe arkat e Fiorentinës.

Vetë lojtari ofensiv e ka kaluar me një batutë pyetjen rreth së ardhmes së tij. Kieza gjendet i grumbulluar me kombëtaren italiane dhe në konferencën për shtyp është përgjigjur në këtë mënyrë rreth së ardhmes së tij.

“Më gëzon interesimi klubeve të tjera, por tani jam në kombëtare. Jam në dispozicion të trajnerit Mançini dhe mendoj vetëm për Italinë. Kam vendosur telefonin në opsionin aeroplan”, thekson me buzëqeshje Federiko Kieza.

Sipas raportimeve të mediave italiane, Komiso ka në mendje edhe trajnerin e ri të Fiorentinës. Ai do të jetë Luçiano Spaleti, i cili mbylli aventurën me Interin disa ditë më parë.

Legjenda vjollcë, Xhankarlo Antonjoni pritet të marrë postin e zv.presidentit, ndërsa Umberto Gandini, i cili ka punuar më parë me Milanin dhe Romën, është kandidati kryesor për rolin e administratorit të deleguar të klubit.

Një çështje për t’u zgjidhur është edhe ajo e Federiko Kiezës. 21-vjeçari dëshiron të largohet dhe për të ka një garë mes Juventusit dhe Interit. Shitja e tij do e zbehte prezantimin e Komisos përballë tifozëve të rinj, kështu që italo-amerikani dëshiron ta mbajë në ekip. Kiezën e pret një rritje rroge dhe ai do të jetë qendra e projektit që po lind për të rikthyer Fiorentinën në nivele të larta.

Drejtori sportiv i ka ofruar Fiorentinës 50 milionë euro + kartonin e Rikardo Orsolinit. 22-vjeçari i huazuar te Bolonja vlerësohet rreth 20 milionë euro, aktivizohet në të dy krahët e sulmit dhe sivjet ka shënuar 8 gola me ekipin e Mihajloviç.

Oferta në total shkon në 70 milionë euro, ndërsa Kiezën e pret një kontratë 5-vjeçare me një rrogë prej 5 milionë eurosh në sezon. Tani pritet përgjigja e klubit vjollcë, ndërsa Juventusi shpreson të arrijë sa më shpejt akordin dhe të fitojë garën për lojtarin, i cili ndiqet nga shumë klube të mëdha europiane.

Matijs De Ligt është objektivi më i vështirë për t’u arritur. Ylli holandez kërkohet me shumë ngulm nga Barcelona, që deri pak ditë më parë ishin shumë afër tij. Megjithatë situata ka ndryshuar dhe katalanasit janë zbehur si alternativë. Nga kjo mund të përfitojë Anjeli e Paratiçi për të bërë ofertën e duhur dhe për ta bërë të tyrin 20-vjeçarin.

Synime të tjera të Juves janë Hames Rodriges, Pol Pogba apo Federiko Kieza. Kolumbiani do të ktheht të Reali në fund të sezonit, pasi Bajerni nuk do e paguajë shifrën e lirimit të tij nga Madridi. Mbetet për t’u parë se ç’do të ndodhë me 26-vjeçarin dhe Juventusi është gati për të përfituar. Pogba duket shumë i vështirë për t’u arritur, pasi duhet të konkurohet me Real Madridin. Kieza është më i arritshëm, por Fiorentina do betëm para në dorë, diçka që në Torino nuk mund t’ja mundësojnë.

Që të arrihen kaq shumë hyrje, duhen edhe disa shitje për të qenë në balancë me rregullat strikte të vendosura nga UEFA mbi ndershmërinë financiare. Zhoao Kanselo është në dyshin për të ardhmen e tij në Torino. Qëndrimi i tij lidhet me trajnerin Alegri. Nëse italiani largohet te PSG apo një klub tjetër, portugezi do të qëndrojë. Në rast të kundërt Juventusi do e nxjerrë në treg për rreth 60 milionë euro, pasi atij dhe trajnerit nuk i përputhen personalitetet dhe ky i fundit nuk e aktivizon shumë.

Miralem Pjaniç ka kohë që lidhet më një largim drejt Madridit apo Mançester Sitit. Ndërkohë që shpresohet që Higuain të blihet nga Çelsi dhe të mos bëhet një barrë më shumë në “Allianz Stadium”. Edhe Dibala e Manzukiç janë në ajër.

Aprovimin për italianin e kanë dhënë edhe tifozët, të cilët e duartrokitën Kiezën në momentin që u zëvendësua në sfidën mes Juventusit dhe Fiorentinës. 21-vjeçari edhe pasditen e djeshme u paraqit mirë, teksa dhuroi asistin e golit për Milenkoviç dhe vetëm shtylla e traversa ia mohuan golin.

Kujtojmë, diçka e tillë ndodhi edhe me Kristiano Ronaldon një sezon më parë, ku në sfidën mes Juventusit dhe Realit, të fituar nga madrilenët, tifozët bardhezi duartrokitën portugezin pas golit të shënuar me roveshatë. Ndoshta përsëritet historia dhe Kieza vishet juventin sezonin e ardhshëm.

KIEZA – “Sot nuk është një ditë për të folur për të ardhmen, kemi kohë për të folur për të. Kieza? Është lojtar i mirë dhe një objektiv, por nuk kisha nevojë ta shihje atë sot pasi i dimë cilësitë e tij.”

DIBALA – “Është një lojtar i Juventusit dhe do të mbetet i tillë.”

Nga ajo që raportojnë mediat italiane, nuk ka asnjë pasojë për futbollistin. Ai ka qenë duke ecur paralelisht me motoçikletën dhe pastaj janë përplasur. Personi që po e ngiste mjetin përfundoi në tokë dhe mori disa plagë. Ai u dërgua në spital dhe nuk ka diçka serioze për të. Përplasje ka qenë e lehtë, ndaj edhe pasojat nuk kanë qenë të rënda.

Kieza kohët e fundit është një nga lojtarët më të përfolur në merkato, madje thuhet se Juventusi e ka bindur sulmuesin përmes familjes dhe i mbetet vetëm Fiorentinës të vendosë për shitjen e tij. Problemi është çmimi i kartonit. Klubi vjollcë kërkon 70 milionë euro për transferimin e tij

Bëhet fjalë pikërisht për Federiko Kiezën, i cili ka lënë stërvitjen dhe grumbullimin përgjysmë ditën e sotme për shkak të një dëmtimi. Gjithashtu, Alesandro Florenci është në dyshim për ndeshjen e parë ndaj Finlandës, si pasojë e një shqetësimi që ka në pulpë.

Italia do të nisë kualifikueset me përballjen ndaj Finlandës, ndërsa më pas do të presë Lihteshtejnin për ndeshjen e dytë. Në grup me axurrët, bëjnë pjesë edhe kombëtaret e Greqisë, Armenisë dhe Bosnjës.

Interi e ka në krye të listës së dëshirave, por duket si një “dashuri utopikë” realizimi i një transferimi në shifra të tilla. Juventusi është klubi tjetër që e do dhe rivalizon me zikaltrit. Bardhezinjtë janë në avantazh, pasi financiarisht janë një klub i shëndetshëm dhe mund të bëjnë blerje të tilla. Gjithsesi edhe ata janë gati të ofrojnë deri në 70 milionë euro. Vetëm nga jashtë Italisë mund të ketë klube që mund të bëjnë ndonjë çmenduri për Kiezën.

NGOLO KANTE – Kampionati i botës ka rinovuar me Çelsin deri në vitin 2023, por nuk është se po kalon një moment të mirë me londinezët. Nisur nga mëdyshjet e tij për të vazhduar me “Blutë”, janë dy klubet që i kanë hedhur sytë nga mesfushori qendror.

Padyshim Kante është një nga më të mirët në rolin e tij dhe e ka treguar këtë si me Lesterin, ashtu edhe me Çelsin gjatë kohës që në drejtim të ekipit ishte Antonio Konte. Me Sarrin raporti nuk është më i miri, por e ardhmja e italianit te klubi i Premier League është vënë në pikëpyetje.

Kante është lojtari që kërkohet me ngulm nga Juventusi dhe Reali i Madridit dhe në verë do tentojnë ta blejnë atë. Çelsi aktualisht është i dënuar të mos bëjë merkato në dy vitet e ardhshme dhe normalisht që duhet të mendohet mirë nëse heq dorë nga francezi.

Një mbrëmje për t’u harruar për Federiko Kiezën. Ndeshja e “yllit” të Fiorentinës përfundoi në minutën e 35-të. Një problem muskulor e detyroi t’i linte postin Xhovani Simeones.

Lojtari e vuajti shumë një gjë të tillë dhe në pankinë u pa i lotuar dhe me të dy duart në fytyrë. Megjithatë, dëmtimi nuk pritet të jetë serioz dhe Kieza mund të qëndrojë vetëm pak ditë pushim.

“Federiko është pasionant ndaj këtyre ngjyrave dhe vuan kur nuk arrin të japë kontributin e tij për skuadrën. Shpresoj që ta kem të gatshëm për ndeshjen e së premtes kundër Kaljarit”, komentoi Silvio Pioli, trajneri i Fiorentinës.

Drejtuesit po punojnë për të gjetur elementë cilësorë për përforcimin e ekipit për sezonin e ardhshëm. Shumë emra janë në listë, por në krye gjendet Federiko Kieza, i cili po shkëlqen me Fiorentinën. Siç raporton “The Sun”, 21-vjeçari i ekipit viola është i parapëlqyeri i trajnerit Poçetino.

Klubi italian kërkon 70 milionë stërlina për “yllin” e ekipit,për të cilin interesohen shumë klube të mëdha. Totenhemi është gati të nisë negociatat me shpresën për të transferuar në Londër një nga talentët më të mëdhenj të futbollit italian.

Silvio Pioli ka folur për Federiko Kiezën dhe trajnerin e tij të preferuar në prononcimin e dhënë për “Pentasport”. Rritja e 21-vjeçarit, i cili ka shënuar 11 gola këtë sezon, e ka befasuar trajnerin viola. Pioli nuk i kursen elozhet për të dhe e krahason me një “përbindësh” si Kilian Mbape.

KIEZA – “Federiko po rritet shumë dhe nuk e prisja këtë ndryshim radikal që ka pësuar gjatë këtij sezoni. Ai është pjekur dhe ka ndryshuar qasje. Nuk e di se çfarë është më e mira për të ardhmen e tij, por është shumë i kujdesshëm për gjërat që ndodhin rreth klubit. Në këtë moment Kieza është talenti italian më i madh, së bashku me Zaniolon. Nuk e di nëse do të bëhet një sumues, i cili shënon 20 gola në sezon. Megjithatë, po më befason përmirësimi që po i ndodh në fazën ofensive dhe mund t’i ngjajë shumë Kilian Mbapesë.”

MODELI – “Për mënyrën se si i përmirëson lojtarët, për metodet e punës dhe për faktin që e kam ndjekur nga afër për një javë, do kisha kënaqësinë të stërvitesha nga një trajner si Pep Guardiola.”

Drejtuesit e klubit po mendojnë dhe për përforcimin e ekipit në verë. Sipas mediave italiane objektivi i madh i Romës është Federiko Kieza. 21-vjeçari po shkëlqen me Fiorentinën dhe admiruesit e tij po rriten. Monçi, drejtori sportiv i Romës, tentoi gjatë verës së kaluar sulmuesin e kombëtares Italiane.

Spanjolli kishte gati disa milionë euro dhe El Sharauin për ekipin viola, por presidenca e Fiorentinës nuk pranoi. Çmimi i Kiezës po rritet dhe nevojiten të paktën 80 milionë euro. Nga ana tjetër Roma ka marrë një ofertë prej 60 milionë eurosh për Zaniolon. Monçi ka arritur akordin me agjentin e lojtarit për të rinovuar kontratën. Mesfushorin e prej një kontratë deri në vitin 2024, një rrogë prej 2 milionë eurosh në sezon pa përfshirë bonuset dhe asnjë klauzolë largimi.

Kieza luan që nga viti 2016 me Fiorentinën, ku performancat e tij nuk kanë njohur zbritje. Ai ka shënuar 5 gola me “violët” deri në këtë pjesë të sezonit, por ka spikatur edhe me shpejtësinë dhe teknikën që zotëron.

Skuadra Italiane e sheh si ”thesarin” e saj lojtarin, duke i thurur vazhdimisht lëvdata. Këtë e ka bërë edhe menaxheri i klubit, Xhankarlo Antonjoni, i cili për Gazzetta dello Sport ka deklaruar: ” E vërteta është që Kieza është një futbollist i kalibrit europian. Në Itali kemi pasur sulmues anësorë me tipare të ndryshme. Mendoj për mikun tim Bruno Konti, ose tani për Insinjen. Kieza ka driblim dhe cilësi, por edhe vrap e fuqi. Është një Bejl i ri. Një lojtar që të magjeps, sepse nuk dorëzohet kurrë.”

Juventusi dhe Interi janë ndër klubet më të interesuara për autorin e 5 golave dhe 3 asisteve në kampionatin italian gjatë këtij sezoni. Paratiçi dhe Marota janë gati të “përplasen” mes tyre për Kiezën, por bardhezinjtë janë në avantazh.

Siç raporton “Tuttosport”, Juventusi është gati të plotësojë kërkesën e Fiorentinës për të transferuar Kiezën në Torino. Interi nuk i ka aq para për momentin, por largimi i Ikardit mund të shtyjë Marotën që të fitojë garën me homologun e tij juventin.

Xheko është preferenca e zikaltërve për të zëvendësuar Ikardin. Nëse Interi nuk ia del të sigurojë shërbimet e Kiezës, Marota do të niste sulmin për të arritur akordin me Paulo Dibala, një tjetër dëshirë e madhe e klubit milanez.

Ai është Federiko Kieza, ylli i Fiorentinës. Sulmuesi i krahut është 21 vjeç, i ri, i fortë, i talentuar dhe ka një të ardhme fantastike. Kieza është një nga emrat më të kërkuar në merkato, ndërsa klubi nga Firence kërkon 70 milionë euro për shërbimet e tij.

Siç raportojnë mediat italiane, Marota është gati të ofrojë deri në 50-55 milionë euro për kartonin e italianit në fund të sezonit, por Fiorentina nuk lëkundet nga kërkesa e saj. Zgjidhja? Interi është gati të fusë në tratativë një mes Roberto Galjardinit dhe Jan Karamoh, për të mbushur diferencën me 70 milionë eurot që kërkon klubi vjollcë.

Mesfushori pëlqehet nga Fiorentina, ndërsa 20-vjeçari francez është huazuar tek ekipi i Bordo, aty ku po bën paraqitje të mira dhe do të ishte një opsion i mirë për ekipin e Piolit.

Federiko Kieza ishte vendimtar për vjollcët, duke shënuar dy herë në fundin e takimit. Përballja ishte e ekuilibruar, ku të dyja ekipet krijuan volum, por pa konkretizuar në pjesën e parë. Në fraksionin e dytë, Fiorentina duket se erdhi me një marsh më shumë, ku në fundin e takimit zgjidhi gjithçka me anë të Federiko Kiezës.

Fillimisht në minutën e 87-të mesfushori i avancuar shënoi golin e avantazhit, ndërsa në minutën e dytë shtesë hipotekoi gjithçka për ekipin e tij, duke mbyllur sfidën në 0-2. Vlen për t’u përmendur që për Fioren debutoi edhe blerja më e re, Luis Muriel, i cili bëri një ndeshje të kënaqshme deri në minutën e 64-të, kohë kur u zëvendësua me Simeonen.