favre

Dortmundi bën “përforcimin” e radhës, drejtuesit shpërblejnë trajnerin!

Sport Ekspres — Mon, 27 May 2019 09:04:42 +0000

Borusia e Dortmundit bëri një sezon deri diku të kënaqshëm, teksa edhe pse dolën pa trofe, duhet thënë se rivalizuan deri në fund me një superfuqi si Bajerni i Mynihut, ndërsa në Champoions u eleminuan nga finalistët e Totenhemit.

Për këtë arsye, klubi duket se është i bindur që trajneri Lysien Favre duhet të vijojë punën e tij i qetë dhe së fundmi i kanë rinovuar kontratën e rinovimit, që do ta mbante zviceranin deri në verën e vitit 2020 në krye të verdhezinjve.

“Dortmunds Bosse werden das ursprünglich bis 2020 fixierte Arbeitspapier Favres voraussichtlich bald um zwei Jahre ausdehnen” [kicker] #BVB #Favre

— LaliPuna (@DasDoHD) May 26, 2019

Projekti i Dortmundit duket mjaft ambicioz, teksa për sezonin e ri janë përforcuar me plot tre lojtarë, edhe pse ende merkato nuk është hapur zyrtarisht. Torgan Hazard, Julian Brand, si dhe Niko Shulc janë zyrtarizuar si lojtarë të Borusias, ndërsa së fundmi “përforcimi” i radhës duket se është rinovimi me trajnerin Favre.

VIDEO | Favre: Skandal, titulli na iku! Duhet t’u presim duart lojtarëve

Sport Ekspres — Sat, 27 Apr 2019 20:12:58 +0000

Borusia e Dortmundit pësoi një humbje të turpshme 4 – 2 në derbin ndaj Shalkes, që me shumë gjasa nxjerr ekipin verdhezi nga gara për titull.

Në përfundim të takimit, trajneri zviceran i Dortmudit, Lysien Favre nuk u kursye aspak në kritika mbi një penallti që gjyqtari i takimit akordoi me ndihmën e VAR-it.

“Titulli na iku, kjo është e sigurt. Arbitrimi nuk ishte i mirë ditën e sotme. Mbi të gjitha penalltia. Është qesharake, një ndër skandalet më të mëdha të futbollit ndër vite. Çfarë duhet t’u presim lojtarëve duart. Kështu si u veprua sot, qëllimi i vetëm i kundërshtarit do të jetë që të gjuaj topin në drejtim të duarve të lojtarëve tanë. Pa përdorimin e krahëve s’mund të kesh balancë. Është një turp i madh. Kush e ka shpikur këtë rregull”,.

Nën qortimin e trajnerit të Dortmundit kanë qenë edhe Marko Rojs dhe Maris Volf, të dy lojtarët u ndëshkuan me të karton të kuq gjatë derbit të sotëm: “Nuk e kam përjetuar kurrë këtë, e kam shumë të vështirë ta përtyp këtë humbje. Kurrë në historinë e Borusias nuk ka ndodhur kjo gjë, duhet ta shmangnim”.

Dortmundi hedh sytë nga Milani, gati oferta për mbrojtësin

Sport Ekspres — Sat, 23 Mar 2019 12:44:50 +0000

Borusia e Dortmundit ka si prioritet merkatoje blerjen e një mbrojtësi të majtë. Gjermani Marsel Shmelzer nuk jep garanci për të ardhmen, ndërsa i riu Ashraf Hakimi është në huazim nga Real Madrid dhe pozicioni i tij i preferuar është ai i mbrojtësit të djathë.

Sipas medies gjermane “WAZ”, trajneri i Lysjen Favre i ka kërkuar drejtuesve të skuadrës të interesohen për mbrojtësin e Milanit, Rikardo Rodrigez. Futbollisti zviceran luan prej dy sezonesh në Itali, ku nuk ka përmbushur pritshmëritë e skuadrës italiane edhe pse ka luajtur me minuta të plota.

Rodrigez e njeh mjaft mirë kampionatin gjerman, pasi ka qenë më parë pjesë e skuadrës së Volfsburgut për shumë sezone. Transferimi i zviceranit mund t’i kushtojë Dortmundit diku te 15 milionë euro. Një tjetër lojtar që po shikohet për atë rol është dhe Filip Maks. Mbrojtësi i Augsburgut është një opsion më i shtrenjtë, i cili vlerësohet diku te 25 milionë euro.