Vetë Sefa nuk mund të luajë për shkak kartonësh, por tenton të karikojë pjesën tjetër të futbollistëve. Për SportEkspres.com ai deklaron: “Edhe pse do të mungoj në Ballsh për shkak se jam i skualifikuar nga kartonët, skuadrën e motivoj si kapiten që të bëjë lojën e saj më të mirë. Tradicionalisht mes Lushnjes e Bylisit ka patur rivalitet, si në kampionat, ashtu edhe në ndeshjet miqësore. Edhe kjo sfidë e tillë do të jetë”.

Kapiteni i lushnjarëve thekson se pozicionet në renditje nuk do të ndikojnë në këtë përballje. “Do jemi dinjitozë deri në fundin e kampionatit. Në ndeshjen e kësaj jave në Ballsh nuk do na pengojë pozicioni që kemi në renditje për të synuar maksimumin. Ne do guxojmë”, u shpreh Sefa.

AGRON KAJA

“Për ndeshjen e djeshme me Besën do të thoja se ajo ishte vlerësuar maksimalisht për tri pikët nga ana jonë, pa e nënvleftësuar asnjëherë kundërshtarin që renditet në vendin e 2-të në Grupin B. Kjo ishte fitorja e sezonit për ne, sepse e siguruam renditjen në pesë skuadrat e para të grupit, dhe në fazën e tretë do të jemi më të qetë”, tha Fatjon Sefa.

Ndërkohë që goleadori lushnjar thekson se, në fazën e tretë do tu jepet më shumë mundësi lojtarëve të rinj e me perspektivë të cilët Lushnja do ti ketë në dispozicion për sezonin e ardhshëm. “Tashmë jemi të qetë në renditje dhe, duke parë përbërjen e skuadrës sonë me futbollistë të rinj, është normale që në fazën e tretë Lushnja tu japim prioritet atyre që duken me perspektivë për këtë skuadër”.

AGRON KAJA