Fatjon Andoni

VIDEO | “Gjysmë-goli” i Andonit, punën më të madhe e bëri… Gjino

Sport Ekspres — Sat, 12 Jan 2019 18:25:27 +0000

Fatjon Andoni po bën mirë te AEL Larisa. Mesfushori shqiptar, pas golit të shënuar në kupë para disa ditësh, ka qenë protagonist në golin e parë të shënuar nga skuadra e tij kundër Apolon Smirnis që përfundoi me rezultatin 3-0.

Mesfushori, pas vetëm gjashtë minutash lojë, ushtroi presion të kundërshtari i tij, i cili me kokë e dërgoi topin në portë. Një autogol i shënuar nga një shqiptar, pasi ishte Klodian Gjino ai që vuri duart në kokë pas asaj që bëri.

Me fitoren e arritur Larisa ngjitet në kuotën e 18 pikëve, në vendin e 10-të, duke lënë pas me plot shtatë pikë zonën e rënies nga kategoria. Andoni është një nga lojtarët më të rëndësishëm të skuadrës greke dhe këtë sezon është aktivizuar në 14 ndeshje si titullar.

VIDEO | Fundjavë perfekte, Vila gjen golin e parë “grek”

Sport Ekspres — Sat, 12 Jan 2019 17:13:58 +0000

Pozitive ka qenë fundjava për Emiliano Vilën, i cili ka shënuar golin e parë me fanellën e Kerkyrës. Këta të fundit, kanë triumfuar në fushën e Irodotos, duke arritur një triumf të rëndësishëm për ngjitjen në Superligën greke.

Fillimisht, Kerkyra kaloi në avantazh me anë të Turam, përpara se Emiliano Vila të shënonte me kokë në minutën e 79-të. Fitore me vlera për skuadrën e durrsakut, i cili nuk është se ka pasur shumë hapësira tek ekipi e tij.

VIDEO | Andoni konfirmohet thelbësor, gol dhe fitore në kupë me Larisën

Sport Ekspres — Wed, 09 Jan 2019 18:43:39 +0000

AEL Larisa ka luajtur ditën e sotme kundër Asteras Tripolis ndeshjen e parë të raundit të 1/8-ave të kupës së Greqisë. Fatjon Andoni ka luajtur si titullar për 90 minuta, ku dhe ka gjetur rrugën e rrjetës në fundin e pjesës së parë, në një ndeshje, që përfundoi me shifrat 3-2 në favor të vendasve.

Fillimisht, Larisa kaloi në avantazh pas 6 mintuash, me anë të Deletiç, ndërsa në minutën e 22-të dyfishoi gjithçka me anë të Ziziç. Ekipi i Asteras shkurtoi diferencën në minutën e 43-të, ku Tsilianidis shënoi për miqtë. Në minutën e dytë shtesë të pjesës së parë, ishte pikërisht shqiptari Andoni, i cili shënoi nga pika e bardhë për të çuar shifrat në 3-1.

Në pjesën e dytë miqtë shënuan dhe sfida përfundoi 3-2. Ky ishte goli i dytë sezonal për Fatjon Andonin, i cili është një lojtar kyç në mesfushën e Larisës. Aktualisht, 27-vjeçari luan sezonin e tretë të tij në ekipin e AEL Larisës.
https://www.youtube.com/watch?v=RAmEm5ixR4k