VIDEO | Fangaj i sinqertë: As unë nuk e prisja atë gol!

Sport Ekspres — Sat, 15 Dec 2018 15:32:25 +0000

Abdurrahman Fangaj ishte autori i një goli fantastik, duke kaluar disa lojtarë të Tiranës, dhe duke mposhtur më pas edhe portierin Abibi. pas ndeshjes, mbrojtësi foli për “Supersport” në emisionin “Gol pas Goli”.

Fangaj u shpreh se as vetë ai nuk e kishte besuar se do e shnote atë gol, por në anën tjetër analizon edhe lëvizjet e shumta të trajnerëve.

GOLI – “Ishte një instinkt i momentit, nuk e prisja as vetë atë gol, por ja që e realizova”.

TRAJNERËT – “Edhe trajnerët e tjerë kanë punuar me shumë përkushtim dhe i falënderojmë për punën e tyre. Prenga e njeh mirë ambientin dhe jemi kualifikuar në Europë, çka tregon se i njeh cilësitë që ka skuadra”.

TERRENI – “Terreni pas çdo minute vështirësohej, por nuk kemi çfarë bëjmë, ky është terreni”.

PËRGJEGJËSIA – “Duhet të jemi më aktiv e të marrim më shumë përsipër, edhe pse jemi djem të rinj”.

NGO – “Ndikon dhe gjatësia, pasi është e vështirë ta ndalësh në luftën në ajër”.

Një dilemë për Laçin, mbrojtësi nuk udhëton drejt Qipros

Sport Ekspres — Mon, 09 Jul 2018 15:08:26 +0000

Laçi përballet ditën e enjte me skuadrën qipriote Anorthosis Famagusta dhe trajneri Besnik Prenga duhet t’i bëjë llogaritë pa mbrojtësin shkodran Abdurrahman Fangaj.

20-vjeçari nuk ka arritur të rikuperohet nga një dëmtim në kofshë, por bardhezinjtë shpresojnë ta kenë të gatshëm për ndeshjen e kthimit më datë 19 korrik në stadiumin e Laçit. Shkodrani nuk është aktivizuar në miqësoret ndaj skuadrës së Kastriotit, ku në vend të tij është provuar i riu Endi Hadroj i ardhur nga Shkëndija e Tiranës.

Ndriçim Shtubina është një tjetër opsion për teknikun Prenga. 31-vjeçari ka luajtur edhe më parë në atë rol, gjithsesi mbetet për t’u parë se kush do të përzgjidhet nga stafi teknik.