Fanella

Fanella e re prezantohet në fundjavë, Bajerni me dedikim unik

Sport Ekspres — Wed, 15 May 2019 18:29:12 +0000

Bajerni i Mynihut dhe kompania Adidas kanë zbuluar ditën e sotme fanellën e parë për sezonin e ardhshëm të Bundesligës. Dizajni i fanellës së re i kushtohet stadiumit “Allianz Arena”, që ësstë shtëpia e Bajernit prej 14 vitesh.

Fanella ka në të disa forma që ngjasojnë me strukturën e jashtme të stadimit më të madh në Gjermani. Uniforma e re do të inaugurohet këtë fundjavë në ndeshjen e fundit të këtij sezoni të Bundesligës ndaj Ajntrahtit të Frankfurtit.

Dizajn i ri dhe rikthim i ngjyrës rozë, Adidas habit me fanellën e re të Juventusit

Sport Ekspres — Tue, 23 Apr 2019 18:56:40 +0000

Uniforma e re e Juventusit është zbuluar nga sajti i njohur footyheadlines”. Në fotot e bëra publike së fundmi dallohet qartazi që dizajni i fanellës së parë të kampionëve të Italisë ka pësuar një ndryshim rrënjësor.

Fanella është ndarë në dy pjesë, njëra e bardhë dhe tjetra e zeza, ndërsa në hapësirën midis tyre është vendosur një shirit ngjyrë rozë, detaj tepër interesant, pasi kjo ngjyrë nuk shfaqej në fanellat e Juventusit prej tri sezonesh.

PUMA kthen Milanin pas në kohë, zbulohet fanella e sezonit të vitit të ardhshëm

Sport Ekspres — Fri, 15 Feb 2019 16:41:45 +0000

Fanella e parë që do të mbajë Milani për sezonin e ardhshëm është zbuluar nga sajti “footyheadlines.com”. Kompania gjermane PUMA, ka menduar të përdorë një dizajn të ngjashëm me atë të që klubi nga Milano ka përdorur në vitet e para të krijimit.

Shiritat kuqezinj janë holluar ndjeshëm, ndërsa ka dhe një ndryshim madhor në pjesën e jakës, që tani është njësh me pjesën e tjetër të fanellës dhe jo e ngritur si në fanellën e sezonit aktual.

Arsenali “divorcohet” nga Puma, Adidasi e josh me shumën astronomike

Sport Ekspres — Thu, 23 Aug 2018 18:07:47 +0000

Kompanitë e veshjeve sportive paguajnë shuma marramendëse për të siguruar të drejtat e prodhimit të klubeve elitare nëpër Europë. Një ndër firmat më aktive në këtë treg, gjermania “Adidas”, sapo ka mbyllur një marrëveshje 5-vjeçare me ekipin e Arsenalit.

Nga kjo kontratë e re, që do të hyjë në fuqi duke filluar nga sezoni i ardhshëm, “topçinjtë” do përfitojnë 77 milionë dollarë në sezon, një shumë kjo gati dyfish më e madhe nga ajo se çfarë ata përfitojnë nga marrëveshja me firmën aktuale, “Puma”.

Ekipi që përfiton të ardhurat më të mëdha nga kontrata e fanellave është, Mançester Junajtid. “Djajtë e Kuq”, kanë nënshkruar një kontratë 10-vjeçare po me kompaninë “Adidas”, prej të cilës fitojnë 100 milionë dollarë në sezon.

Jo vetëm merkato, Kukësi prezanton dhe uniformat e reja

Sport Ekspres — Tue, 20 Jun 2017 13:52:34 +0000

Kampionët si çdo sezon kanë bërë ndryshime në modelin e fanellave. Uniformat e sezonit të ardhshëm do të kenë vetëm pak ndryshim. Vijat e bardha vertikale në bluzat e sezonit të shkuar nuk do të jenë më, por ato do të zëvendësohen me vija horizontale ngjyrë blu të theksuar. Mbetet për tu parë se sa do t’u pëlqejë tifozëve të Kukësit ky ndryshim.