Ndërkohë mësohet se një biletë për tifozët e Tiranës do të kushtojë 300 lekë të reja dhe ato do të shiten në biletarinë pranë stadiumit “Selman Stërmasi”. Fanatics pritet të jenë një mbështetje e madhe për skuadrën e tyre, që duhet të mos mposhtet në Laç.

Qëndrimi në Kategorinë Superiore për 24 herë kampionët e vendit është në rrezik, pasi kur janë edhe dy ndeshje për t’u luajtur, ata numërojnë vetëm dy pikë më shumë se Kastrioti i vendit të parafundit në klasifikimi.

Me anë të një postimi në faqen zyrtare në “Facebook”, tifogrupi është shprehur kundër këtij vendimi të marrë nga drejtuesit e klubit.

POSTIMI I FANATICS

Ai që e rrëzoi dhe po e rrëzon prap Tironën, vendos që stadiumi nesër ndaj Kastriotit te jetë bosh! Ata që e rrëzuan Tironën dhe po e rrëzojnë prap, qënkan “më rehat” dhe “pa presion”, pa praninë e tifozëve! A KA MË TURP SE KTA!? KTA NUK JAN TIRONA! IKNI NGA TIRONA!

Në postimin e tyre më të fundit, “Fanatics” kanë shkruar se Tirana është pa president, duke sulmuar në mënyrë direkte numrin një të presidencës. Dihet se marrëdhëniet mes presidentit Halili dhe tifo-grupit ultras nuk janë shumë të mira dhe kjo gjë vihet re qartë në postimet që tifozët shkruajnë.

Postimi i “Tirona Fanatics”

Megjithatë, tre fitoret radhazi të Tiranës kanë rritur optimizmin te bardheblutë dhe të besuarit e Memës duken të rilindur. Forma e mirë e skuadrës kryeqytetase duket se ka bashkuar edhe tifozët, të cilët priten të jenë edhe më të shumtë në stadiume.

Tirana do të luajë në “Selman Stermasi” të premten përballë Teutës dhe me anë të një njoftimi në faqen e tyre në “Facebook”, ‘Tirona Fanatics’ kanë konfirmuar prezencën e tyre, si dhe i kanë bërë thirrje të gjithë tifozëve që të bashkohen në shkallët e stadiumit.

Të premten në orën 18:00 Tirona luan sërisht në Kryeqytet e Fanatics sërisht do të jenë prezent në D2. Shkojmë të gjithë bashkë për ekipin, fanellën, historinë e Tironës. Tirona ka nevojë sot më shumë se kurrë për të vetmen gjë me vlerë që i ka ngelur, Tifozët e saj…

VETËM PËR EMRIN E MODH TË TIRONËS!

Të Premten…

#MeFanatics
#PërTironën

Pak kohë më parë te Laçi ndërhynë në fushë, teksa mbollën barin e ri. Por problematikën që krijohet kur ka reshje, nuk mund ta zgjidhin dot. Por në takimin e djeshëm një tjetër problem kishte të bënte me orarin e nisjes së takimit.

Nga fundi u bë e vështirë të shikoje, pasi nisi të binte muzgu. Ndryshe nga një javë më parë, Sektori i Garave në FSHF nuk bëri ndryshime dhe takimi Laçi-Tirana nisi nga ora 14:00. Minimalisht duhet të kishte startuar 30 minuta më herët.

Nuk munguan as Fanaticks ditën e djeshme. Ata mbërritën në stadium rreth minutës së 20-të, ndërkohë që nuk mungoi as banderola kundër presidentit Refik Halili. Por delegati i ndeshjes, Bujar Pregja nuk e ndaloi lojën. Ndaj Teutës në Shijak nuk nisi ndeshja pa u hequr banderola.

Bojkotimi i tyre i ka frymëzuar ultrasit e kuq, që shkruajnë: “Sa rrinë yjet larg ‘Honës’ rrinë tifozat larg Tironës”. Një modifikim i shprehjes së ultrasve bardheblu: “Si rrinë yjet rreth honës, rrinë tifozët pranë Tiranës”.

Ndërkohë ka edhe një gjetje tjetër që vjen nga një tifoz i Partizanit, që ka futur një “mi” në tribunën kryesore, sikurse edhe shihet edhe në foton që kemi siguruar.

Pas shënimit të golit të Tiranës, tifozët e Partizanit iu vunë në mbështetje ekipit me një “show” me mjete piroteknike.

Banderola e radhës e ultrasve të kuq ishte në gjuhën angleze: “Part time Ultras, full time idiots”, një ngacmim ky i drejtpërdrejtë për tifo-grupin kundërshtar.

Këtë radhë gjithçka më e moderuar, nuk pati dhunë fizike, por ofendime e acarim ekstrem po, aq sa disa lojtarë janë vënë në shënjestër.

Është një histori e vjetër, “i biem samarit se nuk kemi ç’ti bëjmë gomarit”, duke qenë se lojtarët e Tiranës vuajnë në kurriz konfliktin pa fund mes tifozerisë ultras dhe presidentit Refik Halili, i cili është tashmë një armik për një pjesë të tifozerisë.

Pas ngjarjes në fund të ndeshjes kundër Kukësit, Tirona Fanatics ka postuar një mesazh në faqen e vet në Facebook, ku nuk e përmend ngjarjen, por lëshon një tjetër paralajmërim.

“Çdokush që nuk e meriton emrin Tironë e çdokush që ka punuar kundër emrit të saj, me në krye Refik Halilin dhe pseudostafin e tij, nuk e kanë vendin tek shtëpia bardheblu…

Ne nuk do të lejojmë askënd të përdhosë emrin e modh të TIRONËS!

Tirona i përket popullit bardheblu dhe atyre që kanë dhënë gjithçka për këto ngjyra…

Ju të tjerët, këtu, jeni të gjithë të tepërt!

Tirona Fanatics…”.

Përveç koreografive nuk kishte si të mungonin dhe flakadanët e shumtë, tymi i të cilëve shtyu për pak minuta fillimin  e takimit.

kështu janë bllokuar disa rrugë dhe është përcaktuar se nga do të kalojnë tifozeritë respektive të Partizanin dhe Tiranës. Më poshtë lista e masave të marra nga Policia e Shtetit:

Në zbatim të ligjit Nr. 108/2014 “Për Policinë e Shtetit”, Ligjit Nr. 79/2017, për “Sportet” Drejtoria Vendore e Policisë Tiranë, ka hartuar planin e masave për mbarëvajtjen e sigurisë dhe rendit në këtë aktivitet sportiv. Masat e marra nga Policia e Tiranës konsistojnë në ambientet e jashtme të stadiumit si dhe përgjatë rrugë kalimeve të tifozërive.

Policia bën me dije se në rastet e prishjes së rendit dhe qetësisë publike, do të ndërhyjë në ambientet e brendshme të stadiumit për rivendosjen e rendit dhe shoqërimin e shkelësve të ligjit në ambientet e Policisë për procedim penal apo administrativ.

Do të ushtrohen kontrolle ndaj tifozëve para hyrjes në stadium për sende të kundërligjshme (si armë apo lëndë piroteknike etj ), si dhe çdo tifozë duhet të jetë i pajisur me dokument identifikimi. Nuk do të lejohen të futen në stadium fëmijët nën moshën 16 vjeç pa praninë e prindërit apo kujdestarit.

Do të ketë bllokime të disa segmenteve rrugore si dhe bllokime të pjesshme të disa segmenteve rrugore (momenti i kalimit të tifozërive). Segmentet Rrugorë që do të jenë të bllokuara, nga ora 16:00 deri në përfundim të aktivitet, janë:

– Rruga përballë Stadiumit “Selman Stërmasi”
– Rruga “Gjin Bue Shpata”, nga kryqëzimi me Rrugën “Emin Duraku” deri tek kryqëzimi me Rrugën “Sulejman Delvina”
– Rruga “Emin Duraku”, nga kryqëzimi me Rrugën “Gjin Bue Shpata” deri tek rruga përball Stadiumit “Selman Stërmasi”
– Njëra korsi e Rrugës “Sulejman Delvina”, nga kryqëzimi me Rrugën “Gjin Bue Shpata” deri tek kryqëzimi me Rrugën përballë Stadiumit “Selman Stërmasi”

Policia e Tiranës do të lejojë dhe marrë masa mbi grumbullimin dhe lëvizjen e tifozërive në inteneraret si më poshtë :

Segmentet Rrugorë ku do të ketë kufizime lëvizje ose bllokime, nga ora 17:30 – 19:30, gjatë kalimit të tifozërisë së ekipit të “Tiranës”, janë:

Nisja përballë “Teatrit të Kukullave” përgjatë rrugës “Ibrahim Rugova”, bulevardit “Gjergj Fishta”, përgjatë rrugës “Sami Frashëri”, rrugës “Pjetër Budi”, rrugës “Gjin Bue Shpata” deri tek stadiumi “Selman Stërmasi”.
Segmentet Rrugorë ku do të ketë kufizime lëvizje ose bllokime, nga ora 18:00 – 19:30, gjatë kalimit të tifozërisë së ekipit të “Partizanit”, janë:

Nisja nga kryqëzimi i Rrugës “Muhamet Gjollesha” me Rrugën “Artan Lenja”, përgjatë Rrugës “Muhamet Gjollesha”, Rruga “Sulejman Delvina”, deri tek Stadiumi “Selman Stërmasi”.

Policia garanton dhe siguron lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve jashtë itinerarit të caktuar. Policia e Tiranës, kërkon mirëkuptimin e tifozërive respektive në zbatimin e detyrimeve të mësipërme si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura në oraret e caktuara.

Të organizuar në zona të ndryshe, Fanatics pritet të jenë në një numër të madh në derbi dhe shpresojnë shumë që këtë herë të fitojnë ndaj Partizanit. U është kthyer në makth në njëfarë mënyrë dhe të premten presin që TIRONA e tyre të reagojë.

Kjo ndodh për shkak të dënimit që ka marrë fusha e Skënderbeut pas incidenteve në ndeshjen hapëse të kampioantit kundër Partizanit.

Ndërkohë “Fanatics”  nuk kanë harruar të “nxehin” tifozët e tyre për ndeshjen më të shumëpritur të kampionatit, derbin e javës së ardhshme ndaj Partizanit.

Tirona Fanatics kanë dalë me një komunikatë dhe kërkojnë nga ekipi pikë në vazhdim, ndryshe ata do të ndërhyjnë. Më poshtë mund të lexoni deklaratën e ultrasve bardheblu të shpërndarë në faqen e tyre në “Facebook”.

“Të dielën në 18:45 Tirona në letër dhe joTirona në fushë luan në “Selmon Stermosi” kundër Luftëtarit… Fanatics do të jenë aty 1 orë para.

Kjo është një mundësi reale e lojtareve ta tregojnë veten, se vetëm disa, mund të jenë sadopak të denjë të veshin fanellën historike bardheblu, përderisa deri tani kanë treguar vetëm të kundërtën.

Duke parë ecurinë e ekipit deri më tani dhe kalendarin që na pret pikët janë kusht! Ama në qoftë se ecuria e këtij sezoni i përngjan sadopak sezonit të kaluar, NE NUK DO TA LEJOJME!

Tirona mund të jetë pa president, pa lojtarë të denjë, mund të ketë dhe vite pa kapiten në fushë, ama Tirona nuk mund të jetë kurrsesi pa tifozë! Të dielën…”, shkruhet në komunikatën e Fanatics.

Megjithatë, lajmi i fundit nuk është pritur mirë nga grupimi i njohur “Tirona Fanatics”, që ka kohë që është në luftë me klubin dhe ka dalë me një qëndrim të prerë ku refuzon çdo ftesë nga drejtuesit e klubit, duke i qëndruar besnik idesë se me Refik Halilin nuk ka bashkëpunim.

REAGIMI I FANATICS

‘Fushata e abonimeve’ e “klubit që ndodhet në autobuz” është turpi i rradhës nga njerëzit më paturp, Refik Halili dhe pseudo-klubi i tij.

Pas lajmit për heqjen e kartave të identitetit bashkë me policinë në stadiume, pseudoklubi nga zyra e tij në Facebook na bën ftesë të shkojmë tek “Shtëpia Bardheblu”, një shtëpi që tifozët e morën vesh qe ju dha “qiraxhinjve” po nga zyra e pseudoklubit në Facebook.

Nje klub që i mohoi te drejtën tifozëve të ndiqnin ekipin ne transfertë duke tërhequr autobusët, e nuk u mundua aspak të konsideronte mundësinë e heqjes së kartës së identitetit, tani kujtohet ti bëj ftesë tifozëve sikurse të mos kishte ndodhur asgjë.

Për ftesa, abone, apo president/kandidat për këngëtar dasmash,Tirona nuk ka nevojë!

Tifozët nuk kanë nevojë!

Tirona Fanatics do të vazhdojë me vetëfinancim sikurse vitin qe kaloi dhe cdo akses për autobus, biletë ndeshje, apo paraqitje do të zhvillohet ne sajë të fushatës së anëtarësimeve dhe në bazë të rregullave të grupit.

Ftojmë të gjithë tifozët të na bashkohen dhe ta injorojnë këtë shaka për turp nga njerëzit paturp!

Në vitet e fundit Fanatics nuk janë përqendruar vetëm te misioni i tyre primar, mbështetja e skuadrës në stadium, sepse kanë nisur një luftë të egër me presidentin e Tiranës Refik Halili, i cili cilësohet si fajtori i madh për zbritjen e Tiranës nga kategoria.

Megjithatë, sot edhe Tirana nëpërmjet faqes së vet zyrtare ka uruar Fanatics, pasi fundja klubi nuk mund të qëndrojë indiferent dhe Fanatics e Tirana kanë një lidhje tepër të fortë.

Sot Fanatics bëjnë bilancin e vitit, më i errëti në histori, ndërkohë që lufta me Refik Halilin nuk do të ndalet.

“Kur dhe vetëm disa ore kane mbetur që ky vit të mbyllet, është momenti për të bërë bilancin e ketij sezoni qe lamë pas.

Sezoni më i errët në historinë e jashtëzakonshme bardhe e blu, historinë e mbushur me luftë, grinte, pasion e mbi te gjitha IDENTITET!

E sot, kur mungojnë disa ore deri sa te finalizohet ky vit i trishtë, identiteti është zhdukur, lufte ne fushe nuk shohim me, grintën jo e jo po edhe pasioni i pashtershëm po venitet!

Lart e poshtë gjatë këtij viti, por më shumë në periudhën kohore mbasi KF Tirona ra nga kategoria, dëgjoheshin zëra, deri diku të mbytur dhe jo të sinqertë, të cilët mundoheshin te përgjithësonin fajin dhe ta shtrinin atë edhe tek tifozët.

Por ne rikujtojmë qe nuk ishin tifozët ata që bënë merkato skarco për 4 vite me radhë, as ato qe toleruan ndeshjen me Kukësin, nuk ishin tifozët ata që nuk mundën dot Korabin, që bënë shfaqje te shëmtuara derbi mbas derbi apo edhe barazuan me Laçin kur ky i fundit ishte kthyer në një ekip qe vetëm humbte pike.

Tirona Fanatics nuk pranon kurrsesi se ka pasur ndonjë peshë faji në këtë maskaradë që iu bë Sport Klubit.

Tirona Fanatics tregon një dhe vetëm një fajtor kryesor për gjithçka ndodhi: Refik Halili!

Andaj ky vit që vjen duhet të na gjejë më të fortë, së bashku për te arritur një dhe vetëm një kërkesë!

LARGIMIN E REFIK HALILIT NGA CDO KOPETENCE E SPORT KLUBIT!

Të tjerët, do te vijnë mbas tij…

TF i bën thirrje të gjithë anëtarëve të saj ta ndjekin ekipin dhe organizimet e tifogrupit vetëm për arsyen e sipërpërmendur, edhe për asnjë arsye tjetër!

Bëhemi gati ndoshta për vitin më të vështirë si nga aspekti sportiv ashtu dhe tifozerik, por asgjë nuk na ndal!

Tirona Fanatics 29/12/2017”.

“Ne Jemi TIRONA! TF do të jetë prezent të shtunën ne 18:00 ne stadiumin “Selmon Stermosi”.

Jemi gati! I bëjmë thirrje të gjithë anëtareve dhe jo vetëm, të na bashkohen në sektorin tonë për nisjen e një rruge të gjate drejt rikthimit të Tironës aty ku i takon dhe fillimit të një lufte direkte me fajtoret e situatës aktuale te bardhe e bluve. Nuk do te jemi spektatorë dhe as nuk do të heqim dorë nga kërkesat tona, deri në DORËHEQJEN e ish-presidentit. Ja nisim nga e shtuna.

Bashkë më të forte! Ne do te jemi aty prej orës 17:00.

Tirona Fanatics, Krenaria e Kryeqytetit”.

NJOFTIMI NË FAQEN E VET NË FACEBOOK

“Afër Tironës, Larg Pazareve.

Tirona Fanatics i bën me dije të gjithë anëtarëve të saj që së shpejti do të rikthehemi në stadium. Nuk do rikthehemi për tu bërë palë me ata që klubin më të madh të futbollit shqiptar e përdorin për pazare dhe përfitime personale por përkundrazi.

Rikthehemi për të mbrojtur ngjyrat që ne i konsiderojmë të shtrenjta.

Në rrugëtimin tonë më të errët, ne do të jemi akoma më te bashkuar.

Tirona Fanatics ka vendosur që lufta jonë ndaj një presidence TË DËSHTUAR, të zhvillohet paralelisht me ndjekjen e Tironës dhe ngjyrave të saj pavarësisht ku luan ajo.

Ka ardhur momenti që të gjithë bashkë të përkrahim emrin duke mposhtur ‘personazhet’.

Emri TIRONË është mbi cdo interes dhe mbi çdo individ.

Për detajet e organizimit te radhës do të ketë një lajmërim tjetër.

Afër TIRONËS Larg Pazareve!

MË TË FORTË SE KURRË, TIRONA FANATICS, KRENARIA E KRYEQYTETIT!”.

Ja kërkesat:

1- Bashkia të marrë përgjegjësinë që i takon si aksionere në minorancë.

2- Të mbledhë menjëherë asamblenë e aksionarëve, ku të diskutohet performanca sportive dhe financiare e KF Tirana. Në këtë mbledhje të kërkojë:

1. a) Shkarkimin e menjëhershëm e administratorit te klubit. Emërimin e një administratorit te ri pa lidhje me te vjetrit.
2. b) Shtimin e kapitalit nëpërmjet afrimit te aksionerëve të tjerë.

3- Auditimin nga një kompani e huaj dhe e paanshme të financave tv KF Tirana në vitet e fundit.

4- Zotimin se nuk do tv përfshihet më në menaxhimin e aseteve fizike te klubit, siç u bë ne janar me detyrimin për lejimin e skuadrave të tjera te luajnë në Selman Stërmasi.

Nëse këto kërkesa nuk merren parasysh do të konsideroheni bashkëfajtorë në masë të barabartë për aktin më të turpshëm ndaj vlerave sportive dhe kulturore të qytetit.

Këngë dhe tymues, me tifozët që mbanin në duar edhe parulla dhe foto me legjendat e klubit ndër vite.

Nuk mbaron këtu, sepse “Tirona Fanatics” ka paralajmëruar përshkallëzim të protestave në ditët e ardhshme.

NJOFTIMI

Tirona ra po kurrë nuk do të jetë vetëm!

Te mërkurën në orën 19:00 ne do të jemi ne Elbason.

Nuk shkojmë as për kupa fallco, e as për autokritikë.

Do të jemi aty për të thënë fjalën tonë te fundit!

Tifogrupi ka siguruar transportin për të gjithë anëtarët.

Detajet për organizimin do të dalin në një njoftim të dytë.