Fali Ramadani

Fenerbahçe kërkon dy lojtarët serbë, agjenti shqiptar i futet punës

Sport Ekspres — Fri, 12 Jul 2019 15:46:20 +0000

Fenerbahçe përjetoi një sezon të tmerrshëm, teksa rrezikoi të binte nga Superliga turke për herë të parë në historinë më shumë se 112 vjeçare të klubit. Presidenti Ali Koç kërkon të shmangë përsëritjen e atij makthi dhe për këtë ka filluar të afrojë në ekip emra më eksperiencë.

Sipas medieve turke, klubi nga Stambolli kërkon të blejë kartonët e Aleksandër Kolarov dhe Ljubomir Fejsa. Dy futbollistët serbë janë ende në kontratë me klubet përkatëse, Roma dhe Benfika.

Personi që është në qendër të këtij operacioni është një agjenti i njohur shqiptar, Fali Ramadani. Tetovari është agjenti i dyshes së futbollistëve dhe për momentin ndodhet në Romë për të negociuar për të kartonin e Kolarov, ndërsa me mbylljen e tratativave, radha do i kalojë mesfushorit të Benfikës Fejsa.

Objektivi i madh i Liverpulit, Klop kërkon ndihmë nga një shqiptar

Sport Ekspres — Tue, 18 Jun 2019 11:24:54 +0000

Jyrgen Klop dëshiron të formojë një mur të pakalueshëm në mbrojtje. Kampionët e Europës po kërkojnë një mbrojtës për ta vendosur të krah të Van Dijk. Preferenca e madhe është Kalidu Kulibali.

Senegalezi i Napolit është ndër qendrat më të mira në botë. Drejtuesit e Liverpulit kanë nisur kontaktet me Fali Ramadanin, agjentin shqiptar të 27-vjeçarit.

Për Kulibali interesohen edhe Juventusi, Real Madrid dhe Mançester Junajtid. Ankandi për të nis nga shuma 110-120 milionë euro. Liverpuli po synon të bindë lojtarin nëpërmjet agjentit të tij dhe më pas mund të formojë dyshen më të fortë në botë në qendrën e mbrojtjes.

Joviç i shumëkërkuar, e ardhmja e serbit në duart e një shqiptari

Sport Ekspres — Fri, 29 Mar 2019 09:51:44 +0000

Luka Joviç është kthyer në një ndër futbollistët më të kërkuar në planet. Sulmuesi serb ka spikatur në dy sezonet e fundit në Bundesligë me golat e tij të shumtë, që marrin akoma më shumë vlerë po të marrim parasysh faktin se Joviç është vetëm 21 vjeç.

Të gjitha klubet që janë të interesuara për shërbimet e serbit, duhet të negociojnë me drejtuesit e Ajntrahtit të Frankurtit dhe me agjentin e lojtarit, i cili është një shqiptar. Bëhet fjalë për një emër të njohur si Fali Ramadani.

Shqiptari nga Tetova punon prej dekadash në këtë industri dhe fokusohet më së shumti te futbollistët që luajnë në Gjermani. Krahas Joviç, ndër lojtarët më me emër që Ramadani ka në menaxhim janë Ivan Perishiç, Kalidu Kulibali, Miralem Pjaniç etj.

Perishiç çohet në stol, e ardhmja e kroatit në duart e një shqiptari

Sport Ekspres — Sun, 27 Jan 2019 14:35:54 +0000

E ardhmja e Ivan Perishiç është gjithmonë e më larg Interit. Sipas së përditshmes italiane “Gazzeta Dello Sport”, kroati ka kërkuar që të largohet nga ekipi zikaltër. Për shkak të kësaj aryeje, klubi ka vendosur që 30-vjeçari të qëndrojë në stol përballjes ndaj Torinos.

Klubi i interesuar për lojtarin e përfaqësueses kroate është Arsenali. Interi pranon ta shesë lojtarin, nëse vjen oferta e duhur. Për momentin negociatat kanë ngecur te fakti që “topçinjtë”, kërkojnë ta marrin lojtarin në formë huazimi me të drejtë blerje.

Personi që po ndërmjetëson bisedimet midis dy klubeve është agjenti shqiptar Fali Ramadani. Tetovari është prej vitesh përfaqësues i Perishiç dhe ka qenë pikërisht ai që ka “orkestruar” kalimin e kroatit nga Volfsburgi tek Interi, katër vite më parë.

Fali Ramadani

Fali Ramadani bind Romën, Ynder milioner me kontratën e re

Sport Ekspres — Sat, 15 Sep 2018 09:25:50 +0000

Xhengiz Ynder vetëm pas një viti te Roma do të nënshkruajë kontratë të re, kushtet e së cilës sigurisht që do ta kënaqin sulmuesin turk. Aktualisht ai përfiton më pak se 1 milion euro, ndërkohë që tanimë të ardhura për të minimalisht do dyfishohen.

Roma shpenzoi verën e shkuar rreth 14 milionë euro për ta blerë Ynder te Bashakshehiri, ndërkohë që kontrata e re e sulmuesit do të zgjatë deri në vitin 2023. Momentalisht ajo vlen deri në verën e vitit 2022.

Monçi dhe menaxheri Fali Ramadani e kanë gjetur gjuhën e përbashkëts shkruan Corriere dello Sport. Tanimë mbetet vetëm të zyrtarizohet marrëveshja e re. Përfitimet e Ynder shkojnë në 1.8 milionë euro në sezon, ndërkohë që në kontratë përfshihen edhe bonuse nga të cilat sulmuesi arkëton edhe më shumë të ardhura.