Falkao është në moshën 33-vjeçare aktualisht dhe karrierës së tij me futbollin po i vjen fundi pak e nga pak. Sulmuesi kolumbian e pranon se mund ta mbyllë me fubollin, por jo me sportin e luajtur, pasi dëshiron t’i dedikohet pasionit të tij të vjetër. Falkao kërkon të bëhet një lojtar bejzbolli.

“E dashuroj bejzbollin. Jam rritur në Venezuelë dhe kur kam qenë i vogël e kam praktikuar shumë dhe kam qenë një ndër më të mirët. Kur të mbyll karrierën futbollistike, do të nis një karrierë tjetër si lojtar bejzbolli. Mund të bëhem si Majkëll Xhordan, i cili, pasi la basketbollin, nisi të luajë bejzboll edhe pse nuk arriti të luante në kampionate të rëndësihëm. Dua të bëhem i pari që kam sukses!”

Ekipi i interesuar për 32-vjeçarin është Galatasaji. Kampionët në fuqi të Turqisë, janë vënë në ndjekje të një sulmuesi dhe Falkao është bërë prioriteti i merkatos së klubit.

Rrogat e kolumbianit janë të papërballueshme për financat e Galatasarajit, por në Stamboll janë shumë pranë nënshkrimit të një kontrate sponsorizimi me shifra rekord, që do të bëjë të mundur transferimit e lojtarit.

Ndërkaq, shumë pikëpyetje ngelin mbi fatin e klubit të Monakos, që për momentin renditet në vendin e parafundit të tabelës së kampionatit francez. Në Francë kanë filluar të qarkullojnë lajme se pronarët rus të klubit janë pranë shitjes së aksioneve të tyre drejt një kompanie kanadeze.

Është suksesi i parë në 7 ndeshje për Monakon, që kur në stol është ulur ish-legjenda e klubit dhe kombëtares franceze.

Pensemos en el golazooo de @FALCAO. Más bien ? #Falcao pic.twitter.com/zMUxiZroZh

— M@RYZOL (@MGIRASOL) November 24, 2018

Henri e mori Monakon kur u pushua nga puna Leonardo Zhardim, para 6 javësh, me renditjen që “vajtonte”, sepse skuadra nga principata renditjen në vendin e tretë nga fundi.

Henri la postin e zëvendëstrajnerit të Belgjikës, por në Francë nuk po i ecën, sepse edhe dëmtimet pa fund ia kanë bërë të pamundur punën.

Katër humbje e dy barazime deri dje, kur më në fund erdhi suksesi i parë, që ka vlejtur një hap përpara në renditje, edhe pse vendi i parafundit është shumë pak dhe duhet një ritëm tjetër në vazhdim.

“Një fitore çliruese, na duhej shumë. Jam i lumtur për lojtarët e tifozët, morëm tre pikë që na japin qetësi, por është vetëm fillimi dhe jemi ende në fundin e tabelës. Situata është delikate, jemi të vetëdijshëm. Kalendari është shumë i vështirë, dëmtimet janë të shumta, por nuk duhet të kërkojmë justifikime”, tha Henri, dukshëm më i qetë pas ndeshjes.

Football Leaks, që po demaskon skandalet e futbollit botëror dhe manipulimet për t’iu shmangur rregulloreve, zbulon një histori të para 4 viteve: Falkao ishte gati të kthehej në fushë pas një dëmtimi të rëndë në ligament pësuar në janar 2014, Mançester Junajtid e donte patjetër në “Old Trafford”.

Formula ishte ajo e huazimit për 10 milionë euro dhe të drejtë blerjeje përfundimtare, por Junajtid dëshironte të paguante dy këste: 6 milionë euro menjëherë dhe 4 milionë në fund të sezonit, me kusht që formacioni i drejtuar atë sezon nga Luis Van Gal duhej ta mbyllte në 4 vendet e para në Premier League.

Problemi është se pagesa e lidhur me arritjen e objektivave apo rendimentit nuk lejohej nga Ligue 1, pasi në Francë konsiderohej shkelje e “Fair Play financiar”. Më pas Junajtid dha “OK” për dy kontrata të veçanta për të blerë Falkaon.

Klubi anglez zotohej të derdhte 6 milionë euro për huazimin për sezonin 2014/2015, ndërsa në marrëveshjen e dytë parashikohej që dy klubet të luanin një ndeshje miqësore dhe Junajtid do t’i paguante 4 milionë euro Monakos.

Në atë sezon Falkao shënoi 4 gola në 29 ndeshje dhe Junajtid e mbylli në vendin e katërt në renditje, por këtu lindi problemi, sepse klubi anglez mori pjesë në kualifikueset e Champions League dhe për pasojë miqësorja e planifikuar me Monakon në verën e vitit 2015 u anulua. Paraqitja e dobët e Falkaos bëri që Junajtid të mos e blinte përfundimisht, duke e kthyer në Montekarlo.

Ky edicion nisi si mos më keq, pasi kur janë luajtur 12 javë e shohin veten në vendin e fundit me vetëm 7 pikë. Edhe pse në stol u ul një legjendë si Tieri Henri, rezultatet mungojnë dhe tashmë mund të mendohet vërtetë rënia nga kategoria.

Në fund të ndeshjes me Reims, tifozët u panë mjaft të irrituar me lojtarët e tyre, aq sa tentuan të futeshin në fushë për të folur me ta. Jo pak të revoltuar, ata urdhëruan Falkaon me shokë që të afroheshin dhe të jepnin llogari para tyre. Një situatë mjaft e tensionuar, pasi disa nga lojtarët e Monakos debatuan me tone të ashpra me disa nga tifozët, të cilët ishin gati për të bërë ndonjë budallallëk, aq të nxehur sa ishin.

Të gjendur para kësaj situate në Madrid, po mundohen që të paktën të sigurojnë një sulmues rezervë cilësor, pasi francezi Benzema ka një raport shumë të shpeshtë me dëmtimet sidomos ato me tërheqjet muskulore, diçka kjo që përkeqësohet me kalimin e ditëve.

Sipas medies kolumbiane “OndaCero”, përfaqësuesit e Realit kanë pasur kontakte me Monakon për të afruar në ekip sulmuesin Radamel Falkao. 32-vjeçari shihet si një zgjidhje afatshkurtër derisa në treg të dalë një lojtari i një kalibri Botëror. Te Monako janë gati për ta lëshuar kolumbianin, për t’i hapur rrugë sulmuesve të rinj, Pelegri dhe Syla.