facebook

VIDEO | 15-vjeçari më i kërkuar në planet, vjen firma e parë si profesionist

Sport Ekspres — Wed, 03 Jul 2019 17:14:05 +0000

Në harkun e pak muajve një 15-vjeçar francez ka filluar të marrë vëmendjen e të gjithë medieve sportive. Bëhet fjalë për talentin e akademisë së Lionit, Rajan Çerki. Mesfushori me tipare sulmuese ka filluar të tërheqë interesin e klubeve elitare si Real Madrid dhe Mançester Junajtid.

“Shpërthimi” në famë i 15-vjeçarit ndodhi si pasojë e paraqitjeve të shkëlqyera në “UEFA Youth League”, ku edhe pse luante me kundërshtarë katër vite mëdhenj në moshë.

Klubet elitare janë vërsulur për të bindur adoleshentin, i cili ende nuk ka një kontratë si profesionist. Megjithatë në fund ka buzëqeshur Lioni. Sipas “L’Equipe” 15-vjeçari ka rënë dakord që hapat e parë në futbollin profesionist t’i hedhë në klubin ku dhe është formuar që në fëmijërinë e hershme.

Rayan Cherki’s goal today for Lyon’s U17s. pic.twitter.com/M5e8W7UlKG

— Get French Football News (@GFFN) May 18, 2019

https://www.youtube.com/watch?v=CjW4WvPhuI8

Kukësi kthehet në tribunë politike, ndodh çudia në faqen e klubit

Sport Ekspres — Mon, 04 Mar 2019 18:03:48 +0000

Sot, jetojmë në një kohë kur rrjetet sociale kanë një ndikim të madh, sidomos për klubet e futbollit, pasi me anë të platformave në internet, janë në komunikim të vazhdueshëm me tifozët e tyre. Faqet e klubeve përdoren për të njoftuar ndryshime në skuadër, datat e ndeshjeve ose ndonjë lajm tjetër sa i takon klubit, por te Kukësi ka ndodhur diçka jashtë të zakonshmes sot.

Në faqen zyrtare në “Facebook” te verilindorëve, janë bërë dy postime, ku fillimisht është shpërndarë një postim i Partisë Socialiste Kukës, e më pas është postuar nëj video live e Taulant Ballës. Ndoshta, presidenti Gjici ka ngatërruar faqet e tij politike me atë të klubit…

Rapa kërkon falje: Humbje turpëruese, do japim gjithçka në fushë

Sport Ekspres — Mon, 28 Jan 2019 11:20:15 +0000

Luftëtari u mund ditën e djeshme nga vizitorët e Kastriotit me rezultatin e thellë 5 – 1. Paraqitja e dobët e skuadrës gjirokastrite shkaktoi irritimin e tifozëve, që braktisën shkallët e stadiumit, madje disa shpërthyen në të shara.

Për të qetësuar disi situatën me tifozët ka menduar mbrojtësi Olti Rapa. Tepelenasi ka bërë një postim në llogarinë e tij në “Facebook”, ku u ka kërkuar tifozëve falje gjirokastritë dhe ka premtuar se ai dhe kolegët e tij do të japin gjithçka për të rikthyer skuadrës aty ku i takon.

Postimi i Rapës

Më vjen keq sinqerisht që erdhën gjërat në këtë situatë. Ne radhë te parë doja ti kërkoja ndjesë gjithë tifozëve dhe dashamirësve te Luftëtarit për ketë humbje turpëruese qe nuk ka justifikime. Te Luftëtari u formova dhe u rrita si njeri dhe sportist, gjithë këto vite te paharrueshme ne jetën time me disfata dhe suksese ndaj e ndjej qe kam me shume përgjegjësi se kushdo, te kërkoj ndjesë gjithë opinionit sportiv gjirokastrit. Ndaj e ndjej detyrim dyfish çdo tifozi, dashamirësi nga më i vogli të më i madhi ti premtoj se nga unë i pari dhe gjithë shokët e te japim gjithçka që Luftetari te kthehet aty ku i ka hije . Përzemërsisht Olti Rapa