Diçka e tillë ndodhi sepse tifozët e kujtdo skuadre do ta kishin shumë të vështirë për të udhëtuar drejt Azerbajxhanit. Një natë më parë, dyshimet u vërtetuan dhe gati gjysma e stadiumit ishte e boshatisur, me mijëra ndenjëse që ishin bosh.
Lidhur me këtë çështje foli edhe spanjolli Çesk Fabregas, i cili ka provuar të veshë fanellën e të dy ekipeve londineze në karrierën e tij. Sipas mesfushorit vendosja e finales në Baku ishte e gabuar, pasi futbolli luhet për tifozët dhe pa ta nuk ka kuptim.

“Si lojtarë ne luajmë ndeshjen, por tifozët janë gjithçka në futboll. Lojtarët shkojnë edhe vijnë, por tifozët mbeten gjithnjë aty. Duhet të mendohet më shumë për tifozët se sa për lojtarët”, përfundoi Fabregas.

“Mund të rinovoja me Çelsin e të qëndroja atje, doja të rinovoja, por pastaj erdhi një trajner i ri, i cili mori me vete një futbollist të cilin e kishte si djalin e vet. Për mua u bë e vështirë që të luaja çdo ndeshje. Unë këtë doja të bëja, jam një njeri që e dua futbollin, kjo më bën të lumtur”.

“Ishte e pamundur të luaja çdo ndeshje, edhe nëse unë ose dikush tjetër ishte lojtar më i mirë, për këtë arsye vendosa që t’i bashkohem një projekti të ri. Kemi bërë shumë mirë te Monako, ishim në vend të fundit me 13 pikë kur erdha unë, ndërsa tani kemi 31 pikë”, përfundoi Fabregas.

Edhe pse është larguar nga blutë e Londrës, Fabregas vazhdon të jetë një tifoz i Çelsit dhe një foto e tij e publikuar në rrjetet sociale është kthyer në qendër të vëmendjes.

Krahas legjendës së Barcelonës, Karlos Pyjol në një eveniment bamirësie të zhvilluar në Spanjë, Fabregas është fotografuar duke ndjekur ndeshjen e Çelsit kundër Mançester Junajtid nga telefoni i tij, foto që është shpërndarë më pas edhe nga klubi i Çelsit. Për fat të keq, blutë u mposhtën nga “Djajtë e kuq”, duke u eliminuar nga Kupa FA.

Të njëjtin mendim ndan dhe ish-kolegu i tij Çesk Fabregas, i cili tregoi gjatë një interviste se Hazard e dashuron skuadrën “Los Blancos”, por në të njëjtën kohë spanjolli thekson se respekti i tij për klubin e Çelsit mbetet i madh.

“Ai ka thënë se e ka marrë tashmë vendimin  për të ardhmen e tij. Ajo që di unë është se ai e dashuron Real Madridin. Hazard është 28 vjeç dhe tani do të ishte momenti perfekt për t’u larguar. Ndoshta do të rinovojë me Çelsin, ai kurrë s’do të hapte luftë klubit për t’u larguar. Gjithsesi të gjitha këto janë supozime”, tha mesfushori spanjoll.

??? L’AS Monaco est heureux d’annoncer la signature de Cesc Fabregas en provenance de Chelsea. Le joueur s’engage jusqu’en juin 2?0?2?2?
——-
??? https://t.co/BXeuqzHyq5#WelcomeToMonaco ?? pic.twitter.com/XB8gdPP05J

— AS Monaco ?? (@AS_Monaco) January 11, 2019

Te skuadra nga Principata, Fabregas do të takohet me ish-kolegun te Arsenali, Tieri Henri, i cili prej dy muajsh është emëruar në postin e trajnerit të Monakos. Skuadra nga principata rrezikon të pësojë rënien nga “Ligue  1” dhe eksperienca e Fabregas do të jetë faktor kycc për të siguruar mbijetesën.

Çelsi dhe Monako thuhet të kishin një marrëveshje dhe spanjolli do të udhëtonte drejt Francës këto ditë, por duket se blutë e Londrës janë tërhequr. Shkak mendohet të jetë bërë fakti se, momentalisht trajneri Sarri nuk ka një zëvendësues për Fabregas, pas dëmtimit dhe të mesfushorit Loftus-Çek dhe për momentin çdo gjë ka ndaluar mes dy klubeve.

Ndërkohë, nga ana tjetër, drejtuesit e Monakos nuk duan të humbasin kohë dhe janë hedhur menjëherë në sulm për ish-mesfushorin e Romës, Uilliam Vankër. Francezi, aktualisht aktvizohet me ekipin turk të Antaliaspor dhe më parë ka luajtur dhe për Olimpikun e Marsejës dhe e njeh shumë mirë Ligën e parë franceze.

Në një skuadër ku më shumë se gjysma e lojtarëve ende si ka mbushur 22 vjeç duhet pak eksperiencë dhe Çesk Fabregas shihet si lojtari perfekt. Mesfushori spanjoll është pjesë e Çelsit, ndërsa kontrata e tij me londinezët mbaron në fund të këtij sezoni.

Sipas “L’equipe”, Monako ka gjetur akordin me palën angleze, ndërsa bisedimet me lojtarin po ecin sipas planit dhe brenda kësaj jave, tranferimi i Fabregas do të finalizohet. Te Monako, spanjolli do të ritakohet me kolegun e tij të dikurshëm Tieri Henri.

Klubi kuqezi kërkon që ta ketë për vete që në muajin janar spanjollin, por Çelsi nuk e lëshon pa të paktën 12 milionë euro në tavolinë. Lidhur me këtë fakt, siç raportohet së fundmi, Milan ka gati 8 milionë euro për të ofruar për Fabregas, shifër që konsiderohet si e lartë për drejtuesit kuqezinj, të cilët favorizohen nga fakti që 31-vjeçarit i përfundon kontrata në fund të sezonit.

Për të mos rrezikuar për ta humbur në fund të sezonit me parametra zero, Çelsi mund të ulë pretendimet e saj dhe mund të bindet për t’u ulur në bisedime me 8 milionë euro. Milan gjithashtu, thuhet se do të ofrojë 4.5 milionë euro në sezon për Fabregas dhe do t’i paraqesë spanjollit një kontratë dy-vjeçare.

Duke parë dhe kontratën e mesfushorit që skadon në fund të sezonit, Çelsi mund të detyrohet ta shesë, pasi në rast të kundërt spanjolli do të jetë një lojtar i lirë në verë. Lidhur me këtë çështje ka folur dhe tekniku i bluve, Mauricio Sarri, i cili ka thënë se dëshira e tij është që Fabregas të qëndrojë.

“Kam folur me klubin dhe para një muaji për këtë çështje. E di shumë mirë që nuk është e lehtë, por mendoj se mund të gjendet një marrëveshje. Është i rëndësishëm për ne, pasi është e vështirë të gjesh një mesfushor me teknikën e Fabregas, kështu që mendoj që duhet të qëndrojë”.

“Marrëveshja është e vështirë, pasi klubi kërkon kontratë të shkurtër, ndërsa lojtari kërkon kontratë të gjatë. Çesk është një lider dhe është e rëndësishme për mua dhe stafin që të qëndrojë. Mendoj se do të gjejmë një zgjidhje”.

Mesfushori është përfolur shumë ditët e fundit për një transferim të mundshëm drejt Italisë në janar, konkretisht te Milani. Lidhur me këtë çështje 31-vjeçari u tregua disi i rezervuar duke thënë se për momentin po  luan për Çelsin, por pranoi se si çdo lojtar kërkon që të ketë më shumë minuta.

“Kemi një skuadër të mirë me lojtarë të vlefshëm. Jam në “Stamford Bridge” dhe jam i lumtur, por është e qartë që çdo lojtar kërkon të ketë sa më shumë minuta. Nuk kam folur me asnjeri, por sigurisht që përderisa nuk kam rinovuar kontratën do të thotë që mund të ketë interes për mua në janar. Për momentin mund të them që do të qëndroj deri në fund të sezonit te Çelsi”.

Pas Barcelonës, Fabregas u rikthye përsëri në Premier Ligë, konkretisht në Londër, por këtë herë për të luajtur në radhët e Çelsit. Një transferim, që tifozët e Arsenal nuk e pritën aspak mirë, ku ish-kapiteni i tyre u kritikua shumë për këtë vendim. Fabregas tani fërshëllehet rregullisht sa herë luan në “Fly Emirates”, përballë ish-ekipit të tij.

Pikërisht nisur nga ky fakt, loja virtuale “FIFA 19”, që është një ndër më të përhapurat në botën e lojërave virtuale, ka bërë të mundur detajin interesant. Në qoftë se në lojën virtuale, luhet ndeshja Arsenal-Çelsi, në “Fly Emirates”, sa herë Fabregas vihet në zotërimin e topit do të dëgjohen fërshëllima të shumta nga tifozeria e “topçinjve”. Një detaj me të vërtetë interesant.

La afición del Arsenal silbando a Cesc Fabregas cada vez que toca el balón… #FIFA19 #PS4share pic.twitter.com/Wo6AsY8MkM

— FIFAmanual (@FIFA_manual) October 7, 2018