73-vjeçari, i cili ka luajtur gjashtë sezone me bardhezinjtë dhe i ka drejtuar për dy të tjera nga stoli, e vlerëson shumë 19-vjeçarin holandez dhe e cilëson atë si ndër më të mirët në rolin e tij.

Me blerjen e kapitenit të Ajaksit, Kapelo është i bindur që nuk do të ketë sërish garë për titull në Itali dhe “zonja e vjetër” do të fitojë titullin e nëntë rresht.

“Nëse Juventusi merr De Ligt ka mbaruar gjithçka dhe nuk do të ketë garë për titull. Njësoj si vitet e kaluara dhe llogaritë fillojnë e bëhen për sezonin 2020/2021”, thekson Fabio Kapelo.

As koha nuk do ta mundë këtë disfatë. Megjithatë është koha e analizës dhe Fabio Kapelo i vë pikat mbi “i”. Strategu italian shprehet se Valverde nuk duhet të niste me të njëjtin formacion dhe Barcelona ishte një ekip i shushatur mbrëmë gjatë ndeshjes.

“Valverde ishte i paqartë dhe nuk e di përse e nisi ndeshjen me të njëjtin formacion si të gjysmëfinales së parë. Për mua Kutinjo nuk duhet të kishte startuar. Ai nuk bën asgjë në ndeshjet në transfertë.”

“Barcelona u gjend tri herë para Alison, që bëri pritje të jashtëzakonshme. Katalanasit treguan mungesë përqëndrimi në disa raste dhe gjithçka kulmoi me golin e katërt. Nuk mund të kesh një qasje të tillë loje ndaj një ekipi të rrezikshëm si Liverpul.

Jo vetëm në ‘Anfield’ dhe në rrugët e qytetit të tyre festuan, sepse gëzimi ka qenë i njëjtë edhe në Madrid. Do të ishte vrastare nëse Barcelona fitonte Championsin në qytetin e tyre”, përfundoi Kapelo.

Ish-trajneri i shumë ekipeve të njohura në Itali, por jo vetëm, ka folur për “La Gazzetta”, ku ka zbuluar edhe zhgënjimin e tij më të madh këtë sezon. 72-vjeçari e ka quajtur si pa histori garën për titullin kampion, si dhe ka justifikuar edhe dështimin e Napolit për të rivalizuar Juventusin.

“Kampionati nuk pati histori. Për mua zhgënjimi më i madh ishte Interi. E prisja të ishte ekipi anti-Juve, por isha gabuar. Zikaltrit humbën rrugën. Napoli u përpoq me një trajner si Ançeloti, por eleminimi nga Champions League ndikoi shumë tek ata”, përfundoi Kapelo.

Tre janë emra më intrigues, të cilët mund të zbarkojnë në Madrid: Nejmar, Mbape ose Hazard. Asnjëri nuk transferohet pa 200 milionë euro. Kështu që te Reali duhet të bëjnë gati milionat dhe duket se nuk kanë humbur kohë.

Fabio Kapelo, ish-trajneri i madrilenëve, së fundmi ka qenë në Barcelonë dhe gjatë një takimi ka mësuar diçka në lidhje me fondin që klubi spanjoll do të ketë për merkaton. Tekniku italian, që tashmë është pjesë e Sky Sports si specialist futbolli, ka deklaruar edhe shifrën e “çmendur”.

“Isha në Barcelonë dhe më thanë që këtë vit Reali ka në dispozicion 500 milionë euro për t’i shpenzuar. Unë pyeta: ‘jeni i sigurt?’. Përgjigja ishte ‘po’ dhe erdhi nga një person që di shumë gjëra mbi Realin e Madridit”, është shprehur Kapelo për Sky Sports.

Fabio Kapelo ka vlerësuar lojën e Ajaksit, ndërsa ishte e mendimit se goli i barazimit solli një shpërbërje totale të skuadrës së Juventusit.

“Pashë një Juventus të mirë në pjesën e parë që luajti kundër Ajaksit lojtar për lojtar. Ishin të pafatë ashtu si dhe në Amsterdam pasi goli i barazimit erdhi menjëherë. Në këtë moment Juve u shkri. Ata nuk patën të njëjtin ritëm dhe vetëbesim”.

“Ajaksi ishte i jashtëzakonshëm, ata nuk i lejuan Juventusit të shkelte në zonën e penalltisë së tyre dhe sa herë që merrnin e kontrollin e topit luanin një futboll të jashtëzakonshëm”, tha Kapelo.

Skema 4-3-3, shumë ofensive, edhe pse realisht Kapelo nuk ka qenë adhurues i skemave të tilla, aq sa në sezonin 1993/94 Milani doli kampion me një rekord negativ për sa u përket golave të shënuar dhe duke mos shënuar asnjëherë më shumë se dy gola për takim.

Shumë Milan, shumë Amerikë e Jugut, dy dilema, sepse nuk mund të lësh jashtë emra si Rajkard e Ronaldo Fenomenin.

Portier: Bufon
Mbrojtës i djathtë: Kafu; Qendërmbrojtës: Maldini; Qendërmbrojtës: Barezi; Mbrojtës i majtë: Roberto Karlos
Regjist: Redondo/Rajkaard
Anësor ofensiv i majtë: Saviçeviç; Anësor ofensiv i djathtë: Raul
Sulmues i tërhequr: Toti; Sulmues: Gulit/Ronaldo; Sulmues: Van Basten

Së fundmi 72-vjeçari ishte i ftuar në një emision radiofonik në Itali, ku u pyet se cili ishte futbollisti më i mirë që kishte trajnuar.

Përgjigja ishte e dyzuar. Kapelo ishte në dilemë midis Van Basten dhe Ronaldos, por në fund u duk sikur anoi më shumë nga holandezi, të cilin e trajnoi për katër sezone te Milani, në ndryshim nga Ronaldo me të cilin punoi në vetëm një sezon te Reali (2006/07).

“Është e vështirë të përmend një emër të vetëm. Ndoshta më i miri nga të gjithë lojtarët që kam trajnuar është Marko Van Basten, por dhe Ronaldo (braziliani). Van Basten ishte shumë i veçantë. Kur e kam trajnuar kishte shtuar ca kile, por përsëri kishte cilësi në këmbët e tij, driblonte mirë dhe kishte kualitete të tjera unike. Megjithatë, ka pasur dhe mbrojtës që i veçoj si Maldini dhe Baresi, të cilët s’do t’i harroj kurrë”.

Një ndër trajnerët më të suksesshëm të futbollit, duket se e ka të qartë se kush është më i miri. Sipas Kapelos, Ronaldo është i jashtëzakonshëm, por Lionel Mesi është një gjeni. Njësoj si Pele dhe Maradona, “pleshti” ka lindur një gjeni sipas legjendës italiane.

“Ronaldo është një futbollist i jashtëzakonshëm, por Mesi është një gjeni. Futbolli ka 3 gjeni: Pele, Maradona dhe Mesi. Ronaldo është shumë i fortë, pasi me të mund të fitosh gjithçka, por Mesi është gjeni dhe kjo është diçka tjetër.

U përballa me Mesin kur ai ishte 16 vjeç dhe isha i mrekulluar. Bëri të njëjtat gjëra që bën sot, por 20 vite më parë, sepse ai ka lindur i tillë. Një gjeni. Ai shpik gjëra që të tjerët nuk i shohin. Ronaldo e bëri veten e tij një kampion, por jo gjeni.”

Në një prononcim për “Sky Sports”, 72-vjeçari rikthehet pas në kohë kur drejtonte Realin e Madridit. Klubin mbretëror e ka drejtuar në dy periudha: gjatë sezonit 1996/1997 dhe gjatë një dekade më vonë. Në të dyja rastet nuk ka qëndruar më shumë se një vit, por ka arritur që të fitojë dy tituj kampionë. Gjatë periudhës së parë, ai po haste një problem të madh në repartin ofensiv. Davor Shuker dhe Predrag Mijatoviç nuk dëshironin qw t’i pasonin topin Raulit.

Kapelo i mori dy rebelët sllavë mënjanë, foli me ta, me siguri që nuk kanë munguar as ngritja e toneve, dhe situata u zgjidh. Ekipin fitoi kampionatin në fund të sezonit me vetëm 2 pikë më shumë se Barcelona.

“Spaleti duhet të bisedojë me njerëzit e përfshirë në këtë çështje. Ai nuk duhet të merret me shtypin. Në këto raste, ti duhet të marrësh lojtarët mënjanë dhe duhet të zgjidhësh problemin. Një gjë e ngjashme më ka ndodhur dhe mua kur drejtoja Realin e Madridit. Shuker dhe Mijatoviç nuk preferonin t’ia pasonin topin Raulit. Unë diskutova me të dy dhe diçka e tillë nuk ndodhi më”, përfundon “Don Fabio”.

Trajneri i famshëm ka folur për “Rai Radio 1”, duke vlerësuar punën e Mançinit, ndërsa ndalet dhe te çështje e racizmit. Finalja e Superkupës midis Juventusit dhe Milanit do të zhvillohet në Doha të Arabisë Saudite dhe kjo gjë është diçka e mirë sipas Kapelos, pasi ndihmon në reklamimin e futbollit italian.

Në fund titulli i famshëm i vitit 2006. Kapelo ishte në stolin e Juventusit dhe djemtë e tij triumfuan në fushë, por “Calciopoli” shpërtheu, bardhezinjtë u ndëshkuan dhe titulli i kaloi… Interit. 72-vjeçari e quan diçka të padrejtë, ndërsa e shpjegon mendimin e tij për këtë çështje.

ITALIA – “Mançini ka bërë një punë të mirë, ka grumbulluar talente të rinj, të cilët kanë personalitet dhe shpejtësi për të rikthyer kombëtaren aty ku i takon. Duhet pak më shumë guxim dhe tani duket se ka ardhur, duke u dhënë shansin të rinjve të shprehim cilësitë e tyre.”

SUPERKUPA – “Le ta shpërndajmë futbollin italian nëpër botë dhe të përpiqemi ta promovojmë atë. Kampionati jonë ka qenë numri një dhe më i rëndësishmi në botë. Kemi humbur trenin dhe duhet të përpiqemi të rikuperojmë në një farë mënyre.”

RACIZMI – “Lojtarët duhet të ulen në fushë, por pa marrë penalizime. Kjo gjë do të ndihmojë publikun e pastër dhe ata që ulërijnë ‘buuu’ mund t’i jepnin fund dhe do të ndiheshin të turpëruar me atë që bëjnë. Italia është i vetmi vend ku ultrasit komandojnë dhe lojtarët shkojnë për t’i përshëndetur poshtë tribunës së tyre. 85-90% të tifozëve janë të rëndësishëm dhe jo këta zotërinjtë me pankarta, slogane dhe shumë kompetenca të fituara nga klubet e tyre.”

TITULLI 2006 – “Është qesharake që ai titull iu dha Interit, që u rendit në vendin e tretë dhe u hetua gjithashtu. Guido Rosi (ish-presidenti i federatës italiane) vendosi shumë me ngut, sepse na nevojitej një ekip për të luajtur në Champions. Ishte e padrejtë, rregullat nuk u respektuan dhe drejtësia sportive nuk mund të hetonte plotësisht.”