Fabinho

Kontestime nga tifozët e Liverpulit: Mesi të dënohet për sfidën e kthimit!

Sport Ekspres — Thu, 02 May 2019 17:44:30 +0000

Episodi që solli golin e tretë të Barcelonës përballë Liverpulit (Leo Mesi me goditje dënimi), është kontestuar shumë në Angli, pasi tifozët e kuq mendojnë se ai nuk ishte faull në favor të argjentinasit, por një faull i shkaktuar nga vetë ai në dëm të Fabinjos.

Numri 10 i Barcelonës dhe mesfushori i Liverpulit u përplasën pak metra jashtë zonës dhe për gjyqtarin ishte faull për katalanasit dhe më pas u shndërrua në gol nga “Pleshti”. Tifozët e Liverpulit jo vetëm që ndihen të dënuar nga ky vendim i arbitrit, por kërkojnë që të ketë rishikime të pamjeve filmike, pasi Mesi e ka goditur me grusht Fabinjon dhe duhet të dënohet për ndeshjen e kthimit.

Messi pega un puñetazo al rival merecedor de roja, por su contra el árbitro pita falta y llega el tercero.
VARcelona pic.twitter.com/9LWRPUdD2p

— Xisco (@xisco_manjon) May 1, 2019

Fabinjo duket shumë larg Liverpulit, Milan dhe Juventus “qëndrojnë” pas derës

Sport Ekspres — Fri, 16 Nov 2018 21:38:03 +0000

Një nga transferimet më të bujshme të merkatos së verës që lamë pas, ishte padyshim kalimi i Fabinjos nga Monako te Liverpuli për shumën e 50 milionë eurove. Kur kanë kaluar gati tre muaj që nga nisja e sezonit, gjërat për mesfushorin brazilian nuk duken mirë.

Tetë ndeshje të zhvilluara me fanellën e të kuqve dhe në të shumtën e kohës një alternativë. Kjo dhe mund të jetë arsyeja kryesore e lajmeve të fundit, që raportojnë për një interes të Milanit dhe Juventusit kundrejt mesfushorit, i cili duket shumë larg “Anfield”.

Milani ka shumë dëmtime në mesfushë dhe Fabinjo do të ishte një alternativë mjaft cilësore në janar, pasi një huazim mund të jetë i mundur. Juventus nga ana tjetër, pas dëmtimit të Emre Xhan, po mendon seriozisht për të përforcuar mesfushën në janar dhe braziliani do të ishtë një ide mjaft e mirë. Për momentin janë vetëm spekulime të mediave dhe nuk ka asgjë zyrtare, por Liverpuli dhe Fabinjo duken shumë larg njëri-tjetrit.

Klop bën prapa-kthehu, Fabinjo bën debutimin si titullar në kupë

Sport Ekspres — Wed, 26 Sep 2018 18:10:06 +0000

Pas pak do të nisë supersfida e vlefshme për “Carabao Cup”, midis Liverpulit dhe Çelsit. Një sfidë që vë përballë kryesuesit aktualë të Premier Ligë, gjithashtu dhe dy strategë në fushën e tjanimit, siç janë Jurgen Klop dhe Mauricio Sarri.

Pikërisht Jurgen Klop kishte deklaruar për mediat angleze se për Fabinjon duhej ende kohë për ta parë në formacionin titullar. Pavarësisht se “The Reds” sot luajnë më formacionin e dytë duket se Klop i ka besuar një fanellë titullari mesfushorit brazilian, ndryshe nga çfarë tekniku gjerman kishte thënë në media.

Liverpul dhe Çelsi do të masin forcat përsëri në fundjavë, në një duel akoma më të rëndësishëm, që vlen për Premier Ligë. Ndeshja e fundjavës do të zhvillohet ne “Stamford Bridge”. Gjithsesi fillimisht pritet me interes se kush skuadër do të shkojë më tej në kupën e Anglisë.

Tonight's team to face @ChelseaFC… https://t.co/ZtX4ZpWFho

— Liverpool FC (@LFC) September 26, 2018

Klop i qartë: Fabinjo? Mund të duhet shumë kohë

Sport Ekspres — Wed, 26 Sep 2018 14:15:40 +0000

Liverpul ishte një ndër ekipet më aktive gjatë merkatos së verës. Padyshim një ndër transferimet që ra më së shumti në sy ishte blerja e Fabinjos, nga francezët e Monakos, për shifrën e 45 milionë eurove.

Ajo që po bën edhe më shumë përshtypje në këtë fillim sezoni, është se braziliani ende nuk ka arritur të debutojë në Premier Ligë. Në 6 javët e para, mesfushori ka qenë në stol në vetëm 3 sfida dhe lidhur me këtë temë ka folur dhe trajneri Klop. Tekniku gjerman ka habitur jo pak, teksa ka thënë se Fabinjo mund edhe të debutojë pas 6 muajsh, pasi i duhet të jepet kohë.

“Fabinjo duhet të jetë sa më i natyrshëm dhe këtë gjë po bën pak e nga pak. Që një lojtar të përmirësohet, pasi ka ndryshuar ambient dhe kampionat duhet 6 muaj. Kjo është. Ne nuk duhet të ndryshojmë personalitetin e lojtarëve, ata duhet të jenë të natyrshëm. Është normale që i duhet kohë. Nuk ka asnjë problem tjetër”, ka përfunduar Klop.

Fabinjo është aktivizuar vetëm në Champions, në sfidën ndaj PSG, por dhe në atë ndeshje u aktivizua në minutën e 90-të.