FA

Dhuna në stadiumet angleze, FA kërcënon me deklaratë zyrtare

Sport Ekspres — Fri, 15 Mar 2019 17:24:28 +0000

Futbolli anglez u kthye shumë vite prapa fundjavën e shkuar, pasi në tri takime të ndryshme, pati tifozë që u futën në fushën e lojës dhe goditën lojtarët. Fillimisht, ishte një tifoz i Birmingemit që goditi lojtari i Aston Vilës, Xhek Grilish. Edhe në sfidën mes Arsenalit dhe Mançester Junajtid, një tifoz londinez u konfrontua me mbrojtëin Smolling.

Federata Angleze e Futbollit i ka dënuar rëndë këto veprime, me tifozin e Birmingemit që e ka dënuar me 14 javë burg, ndërsa me tifozin e Arsenalit pezullim të përjetshëm nga të gjitha stadiumet angleze. Për këto dënime dhe për të ardhmen e futbollit anglez, FA doli me një deklaratë zyrtare, ku shkruhej:

“FA, Premier League dhe EFL dënon rëndë të gjitha veprimet absurde të tifozëve që u futën në fushën e lojës fundjavën e shkuar. Federata Angleze ka punuar shumë, në një periudhë shumë vjeçare, vetëm që standartet të rriten dhe të gjithë të shijojnë një ndeshje futbolli. Parimi ynë kryesor është siguria e futbollistëve dhe tifozëve të denjë, prandaj çdo shkelje e parimeve tona do të dënohet ashpër! Pasion, jo helmim!”

VIDEO | “Gangsteri” Kejn ia hedh paq, FA nuk e dënon yllin e Totenhemit

Sport Ekspres — Thu, 28 Feb 2019 16:48:55 +0000

Herri Kejn i ka shpëtuar dënimit nga Federata Angleze pas një konfrontimi që ai pati me kapitenin e Çelsit, Sezar Azpilikueta. Anglezi në nerva e sipër e goditi me kokë spanjollin në ndeshjen që “Spurs” e humbën 2-0 ndaj londinezëve. Ky gjest nuk shpëtoi pa u kapur nga zyrtarët e ndeshjes. Veprimi i Kejn kishte kaluar në investigim dhe sot ka ardhur vendimi zyrtar i Federatës, që ka deklaruar se nuk do të ketë ndëshkime disiplinore ndaj lojtarit.

Kështu, qendërsulmuesi do të jetë i gatshëm për ndeshjen e ardhshme ndaj “Topçinjve” të Arsenalit. Totenhem ka shfaqur një formë jo të mirë në dy ndeshjet e fundit, ku ka regjistruar dy humbje radhazi, një ndaj Bërnlej dhe së fundmi ajo ndaj Çelsit në mbrëmjen e djeshme.

VIDEO | Festoi si i çmendur, federata angleze nuk tregon mëshirë ndaj Klop

Sport Ekspres — Mon, 03 Dec 2018 16:19:23 +0000

Goli i Divok Origit në sekondat e fundit të ndeshjes me Evertonin, bëri që trajneri i “të kuqve”, Jyrgen Klop të dilte krejtësisht nga vetja. Tekniku gjerman filloi të vraponte në fushë e të festonte së bashku me portierin brazilian Alison.

Video bëri xhiron e botës dhe me siguri do të mbahet mend për vite me radhë. Trajneri i Evertonit, Marko Silva, nuk u ndje i fyer nga festimi i Klop, duke thënë se nëse skuadra e tij do të shënonte golin në të njëjtën situatë, nuk do ishte çudi sikur ai të kishte bërë të njëjtin festim.

Por, federata angleze nuk ka pranuar të bëjë një përjashtim, duke e dënuar trajnerin e Liverpulit për thyerje të kodit të sjelljes, çka do të thotë se Klop do të gjobitet për veprimin e bërë.

Nuk është hera e parë që Klop bën një festim të tillë, pasi gjermani ka dhuruar “show” edhe kur ishte trajneri i Maincit, më shumë se një dekadë më parë. Ish-klubi i 51-vjeçarit e ka përshendetur atë me një video të festimit special.

Jürgen Klopp going wild after a last-minute goal? ?

Been there, done that ?@LFC #MerseysideDerby #YNWA #UpTheMainz pic.twitter.com/hTwDRPTXRt

— Mainz 05 English (@Mainz05en) December 3, 2018

Brexit sjell revolucion në Premier League, ja plani

Sport Ekspres — Wed, 14 Nov 2018 20:27:11 +0000

Brexit do të sjellë pasojë në Premier League dhe kjo dihej që kur u votua në Britaninë e Madhe dalja nga Bashkimi Europian. Numri i futbollistëve të huaj do të zvogëlohet ndjeshëm, por klubet ende nuk kanë nisur ta mendojnë mirë diçka të tillë.

Veç Bërnlejit dhe Bornmuthit, që po u japin hapësira lojtarëve vendas, klubet e tjera vijojnë të bazohen tek të huajt. FA pritet t’u sugjerojë klubeve planin e saj që u lejon atyre të kenë deri në 12 lojtarë të huaj. Aktualisht lejohen deri në 17.

Janë jo pak, por 12 skuadra që e kalojnë numrin 12 të lojtarëve të huaj në përbërje dhe duhet menduar që tani të bëhen lëvizjet e duhura. Më 29 mars të vitit 2019 Britania del nga EU, ndërkohë që aktualisht në Premier League janë plot 268 lojtarë që luajnë.

Referuar sugjerimit të Federatës Angleze, 28 prej këtyre lojtarëve janë të detyruar të ikin. Gjithsesi shifrat deri në momentin e hyrjes në fuqi të Brexit do të ndryshojnë dhe llogaritë do të jenë të tjera. Me siguri klubet gradualisht do të nisin të mendojnë të ulin numrin e të huajve, çka do t’i bëjë ata t’i përzgjedhin mirë lojtarët në të ardhmen.