Protagonisti i ndeshjes ishte Rahim Stërling me tripletën e tij, ndërsa në listën e shënuesve pati vend për David Silvën, Zhesus dhe De Brujn.

https://www.instagram.com/p/BxnPeRTn1go/?utm_source=ig_web_copy_link

Me këtë triumf Mançester Siti plotëson tripletën e trofeve lokal në Angli, duke u bërë ekip i parë në Angli që fiton në një sezon, kampionatin, Kupën e Ligës dhe “Fa Cup”.

Mançester Siti 6 – 0 Uotford
Shënues: Silva 26’, Stërling 38’, 81’, 87’, De Brujn 61’, Zhezuz

“Nuk ka pse të ketë dilema. Duhet ta anulojë menjëherë. Kam miq që kanë pasur dasmat në atë ditë si dhe gjëra të tjera me rëndësi. Është faj i tyre, nuk mund të planifikosh asgjë në ditën e finales së Kupës. E di që nuk e keni pritur diçka të tillë në fillim të sezonit. Tani kemi shansin të bëjmë diçka. Kështu që Elton duhet ta anulojë koncertin, më falni djema.”
HISTORIA ME PORTIERËT

Do të jetë mundësia e dytë në histori për të fituar një trofe madhor për londinezët, që në portë deri tani në kupë kanë pasur brazilianin Heureljo Gomesh.

Tashmë 38 vjeç, Gomesh nuk ka luajtur asnjë ndeshje kampionati këtë sezon dhe ka luajtur vetëm në kupa, sipas zakonit në shumicën e klubeve.

Natyrisht, me finalen në horizont, gazetarët kanë ngacmuar titullarin Ben Foster, nëse do të jetë ai në finale, por përgjigja e portierit 36-vjeçar, “ish” i Anglisë, ka qenë fantastike: “Do refuzoj absolutisht! Heureljo Gomesh e meriton të luajë dhe do të luajë, pa asnjë dyshim. Ai nuk e ka zhgënjyer kurrë klubin dhe nuk do ta zhgënjejë kurrë. Ishte fantastik sot dhe ishte mallëngjyese ta shihje kur gëzonte si fëmijë“.

Vetë Gomesh deklaroi për këtë çështje: “Unë edhe kështu kam marrë më shumë nga sa meritoj. I kam thënë klubit që jam këtu për të dhënë ndihmën time, nuk ka rëndësi kush do luajë në finale”.

Një ndeshje e çmendur, mes dy prej befasive të mëdha të sezonit në Premier Ligë, sepse ;këto dy skuadra kanë shkëlqyer dhe me të drejtë kërkojnë edhe një vend në Europa League për të kurorëzuar një sezon perfekt.

Uotfordi e ka pasur më të lehtë rrugën në kupë, duke eliminuar Njukasëll e Kristal Palas ndër të tjerë, ndërsa Ulvs në gjysmëfinale bëri goditjen e madhe, sepse mundi Mançester Junajtid.

Pas një ore loje dukej gjithçka e arkivuar, sepse Doherti në minutën e 36-të dhe i zakonshmi Raul Himenez në minutën e 62-të shënuan 2-0 për Ulvs.

Megjithatë, në Angli ndeshja nuk mbaron kurrë aq shpejt dhe Uotfordi në minutën e 66-të futi spanjollin Deulofeu, i cili kur është në ditë të mbarë, bën mrekulli.

Në minutën e 79-të vetë Deulofeu rihapi ndeshjen dhe në minutën e 92-të sulmuesi tjetër Troj Dini fitoi një 11-metërsh që e konfirmoi edhe VAR, që në Angli përdoret vetëm në Kupën FA. Vetë Dini, me qetësi të admirueshme, barazoi nga pika e bardhë dhe u kalua në shtesa.

Delir total te tifozeria e Uotford, zi tek Ulvs, sepse finalja ishte pak sekonda larg dhe tragjedia në horizont po nuhatej.

Në minutën e 104-t Deulofeu vendosi të siguronte finalen pa pritur makthin e penalltive, duke shënuar një gol të paharrueshëm, që e kthen në hero për klubin e vogël londinez, sepse tashmë do të përballet me Mançester Sitin në finale, me shansin për të fituar trofeun e parë në histori, pas finales së vetme në Kupën FA, në sezonin 1983–84, ku u mund nga Evertoni 2-0.

Të shtunën luhet ndeshje gjysmëfinale e “FA Cup” kundër Brajtonit. Takimi zhvillohet në Londër dhe klubi po has vështirësi në shitjen e biletave. Siti ka shitur 25 mijë nga 30 mijë biletat që ka në dispozicion dhe ka kthyer 2 mijë bileta që i kishte marrë ekstra nga Federata.

Këto janë më të shtrenjtat, pasi çmimi i tyre shkon në 120 sterlina. Tifozët janë ankuar dhe për orarin e ndeshjes dhe orarin e kufizuar të trenave në Londër atë ditë, që do të mundësonte rikthimin e tyre në Mançester.

Nga ana tjetër, drejtuesit e “Qytetarëve” janë befasuar nga kërkesa e Rahem Sterling. Sulmuesi ka vendosur t’u dhurojë disa momentet emocionuese 550 nxënësve të shkollës së tij të vjetër në veriun e Londrës.

Sterling do të paguajë biletat e 550 fëmijëve nga etni dhe vende të ndryshme. Ata do të jenë të pranishëm në mitikun “Wembley” për të ndjekur nga afër idhullin e tyre, ndërsa ky i fundit do të paguajë rreth 20 mijë sterlina vetëm për kënaqësinë e tyre.

“Kjo tregon edhe njëherë se çfarë djali me zemër të madhe është Rahem. U befasuam nga kërkesa e tij. Ai nuk donte që kjo gjë të bëhej publike dhe nuk dëshironte vëmendje. Donte vetëm të bënte një gjë të mirë për nxënësit e ish-shkollës së tij”, sqaron një zyrtar i klubit për “Daily Mail”.

Ndeshjen e zhbllokoi sulmuesi meksikan Raul Himenez në minutën e 70-të. Një naivitet i mbrojtjes së Junajtid i kushtoi shumë skuadrës së Solskjaer që e pa veten në disavantazh.

Në përpjeke për të barazuar rezultatin, Junajtid u hodh i gjithi në sulm, por pas vetëm gjashtë minutash erdhi goditja e nokautit. Sulmuesi portugez Diogo Zhota ndërmerr një aksion personal nga mesi i fushës që e finalizon me një goditje të fuqishme.

Ulvërhempton 2 – 0 Mançester Junajtid
Shënues: Himenez 70’, Zhota 76’

Pas ndeshjes, Guardiola foli për mediat dhe për sa i përket golit tha që i vjen keq që ekipi i tij fitoi me gol të tillë. Tekniku theksoi se duhet të përdoret sistemi VAR, ndërsa përgëzoi dhe Suonsin, për të cilët u shpreh se kishin bërë një ndeshje të pabesueshme.

“Në të gjithë Evropën përdoret sistemi VAR. Këtu nuk ndodh diçka e tillë. Nuk më pëlqen që të fitoj në mënyrë të tillë. Më vjen keq. Gjithsesi më duhet ta përgëzoj Suonsin, ishte e pabesueshme. Por ne nuk u dorëzuam. I rregulluam gjërat dhe kualiteti i lojtarëve tanë bëri diferencën.”

Pamjet nga momenti i golit janë të qarta dhe dukshëm numri 10 i Mançester Sitit është më i avancuar se mbrojtja e Suonsit. Në Kupën FA, VAR-i përdoret, por në këtë rast nuk u përdor, për një arsye të padëgjuar më parë.

Dhoma e VAR-it është hequr nga stadiumi i Suonsit, “Liverty Stadium”, për shkak se skuadra uellsiane militon në Championship, ligën e dytë angleze. Të gjithë këto faktorë kanë acaruar jo pak tifozët e Suonsit, që e ndjejnë se janë eliminuar në mënyrë të padrejtë dhe kanë shpërthyer në rrjetet sociale. Skuadra e tyre ishte shumë pranë gjysmëfinaleve të Kupës FA, por u eliminuan nga një vendim i padrejtë.

Megjithatë, furia e Mançester Sitit ishte e papërballueshme nga lojtarët e Suonsit, që u ndëshkuan tri herë. Fillimisht, ishte Sterling ai që ngushtoi diferencat në minutën e 69’, ndërsa një autogol në të 78’-ën dhe një gol i Agueros në minutën e 89’, vendosi rezultatin finale dhe fitoren e Sitit.

Tashmë, të besuarit e Pep Guardiola kualfikohen për në gjysmëfinalen e Kupës FA dhe shihen si favoritët absolutë për t’i shkuar deri në fund këtij kompeticioni. Siti është në garë për tri trofe dhe Guardiola mund të fitojë një tjetër tripletë në karrierën e tij.

KUPA FA, faza çerekfinale

Suonsi – Man. Siti  2-3
Grimes 20’, Celina 29’ / Silva 69’, Nordfedt (ag) 78’, Aguero 89’

Mesfushori ka shënuar golin e dytë për ekipin e Suonsit në minutë e 29-të, ku ishte një kundërsulm perfekt, i cili u finalizua në mënyrë perfekte nga Celina. Kështu, 22-vjeçari i shënon ish-ekipit të tij, aty ku u rrit, por nuk mundi të gjente hapësira.

Vendasit shpresojnë që ta ruajën këtë avantazh, për të arritur një mrekulli të vërtetë ndaj ekipit të Guardiolës, të cilët udhëheqin Premier Ligën.

Ole Gunar Solskjaer ka zbuluar mënyrën se si bllokoi lojën e ekipit të Sarrit në prononcim e dhënë për “The Mirror” dhe tregon njeriun kyç të fitores së mbrëmshme. Ai ishte Huan Mata, i cili zhvilloi një ndeshje të madhe dhe “paralizoi” nisjen e aksioneve të Çelsit.

“Ka disa mënyra për të ndaluar kundërshtarin. Ata kanë aq shumë lojtarë të mirë, ndërsa ne iu përgjigjem me Huan Matën. Spanjolli bëri një punë fantastike mes dy mbrojtësve qendrorë dhe Zhorzhinjos. U lironte pa probleme nga markimi dhe bllokonte David Luizin. Të njëjtën gjë bënte dhe me Zhorzhinjon, kur braziliani ishte gati për të nisur aksionin. Ritmi i tij ishte fenomenal dhe nuk hezitonte t’i bënte presing as Rudigerit”, përfundon trajneri i Mançester Junajtid.

Ekipi i Solskjaer fitoi pastër me rezultatin 0-2 dhe tifozët e pranishëm në “Stamford Bridge” e humbën durimin. Në shkallë nisën koret ofenduese kundrejt stilit të lojës së Sarrit, ndërsa kishte dhe nga ata që filluan të thërrisnin emrin e Zhoze Murinjos.

Listen to this. Fuck Sarri Ball #CFC #Chelsea pic.twitter.com/d7144mYopI

— Dan (@ITZDANNNO) February 18, 2019

Në pjesën e dytë Sarri vendosi të largonte nga fusha Kovaçiç për t’i lënë postin Barklejt dhe tifozët shpërthyen përsëri: “Nuk e kupton se çfarë po bën”. Një situatë e vështirë për trajnerin italian, i cili ka folur për “Daily Mail”, duke shpjeguar momentin jo të Çelsit. Pankina e tij është në rrezik dhe dy ndeshjet kundër Malmos në Ligën e Europës dhe finalja përballë Sitit të Guardiolës në Carabao Cup janë deçizive për Sarrin.

“Është hera e parë që më ndodh të kontestohem në këtë mënyrë, por ka një herë të parë për gjithçka. Jemi jashtë FA Cup, kështu që mund t’i kuptoj tifozët, por për momentin jam i shqetësuar për rezultatet e ekipit”.

“Shkarkimi? Problemi im i vetëm është të mendoj për ndeshjen e radhës dhe të punoj më lojtarët për të kërkuar që të përmirësohemi. Duhet të jemi më shumë të vendosur dhe agresivë. Nuk jam i shqetësuar për postin tim. Kur isha në Serinë B italiane e kisha këtë shqetësim, por tani, jo. Në këtë moment lojtarët nuk e kuptojnë plotësisht stilin tim të lojës, por mendoj se janë në anën time. Nuk jam shumë i sigurt, por unë kështu mendoj… “, përfundon Mauricio Sarri.

Kështu, Siti i Guardiolës do të përballet me Suonsin. Këta të fundit garojnë në Championship, ndërkohë që do të jetë një takim i veçantë për sulmuesin Bersant Celina. Ky i fundit është nën kontratë me skuadrën e Sitit, por luan si i huazuar te Suonsi.

Junajtid do të ketë një takim interesant me Ulvërhempton, kurse dy përballjet e tjera janë Uotford-Kristal Palas dhe Miluoll-Brajton. Këto takime do të zhvillohen të shpërndara në tre ditë, në periudhën 15-18 mars.

FA CUP – FAZA ÇEREKFINALE (15-18 mars)
Suansi-Mançester Siti
Uotford-Kristal Palas
Ulverhempton-Mançester Junajtd
Miluoll-Brajton

Futbollisti anglez i premtoi shokëve të skuadrës së në rast se mundin ekipin e Premier Ligës, Uest Hem në Kupën FA, do të lyente mjekrën e tij me ngjyrat e skuadrës, të verdhë dhe blu. Uimbëlldoni arriti të bëjë surprizën dhe të eliminojë Uest Hemin dhe Uagstaf duhet të mbante premtimin.

Një ditë pas ndeshjes, sulmuesi anësor postoi disa foto në rrjetet e tij sociale, ku u pa me një mjekër të re. Ndoshta, mjekra më e bukur në botën e futbollit.

Fraksioni i parë nisi mirë për Junajtid, teksa që në fillim “djajtë e kuq” ishin kërkues, duke e dominuar Çelsin. Përpjekjet e ekipit të Solskjaer u shpërblyen në minutën e 31-të, ku ishte Ander Herrera, i cili shfrytëzoi mjaft mirë një krosim perfekt të Pol Pogba.

Ishte pikërisht ky i fundit, i cili shënoi golin e dytë në minutën e 45-të pas një krosimi të Markus Rashford. Kështu, pjesa e parë u mbyll me avantazhin 0-2 të Mançester Junajtid.

Lojtari i përfaqësueses së Kosovës ishte autori i një goli fantastik ku dribloi katër lojtar dhe më pas çoi topin drejt rrjetës.

Futbollisti 22-vjeçar po kalon një formë shumë të mirë dhe te Suonsi është kthyer në një titullar të  padiskutueshëm, ndoshta këto paraqitje mund t’i shërbejnë atij për të rënë në syrin e trajnerit të Kosovës, Bernard Shaland, i cili gjatë vitit të kaluar e ka lënë jashtë grumbullimit në disa raste.

Solskjaer ka ringjallur “Djajtë e Kuq”, të cilët po bëjnë ndeshje fantastike. Këtë gjë e ka pranuar dhe zv. trajneri i Çelsit dhe legjenda e kësaj skuadre, Xhanfranko Zola. Italiani nuk ka ngurruar t’i thurë elozhe trajnerit norvegjez, ndërsa zbulon dhe faktin që puna e tij e mirë nuk e ka befasuar aspak.

“Jam shumë i lumtur për të. Kemi bërë kursin së bashku dhe më vjen shumë mirë që gjërat po i shkojnë ashtu siç duhet. Ai ka qenë gjithmonë i qartë në vizionin e tij dhe tani po tregon të gjitha aftësitë që ka. Do të jetë një sfidë shumë e vështirë përballë Junajtid, por Çelsi i përket këtij kompeticioni dhe duam t’i shkojmë deri në fund”,- u shpreh Zola.

“Citizens”, hasën jo pak probleme në pjesën e parë, teksa ekipet shkuan në pushim me shifrat e bardha 0-0. Në fraksionin e dytë, ekipi i Guardiolës, zhbllokoi rezultatin me anë të Leroi Sane në minutën e 51-të. Më pas, ishte Foden, i cili shënoi golin e dytë në minutën e 75-të.

Për vendasit pati edhe lavdi, teksa dy minuta përpara fundit, shënuan me anë të Amond. Gjithsesi, festa nuk zgjati shumë, pasi në minutën e 90-të, Foden shënoi dhe golin e tretë, ndërsa Mahrez në të 94-tën shëoi përsëri, duke mbylluar gjithçka në shifrat 1-4.

Bëhet fjalë për veteranin Eshli Kol, lojtar që ka luajtur për shumë skuadra të njohura, si Çelsi dhe Arsenal. Edhe pse në moshë të madhe (38-vjeç), mbrojtësi i majtë vazhdon ende të luajë në nivele të larta. Në minutën e 81’ të sfidës, anglezi shkurtoi diferencat, por goli i tij nuk vlejti shumë, pasi Derbi nuk arriti të barazojë dhe u eliminua nga Kupa.

Me këtë rrjetë, Kol bëhet lojtari i dytë më i vjetër që shënon në Kupën FA, pas Billi Hampson (41-vjeç), i cili shënoi në ndeshjen mes Njukasëllit dhe Aston Vilës në vitin 1924.

Vendasit fituan me rezultatin 2-0 dhe tashmë do të përballen me Mançester Sitin në fazën e 1/8 të kupës. Festë e madhe për Njuportin, ndërkohë që ka rënë në sy mungesa e portierit Xho Dej. 28-vjeçari ka patur një gëzim më të madh. Gruaja e tij ishte shtruar në spital gjatë zhvillimit të ndeshjes dhe ka sjellë në jetë dy binjakë.

Portieri ka pritur me padurim fundin e ndeshjes për të nxituar drejt spitalit. Festë e dyfishtë për të, që tashmë është shtuar me dy engjëjt e vegjël.

“Gruaja e Xho Dejt, portierit të Njuportit, ka qenë në pritje të lindjes së dy binjakëve gjatë këtyre ditëve. Ata kanë lindur gjatë zhvillimit të ndeshjes së FA Cup. Sapo arbitri fishkëlleu përfundimin e ndeshjes, Xho ka vrapuar drejt tunelit të stadiumit për t’iu bashkuar gruas së tij në spital. I urojmë fat të mbarë Xhosë dhe familjes së tij”, shkruhet në komunikatën e organizatorëve të FA Cup.

Një mbrëmje e paharrueshme për ekipin modest dhe portierin e saj, ndërsa tashmë ata do të kenë luksin të shijojnë një duel fantastik kundër kampionëve në fuqi të Anglisë.

?? @NewportCounty goalkeeper Joe Day’s wife has been close to giving birth to twins for days.

? Tonight, she went into labour during The Exiles’ 2-0 win over @Boro.

? At the FT whistle, Joe raced straight down the tunnel to be with his wife.

? Good luck Joe and family! pic.twitter.com/w46gD2GjoM

— The Emirates FA Cup (@EmiratesFACup) February 5, 2019

Lukaku dhe Sançez, dy yjet e skuadrës, nuk kishin raporte të mira me njëri-tjetrin, por tashmë duken shumë të afërt dhe ndeshja përballë Arsenalit, e tregoi këtë gjë. Ishte pikërisht Lukaku që asistoi golin e sulmuesit kilian, që ndëshkoi ish-skuadrën e tij.

Në mediat britanike është publikuar një video para këtij takimi, ku Lukaku ka thënë në dhomat e zhveshjes së Sançez do të shënojë golin e parë. E pikërisht kështu ndodhi, edhe me ndihmën e vetë Lukakut…

Fillimisht në minutën e 26-të, anësori brazilian i ekipit të Sarrit, hapi serinë e golave, teksa shënoi nga pika e bardhë, ndërsa në fraksionin e dytë gjeti golin në minutën e 83-të. Më parë, në minutën e 64-të, talenti Hadson-Odoi kishte shënuar dhe golin e dytë. Gjithashtu, vlen për t’u përmendur dhe debutimi i Gonzalo Higuain, i cili luajti për 82 minuta.

Ndërkohë, Totenhemi nga ana tjetër duket se vuan shumë mungesat e mëdha të dyshes së sulmit, Herri Kejn dhe Son. Disfatë për ekipin e Poçetinos, të cilët eliminohen dhe nga “FA Cup” nga Kristal Palas, në një sfidë që përfundoi me shifrat 2-0 në favor të vendasve.

Sfida u zgjidh që në pjesën e parë, teksa fillimisht Uikham, në minutën e 9-të dhe më pas Tausend nga pika e bardhë në minutën e 34-të i dhan avantazhin e dyfishtë vendasve. Vlen për t’u përmendur që në minutat e fundit të pjesës së parë, Triper humbi një mundësi të artë, ku shpërdoroi një 11-metërsh.

Blerja e re e Kardif Sitit nuk arriti të debutojë me ekipin e ri dhe nuk dihet asgjë për fatin e tij. Avioni që po e rikthente në ishull pas takimit të fundit me shokët e Nantes nuk mbërriti kurrë në destinacion dhe nuk ka asnjë gjurmë për të. Policia e Guernseyt u dorëzua pas tre ditë kërkimesh, ndërsa familja e tij bën apel për të rinisur kërkimet.

Dhimbjes dhe vuajtjeve të familjes i janë përgjigjur shumë njerëz dhe në internet kanë nisur organizmin për të mbledhur shumën e 300 mijë eurove. Një gjë e tillë ka ndodhur shumë shpejt dhe paratë janë siguruar.

E veçanta ka ndodhur në ndeshje Miluoll-Everton. Siç raporton “The Mirror”, të dy klubet nuk kanë zbatuar urdhrin për të zbritur në fushë me shirita të zinj. Shkaku? Drejtuesit e klubeve nuk e quajnë të vdekur zyrtarisht sulmuesin dhe besojnë akoma se ai mund të jetë diku duke pritur ndihmë.

Më të vështirë se të gjithë do e ketë Kardifi, që do të zbresë në fushë kundër Arsenalit. Ndeshja e kampionatit zhvillohet të martën dhe për ekipin uellsian do të jetë e vështirë dhe një ndeshje ndryshe nga të tjerat.

Frenki De Jong ishte një nga dëshirat e Pep Guardiolës, por Barcelona fitoi konkurrencën dhe siguroi akordin me mesfushorin e Ajaksit. Holandezi bisedoi me katalanasit, trajnerin Tuhel të PSG, Guardiolën dhe në fund zgjodhi La Ligën.

“De Jong nuk më ka zhgënjyer. Është pothuajse e pamundur të konkurrojmë me Barcelonën ose Realin për prestigjin që kanë, për kampionatin ku luajnë dhe për faktin që janë klube të pabesueshme. Duhet të tregohemi më të shpejtë herën tjetër. Duhet të jemi gati për t’i paraprirë konkurrencës për këta të rinj të talentuar”, përfundon trajneri i Mançester Sitit.

Skuadra e Celinës kaloi në raundin e pestë pas fitores së thellë me shifrat 4 – 1. Situata në kampionat për klubin uellsian nuk ka qenë aspak e mirë, por të paktën drejtuesit e skuadrës mund të sigurohen me faktin që kanë një kontingjent një lojtar që premton shumë si 22-vjeçari i Kosovës.

Në 25 ndeshje në “Championshi”, Celina ka regjistruar katër gola dhe katër asiste. Ecuria e mirë e lojtarit mund të bjerë dhe në syrin e trajnerit të përfaqësueses së Kosovës Bernard Shaland. Qëkur zvicerani u vu në krye të pankinës së Kosovës, 22-vjeçari ka është aktivizuar në vetëm një takim.

Në mënyrë ironike takimin e zhbllokoi Aleksis Sançez që vinte në këtë ndeshje me statusin e “ish”-it. Vetëm dy minuta më vonë Lingard dyfishoi rezultatin për Mançesterin, ndërsa Obamejang ngushtoi diferencën pak minuta para përfundimit të pjesës së parë.

? | Who else but @Alexis_Sanchez? pic.twitter.com/EliETpIppu

— Emirates FA Cup (@EmiratesFACup) January 25, 2019

Gjatë pjesës së dytë “topçinjtë” morën kontrollin e lojës, por pa mundur të jenë konkret me rastet e krijuara. Sigurisht, nuk mund të mungonte një paraqitje klasi e David De Geas.

Martial's Goal vs Arsenal#ARSMUN #EmiratesFACup

https://t.co/WpaRqdr8Zj

— The True Red Devils (@TrueRedDevils__) January 25, 2019

Antoni Marsial arriti të bëhej protagonist i takimit të sotëm edhe pse u fut si rezervë.  Një kundërsulm i udhëhequr nga Pol Pogba u finalizua me sukses nga bashkëkombësi i tij francez.

? | Tony Martial scores again! pic.twitter.com/vneVnX1you

— Emirates FA Cup (@EmiratesFACup) January 25, 2019

Për këtë takim, Klop kishte lënë pushim pjesën më të madhe të lojtarëve të formacionit. Djemtë e akademisë dhe lojtarët e stolit, nuk mundën të përballonin Uolvesin, që ishte rreshtuar në fushë me më të mirët.

Një goditje dënimi e Shaqirit, mund të kishte çuar shifrat në 2 – 1, por fati ishte me vendasit dhe topi përfundoi në shtyllë. Ky eliminim ka dhe një efekt pozitiv, pasi të kuqtë ulin ngarkesën e ndeshjeve, në garën për titullin kampion dhe Champions-in.

Në dyluftim për një top, Sukses, filloi të dilte jashtë vijës anësore të fushës dhe për t’i shpëtuar kontaktit me rreshtat e reklamave që ndodheshin fare pranë, 23-vjeçari shtyu arbitrin anësor që për rastësi u gjend pranë tij.

It hasn't been a good day to be an assistant referee… ???? pic.twitter.com/a8SzJGd52b

— Emirates FA Cup (@EmiratesFACup) January 6, 2019

Arbitri më pas u rrëzua, por fatmirësisht ai nuk pësoi  ndonjë lëndim, madje u duk se e mori me humor, pasi as vetë nuk po i mbante do të qeshurat e këtij incidenti komik. Sukses, i cili ishte shkaktari i këtij incidenti, as nuk e vrau mendjen fare për t’i kërkuar të falur arbitrit, dhe kjo ka sjellë një “stuhi” kritikash në rrjetet sociale.

Nuk është hera e parë që ndodh diçka e tillë, por veçantia e kësaj historie, është pikërisht te personi që kemi përmendur më lart, Pit Uajlld. Prej 28 dhjetorit të vitit që lam pas, anglezi është trajner i klubit të Oldhamit. Që në moshën 5-vjeçare, Uajlld sheh rregullisht çdo ndeshje të Oldhamit dhe është një tifoz i çmendur.

Tashmë, në moshën 33-vjeçare, plot 28 vite më vonë, është në krye të pankinës së klubit që dashuron. Gjithsesi, ëndrra e tij nuk përfundoi me kaq, pasi fati i kishte rezervuar një lavdi, që ndoshta edhe vetë Pit, nuk do ta kishte imagjinuar. E marrim historinë nga fillimi dhe kthehemi vetëm disa ditë më parë, konkretisht në 26 dhjetorin e vitit të kaluar.

Oldham luan kundër Karlis Junajtid në transfertë dhe humbet me shifrat 6-0. Drejtuesit, me të drejtë shkarkojnë trajnerin Frenki Ban dhe në krye të ekipit, vendoset, një njeri që kishte vite që kontribuonte për klubin, si trajner moshash, por jo vetëm. Pikërisht, Pit Uajlld.
Debutimi i Uajlld në krye të Oldhamit nuk mund të shkonte më mirë, teksa triumfoi në transfertë ndaj Port Vales me shifrat 1-4. Kohë për t’u gëzuar nuk kishte, pasi tre ditë më vonë e priste një tjetër ndeshje, këtë radhë në shtëpi ndaj Nots Kauntit. Të zotët e shtëpisë nuk gabojnë dhe marrin një tjetër triumf, këtë herë me shifrat 2-0.

Pas sfidës ndaj Nots Kauntit, vinte përballja në skenën e madhe të “FA Cup”, pasi në Angli, formula e kupës është e tillë që edhe ekipe të vogla si Oldham, të kenë mundësi të ndeshen me ekipe të Premier Ligës. Shorti, prej kohësh i kishte rezervuar ekipit nga “League Two”, një sfidë “luksi”, ndaj Fulhemit, që këtë vit luan në Premier Ligë.

Në kohën kur shorti i rezervoi një kundërshtar si Fulhemi, tifozi Pit Uajlld, i cili kurrsesi nuk linte ndeshje pa e parë, menjëherë mori biletë për atë ndeshje. Tanimë, atë biletë Uajlld nuk dihet kujt mund t’ia ketë dhuruar, pasi sfidën do të duhet ta “ndiqte” nga stoli, si trajner i ekipit të tij të zemrës. Pjesa e parë shkon mirë për “diletantët” e Oldhamit. Barazim në fushën e Fulhemit, jo keq.

Fraksioni i dytë, nis i hidhur për miqtë, pasi Fulhemi kalon në avantazh në minutën e 52-të. Gjithsesi, Oldham nuk e ul kokën, por gjen forcë dhe në minutën e 76-të barazon çdo gjë me anë të Surrixh. Më pas, dy minuta përpara fundit, Lang çon në qiellin e shtatë ekipin e tij, teksa shënon golin e fitores. Oldhami kalon më tej në “FA Cup”, duke eliminuar Fulhemin.

The caretaker manager of Oldham Pete Wild is my new favourite person pic.twitter.com/PaxyDnC7A9

— The Football Hub (@TheFootbaIlHub) January 6, 2019

Në fundin e takimit, trajneri i Oldhamit foli shkurt për mediat, duke u shfaqur mjaft i lumtur për kalimin më tej. Ekipi i tij, arritjen më të madhe në “FA Cup” e ka në vitet 1990 dhe 1994, ku në ato kohë shkonte deri në gjysmëfinale, por në të dyja rastet ka qenë Mançester Junajtid, që e ka eliminuar.

“Dua Mançester Junajtid në shortin e raundit të radhës. Ata më kanë shkatërruar fëmijërinë në vitet 90”, ishin fjalët e numrit një të stolit të Oldham. Të hysh në librat e historisë është diçka që duket e vështirë, por për Pit Uajlld, mjaftuan vetëm 10 ditë…

ERDI KËRÇIKU 

Stërling, Foden Zhezuz, Mahrez, Otamendi dhe Sane shënuan për “citizens”, ndërsa pati dhe një autogol të vendasve. Gjithsesi, në ndeshjet e tjera të këtij raundi të “FA Cup”, nuk munguan surprizat.

Oldham, klub i divizionit të parë eliminoi Fulhemin e Kladio Ranierit me rezultatin 2 – 1, ndërsa raundin e kaloi dhe Barnet, që militon në divizionin e pestë, pasi mposhti me rezultat 2 – 1 Shefill Junajtid, skuadër që luan në Championship.

Mançester Siti – Rotherham 7 – 0
Fulhem – Oldham 1 -2
Milluall – Hull Siti 2 – 1
Preston – Donkaster 1 – 3
QPR – Lids 2 – 1
Shefilld Junajtid – Barnet 0 – 1
Uoking – Uotford 1 – 2

Numri 10 i Suonsit luajti 90 minuta, duke qenë lider në mesfushë dhe duke treguar se është një lojtar që premton shumë. I dalë nga akademia e Mançester Sitit, Celina duket se është një nivel më lart se pjesa tjetër e skuadrës së tij.

Suonsi fitoi me rezultatin 0-3, duke e dominuar sfidën. Celina nuk arriti të gjejë rrugën e rrjetës, por çdo aksion i rrezikshëm kalonte në këmbët e tij.

Paraqitjet e mira të kosovarit kanë filluar të trembin skuadrën e Suonsit, pasi oferta nga klube të njohura në Angli nuk mungojnë dhe drejtuesit e skuadrës uellsiane mund të privohen nga shërbimet e tij që në muajin janar.

Arsenali do të përballet në transfertë ndaj Blekpulit në orën 18:30. Të paktën ky është orari zyrtar, që është programuar takimit për t’u luajtur, pasi ka një mundësi që ndeshja të shtyhet për t’u luajtur pak më vonë. Arsyeja e kësaj vonese, është sa e çuditshme aq edhe qesharake.

Një tifoz i vendasve të Blekpulit ka hipur në majë të autobusit të Arsenalit dhe nuk pranon të zbresë nga aty. Një veprim mjaft i çuditshëm nga tifozi anglez, të cilët njihen për çmenduritë e tyre, por diçka të tillë zor se e kishim dëgjuar.

Pikërish ky i fundit, luajti për 64 minuta, ku u zëvendësua më pas nga Markus Rashford. Në momentin që kiliani shkoi të ulej në stolin e “djajve të kuq” ndodhi një incident, që shkaktoi jo pak të qeshura në stafin teknik të Junajtid. Sançez u ul gabimisht në vendin e Ole Gunar Solskjaer. Tekniku norvegjez e kaloi me të qeshura këtë moment, teksa e “përcolli” lojtarin e tij në vendin e tij më pas.

Huan Mata dhe Romelo Lukaku ishin autorët e golave, ku spanjolli shënoi nga pika e bardhë e 11-metërshit në minutën e 22-të, ndërsa belgu shënoi në minutën e katërt shtesë të pjesës se parë. Lukaku konfirmon momentin e mirë, ku shënoi golin e tretë në tre ndeshjet e fundit. Fraksioni i dytë, u administrua mjaft mirë nga “djajtë”, të cilët e mbyllën sfidën me shifrat 2-0.

Ndërkohë, në sfidat e tjera, Uest Hemi kaloi pa probleme Birmingemin me rezultatin 2-0, me gola të Arnautoviç dhe Keroll. Brajton surprizoi Bornmuthin në shtëpi 1-3, duke e thelluar akoma më shumë krizën e javëve të fundit për ekipin e Edi Hauit.

Bornmuth 1-3 Brajton

Bërnlej 1-0 Barnslej

Manccester Junajtid 2-0 Riding

Shefild Uednesdej 0-0 Luton

Shreusburi 1-1 Stok Siti

Uest Brom 1-0 Uigan

Uest Hem 2-0 Birmingem