Everton Sousa Soares

Mungojnë financat, Milani heq dorë nga objektivi kryesor i Leonardos

Sport Ekspres — Thu, 30 May 2019 07:42:57 +0000

Ivan Gazidis premton revolucion pas një viti tjetër dëshpërues. Premtim që bie në kontratiktë me veprimin e fundit të drejtuesve milanistë. Sipas ”Sport Mediaset”, kuqezinjtë kanë hequr dorë nga Everton Souza Soarez. Ylli i Gremios ishte një nga objektivat më të mëdha të Leonardos deri para largimit. Situata e vështirë financiare ka sjellë vendimin e krerëve të klubit kuqezi.

Vlera që Gremio kërkon për ta lënë të lirë xhevahirin e saj është jo më pak se 30 milionë euro. Ky fakt ka sjellë tërheqjen e drejtuesve të Milanit. Një vendim disi i çuditshëm, pasi duke parë situatën në tregun e transferimeve, një vlerë e tillë konsiderohet më se normale. Gjithsesi mbetet të shohim se kush do të jetë objektivi i radhës për Milanin, që këtë merkato e ka të domosdoshme të jetë shumë aktiv.

Leonardo hedh sytë nga Brazili, synohet një tjetër Paketa

Sport Ekspres — Fri, 22 Mar 2019 15:14:46 +0000

Drejtuesit e Milanit vazhdojnë punën për gjetjen e elementëve cilësorë për Milanin. Leonardo dhe Maldini po monitorojnë lojtarë të ndryshëm. Braziliani ka hedhur sytë nga vendi i tij, aty ku ka talente pafund.

Leonardo ka zbuluar më parë emra si: Kaka, Tiago Silva dhe së fundmi Lukas Paketa. Sipas “Gazzetta dello Sport”, tre janë objektivat brazilianë të kuqezinjve të “Djallit”. Në listën e Leonardos gjenden emrat e Everton Souza Soares, sulmues i Gremios dhe dyshja e Korinthiasit: Pedrinjo e Fabrisio Ojia.

Pedrinjo (mes) dhe Fabricio Oia (djathtas)

I pari është 23 vjeç, bën mirë të gjitha rolat e sulmit, por mbetet problem klauzola e largimit prej 80 milionë eurosh. Edhe dyshja e Korinthiasit pëlqehet shumë. Pedrinjo është 20 vjeç, ndërsa Oia një vit më i vogël. Të dy luajnë në sulm.

Reinier

Një tjetër emër që preferohet shumë është edhe Reinier i Flamengos. Ai është 17 vjeç dhe aktivizohet në rolin e organizatorit. Për këtë të fundit interesohen edhe Liverpuli, Real Madrid dhe Mançester Siti.

Një tjetër brazilian për Milanin, Leonardo përgatit surprizën

Sport Ekspres — Thu, 07 Feb 2019 17:42:40 +0000

Leonardo është një mjeshtër i zbulimit të talenteve dhe Brazili është bastioni i tij. Drejtuesi i Milanit është gati t’iu dhurojë tifozëve të “Djallit” një tjetër lojtar të talentuar nga vendi i sambës.

Siç raporton “Tuttosport”, Milani po ndjek Everton Sousa Soares, lojtarin e Gremios. 22-vjeçari luan në rolin e fantazistit, por bën mirë dhe krahët e sulmit. Leonardo po monitoron paraqitjet e lojtarit dhe është gati të formojë ofertën e duhur për të.

Soares numëron dy ndeshje të zhvilluara me kombëtaren e Brazilit, ndërsa debutoi me kombëtaren bashkë me Lukas Paketën. Ai cilësohet si një nga lojtarët më të talentuar në Brazil dhe tifozët e Milanit shpresojnë që Leonardo të arrijë sa më shpejt akordin për të transferuar Soaresin në fund të sezonit në Milanelo.