Unai Emeri kërkon një “ish”, Arsenali gati t’i plotësojë dëshirën

Sport Ekspres — Sat, 29 Dec 2018 11:22:20 +0000

Arsenal po bën mirë nën drejtimin e Unai Emeri, pavarësisht se rivaliteti në kampionatin anglez është shumë i fortë. Titulli është shumë larg, ndërsa objektivi i ekipit mbetet sigurimi i një vendi në katërshen e parë, që mbahet nga Çelsi me dy pikë më shumë.

“Topçinjtë” kanë një objektiv në merkato dhe ai është Ever Banega. Unai Emeri ka punuar me argjentinasin te Sevilja dhe kërkon ta transferojë atë në Londër për t’i dhënë stabilitet taktik ekipit. Klauzola e Banegës është 20 milionë euro dhe Arsenali është gati ta paguajë atë shumë.

Banega dhe Unai Emeri gjatë kohës kur ishin te Sevilja

30-vjeçari është kontaktuar, ndërsa ai nuk është i bindur për një lëvizje të tillë. Mesfushori gjendet shumë mirë në Andaluzi, ndërsa Arsenali pret përgjigjen e tij me shpresën që Banega të pranojë ofertën e tyre dhe të vihet nën urdhrat e Unai Emeri që në janar.

Objektivi i Arsenalit në merkato, Emeri pranë bashkimit me Banegën?

Sport Ekspres — Fri, 21 Sep 2018 17:44:35 +0000

Arsenali po mendon të përforcojë mesfushën në merkaton e janarit. Klubi londinez e ka të qartë se çfarë dëshiron dhe ai është Ever Banega. 30-vjeçari luan me Seviljen, por siç citon “The Sun”, ai mund të transferohet tek Arsenali.

Unai Emeri, i cili ka punuar te Sevilja me argjentinasin, e pëlqen shumë lojtarin dhe e sheh si një përfocim të mirë për ekipin e tij. Çmimi i Banegës sillet rreth 18-milionë eurove, edhe pse kontrata me Seviljen i skadon në verën e ardhshme.

Kjo do të jetë prova e parë për Raul Sanlehi, i cili zëvendësoi Ivan Gazidis, që u largua drejt Milanit. Emeri kërkoi mesfushorin dhe gjatë merkatos së janarit, por lojtari vendosi të qëndrojë në Andaluzi. Trajneri spanjoll i “Topçinjve” nuk dorëzohet dhe i ka kërkuar Sanlehit të nisë tratativat për të siguruar shërbimet e Ever Banegës.