Siç raporton “Gazzetta dello Sport”, zgjedhja e parë e kuqezinjve është Eusebio Di Françesko, ndërsa alternativa mbetet Gasperini i Atalantës. Ish-trajneri i Romës është i preferuari i Leonardos, por braziliani rrezikon vetë postin nëse Milani nuk arrin objektivin kryesor.

Për Di Françeskon interesohet edhe Sevija, por ai dëshiron Milanin, që ka gati një rrogë prej 3 milionë eurosh në sezon për të. Tashmë pritet vetëm të nisin negociatat, por gjithçka pritet të marrë zgjidhje përfundimtare pas mbylljes së kampionatit.

Pikërisht kjo ka qenë edhe arsyeja e krisjes së argjentinasit me ish-trajnerin e tij. Pastore ishte kthyer në një zëvendësues të Zaniolos apo Pelegrinit dhe kjo situatë e shqetësonte. Në një moment kur Di Françesko e kishte thirrur të futej në lojë në pjesën e dytë, 29-vjeçari e ofendoi trajnerin. Situatë kjo që e minimizoi në maksimum minutazhin e fantazistit në fushë për aq kohë sa trajneri 49 vjeçar ishte në stolin e Romës.

Di Françesko ka përfituar për të udhëtuar në fundjavë drejt Spanjës, konkretisht në Andaluzi. 49-vjeçari ka ndjekur nga afër derbin Sevilja-Betis dhe ka takuar Monçin, mikun e tij me të cilin punoi te Roma.

Të dy bashkë kanë diskutuar edhe për mundësinë e uljes së Di Françeskos në stolin e Seviljes. E gjitha në kuadër të një bisede normale, edhe pse drejtori sportiv spanjoll do preferonte shumë t’ia besonte këtë rol italianit. Ky i fundit duhet të gjejë akordin me klubin spanjoll dhe të fitojë konkurrencën me Havi Gracian, trajnerin e Uotfordit në Premier Ligë.

Sipas burimeve të së përditshmes italiane “La Stampa”, numri një i klubit roman ëndërron të sjellë Antonio Konten në krye të skuadrës së tij romane. Firma me ish-trajnerin e Juventusit dhe Çelsit do të jetë tejet e vështirë, prandaj në tavolinë janë dhe dy opsione të tjera.

Bëhet fjalë për ish-trajnerin e Fiorentinës Paulo Soza dhe Vinçenco Montelën, ky i fundit e ka drejtuar Romën për një periudhë të shkurtër në vitin 2011. Në ndryshim nga Konte, i cili është në një proces gjyqësor ende të pazgjidhur me klubin e Çelsit, diçka kjo që e pengoi të negocionte me Real Madridin, pas shkarkimit të Lopeteguit.

Siç citon “Corriere dello Sport”, Monçi preferon një huazim 18 mujor, por kërkon dhe të drejtën e blerjes së tij. Palët po punojnë për të përcaktuar detajet e marrëveshjes, ndërsa Dortmundi do të kërkojë me siguri përfshirjen e klauzolës së riblerjes së Vaigl.

Lojtari numëron dhe 5 ndeshje me kombëtaren e Gjermanisë, ku debutoi me 29 maj të vitit 2016 në miqësoren e humbur përballë Sllovakisë. Roma vazhdon kontaktet me Dortmundin dhe menaxherin e lojtarit, ndërsa Monçi po ngulmon ta marrë lojtarin në huazim deri në vitin 2020, për të paguar më pas për kartonin e tij, ashtu siç verdhezinjtë gjermanë mund ta riblejnë përsëri mesfushorin difensiv.

Nga ana tjetër, Monçi i ka dhënë përsëri besim Eusebio Di Françeskos. Trajneri i Romës rrezikon prej kohësh postin e tij, ndërsa drejtori spanjoll është i bindur që Di Françesko e ka mundësinë për të kaluar këtë situatë të vështirë. Megjithatë, ndeshja e radhës kundër Xhenoas së Prandelit është deçizive dhe për Romën nuk ka asnjë alternativë tjetër përveç fitores.

Verdhekuqtë renditën në vendin e nëntë me 16 pikë dhe kjo është nisja më e keqe e periudhës së presidentit Xhejms Palota. Ky i fundit është i zhgënjyer dhe acaruar me formën e skuadrës dhe po mendon të ndryshojë trajnerin.

Di Françeskos po i rreshket situata nga dora dhe duket sikur ambienti roman nuk beson më tek ai. Zgjidhja? Paulo Souza. Ish-trajneri i Fiorentinës e mbylli eksperiencën në futbollin kinez me ekipin e Tianxhin Kuanxhian dhe është në pritje të ofertave.

Portugezi shihet si pasuesi i denjë i Di Françeskos dhe është i preferuari i presidentit Palota. Ai do e mirëpriste një ofertë për të marrë drejtimin e Romës, gjithmonë nëse djemtë e Di Françeskos nuk rikthehen te rezultatet pozitive, duke nisur që nga sfida e ditës së mërkurë në Champions përballë CSKA së Moskës në Rusi.

Një detaj i veçantë ka ndodhur gjatë ndeshjes së mbrëmshme. Di Françesko i ka ulëritur në një moment kapitenit Daniele De Rosi gjatë ndeshjes. Qëllimi ishte ndërrimi i skemës taktike, pasi Empoli po luante mirë dhe po ushtronte presion.

Kur është pyetur për faktin që po i bërtiste mesfushorit të tij, trajneri ka lëshuar një batutë: “Po i ulërija, sepse De Rosi është i shurdhët dhe nuk dëgjon nga njëri vesh.”

Siç citon “Il Messaggero”, katër ndeshjet e ardhshme do të jenë vendimtare për Eusebio Di Françeskon. Real Madrid, Bolonja, Frozinone dhe Lacio janë ndeshje përcaktuese dhe Roma duhet të kthehet te rezultatet e mira.

Nga ana tjetër, Barcelona vazhdon të jetë e interesuar për Monkin, drejtorin sportiv të Romës. Spanjolli, i cili ka patur të njëjtin rol tek ekipi i Seviljes, pëlqehet nga klubi katalanas, siç citon “Gazzetta dello Sport”, dhe diçka e tillë mund të trazojë ambientin e ekipit.

Roma do të përballet me Realin e Madridit të mërkurën në “Santiago Bernabeu”, ku pavarësisht vështirësisë së madhe, do të tentojë të reagojë dhe ta nisë mbarë fazën e grupeve në Champions.

“Humbëm për shkak të një episodi, por në golin e dytë të pësuar u treguam naivë. Nuk jemi të kthjellët në këtë moment dhe na mungon freskia fizike dhe mentale. I dhurojmë shumë kundërshtarit, siç bëmë me Atalantën. Duhet të reflektojmë, sepse kam përshtypjen që e nisim gjithmonë ndeshjen me frena dore, ndërsa në pjesën e dytë rritemi.

Mbrojtja me tre? Synova t’i jepja siguri dhe kompaktësi repartit të mbrojtjes, por shkoi keq. Duhej të ishim më të aftë për të shfrytëzuar hapësirat që na dha Milani.

Preferova t’i jepja forcë fizike repartit të sulmit me aktivizimin e Shik dhe mendova të aktivizoja Under gjatë ndeshjes. Sistemi i zgjedhur nuk na dha rezultatet e pritura dhe unë jam fajtor për zgjedhjet e bëra”, përfundon trajneri 48-vjeçar i Romës.

Diçka e tillë i ka ndodhur dhe trajnerit të Romës, Eusebio Di Françeskos. Roma dhe Atalanta zhvilluan një ndeshje shumë të bukur dhe spektakolare. Gola, sulme nga të dy krahët dhe një intensitet i lartë gjatë gjithë ndeshjes. Roma po humbiste ndeshjen, por Manolas barazoi në 82’. Në momentin e golit, stadiumi shpërtheu, por më shumë se të gjithë trajneri i Romës.

Di Françesko nuk u përmbajt te goli dhe mbasi goditi me shkelm çfarë kishte para, filloi të godiste pjesën e xhamit të pankinës. Goditje me të majtën dhe pastaj me të djathtën.

Rezultati? Dëmtim i dorës së majtë dhe operacion i nevojshëm. 48-vjeçari ka kryer operacionin me sukses gjatë ditës së sotme dhe në të ardhmen do tentojë të jetë më i qetë, edhe pse goli të transmeton emocione dhe adrenalinë që ndonjëherë të dëmtojnë.

https://www.youtube.com/watch?v=69B2Bm72hUM