Drejtuesit besojnë në aftësitë e tij dhe shprehen se janë të bindur se ai do e rrisë skuadrën me eksperiencën, njohuritë dhe aftësitë që zotëron. Di Françesko ishte i papunë që nga muaji mars, kur u shkarkua nga Roma pas rezultateve të dobëta.

? #DiFrancesco è il nuovo allenatore della #Sampdoria ?? https://t.co/PtZwQpA5j3 pic.twitter.com/7A5wJ6it7E

— U.C. Sampdoria (@sampdoria) June 22, 2019

Di Françesko ka përfituar për të udhëtuar në fundjavë drejt Spanjës, konkretisht në Andaluzi. 49-vjeçari ka ndjekur nga afër derbin Sevilja-Betis dhe ka takuar Monçin, mikun e tij me të cilin punoi te Roma.

Të dy bashkë kanë diskutuar edhe për mundësinë e uljes së Di Françeskos në stolin e Seviljes. E gjitha në kuadër të një bisede normale, edhe pse drejtori sportiv spanjoll do preferonte shumë t’ia besonte këtë rol italianit. Ky i fundit duhet të gjejë akordin me klubin spanjoll dhe të fitojë konkurrencën me Havi Gracian, trajnerin e Uotfordit në Premier Ligë.

Ky ka qenë një sezon i vështirë për Romën. Oshilacione në paraqitje dhe rezultate, ndërsa po i tillë ka qenë dhe për trajnerin. Di Françesko ka qenë gjithmonë në qendër të kritikave dhe mjaftonte një rezultat negative që të giithë të flisnin për shkarkimin e tij.

Siç raporton “Sky Sport 24”, Roma ka vendosur t’i besojë stolin Klaudio Ranierit. Italiani i famshëm mbylli përpara pak ditësh aventurën aspak positive me Fulhemin dhe do të ishte gati të rikthehej tek ekipi me të cilin bën tifozllëk dhe që e drejtoi gjatë viteve 2009-2011.

Roberto Donadoni është një tjetër emër, i cili shihet si pasuesi i Di Françeskos, ndërsa Paulo Souza është shumë afër nënshkrimit të një kontrate 3-vjeçare me francezët e Bordosë.

“Gabimet individuale me Lacion, a do ketë ndryshime? Të flasësh për emra të përveçëm është gabim i madh, është grupi që ka bërë një ndeshje të keqe. Duhet të mendojmë për ndeshjen e nesërme, përtej asaj se kush do të luajë apo jo në krahasim me derbin kundër Lacios. Ka shumë aspekte te një futbollist, nuk është vetëm ai fizik. Është edhe ai psikologjik dhe ka shumë rëndësi që të futemi të qetë në fushën e blertë”.

“Florenci në krahun e djathtë? Gjithçka është e mundur dhe djemtë duhet të jenë të përgatitur. Djemtë nuk dinë asgjë rreth formacionit. Dua t’i shoh në fytyrë lojtarët dhe t’i analizoj ata që më bindin”.

“A keni mbështetje? Derbi ka bërë që të ketë shumë fjalë, por ne duhet të mendojmë për ndeshjen me Porton. Mbështetja është themelore, por nesër do të jetë më e rëndësishme që lojtarët që do të hedh në fushë të bëjnë një paraqitje të jashtëzakonshme, si ato që kemi bërë vjet, veçanërisht në Champions”.

“A do iu dukej e papërshtatshme prania e Paulo Souzës në stadium nesër? Absolutisht jo, një gjë janë deklaratat, tjetër është të shkosh të shohësh ndeshjet. Mund të më ndodhë edhe mua në të ardhmen. Pse, do jetë në stadium Paulo Souza?”, u shpreh Di Françesko.

Drejtuesit e Romës kanë bërë një mbledhje të gjatë pas ndeshjes. Aty kanë marrë pjesë trajneri Di Françesko, zëvendëspresidenti Baldisoni, administratori i deleguar Fienga, drejtori sportiv Monçi me krahun e tij të djathtë Masarën dhe Françesko Toti.

Takimi ka zgjatur deri në orën 1 të natës. Eusebio Di Françesko është konfirmuar në stol dhe drejtuesit dëshirojnë t’i dhurojnë besim dhe qetësi trajnerit e ekipit përpara sfidës kundër Portos në Champions Ligë. Roma do të luajë të mërkurën ndeshjen e kthimit në Portugali. Takimi i parë u fitua nga Roma me rezultatin 2-1.

Gjatë ditës së sotme, trajneri dhe Monçi do të mbajnë një fjalim përpara lojtarëve, ndërsa nuk përjashtohet që të vendoset grumbullimi i ekipit për ndeshjen e sezonit kundër “Dragonjve të Oportos”.

Drejtuesit e klubit i kanë dhënë besim trajnerit për të disatën herë me shpresën që ekipi do të reagojë pas humbjes në derbi dhe do të kualifikohet në çerekfinalet e kompeticionit më të rëndësishëm për klube. Nëse djemtë e Di Françeskos do të dështojnë kundër Portos, atëherë Di Françesko do të rrezikojë seriozisht postin e tij.

Eusebio Di Françesko vlerëson shumë ekipin kundërshtar në konferencën për shtyp dhe analizon rëndësinë dhe presionin e madhe që dhuron një ndeshje e tillë. Të dy ekipet po luftojnë fort për një vend në Champions Ligë dhe nuk lejohen gabimet në derbi.

Manolas është rikthyer dhe është gati për këtë përballje, ndërsa akoma në dyshim mbetet kapiteni De Rosi. Trajneri i verdhekuqve ka një koment dhe për Nikolo Zaniolon. Talenti i Romës do të provojë për herë të parë emocionet e mëdha që të dhuron kjo betejë.

Di Françesko ka besim se ai do të jetë deçiziv, por nuk duhet ngarkuar me shumë presion. Në fund dhe Edin Xheko, i cili është rikthyer të shënojë. Festa me tifozët në golin e fitores kundër Frozinonës i ka bërë mirë ekipit dhe Di Françesko shpreson të përjetojë të njëjtat emocione dhe nesër në mbrëmje.

LACIO – “Derbi është gjithmonë një ndeshje e rrezikshme dhe një farë ‘kurthi’. Lacio është një skuadër e aftë dhe e zgjuar. Do të jetë një ndeshje e vështirë si të gjithë derbit, kundër një ekipi me shumë cilësi. Presioni do të jetë i madh për të dy ekipet. Do të jetë një ndeshje delikate dhe për objektivin Champions të dy ekipeve. Nevojitet zemër dhe duhet të përdorim trurin. Kjo është një përballje unike dhe psikologjikisht të gjithë duan të zbresin në fushë. Kemi punuar mirë gjatë javës dhe jemi gati.”

ZANIOLO – “Ai nuk duhet të jetë shumë i qetë, por i përqendruar, i vendosur dhe cinik, ashtu siç është paraqitur në stërvitje. Kam folur pak për derbin me Nikolon. Ka shumë lojtarë të ekipit që i kanë folur për rëndësinë e madhe të kësaj ndeshje dhe nuk dua ta mbingarkoj më shumë. Ai do të jetë një nga protagonistët dhe presim gjithmonë diçka të rëndësishme prej tij, por le ta lëmë të qetë për derbin e parë që do të luajë.”

MANOLAS-DE ROSI – “Do të jetë i gatshëm për ndeshjen. Dje është stërvitur mirë dhe ka lënë pas dëmtimin. Sot do të stërvitet me ekipin dhe nesër do të jetë i gatshëm për të zbritur në fushë. Sa i përket De Rosit, ai ndodhet në një gjendje të mirë. Daniele e di mirë që është i rëndësishëm për ne menaxhimin e stërvitjeve dhe ndeshjeve. Mund të zhvillojë një pjesë loje, por nuk mund të jap një përgjigje përfundimtare për të.”

XHEKO – “Jam shumë i lumtur me atë që po bën Edini për skuadrën. Ai është përmirësuar shumë në aspektin fizik dhe ndodhet në formë të mirë. Më pëlqen shumë mënyra se si po luan dhe do të jem shumë i lumtur nëse do të shënojë nesër. Goli i shënuar në limite kundër Frozinones ka ofruar skuadrën me tifozërinë dhe uroj që të shoh nesër përsëri ato përqafime dhe festime, edhe nesër kundër Lacios.”

Roma ka gati dy alternativa për zëvendësuesin e Monçit. Zgjidhja e parë mund të vijë nga brenda klubit, me presidentin Palota që po mendon t’i dhurojë postin njërit prej Riki Masarës ose Federiko Balzaretit. Zgjidhja e dytë vjen nga jashtë dhe në “pole” ndodhet Piero Auzilio i Interit, ndërsa alternativat janë Masimiliano Mirabeli dhe Daniele Faxhiano i Parmës.

Në dyshim është dhe e ardhmja e Eusebio Di Françeskos. Trajnerit i duhet të kualifikojë Romën në Champions për sezonin e ri, ndërsa objektivi tjetër është realizuar. Verdhekuqtë u kualifikuan nga faza e grupeve dhe janë një hap larg eliminimit të Portos, por për trajnerin vlen më shumë kalimi në renditje i një prej dy ekipeve milanezë, sesa eliminimi i Portos.

Eusebio Di Françesko ka vlerësuar ekipin e Mihajloviçit dhe është ndalur te lojtari i momentit, Nikolo Zaniolo. 19-vjeçari po dhuron paraqitje pozitive dhe po rritet nga ndeshja në ndeshje. Dygolëshi i tij vulosi fitoren e ndeshjes së parë kundër Portos dhe elozhet për të nuk kanë fund.

Një çështje ka shpërthyer sa i përket numrit të mesfushorit, duke ndarë dhe tifozët romanistë në dy kampe. Ka nga ata që do të preferonin t shihnin numrin 10 në shpinën e Zaniolos, ndërsa shumica mendojnë ndryshe. Ky numër nuk duhet prekur, pasi ai i takon Françesko Totit, legjendës dhe idhullit të Romës.

Trajneri ka dhënë mendimin e tij për këtë situatë, duke bërë thirrje për qetësi. Lojtari po rritet dhe ka nevojë për ndihmën e të gjithëve, ndërsa nuk është momenti për t’i dhuruar një numër të “rëndë” si 10-ta e Françesko Totit.

“Dua të bëj një thirrje publike për atë që po përjeton Zaniolo: lëreni të qëndrojë i qetë. Ai është vetëm një djalosh 19-vjeçar dhe nuk i duhen ngarkuar shumë përgjegjësi. Këto fjalë i them si trajner. Kam dëgjuar se po diskutohet shumë për t’i dhuruar numrin 10, por numri 22 i qëndron shumë mirë në këtë moment. Duhet të tregohemi të aftë për t’i mundësuar rritjen si lojtar, por të njëjtën gjë duhet të bëjë dhe ambienti ynë. Nikolo është një lojtar me një perspektivë të madhe dhe i duhet të tregojë akoma shumë gjëra”, përfundon trajneri i Romës.

NGJASHMËRIA E ME TOTIN ? – “Janë lojtarë të ndryshëm. Një gjë që kanë të përbashkët është se ai është fjalëpakë dhe kërkon gjithmonë topin. Nëse bën një gabim, ai e rimerr topin. Kjo është një virtyt i tij. Ka shumë skuadra që e duan atë, por ai duhet ta dijë se ai ndodhet në një klub të madh që po i ka dhënë mundësi të shkëlqyera”.

“Ai është një lojtar shumë i rëndësishëm. Luan shumë mirë si mesfushor krahu në një mesfushë me tre lojtar, por në këtë moment që gjendemi nuk dua të bëj ndryshime në sistemin e lojës. Është një lojtar që di si të ushtrojë presion, ndërsa bën mirë edhe në fazën sulmuese. Ç’mund të them më shumë ka shpejtësi dhe forcë fizike. Duhet të përmirësohet në situata afër portës, pasi shpeshherë luan topin në qendër në situata ku mund të bëjë zgjedhje më të mira”, përfundoi tekniku i Romës.

Ndeshja e kampionatit kundër Milanit do të vendosë fatin e tij. Vetëm 6 tifozë kanë qenë të pranishëm në “Trigoria”, aty ku sulmuesi Shik u është afruar duke u kërkuar falje. Nëse verdhekuqtë nuk reagojnë kundër ekipit të Gatuzos, atëherë Di Françesko do të largohet nga Roma.

Tre janë emrat favoritë për ta zëvendësuar atë, siç raporton “Corriere dello Sport”. Paulo Souza mbetet favoriti kryesor, por prapa nuk mbetet as Kristian Panuçi. Portugezi është një preferencë e vjetër, ndërsa trajneri i kombëtares tonë është një preferencë e Totit e De Rosit dhe ka si favor faktin që e njeh mirë ambientin.

Drejtuesit e Romës duan një trajner, i cili duhet të pranojë një kontratë deri në fund të sezonit, me opsion rinovimi nëse e dërgon ekipin në Champions Ligë.

Një tjetër emër qarkullon për stolin e ekipit kryeqytetas dhe ai është Mauricio Sarri. Ish-trajneri i Napolit po përjeton një moment të vështirë me Çelsin e tij dhe Roma është gati t’i ofrojë stolin në verë, nëse aventura ishullore nuk shkon mirë për të.

“Duhet t’i kërkojmë falje të gjithë tifozëve për paraqitjen e sotme. E kam të vështirë të shpjegoj çfarë ndodhi. Ishte një ndeshje e menaxhuar keq nga çdo aspekt. Jam i pari që duhet të kërkoj falje për këtë turp. Por, nuk pranoj që njerëzit të më “kryqëzojnë”. Nuk më shkuar në mendje dorëheqja as për një moment. Skuadra akoma është e “sëmurë”, mund të bëjmë sa të doni debat për taktikat, por pa mentalitet është e pavlerë”,

NDESHJA NË FUNDJAVË NDAJ MILANIT – “Duhet të reagojmë. Duhet ta shlyejmë në një farë mënyrë paraqitjen e sotme. Nuk është aspak e lehtë të flasësh pas një ndeshje të tillë, pasi nuk i mendon mirë fjalët që tha”. Përfundoi  Di Françesko.

24-vjeçari po bën mirë me Sasuolon dhe ka shënuar dy gola në kampionat. Trajneri i Romës bën një batutë në lidhje me ndeshjen kundër të birit, zbulon objektivat e ekipit dhe e mbyll me Edin Xhekon, i cili sapo është rikthyer nga dëmtimi, por nuk është akoma në formën më të mirë.

NDESHJA SPECIALE – “Do ta dërgoj familjen time në grumbullim, kështu që gruaja do të ketë mundësi për t’i bërë presion Federikos për nesër. Duke lënë mënjanë shakatë, ai është rritur shumë dhe Sasuolo mbetet një kujtim i bukur për mua. Jemi mbrapa për Championsin, kemi mundësinë për të rikuperuar terren dhe nesër nuk na lejohen gabimet. Duhet ta mbyllim vitin me dy fitore.”

XHEKO – “Kundër Juventusit rrezikuam duke e aktivizuar. Do e vlerësojmë gjendjen e tij për nesër, por mund të jetë i rëndësishëm për ne dhe aktivizimi i tij gjatë lojës. E ndjejmë presionin për momentin, por vështirësitë të japin nxitje për të gjetur zgjidhje dhe për t’u rinisur.”

Roma vinte e pamotivuar në transfertën ndaj çekëve të Viktoria Pëlzen. Në daljen për shtyp në përfundim të ndeshjes, trajneri i verdhekuqve, tha se përveç rezultatit e zhgënjeu paraqitja e disa lojtarëve gjatë pjesës së dy

“Prisja një paraqitje tjetër nga skuadra. Më shqetëson më shumë paraqitja e lojtarëve që të them të drejtën më zhgënjeu shumë. Nga lojtarë të caktuar prisja shumë më shumë. Unë dhe lojtarët duhet të tregojmë se e meritojmë këtë fanellë, sot nuk e bëmë këtë gjë”, tha Di Françesko.

Me humbjen e sotme, ecuria e negative e Romës kap ndeshjen e pestë. Fitorja e fundit e romanëve është ajo ndaj Sampdorias në “Olimpico” më datë 11 shtator, që prej atij triumfi Roma ka regjistriuar tri humbje dhe dy barazime.

DE ROSSI – “Kjo nuk është një sakrificë, çdo lojtar gjithmonë dëshiron të jetë në fushë në një ndeshje të tillë. De Rossi ka karakteristika të ndryshme dhe është një ndër më të rëndësishmit. Lodhja mund të jetë më shumë mendore sesa fizike, por De Rossi nesër do të jetë kapiteni i ekipit tonë.”

TITULLI KAMPION – “Ne nuk jemi pretendentë dhe fusha e ka treguar këtë, na vjen keq të jemi kaq shumë prapa. Por po punojmë për të rikuperuar pikët që kemi humbur në renditje. Duhet të përmirësohemi çdo ditë, besoj në rritjen e ekipit dhe do të përpiqemi të ngjitemi në tabelën e renditjes.”

LËKUNDJA E STOLIT – “Ndeshja është e rëndësishme për të ardhmen e Romës, jo për mua. Unë përfaqësoj Romën dhe përpiqem të bëj më të mirën për të vijuar, duke e mbajtur fanellën e këtij klubi afër. Unë do të përpiqem të bëjë gjithçka për ekipin, jo për Eusebio Di Françeskon.”

MESFUSHA – “De Rosi dhe Nzonzi bënë një punë të mirë ndeshjen e fundit. I vlerësoj që të dy shumë si lojtarë. Kanë karakteristika të jashtëzakonshme. Gjithashtu kemi mesfushorë të tjerë si Kristante dhe Pelegrini, por në këtë moment duke luajtur 4-2-3-1 për ta është pak më e vështirë.”

Në fund trajneri u pyet dhe për marrëdhënien e tij me tifozët, të cilët nuk është se e kanë kritikuar shumë trajnerin për ecurinë jo të mirë, por përkundrazi i kanë dal në krah.

MARRËDHËNIA ME TIFOZËT – “Jam i interesuar që tifozët të duartrokasin djemtë dhe jo trajnerin, lojtarët janë protagonistët që na bëjnë të fitojmë ndeshjet. Tifozët romanistë u panë dhe në Bolonjë, na kanë mbështetur deri në minutën e 85-të pa pushim. Do të jetë detyra jonë t’i shpërblejmë ata.”