Europian

VIDEO | Talentet e Spanjës s’kanë të ndalur, sërish triumf në Europian

Sport Ekspres — Sat, 27 Jul 2019 18:21:35 +0000

Pas triumfit të një muaji më parë në Europianin 21-vjeçarëve, Spanja korr një tjetër sukses duke u shpallur kampione bote në Europianin e grupmoshës U19. Në një finale tërësisht iberike ndaj Portugalisë, Spanja triumfoi me rezultatin 2 – 0.

Protagonisti i finales ishte padyshim mesfushori i dalë nga akademia e Valencias, Ferran Torres, i cili realizoi dopietën e golave që i dha Spanjës trofeun prestigjioz.

FINALJA E EUROPIANTI U19

SPANJË 2 – 0 PORTUGALI
Shënues: Torres 34’, 51’

VIDEO | Mallkimi i Francës vazhdon, Spanja nuk e lëshon “fronin” e Europës

Sport Ekspres — Sun, 07 Jul 2019 20:27:53 +0000

Përfaqësuesja spanjolle e femrave në Basketboll është shpallur fituese e Europianit. “La Roja” ka mundur në finale Francën me rezultatin e thellë 86 – 66. Marta Çargaj ishte lojtarja më e mirë e ndeshej duke shënuar 23 pikë, por çmimi për lojtaren më të mirë të turneut e mori basketbollistja me origjinë senegaleze Astur Ndur.

Kjo është hera e dytë radhazi që spanjollet shpallen kampione të Europës dhe e katërta herë në histori. Ndërkohë, finalja është kthyer në makth për francezët të cilat kanë arritur në ndeshjen e fundit të kompeticionet në katërt turnetë e fundit, por në katërta rastet kanë dalë nga parketi me kokën ulur.

Sarri i fokusuar te kampionati, ndaj PAOK-ut pa tre titullarë

Sport Ekspres — Thu, 20 Sep 2018 07:59:27 +0000

Sot Çelsi do të luajë në transfertë ndaj PAOK-ut në kuadër të edicionit të ri të Europa League. Tekniku i skuadrës londineze, Mauricio Sarri, bëri të ditur para gazetarëve arsyen e mungesës së yllit të skuadrës, belgut Eden Hazard.

“Pas ndeshjes me Kardifin, ai më tha se ndihej pak i lodhur, kështu që e mendova të arsyeshme një pushim për të”, tha tekniku italian. Hazard e ka filluar në mënyrë fantastike sezonin në Premier Ligë, me katër gola në pesë takimet e para. Bashkë me sulmuesin e krahut nuk kanë udhëtuar edhe David Luiz e Mateo Kovaçic, të dy për arsye dëmtimesh.

Në Selanik, Çelsi s’do ta ketë aspak të lehtë. PAOK është në një formë të mirë dhe mbështetja e zjarrtë e tifozerisë vendase do t’i motivojë ata së tepërmi. Skuadra nga Selaniku ka fituar të treja ndeshjet e para në kampionat, por ka shtatë pikë në renditje si pasojë e trazirave në ndeshjen e sezonit të kaluar ndaj AEK-ut, ku presidenti ruso-grek i PAOK-ut, Ivan Savidis, hyri në fushë pas anulimit të një goli nga gjyqtari i takimit në minutën 89-të

Minifutboll/ Shqipëria largohet nga Kievi me humbje

Sport Ekspres — Thu, 16 Aug 2018 16:03:30 +0000

Katër humbje dhe një fitore është bilanci i kombëtares së minifutbollit në evropianin “Kiev 2018”. Një rezultat në pamje të parë zhgënjyes, por duhet përmendim faktin se kjo ishte eksperienca e parë e Shqipërisë në minifutboll, ndërkohë shtetet e tjera pjesëmarrëse kanë eksperienca disa të mëparshme në këtë sport.

Ditën e sotme, kuqezinjtë u mundën nga Bullgaria me rezultatin e thellë 5-0. Përfaqësuesja jonë vinte në takim e pamotivuar, ndërsa skuadra bullgare ishte e motivuar në kulm, pasi luante për të siguruar vendin e dytë, vend të cilën nuk e arritën, pasi Kazakistani mori një barazim të çmuar ndaj Bosnjës së vendit të parë.

Shqipëri 0 – 5 Bullgari
Shënues: Todorov 1’, Petrov 15’, Tabakov 26’, Aleksandrov 27’, Filipov 33’