Rrugëtimi në “Euro2020” nis kundër Turqisë, ja çmimi i biletave

Sport Ekspres — Wed, 13 Feb 2019 22:41:33 +0000

Shqipëria do ta luajë ndeshjen e parë kualifikuese për “Euro2020” përballë Turqisë dhe kjo shihet si një sfidë që mund të fitohet nga kuqezinjtë. Takimi do të luhet në stadiumin “Loro Boriçi” në Shkodër dhe pritet të jetë një stadium i tejmbushur, duke pasur parasysh se kjo është sfida e parë dhe më e rëndësishmja e këtyre kualifikuesve.

Janë publikuar dhe çmimet e biletave nga kompania “blinibileta.com ”. Një biletë në tribunën VIP, kushton 18 mijë lekë (të reja), ndërsa në tribunat A dhe B kushtojnë 8 mijë lekë. Çmimet më të ulëta janë në tribunat C2, C3, C4, E2, E3, E4, që kushtojnë 1 mijë lekë.

Çmimet e biletave

SHORTI | Shqipëria sfidon kampionët e botës, derbi ballkanas për Kosovën

Sport Ekspres — Sun, 02 Dec 2018 11:50:31 +0000

Shqipëria dhe Kosova kanë njohur kundërshtarët që do të kenë në Kualifikueset e Europianit, kompeticion ky që do të zhvillohet në vitin 2020. Skuadra kuqezi ka pretendime madhore, pasi synon që të përsërisë suksesin e “Euro 2016”, ndonëse nuk do të jetë aspak e lehtë.

Në anë tjetër është Kosova që ka pësuar një rritje të jashtëzakonshme në vitin 2018, duke mos pësuar asnjë humbje, ndaj po ashtu do të bëjë një tjetër surprizë të bukur, ashtu si në Ligën e Kombeve.

Mund të konsiderohet një short aspak i favorshëm për Shqipërinë, e cila është shortuar në grupin H. Kuqezinjtë do të ndeshen me kampionët e Botës, Francën. Rival tjetër i fortë do të jetë Islanda, por dhe Turqia. Kundërshtar në letër më të lehtë duket se janë Andorra dhe Moldavinë.

Duhet të kujtojmë që vetëm dy skuadrat e para të grupit do të shkojnë në “Euro 2020”. Në anën tjetër është Kosova që do të jetë në një grup me vetëm 5 skuadra. Skuadra e “dardanëve” është shortuar në grupin A, me Anglinë, Çekinë, Bullgarinë dhe një “derbi” me Malin e Zi.

GRUPI A: Angli, Çeki, Bullgari, Mali i Zi, Kosovë.
GRUPI B: Portugali, Ukrainë, Serbi, Lituani, Luksemburg.
GRUPI C: Holandë, Gjermani, Irlandë e Veriut, Estoni, Bjellorusi.
GRUPI D: Zvicër, Danimarkë, Irlandë, Gjeorgji, Gjibraltar.
GRUPI E: Kroaci, Uells, Sllovaki, Hungari, Azerbajxhan
GRUPI F: Spanjë, Suedi, Norvegji, Rumani, Ishujt Faroe, Malta.
GRUPI G: Poloni, Austri, Izrael, Slloveni, Maqedoni, Letoni
GRUPI H: Francë, Islandë, Turqi, Shqipëri, Moldavi, Andorrë.
GRUPI I: Belgjikë, Rusi, Skoci, Qipro, Kazakistan, San Marino.
GRUPI J: Itali, Bosnje-Hercegovinë, Finlandë, Greqi, Armeni, Litenshtejn.